سابق وزیر اعظم عمران خان کے خلاف عدم اعتماد کی تحریک کامیاب ہونے کے بعد پاکستان کرکٹ بورڈ ( پی سی بی ) میں بھی بڑے پیمانے پر تبدیلیوں کی بازگشت سنائی دینے لگی ہے۔

ذرائع کا کہنا ہے کہ عمران خان کے خلاف تحریک عدم اعتماد کامیاب ہونے کے بعد پی سی بی میں تبدیلیاں یقینی قرار دی جا رہی ہیں، اور اس حوالے سے چیئرمین پی سی بی رمیز راجا نے قریبی دوستوں اور پی سی بی میں اپنے ساتھیوں سے مشاورت کی ہے۔

ذرائع کا کہنا ہے کہ عمران خان کے وزیر اعظم نہ ہونے پر رمیز راجا اپنے عہدے پر برقرار رہنے کے حق میں نہیں ہیں۔

ذرائع نے امکان ظاہر کیا ہے کہ دبئی میں انٹرنیشنل کرکٹ کونسل کے اجلاس کے بعد رمیز راجا اپنے مستقبل کا اعلان کر سکتے ہیں۔

یاد رہے کہ رمیز راجا سی ای او اور ڈائریکٹر انٹرنیشنل کے ہمراہ آئی سی سی میٹنگز کے لیے دبئی میں موجود ہیں جبکہ آئی سی سی میٹنگز کا آج دبئی میں آخری روز ہے۔

ذرائع کا بتانا ہے کہ کل سے شروع ہونے والے ہفتے کے دوران پی سی بی میں اعلیٰ سطح پر تبدیلیوں کا قوی امکان ہے جبکہ چیئر مین پی سی بی عہدے سے الگ ہونے کا ذہن بنا چکے ہیں، چیئرمین کے مقرر کردہ افراد کا مستقبل بھی روشن نہیں ہے۔

یاد رہے کہ سابق وزیر اعظم عمران خان نے پیٹرن ان چیف پاکستان کرکٹ کی حیثیت سے رمیز راجا اور اسد علی خان کی گورننگ بورڈ کے لیے نامزدگیاں کی تھیں۔

ذرائع کا مزید کہنا ہے کہ عمران خان کے برطرف ہونے کے بعد پاکستان میں ڈومیسٹک کرکٹ اسٹرکچر میں تبدیلی ہوگی اور ڈیپارٹمنٹل کرکٹ دوبارہ بحال ہو سکتی ہے۔

فاسٹ بولر محمد عامرکا انٹرنیشنل کرکٹ سے ریٹائرمنٹ واپس لینےکا امکان پیدا ہوگیا ہے۔

ذرائع کے مطابق چئیرمین پی سی بی رمیز راجا اگر مستعفی ہوتے ہیں تو محمد عامرکا ریٹائرمنٹ واپس لینےکا اعلان متوقع ہے۔

خیال رہے کہ پاکستان کے لیے 36 ٹیسٹ، 61 ون ڈے اور 50 ٹی ٹوئنٹی میچز کھیلنے والے مایہ ناز فاسٹ بولر محمد عامر نے دسمبر 2020 میں ریٹائرمنٹ کا اعلان کیا تھا۔

اس وقت کے بولنگ کوچ وقار یونس اور ہیڈکوچ مصباح الحق کی وجہ سے محمد عامر نے ریٹائرمنٹ لی تھی، بعد ازاں محمد عامر نے اعلان کیا تھا کہ کوچز کے جانے کے بعد وہ ریٹائرمنٹ واپس لیں گے لیکن رمیز راجا کے چئیرمین پی سی بی بننے کے بعد محمد عامر نے ارادہ ترک کر دیا تھا کیونکہ رمیز راجا ماضی میں میچ فکسرز کی شدید مخالفت کرتے رہے ہیں۔

واضح رہےکہ ذرائع نے بتایا ہےکہ عمران خان کے وزیر اعظم نہ ہونے پر رمیز راجا اپنے عہدے پر برقرار رہنے کے حق میں نہیں ہیں، اس حوالے سے چیئرمین پی سی بی رمیز راجا نے قریبی دوستوں اور پی سی بی میں اپنے ساتھیوں سے مشاورت بھی کی ہے۔

