پنجاب : رائے ونڈ پولیس نے تعلیمی اداروں میں منشیات کی سپلائی ناکام بنا دی۔

کھارا چوک کے قریب مخبری پر مہمند ایجنسی کے رہائشی ملزم شاہ سوار کے قبضہ سے 10 کلو سے زائد چرس برآمد کرکے مقدمہ درج کرلیا گیا ۔

پولیس کے مطابق ملزم رائے ونڈ شہر اور گردونواح کے تعلیمی اداروں میں منشیات کی سپلائی دینا چاہتا تھا۔

اسلام آباد: نیشنل کوآرڈینیٹر آئی بی سی سی فورم چیئرمین وفاقی بورڈ جنید اخلاق کی زیرِصدارت انٹر بورڈز کوآرڈینیشن کمیشن کا 180 واں اجلاس منعقد ہوا۔

اجلاس میںجلاس میں پاکستان کی تعلیمی صورتحال کو بہتر بنانے کے لیے مختلف اہم امور پر تفصیل سے تبادلہ خیال اور ماڈل اسیسمنٹ فریم ورک پر پیش رفت کا جائزہ لیا گیا

اس موقع پریتیم طلبا کو تعلیمی فیسوں میں چھوٹ دینے کے علاوہ ڈیجیٹل کوئسچن آئٹم بینک کے قیام کی منظوری بھی دی گئی، جو ایم اے ایف کے تحت امتحانات کو ہم آہنگ کرے گا۔

س بات پر اتفاق کیا گیا کہ امتحانات کا شیڈول یکساں ہو گا جس کے مطابق مارچ اپریل میں امتحانات شروع ہوں گے اور جون جولائی میں نتائج کا اعلان کیا جائے گا۔

وزیراعلیٰ پنجاب مریم نواز نے طلبہ کو وظائف دینے کے لئے 130 ارب روپے کا ہونہار سکالرشپ پروگرام لانے کا اعلان کر دیا۔

ترجمان محکمہ تعلیم کے مطابق ہونہار سکالرشپ حاصل کرنے کے لئے 68 ہزار سے زیادہ طلبہ نے درخواستیں جمع کروا دیں، سکالرشپ سکیم میں 65 یونیورسٹیز، 359 کالجز اور 12 میڈیکل کالجز کے طلبہ نے اپلائی کیا۔

انہوں نے کہا کہ 130 ارب روپے کا ہونہارا سکالرشپ پروگرام تعلیم دوست اور وزیراعلیٰ کا شاندار اقدام ہے،اسکیم کے تحت 68 ڈسپلن/ مضامین کے طلبہ کو سکالرشپ دی جائے گی، وزیراعلیٰ مریم نواز کے ویژن کے مطابق ہر سال 30 ہزار طلبہ کو سکالر شپ ملے گی۔

ترجمان کا مزید کہنا تھا سکالر شپ سکیم میں انڈر گریجویٹ ڈگری پروگرام کے طلبہ کی 4 سے 5 سال تک کی مکمل ٹیوشن فیس ادا کی جائے گی، سکالر شپ پروگرام سے 22 سال سے کم عمر اور 3 لاکھ سے کم آمدن والے پنجاب کے شہری مستفید ہو سکیں گے۔

لاہور: کنگ ایڈورڈ میڈیکل یونیورسٹی کے تحت14 واں کانووکیشن کا انعقاد کیا گیا،جس میں صوبائی وزیر صحت خواجہ سلمان رفیق نے بطورمہمان خصوصی شرکت کی۔

جلسہ تقسیم اسناد کی تقریب میں کل 18 گریجوایٹس کو مختلف میڈلز سے نوازاگیاجبکہ صوبائی وزیر صحت نے نمایاں اور کامیاب طلبہ و طالبات میں گولڈ میڈلز، نقد انعامات اور ڈگریاں تقسیم کیں

کانووکیشن میں وائس چانسلر پروفیسر ڈاکٹر محمود ایاز، پرو وائس چانسلر پروفیسر محمدمعین، رجسٹرار پروفیسر محمد عمران، پروفیسر احسن نعمان فیکلٹی ممبران اور ایم بی بی ایس گریجوایٹس سمیت ان کے والدین نے بھی شرکت کی۔

