کراچی: کراچی میٹرک بورڈ نے امتحانات کی تاریخوں کا اعلان کردیا۔

تفصیلات کے مطابق کراچی میٹرک بورڈ کی جانب سے امتحانات کی تاریخوں کا اعلان کر دیا گیاہے جس کے مطابق امتحانات17 مئی سے امتحانات شروع ہوں گے۔چیئرمین میٹرک بورڈ کے مطابق نویں جماعت کے 17 مئی سے امتحان شروع ہوں گے جبکہ دسویں جماعت کے 18 مئی سے امتحان لئے جائیں گے۔سالانہ امتحانات 4 جون تک جاری رہیں گے۔

امتحان میں 2 لاکھ سے زائد طلبا و طالبات حصہ لیں گے۔ چیئرمین میٹرک بورڈ شرف علی شاہ کا کہنا ہے کہ امتحانی مراکز کی لسٹ تیار کر لی گئی ہے جبکہ چند روز میں مکمل امتحانی تفصیلات جاری کر دی جائے گی۔

گزشتہ دو سالوں کے درمیان کورونا وبا کے باعث حکومت سندھ کی جانب سے طلبا و طالبات کو بغیر کسی امتحان کے اگلی جماعت میں پروموٹ کر دیا گیا تھا

ریاض : سعودی عرب میں چارروزہ بین الاقوامی تعلیمی نمائش کاآغازہوگیا۔

تفصیلات کے مطابق ریاض میں 8مئی سےشروع ہونے والا تعلیمی نمائش 11مئی تک جاری رہےگی۔ سعودی میڈیا کے مطابق دارالحکومت ریاض میں کل سے شروع ہونیوالی بین الاقوامی تعلیمی نمائش میں ، نجی اسکولوں،یونیورسٹیز، کالجز، انسٹی ٹیوٹس ملکی و بین الاقوامی ریسرچ اداروں کےا سٹالز ہوں گے۔

علاوہ ازیں انفارمیشن ٹیکنالوجی اور امدادی خدمات پیش کرنے والی کمپنیاں اور ٹریننگ سینٹرز بھی اپنے سٹالز لگائیں گئے ہیں۔انہوں نے بتایا کہ اس نمائش کا بڑا مقصد تعلیم کے شعبے کوسہولتیں فراہم کرنے والے اداروں ، کمپنیوں اور ماہرین کے بڑے طبقے سے روابط پیدا کرنا ہے، نمائش بنیادی ڈھانچے کے منصوبوں میں سرمایہ کاری کے حوالے سے کمپنیوں اور اداروں کو نئے مواقع سے متعارف کرائے گی، اس میں 110مقامی اور 152بین الاقوامی ادارے شریک ہوں گے۔

نمائش میں وزارت تعلیم کے عہدیدار، سرکاری و نجی جامعات کے سربراہ، دنیا بھر سے تعلیمی امور کے ماہرین اور تعلیم کے شعبے میں سرمایہ لگانے والے شریک ہوں گے۔

کراچی: جامعہ کراچی میں خود کش دھماکے میں ہلاک ہونے والے چینی اساتذہ کی آخری رسومات ادا کردی گئیں۔

آخری رسومات میں وزیر اعلیٰ سندھ سید مراد علی شاہ، ڈی جی رینجرز، آئی جی سندھ، قائم مقام وی سی جامعہ کراچی سمیت دیگر شخصیات نے شرکت کی۔اس دوران سندھ پولیس کے دستے کی جانب سے چینی اساتذہ کو سلامی بھی پیش کی گئی۔

اس موقع پر سیکیورٹی کے سخت انتظامات کیے گئے تھے، قریبی گلیوں پر پولیس اور رینجرز اہلکار تعینات تھے جبکہ گلیاں قناطیں لگا کر بند کی گئیں تھیں۔

واضح رہے کہ گزشتہ ماہ 26 اپریل کو جامعہ کراچی میں کنفیوشس انسٹی ٹیوٹ کے باہر خود کش حملے کے نتیجے میں وین میں سوار تین چینی شہریوں سمیت چار افراد ہلاک ہوگئے تھے

وین چینی زبان سکھانے پر مامور اساتذہ کو لے کر واپس جارہی تھی کہ موڑ پر گھات لگائے کھڑی خاتون حملہ آور نے خود کو اُڑا لیا۔

خوفناک دھماکے کے بعد وین میں آگ لگ گئی تھی، حملے میں ایک چینی اور دو رینجرز اہلکاروں سمیت چار افراد زخمی بھی ہوئے تھے۔

لائپزگ: جرمنی کے ایک اسکول میں دلچسپ صورتحال اس وقت پیش آئی جب امتحانات کے انعقاد کے لیے فائرفائٹنگ کے محکمے سے فوری مدد مانگی گئی۔