ویب ڈیسک : ایلون مسک نےٹویٹربورڈ سےمنسلک ہونے سے پہلےہی باہر نکلنےکافیصلہ کرلیا۔

مائیکروبلاگنگ کی ویب سائٹ ٹوئیٹرکے سی ای او پیراگ اگروال نےاپنے اکاؤنٹ پر ایک ٹویٹ میں اعلان کیا کہ مشہور ٹیسلا کمپنی کے مالک، جس نے گزشتہ ہفتے کمپنی کے حصص کا سب سے بڑا حصہ حاصل کیا، نے بورڈ میں شامل نہ ہونے کا فیصلہ کیا
اس حوالے سے پراگ روال نےنے ملازمین کو اس فیصلے سے آگاہ کرنے کے لیے ایک مختصر نوٹ بھی شائع بھی کیا ہے جس جس میں وضاحت کی گئی تھی کہ یہ قدم کونسل کے اراکین اور خود ایلون کے درمیان کئی بات چیت کے بعد اٹھایا گیا ہے۔
انہوں نے بتایا کہ امریکی ارب پتی کو اس بورڈ میں اس اپریل کی نو تاریخ کو شامل ہونا تھا، تاکہ وہ دوسرے ممبروں کی طرح کمپنی کی ترقی میں اپنا حصہ ڈالیں، لیکن ایلون نے اسی دن انہیں آگاہ کر دیا کہ اس نے شرکت نہ کرنے کا فیصلہ کیاہے۔
انہوں نے لکھا کہ میرے خیال میں یہ فیصلہ کمپنی کے مفاد میں ہے۔

انہوں نے اس بات پر زور دیتے ہوئے نتیجہ اخذ کیا کہ یہ فیصلہ آنے والے دنوں میں بلاشبہ ایک ہنگامہ برپا کرے گا، لیکن انہوں نے "بلیو برڈ" کے ملازمین سے مطالبہ کیا کہ وہ اس ہنگامے کو خاطر میں نہ لائیں، اور جو کچھ ہے اس کے ساتھ آگے بڑھنے کے لیے سخت اور محنتی کام پر توجہ دیں۔
تنقید اور تضحیک
یہ بات قابل ذکر ہے کہ مسک، جس کو تقریباً 81 ملین صارفین فالو کرتے ہیں، گزشتہ پیر سے کمپنی کے سب سے بڑے حصص کا مالک بننے کے بعد، تقریباً 2.9 بلین ڈالر کے تخمینہ مالیت کے ساتھ اس کے 9.2 فیصد حصص خرید کر، ٹویٹر پر تنقید کی ایک سیریز کی ہدایت کی، اور یہاں تک کہ پلیٹ فارم کا بھی مذاق اڑایا۔اس کے علاوہ، اس نے سان فرانسسکو میں "خالی" ٹویٹر ہیڈ کوارٹر کا مذاق اڑایا، اسے بے گھر افراد کے لیے ہیڈ کوارٹر میں تبدیل کرنے کی تجویز پیش کی!

کراچی: جامعہ کراچی نے بی ایس سی کے سالانہ امتحانات برائے2021کےامتحانی فارم جمع کرانےکااعلان کردیا۔

ناظم امتحانات جامعہ کراچی ڈاکٹر سید ظفر حسین کے مطابق بی ایس سی (پاس ) سالانہ امتحانات برائے 2021 ء کے امتحانی فارم جمع کرانے کی تاریخ کا اعلان کردیاگیاہے جس کے مطابق طلبہ اپنے امتحانی فارم 22 اپریل 2022 ء تک جمع کراسکتے ہیں۔

بی ایس سی(پاس) سال اول(فیل ہونے والے ) اور بی ایس سی (پاس) سال دوئم کے طلبہ اپنے امتحانی فارم 7000 روپے فیس کے ساتھ جبکہ بی ایس سی (پاس ) باہم کے امتحانی فارم 12000 روپے فیس کے ساتھ22 اپریل 2022 ء تک جمع کراسکتے ہیں۔

واضح رہے کہ 2015 ء یا اس سے قبل کی انرولمنٹ کے حامل طلبہ 3000 روپے اضافی فیس کے ساتھ امتحانی فارم جمع کراسکتے ہیں۔

لاہور:محکمہ اسکول ایجوکیشن پنجاب نےاساتذہ کو مستقل کرنےکی مزید ایک سال کی مہلت دیدی.