رجسٹرار پروفیسر ڈاکٹر محمد عمران نے گریجوایٹس اور پروفیسر احسن نعمان نے پوسٹ گریجوایٹس سے خدمت انسانیت کا حلف لیا۔۔ڈاکٹر صباح ستار 9 میڈلز حاصل کر کے بیسٹ آل راؤ نڈر قرار پائیں۔تمام مضامین میں اول پوزیشن حاصل کرکے 9 میڈلزحاصل کرنے والی ڈاکٹر فاطمہ رجب تھیں جن کو یونیورسٹی کی جانب سے دو لاکھ روپے انعام دیا گیا۔

پوسٹ گریجوایٹ کرنے والوں میں ڈاکٹر مریم عزیز سرجری اینڈ آلائیڈ سپیشلٹیز میں نمایاں قرار پائیں۔ ڈاکٹر راؤ ناصرہ سلیم نے جنرل سرجری میں نمایاں پوزیشن حاصل کی۔

بنگلا دیش کی ڈھاکا یونیورسٹی نے پاکستانی طلبا پر عائد پابندی ختم کردی۔

پرو وائس چانسلر(ایڈمن) پروفیسر صائمہ حق کے مطابق پاکستانی طلباء کو اب ڈھاکا یونیورسٹی میں داخلہ لینے کی اجازت ہوگی۔ بنگلہ دیشی طلباء کو بھی پاکستان میں اعلیٰ تعلیم حاصل کرنے کا موقع ملے گا۔

ڈھاکا یونیورسٹی میں پاکستانی طلبا پر عائد پابندی ختم کرنے کا مقصد دونوں ممالک کے درمیان تعلیمی تعاون کو فروغ دینا ہے۔ پاکستانی طلبا پر عائد پابندی کے خاتمے کا فیصلہ 13 نومبر کو یونیورسٹی کے وائس چانسلرپروفیسر نیاز احمد خان کی زیر صدارت سنڈیکیٹ کے اجلاس میں کیا گیا۔

کراچی :  چار روزہ دفاعی نمائش آئیڈیاز کا روایتی انداز میں کراچی ایکسپو سینٹر میں آغازآج سے ہوگیا۔

افتتاحی تقریب سے خطاب کرتے ہوئے وزیر دفاع خواجہ آصف نے کہا کہ دنیا بھر سے آئے مندوبین نمائش سے بہترین فائدہ اٹھائیں گے، نمائش میں تکنیکی معاملات سمیت اہم امور پر غور ہوگا۔وزیر دفاع نے کہا کہ آئیڈیاز نمائش پاکستان کی دفاعی پیداوار کے فروغ میں معاون ثابت ہوگی، آئیڈیاز علاقائی گیٹ وے کے طور پر ثابت ہوگی، آئیڈیاز کا سلوگن ’’آرمز فار پیس‘‘ ہے۔

خواجہ محمد آصف نے کہا کہ پاکستان کی دفاعی صنعت فروغ پا رہی ہے، پبلک اور پرائیویٹ سیکٹرز دفاعی پیداوار میں اہم کردار ادا کر سکتے ہیں، دفاعی ضروریات کی برآمدات سے معیشت مضبوط ہوگی۔

المی دفاعی نمائش میں 350 غیر ملکی وفد شرکت کر رہے ہیں جبکہ نمائش میں 557 اسٹالز سجائے گئے ہیں، ایکسپو سینٹر میں 9 ہالز بنائے گئے ہیں۔ نمائش میں 224 مقامی اور 333 بین الاقوامی کمپنیز کے اسٹالز لگائے گئے ہیں۔

بزنس ٹو بزنس اور بزنس اور بزنس ٹو گورنمنٹ میٹنگ بھی ہوگی۔ اس نمائش میں جدید اور روایتی دفاعی ساز و سامان کا بھرپور مظاہرہ کیا جائے گا۔