مغربی جرمنی کے شہر بوخوقلٹ کے فائرفائٹنگ ڈپارٹمنٹ کو ایک ہائی اسکول سے فون کال موصول ہوئی جس میں درخواست کی گئی تھی کہ بچے امتحان دینے کے لیے جمع ہوچکے ہیں اور جس دراز میں پرچے رکھے ہیں وہ کسی خرابی کی بنا پر کھل نہیں رہا۔

فون سننے کے بعد فائرفائٹراہلکار فوری طورپر اسکول پہنچا اورتمام ضروری آلات سے فوری طور پر سیف کھولا جس میں امتحانی پرچے تھے۔ اس کے بعد اساتذہ نے تمام پرچے نکال کر بچوں میں تقسیم کئے اور یوں امتحانات کا انعقاد ممکن ہوگیا۔

اسکول انتظامیہ نے اپنے ایک بیان میں بتایا کہ ’ فائر فائٹنگ شعبے کی بروقت کارروائی کے باوجود بھی امتحان ایک گھنٹہ تاخیر سے شروع ہوا، جس کے باعث ہم بوخولٹ فائرڈپارٹمنٹ کے شکرگزار ہیں۔

اس موقع پر اسکول انتظامیہ اور تمام اساتذہ نے فائرڈپارٹمنٹ کو سراہا جبکہ بچوں نے ملے جلے تاثرات کا اظہار کیا ہے۔

کراچی: ثانوی تعلیمی بورڈ کراچی نےنویں اوردسویں جماعت ریگولروپرائیوٹ امیدواروں کے ایڈمٹ کارڈآج سے جاری ہونگے۔

ثانوی تعلیمی بورڈ کراچی کے چیئرمین سید شرف علی شاہ کی خصوصی ہدایت پر ناظم امتحانات عمران طارق نے 9مئی سے سالانہ امتحانات 2022ء جماعت نہم و دہم سائنس و جنرل گروپ ریگولر وپرائیویٹ امیدواروں کے ایڈمٹ کارڈ جاری کرنے کا اعلان کر دیا ہے۔

پرائیویٹ طلباء و طالبات کے ایڈمٹ کارڈ ان کے دیئے گئے رہائشی پتوں پر ارسال کر دیئے گئے ہیں نہ ملنے کی صورت میں 12 مئی کے بعد فیس چالان کی سلپ دکھا کر متعلقہ سیکشن سے ڈپلیکیٹ ایڈمٹ کارڈ حاصل کر سکتے ہیں۔

کراچی : اعلیٰ ثانوی تعلیمی بورڈ کراچی کے چیئرمین پروفیسر ڈاکٹر سعید الدین کو انٹربورڈ اسپورٹس کمیٹی کا چیئرمین مقرر کردیا گیا ہے۔

تفصیلات کے مطابق انٹربورڈ کمیٹی آف چیئرمین (IBCC) کی گزشتہ میٹنگ میں اعلیٰ ثانوی تعلیمی بورڈ کراچی کے چیئرمین پروفیسر ڈاکٹر سعید الدین کو اسپورٹس ایئر 2022-23 کیلئے انٹربورڈ اسپورٹس کمیٹی (IBSC) کا چیئرمین مقرر کرنے کا فیصلہ کیا گیا تھا جس کا باقاعدہ نوٹیفکیشن بھی جاری کردیا گیا ہے۔

لاہور: پنجاب ایگزیمینیشن کمیشن نےاسکولوں میں پرائمری اورمڈل جماعت کےلارج اسکیل اسسمنٹ ٹیسٹ کیلئےترمیم شدہ ڈیٹ شیٹ جاری کردی۔

پنجاب بھر کے اسکولوں میں لارج اسکیل اسسمنٹ کا امتحان رواں ہفتہ میں لیا جانا تھا تاہم اسسمنٹ ٹیسٹ کیلئے انتظامات مکمل نہ ہونے کے باعث ٹیسٹ ایک ہفتہ کیلئے ملتوی کردیا گیا تھا۔

جاری کردہ نئی ڈیٹ شیٹ کے مطابق چوتھی، پانچویں اور آٹھویں کی اسسمنٹ 26 اپریل سے کی جائے گی۔ 26 اپریل کو انگریزی، 27 کو اردو اور 28 کو حساب کا ٹیسٹ ہوگا،29 کو سائنس اور 30 اپریل کواردو، انگریزی کا زبانی ٹیسٹ لیا جائے گا، اسسمنٹ کا ٹائم صبح 8 سے دوپہر تین بجے تک رکھا گیا ہے۔

کراچی: جناح سندھ میڈیکل یونیورسٹی کے اسٹیٹ آف دی آرٹ مردہ خانےکاصوبائی وزیرصحت ڈاکٹرعذرافضل پیچوہونےافتتاح کردیا ۔

