پاکستان شوبز کی اداکارہ و ماڈل علیزے شاہ بولڈ تصاویر اور ویڈیوشیئر کرنےپر کڑی تنقیدکی زد میں آگئیں۔

علیزے کی جانب سے سوشل میڈیا پر ایک اور بولڈ ویڈیو پوسٹ کی گئی ہے جس نے سوشل میڈیا صارفین اور ان کے مداحوں کو حیرت میں ڈال دیا ہے۔

اس ویڈیو میں دیکھا جاسکتا ہے کہ اداکارہ نے انتہائی چھوٹا اسکرٹ اور ٹاپ پہن رکھا ہے اور وہ گھٹنوں کے بل بیٹھی ڈانس کر رہی ہیں۔

اس ویڈیو کے سامنے آنے کے بعد سوشل میڈیا پر اداکارہ کو شدید تنقید کا نشانہ بنایا جارہا ہے اور ناقدین اس ویڈیو کو اداکارہ کی اب تک کی سب سے بدترین بولڈ ویڈیو قرار دیتے ہوئے ان پر سخت جملے استعمال کر رہے ہیں۔

ویب ڈیسک : واٹس ایپ اپنےنئے دلچسپ اور کارآمد فیچرسے صارفین کے لیے مزید آسانی پیدا کرے گا۔

واٹس ایپ اپنے صارفین کی سہولت کے لیے وائس نوٹ کو اب ٹرانسکرائب کرنے کی سہولت سے جوڑ رہا ہے۔

وائس نوٹ ٹرانسکرائب کام کیسے کرتا ہے؟

ٹرانسکرائب فیچر بنیادی طور پر آڈیو چیٹ کو لفظ بہ لفظ ٹیکسٹ نوٹ میں تبدیل کرنے کا ایک آسان طریقہ ہے۔

یہ فیچر واٹس ایپ میں کیسے حاصل کیا جاسکے گا؟

صرف چند اسٹیپ پر عمل کرکے آپ اس فیچر کو حاصل کر سکتے ہیں۔

سب سے پہلے وائس نوٹ کرنا ہے اور پھر واٹس ایپ آپ کو ٹرانسکرائب کا آپشن دے گا، جسے آپ کلک کرتے ہوئے ڈاؤن لوڈ کرسکتے ہیں۔

خیال رہے آپ کا یہ میسج 90 ایم بی سے کم نہ ہو اور یوں وائس نوٹ کا متن آپ کو وائس نوٹ کے نیچے نظر آئے گا۔

واٹس ایپ کی یہ سہولت صرف موبائل فون میں دستیاب ہوگی اور آپ اسے واٹس ایپ ویب پر نہیں دیکھ سکیں گے۔

یہ فیچر انگریزی، ہسپانوی، پرتگالی، روسی اور ہندی زبان میں ہوگا، اس کے علاوہ واٹس ایپ نے وائس نوٹ کو اینڈ ٹو اینڈ انکرپٹڈ رکھنے کی یقین دہانی کروائی ہے جس سے آپ کے میسج محفوظ رہیں گے۔

کراچی میں شاہراہ فیصل آج رات سے صبح تک عام ٹریفک کیلئے بند رہے گی، ٹریفک پولیس کی جانب سے شہریوں کو متبادل راستے اختیار کرنے کی ہدایت کردی گئی۔

ٹریفک پولیس کے مطابق کراچی کی شاہراہ فیصل پر ڈرگ روڈ سے کارساز تک دونوں اطراف کی سڑکیں آج رات 2 بجے سے صبح 5 بجے تک بند رہیں گی۔

ٹریفک پولیس نے شہریوں مطلع کیا کہ کارساز سے حسن اسکوائر اور حبیب رحمت اللہ روڈ بھی بند رہے گی۔

ٹریفک پولیس کے مطابق کراچی ائیرپورٹ سے ٹریفک کو کارساز روڈ اور اسٹیڈیم جانے کی اجازت نہیں ہوگی اس لیے شہری ڈرگ روڈ سے راشد منہاس روڈ اور ملینیم سے نیپا کا راستہ اختیار کریں۔

ٹریفک پولیس کا کہنا ہے کہ شہری بلوچ کالونی پل کے نیچے سے شہید ملت روڈ اور حسن اسکوائر کا راستہ اختیار کریں۔

ٹریفک پولیس کا کہنا ہے کہ ڈرائیور نیپا سے راشد منہاس روڈ، ڈرگ روڈ کا راستہ اختیار کریں۔