ذرائع کےمطابق لاہورسمیت پنجاب بھرمیں 25ہزارسےزائد اساتذہ مستقل ہونےکےمنتظرہیں لیکن بی ایڈ کی شرائط پوری نہ ہونے کی صورت میں تاخیرکاشکارہورہےہیں. 

محکمہ اسکول ایجوکیشن کی جانب سےغیرمستقل اساتذہ کوایک سال میں بی ایڈ کی شرط پوری کرنے کی ہدایت کی گئی ہے 

لاہور: پنجاب ایگزامینشن کمیشن رواں سال مڈل اور پرائمری امتحانات کاشیڈول جاری نہیں کرےگا.

تفصیلات کےمطابق پنجاب ایگزامینشن کمیشن کاکہناہےکہ رواں سال اسکول مڈل اور پرائمری کےامتحانات کی ڈیٹ شیٹ اپنےطرزپرتیارکریں گےاور امتحانات منعقد کریں گے.اس ضمن میں پیک کسی بھی قسم کی ڈیٹ شیٹ جاری نہیں کرےگا. 

علاوہ ازیں پنجاب ایگزمینشن کمیشن اسکولوں کو صرف سوالیہ پرچوں کےلئےآئٹم بینک فراہم کرےگاجسکی بنیاد پراسکول انتظامیہ پرچےتیار کرےگی. 

جبکہ امتحانات کےلئےجوابی کاپیز بھی کمیشن کی جانب سے جاری کی جائےگی اورامتحانی کاپی کوچیک کرنےکےلئےاساتذہ کی ٹریننگ بھی کرنے کافیصلہ کیاگیاہے. 

کراچی: ایس ایم آئی یو ماڈل اسکول میں جشن بہاراں کا انعقاد کیا گیا۔

پنجم سے بارہویں جماعت کے طلباء نے کھانے پینے کے اسٹال لگائے۔ طلبا نے زیادہ تر گھر کی بنی ہوئی چیزوں کی نمائش کی۔ اسکول کے بچوں نے مختلف گیمز جن میں بال ٹاس، بز وائر (جس میں سرکٹ بچوں نے خود بنایا تھا) جیسے کھیلوں میں بھی حصہ لیا۔طلباء نے مختلف سرگرمیوں میں حصہ لیتے ہوئے خوب لطف اٹھایا۔

اس موقع پرطلباء نے گروپس میں کام کیا اور اپنے اپنے کرداروں کو تبدیل کیا۔ جس سے انہیں موثر ٹائم مینجمنٹ اور کمیونیکیشن سکھایا گیا۔ طالبعلموں کو ایک اسائنمنٹ بھی دیا گیا کہ وہ اپنے تجربات کی بنیاد پر واقعہ کے بارے میں ایک مضمون لکھیں۔ ان میں سے جیتنے والوں کو انعامات بھی دیے گئے۔

اس موقع پر خطاب کرتے ہوئے پرنسپل اور اساتذہ نے کہا کہ اس تقریب کا مقصد ٹیم ورک اور بزنس مینجمنٹ کی بنیادی مہارتیں پیدا کرنا تھا، جبکہ آمدنی اور اخراجات کا خیال رکھنا اور منافع کا حساب لگانا تھا۔

لاہور: پنجاب یونیورسٹی نے پرائیوٹ امیدواروں کی رجسٹریشن فیس جمع کرانے کی تاریخ میں توسیع کردی۔

پنجاب یونیورسٹی رجسٹریشن برانچ نے پرائیوٹ امیدواروںکیلئے ایسوسی ایٹ ڈگری آرٹس/سائنس/ کامرس سالانہ امتحان2022ء کی ڈبل فیس کے ساتھ رجسٹریشن کی آخری تاریخ میں20اپریل 2022ء تک توسیع کر دی ہے۔

تفصیلات پنجاب یونیورسٹی کی ویب سائٹ www.pu.edu.pk  پر دیکھی جا سکتی ہیں۔

کراچی: اعلیٰ ثانوی تعلیمی بورڈنےسالانہ امتحانی پرچےبرائے2022کاخاکہ جاری کردیا۔

اعلیٰ ثانوی تعلیمی بورڈ کراچی نے اسٹیئرنگ کمیٹی کے فیصلے کی روشنی میں سالانہ امتحانات برائے 2022ء اور آئندہ ہونے والے امتحانات کیلئے پاکستان اسٹڈیز، اکنامکس، ہسٹری کلچر آف پاکستان، لائبریری سائنس، آؤٹ لائن آف ہوم اکنامکس اور سائیکالوجی کے امتحانی پرچوں کا خاکہ جاری کردیا ہے جبکہ باقی مضامین کے امتحانی پرچوں کا خاکہ بھی جلد جاری کردیا جائے گا۔

