ایمزٹی وی(صحت)خیبر ایجنسی کی وادی تیراہ کے علاقہ تخت کئی میں آٹھ سال بعد بچوں کو پولیو کے قطرے پلائے گئے ہیں۔ پولیٹیکل انتظامیہ کے مطابق خیبر ایجنسی کی وادی تیراہ کے علاقے تخت کئی میں آٹھ سال کے وقفہ کے بعد پانچ سال سے کم عمر کے بچوں کو پولیو کے قطرے پلائے گئے۔
پولیو مانیٹرنگ سیل کے مطابق تین روز جاری رہنے والی مہم میں 25 پولیو ورکرز نے حصہ لیا اور 36 گھنٹوں کے دوران 67 بچوں کو پولیو کے قطرے پلائے گئے۔