لاہور کالج فار وویمن یونیورسٹی نے انٹرمیڈیٹ کلاسز آن لائن کرنے کا اعلان کردیا۔

وائس چانسلرلاہور کالج فار ویمن یونیورسٹی کے مطابق کہ کلاسز کو سائنس بلاک زیر تعمیر ہونے کی وجہ سے آن لائن کیا گیا ہے ۔

نٹر میڈیٹ سائنس سیکشن کی کلاسزکو 25 نومبر سے تاحکم ثانی آن لائن ہونگی۔

کراچی: عالمی دفاعی نمائش آئیڈیاز میں ملک کی پہلی مکمل الیکٹرک کار متعارف کرائی گئی۔

12ویں دفاعی نمائش میں ملک کی پہلی مکمل الیکٹرک کار متعارف کرائی گئی۔

ماہرین نے بتایا کہ 40 ہارس پاور کی یہ کار 660 سی سی کے پیٹرول انجن کے مساوی ہے۔

ماہرین کے مطابق الیکٹرک گاڑیوں کیلئے اہم چیز لیتھیم بیٹری ہے اور پاکستان میں لیتھیم کے وسیع ذخائر موجود ہیں، ملک میں لیتھیم بیڑی کی تیاری سے الیکٹرک گاڑیوں کی قیمت بہت کم ہوسکتی ہے۔

واضح رہےکراچی ایکسپو سینٹر میں عالمی دفاعی نمائش آئیڈیاز 2024 سجائی گئی جہاں غیر ملکی کے ساتھ ساتھ ملکی فوجی ساز و سامان کو خوب سراہا گیا۔

یونیورسٹی آف ہیلتھ سائنسز (یو ایچ ایس) نے نوعمر لڑکیوں کو بلوغت اور تولیدی صحت کے مسائل پر مستند رہنمائی فراہم کرنے کیلئے پیاری بیٹی کے نام سے آن لائن پورٹل اور ہیلپ لائن کا آغاز کردیا ہے ۔

اس اقدام کا مقصد نوعمر لڑکیوں کو ان کے جسمانی، جذباتی اور نفسیاتی صحت کے مسائل کے حل کیلئے مستند رہنمائی فراہم کرنا ہے ۔ پیاری بیٹی پورٹل کو یو ایچ ایس کی ویب سائٹ پر جاری کر دیا گیا ہے ۔

مزید برآں لڑکیاں ہفتے میں دو دن ہیلپ لائن نمبر 99232088 پر ماہرین صحت سے رہنمائی حاصل کر سکتی ہیں۔

لاہور: اسکولوں میں اساتذہ،طلبااور نان ٹیچنگ اسٹاف کی روزانہ کی بنیاد پر آن لائن حاضری لگانے کا حکم جاری کیا ہے ۔

تمام اضلاع کے سی ای اوزاسکول اسٹاف کی آن لائن حاضری کو مانیٹر کریں گے ۔

پی ایم آئی یو نے تمام ایجوکیشن اتھارٹیز کو سیس ایپ پر آن لائن حاضری یقینی بنانے کیلئے ہدایات جاری کی ہیں ۔ڈی ایم او اور ایم ایز آن لائن حاضری کیلئے اسکولوں کا وزٹ کریں گے ۔

مذکورہ افسران دوران وزٹ اساتذہ کو آن لائن حاضری سے متعلق گائیڈ لائن فراہم کریں گے ۔احکامات پر عملدرآمد نہ کرنے والے اسکول سربراہان کیخلاف کارروائی کی جائے گی ۔

پنجاب بھر میں غیر رجسٹرڈ نجی اسکولوں کےخلاف محکمہ اسکول ایجوکیشن پنجاب ایکشن میں آگیا۔

تفصیلات کے مطابق پنجاب محکمہ ا سکول ایجوکیشن کی جانب سے جاری مراسلے میں کہا گیا ہے کہ غیر رجسٹرڈ نجی اسکولوں کی وجہ سے ٹیکس ریونیو کی مد میں نقصان ہو رہا ہے ۔

غیر رجسٹرڈ سکولوں کی وجہ سے رجسٹریشن فیس اور دیگر ٹیکس کا قومی خزانے کو نقصان ہو رہا ہے ۔محکمہ اسکول ایجوکیشن نے ایجوکیشن اتھارٹیز کو ہدایت کردی ہے ۔