آئیڈیاز 2024 میں ایشیا، مشرق وسطیٰ اور جنوب مغربی ایشیا کے اہم ممالک نے شرکت کی ہے۔ بالخصوص سعودی عرب، متحدہ عرب امارات، قطر، بحرین، ترکی، ایران، یمن، چین، بھارت، جاپان، ملائیشیا، سنگاپور اور دیگر ممالک شامل ہیں۔

کراچی :  چار روزہ دفاعی نمائش آئیڈیاز کا روایتی انداز میں کراچی ایکسپو سینٹر میں آغازآج سے ہوگیا۔

افتتاحی تقریب سے خطاب کرتے ہوئے وزیر دفاع خواجہ آصف نے کہا کہ دنیا بھر سے آئے مندوبین نمائش سے بہترین فائدہ اٹھائیں گے، نمائش میں تکنیکی معاملات سمیت اہم امور پر غور ہوگا۔وزیر دفاع نے کہا کہ آئیڈیاز نمائش پاکستان کی دفاعی پیداوار کے فروغ میں معاون ثابت ہوگی، آئیڈیاز علاقائی گیٹ وے کے طور پر ثابت ہوگی، آئیڈیاز کا سلوگن ’’آرمز فار پیس‘‘ ہے۔

خواجہ محمد آصف نے کہا کہ پاکستان کی دفاعی صنعت فروغ پا رہی ہے، پبلک اور پرائیویٹ سیکٹرز دفاعی پیداوار میں اہم کردار ادا کر سکتے ہیں، دفاعی ضروریات کی برآمدات سے معیشت مضبوط ہوگی۔

المی دفاعی نمائش میں 350 غیر ملکی وفد شرکت کر رہے ہیں جبکہ نمائش میں 557 اسٹالز سجائے گئے ہیں، ایکسپو سینٹر میں 9 ہالز بنائے گئے ہیں۔ نمائش میں 224 مقامی اور 333 بین الاقوامی کمپنیز کے اسٹالز لگائے گئے ہیں۔

بزنس ٹو بزنس اور بزنس اور بزنس ٹو گورنمنٹ میٹنگ بھی ہوگی۔ اس نمائش میں جدید اور روایتی دفاعی ساز و سامان کا بھرپور مظاہرہ کیا جائے گا۔

آئیڈیاز 2024 میں ایشیا، مشرق وسطیٰ اور جنوب مغربی ایشیا کے اہم ممالک نے شرکت کی ہے۔ بالخصوص سعودی عرب، متحدہ عرب امارات، قطر، بحرین، ترکی، ایران، یمن، چین، بھارت، جاپان، ملائیشیا، سنگاپور اور دیگر ممالک شامل ہیں۔

پشاور: خیبر پختونخوا میں پولیو کا نیا کیس سامنے آگیا، جس کے بعد رواں سال ملک بھر میں سامنے آنے والے کیسز کی تعداد 50 ہو گئی۔

محکمہ صحت کے مطابق خیبر پختونخوا کے ضلع ٹانک میں پولیس سے متاثرہ بچی کا کیس رپورٹ ہوا ہے۔ قومی ادارہ صحت اسلام آباد نے متاثرہ بچی میں پولیو کی تصدیق کردی ہے۔

ضلع ٹانک کی یونین کونسل ملازئی کی رہائشی 20 ماہ کی بچی میں پولیو وائرس کی تصدیق ہوئی ہے۔ ضلع ٹانک سے رواں سال یہ دوسرا کیس رپورٹ ہوا ہے۔

رواں سال بلوچستان سے24،سندھ 13،خیبرپختونخوا 11،پنجاب ایک اور اسلام آباد سے ایک پولیو کیس رپورٹ ہوا ہے۔

پاکستان اسٹاک ایکسچینج میں آج پھر ریکارڈ ساز تیزی جاری ہے، جس کے نتیجے میں 100 انڈیکس نئی بلند ترین سطح پر پہنچ گیا۔

بازار حصص میں کاروبار کا آغاز 452 پوائنٹس کی تیزی کے ساتھ ہوا جس سے کے ایس ای 100 انڈیکس 95 ہزار پوائنٹس کی سطح عبور کرکے 95448 پوائنٹس کی بلند سطح پر پہنچ گیا۔