تفصیلات کے مطابق آئندہ امتحانات میں درجہ بالا پرچے اس ترتیب سے تشکیل دیئے جائیں گے کہ پرچے کا پہلا حصہ کثیر الانتخابی سوالات (MCQ's) پر مشتمل ہوگا جو پورے پرچے کے 40فیصد حصے پر مشتمل ہوگا۔ پرچے کا دوسرا حصہ مختصر جوابات کے سوالات پر مشتمل ہوگا۔ یہ حصہ بھی پورے پرچے کا 40فیصد ہوگا۔ پرچے کا تیسرا حصہ تفصیلی جوابات کے سوالات پر مشتمل ہوگا جو پورے پرچے کا 20فیصد ہوگا۔

کراچی: سرسید یونیورسٹی کے زیرِ اہتمام سابق چانسلرانجینئرزیڈاےنظامی کی نویں برسی کے موقع پر دعائیہ تقریب کاانعقادکیاگیا۔

سرسید یونیورسٹی آف انجینئرنگ اینڈ ٹیکنالوجی اور علیگڑھ انسٹی ٹیوٹ آف ٹیکنالوجی کے زیرِ اہتمام انجینئر زیڈ اے نظامی کی نویں برسی کے موقع پر ایک دعائیہ تقریب کا انعقاد کیا گیا جس میں ان کے ایصال ثواب کے لیے شعبہ اسلامک اسٹڈیز کے سربراہ پروفیسر ڈاکٹر عماد صدیقی نے دعا کرائی ۔ انجینئر زیڈ اے نظامی، سرسید یونیورسٹی کے بانی چانسلر تھے اور تاحیات وہ بطور چانسلر خدمات انجام دیتے رہے ۔

اس موقع پر اپنے خیالات کا اظہار کرتے ہوئے سرسید یونیورسٹی کے چانسلر جاوید انوار نے کہا کہ انجینئر زیڈ اے نظامی بہت آگے تک سوچتے تھے ۔ سرسید یونیورسٹی کا ایک بلاک ان کے نام سے موسوم کیا گیا ہے اور عنقریب کیمپس میں انجینئر زیڈ اے نظامی چیئر قائم کی جائے گی ۔ نظامی صاحب نے جامعہ میں طلباء کے لیے یونیفارم کو لازمی قراردیا ۔ انجینئرزیڈ اے نظامی، سرسید یونیورسٹی اور علیگڑھ انسٹی ٹیوٹ آف ٹیکنالوجی کے بانی ارکان میں شامل تھے ۔ انھوں نے بتایا کہ میں مکہ مکرمہ میں پچاس سے پچپن سال مقیم رہا اور اس عرصے میں میری کئی ملاقاتیں نظامی صاحب سے ہوئیں ۔

سرسید یونیورسٹی کے وائس چانسلر پروفیسر ڈاکٹر ولی الدین نے کہا کہ مستقبل کے لیے تبدیلی ضروری ہے مگر تبدیلی ایک بہت مشکل مرحلہ ہے ۔ جامعہکو طلباء کی رہنمائی کرنی چاہئے کہ وہ کس طرح آگے بڑھ سکتے ہیں ۔ نظامی صاحب بہت آگے کی سوچ رکھتے تھے ۔ کئی سال پہلے جن چیزوں پر انھوں نے کام کیا ،وہ چیزیں آج دیکھنے میں آرہی ہیں ۔

علیگڑھ مسلم یونیورسٹی اولڈ بوائز ایسوسی ایشن کی ایگزیکیٹو کمیٹی کے ممبر اور انجینئر زیڈ اے نظامی کے فرزند فرخ نظامی نے کہا کہ ان کے والد سرسید یونیورسٹی کو نیویارک یونیورسٹی سے بڑی جامعہ بنانا چاہتے تھے ۔ وہ اس زمانے میں انکوبیشن سینٹر اور لینکس لیب پر کام کررہے تھے ۔