ایک ماہ کے اندر اندر غیر رجسٹرڈ سکولوں کا ڈیٹا جمع کیا جائے ۔ محکمہ اسکول ایجوکیشن غیر رجسٹرڈ اسکولوں کی رجسٹریشن کو فوری مکمل کیا جائے ۔

لاہور ہائیکورٹ نے بچوں کو پک اینڈ ڈراپ دینے کا ذمہ داراسکولوں کو قراردےدیا۔

عدالت نے اسکول بسوں کیلئے سکیورٹی ، اٹینڈنٹ ، ملازمہ سمیت دیگر انتظامات کرنیکا حکم بھی دیا۔

لاہور ہائی کورٹ میں سمو گ تدارک کیس کی سماعت کے دوران جسٹس شاہدکریم نے قراردیاکہ بچوں کواسکول لانے اور لے جانے کی ذمہ داری اسکول انتظامیہ پر ہوگی ،عدالت نے حکم جاری کیاکہ سردیوں کی چھٹیوں کے بعد اسکول کے بچوں کو پک اینڈ ڈراپ کے لئے ٹرانسپورٹ فراہم کی جائے ،اسکول تمام انتظامات مکمل کریں، بچوں کی آمد و رفت اسکول بسوں کے ذریعے یقینی بنائی جائے اور جو سکوال احکامات کو نہیں مانے گا اس کو سیل کر دیا جائے ، کوئی اسکول ٹرانسپورٹ سے متعلق والدین کو یہ نہ کہے کہ ہم بچوں کی ذمہ داری نہیں لیں گے ۔

بچےا سکولز کی جانب سے فراہم کی گئی ٹرانسپورٹ پر اسکول آئیں،کسی نے والدین کولیٹرلکھا کہ اسکول ذمہ دار نہیں تواس کیخلاف سخت کارروائی ہوگی۔عدالت نے سموگ کم ہونے کا کریڈٹ پنجاب حکومت کو بھی دیدیا اور حکم دیاکہ محکمہ ٹرانسپورٹ گاڑیوں کی فٹنس سے متعلق 15 دن میں پالیسی بنا کر دے ،محکمہ ٹرانسپورٹ ہر 3 ماہ بعد گاڑیوں کی انسپکشن کا پابند ہو گا اورگاڑیوں کو فٹنس سرٹیفکیٹ جاری کرے گا۔

محکمہ ٹرانسپورٹ کے پاس تمام پبلک اور پرائیویٹ بسوں کا ڈیٹا موجود ہونا چاہئے ۔عدالت نے پنجاب بھر میں کرشنگ پلانٹ لگانے پر بھی پابندی عائد کردی ،جسٹس شاہد کریم نے کہاکہ کنوکارپوس کا پودا ماحولیاتی آلودگی کا سبب ہے ، اس کو تبدیل کیا جائے ۔

لاہور ہائیکورٹ کے جسٹس شاہد کریم نے 3 سال کی بچی کو گاڑیوں کی فٹنس چیک کرنے والے موبائل یونٹس کا افتتاح کرنے کی ہدایت کر دی،کیس پر مزید سماعت 26 نومبر کو ہوگی۔

اسلام آباد: علامہ اقبال اوپن یونیورسٹی میں ’آرٹ آف پیرنٹنگ‘ ورکشاپ کی اختتامی تقریب منعقد ہوئی۔

تقریب میں بطور مہمانِ خصوصی وزیراعظم کامیاب جوان پروگرام کے چیئرمین رانا مشہود احمد خان شریک تھے۔

اختتامی تقریب سےخطاب کرتے ہوئے انا مشہود احمد خان نے کہا علامہ اقبال اوپن یونیورسٹی سے چلنے والا بچوں کی کردار سازی کا مربوط اور پر عزم کارواں پورے پاکستان کی آواز بنے گا،علاوہ ازیںترقی ان اقوام کا مقدر بنتی ہے جہاں نوجوانوں میں آگے بڑھنے کی لگن ہوتی ہے۔

وزارت منصوبہ بندی کی پارلیمانی سیکرٹری وجیہہ اکرم نے کہا ترقی دولت سے نہیں بچوں کو اچھا شہری بنانے سے ملتی ہے۔

تقریب میں علامہ اقبال اوپن یونیورسٹی اور نیکٹا کے مابین فروغ امن کیلئے مشترکہ کوششوں کے معاہدے پر دستخط بھی کیے گئے۔