کاروباری ہفتے کے دوسرے دن مارکیٹ میں شروع ہونے والا تیزی کا رجحان غالب رہنے سے ہنڈرڈ انڈیکس میں تیزی کا سلسلہ جاری رہا۔ ٹریڈنگ کے دوران ایک موقع پر پی ایس ایکس میں 905 پوائنٹس کی زبردست تیزی ریکارڈ ہوئی، جس سے کے ایس ای 100 انڈیکس بڑھ کر 95901 پوائنٹس کی نئی بلند ترین سطح پر پہنچ گیا۔

واضح رہے کہ گزشتہ ہفتوں سے پاکستان اسٹاک ایکسچینج میں مسلسل تیزی کار جحان ہے۔ ماہرین کا کہنا ہے کہ مارکیٹ میں مسلسل تیزی اور بازار حصص میں مسلسل قائم ہونے والے ریکارڈز سرمایہ کاروں کے اعتماد کا مظہر ہیں۔ گزشتہ ہفتوں میں پی ایس ایکس میں بلندی کے کئی ریکارڈز قائم ہو چکے ہیں۔

پاکستان وائٹ بال ٹیم کے کپتان محمد رضوان نےدورہ زمبابوے اور جنوبی افریقہ کیلئے نوجوان کرکٹرز کو موقع دینے کا عندیہ دیدیا۔

گزشتہ روز کلین سوئپ شکست کے بعد میڈیا سے گفتگو کرتے ہوئے قومی ٹیم کے کپتان محمد رضوان نے کہا کہ ہمارے پاس فخر زمان، افتخار احمد، شاداب خان اور عماد وسیم جیسے مڈل آرڈر کے تجربہ کار بیٹرز نہیں تھے جس کا نقصان ہوا تاہم نوجوان کرکٹرز کو مزید مواقع دیے جائیں گے۔

انہوں نے کہا کہ ٹیم مینجمنٹ کیساتھ نوجوان کھلاڑیوں کو موقع دینے پر بات کی ہے، زمبابوے کیخلاف سیریز میں نئے ٹیلنٹ کو مواقع دیے جائیں گے جبکہ سینئیرز کو آرام کروایا جائے گا۔

زمبابوے نے پاکستان کیخلاف ون ڈے اور ٹی20 سیریز کیلئے اسکواڈز کا اعلان کردیا۔

24 نومبر سے پاکستان کیخلاف شروع ہونیوالی سیریز کیلئےزمبابوین ٹیم نےکریگ ایروائن کو ون ڈے جبکہ سکندر رضا کو ٹی20 ٹیم کا کپتان نامزد کیا ہے۔

دونوں ٹیموں کے درمیان سیریز کا آغاز ون ڈے میچز سے ہوگا، جس کا پہلا میچ 24، دوسرا 26، تیسرا 28 نومبر کو ہوگا، اسی طرح تین میچز پر مشتمل ٹی20 سیریز کا پہلا میچ یکم دسمبر، دوسرا 3 اور تیسرا میچ 5 دسمبر کو کھیلا جائے گا۔

ون ڈے اسکواڈ:
کریگ ایروائن کپتان، برائن بینیٹ، فراز اکرم، جویلورڈ گمبی، ٹریور گوانڈو، کلائیو مڈانڈے، ٹینوٹینڈا ماپوسا، تادیواناشے مارومانی، برینڈن ماوتا، تاشینگا مووتا، تاشینگا، مووتا، مووسا، ڈیون مائرز، رچرڈ نگروا، سکندر رضا اور شان ولیمز شامل ہیں۔

ٹی20 اسکواڈ:
سکندر رضا کپتان، ریان برل، فراز اکرم، ٹریور گوانڈو، مائی مباشنگ، برائن بینیٹ،کلائیو مڈاندے، ویزلی مادھویرے، ٹینوٹینڈا ماپوسا، تادیواناشے مارومانی، ویلنگٹن مساکادزا، برینڈن ماوتا، تاشنگا مووتا، بی بی، ٹاڈیواناشی مارومانی رچرڈ نگروا۔