صوبائی وزیر صحت ڈاکٹر عذرا فضل پیچوہو نےجے ایس ایم یو کے اسٹیٹ آف دی آرٹ مردہ خانے کا افتتاح کرنےکے بعد مردہ خانے کی نئی عمارت کا دورہ کیااوروہاںپوسٹ مارٹم کیلئے مختص مقام اور جدیدسرد خانوں کے حوالےسے بریف کیا گیا۔

جناح سندھ میڈیکل یونیورسٹی کے وائس چانسلرپروفیسر امجد سراج میمن نے کہاکہ یہ مردہ خانہ نہ صرف میتیوں کو محفوظ رکھنے اور پوسٹ مارٹم کیلئے استعمال کیا جائیگا بلکہ میڈیکل کے طلباء کی تعلیم و تربیت کے ساتھ ساتھ فرانزک سائنسدانوں کی مہارتوںکو بروئے کار لانے کیلئے بھی استعمال کرینگے ۔

ادھر صوبائی وزیرصحت ڈاکٹر عذرا فضل پیچوہو نے جے ایس ایم یو کے اسٹیٹ آف دی آرٹ مردہ خانہ کی تعریف کرتے ہوئے کہاکہ محکمہ صحت سندھ سرکاری اسپتالوں میں مردہ خانوں کی صورتحال بہتر بنانے اور تزین و آرائش کیلئےکوشاں ہیں۔

وائس چانسلر پروفیسر امجد سراج میمن نے صوبائی ویر صحت ڈاکٹر عذرا فضل پیچوہو کو شیلڈ پیش کی جبکہ پروفیسر شاہد رسول نے اجرک کا تحفہ دیا۔

واضح رہے کہ جناح سندھ میڈیکل یونیورسٹی کا نیا مردہ خانہ کروڑوں کی آبادی والے شہر کراچی کے لیے ناگزیر تھا،شہر کے مرکز میں واقع جےایس ایم یو کے مردہ خانے میں میتوں کو محفوظ رکھنے کیلئے 7 جدید چلرز نصب کیے گئے ہیں،اس کے ساتھ ساتھ اس نئی عمارت میں پوسٹ مارٹم کیلئے علیحدہ سے ایک مقام بھی مختص کیاگیاہے اور پوسٹ مارٹم کے لئےمختص جگہ کے بالکل اوپر، ایک خاص طور پر ڈیزائن کی گئی گیلری پوسٹ مارٹم کے عمل کے ذاتی مشاہدے کیلئے بنائی گئی ہے، اس گیلری میں ایک وقت میں 50 افراد بیٹھ کر پوسٹ مارٹم دیکھ سکتے ہیں اورمیڈیکل طلباء، فرانزک ماہرین اور میڈیکو لیگل افسران اس سہولت سے فائدہ اٹھا سکتے ہیں۔

ویب ڈیک: مائیکرو بلاگنگ ویب سائٹ ٹوئیٹر ہر سابق وزیراعظم عمران خان نے نیا ریکارڈبنا ڈالا۔

تفصیلات کے مطابق گزشتہ شب سابق وزیراعظم عمران خان کے نے پہلی مرتبہ ٹوئٹر اسپیس کے ذریعے عوام اور کارکنوں سے خطاب کرتے ہوئے ریکارڈ توڑ ڈالےجس کے بعد ٹوئٹر اسپیس پر اب تک سب سے زیادہ سنے جانے والا خطاب بن گیا۔

تفصیلات کے مطابق بدھ کی شب کو سابق وزیر اعظم عمران خان ساتھ ایشیا انڈیکس نامی ادارے کی ٹوئٹ کے مطابق عمران خان کا خطاب ٹوئٹر اسپیس پر سب سے زیادہ سنے جانے والا خطاب بن گیا۔

بتایا گیا ہے کہ مجموعی طور پر 5 لاکھ سے زائد افراد نے خطاب سنا، جبکہ ایک وقت میں براہ راست خطاب سننے والوں کی تعداد 1 لاکھ 60 ہزار سے تجاوز کر گئی تھی۔

قومی ٹیم کے فاسٹ بولر محمد حسنین کےبائیومکینک ٹیسٹ کےلیےآئی سی سی سےجلد رابطےکا فیصلہ کیا گیا ہے۔

ذرائع کے مطابق نیشنل ہائی پرفارمنس سینٹرمیں کوچ عمر رشید نےمحمدحسنین کے ساتھ کام کیا جس کے بعد ان کے بولنگ ایکشن میں خاصی بہتری آئی ہے ۔

محمد حسنین کے ٹیسٹ لاہورمیں آئی سی سی کی منظورشدہ بائیومکینک لیبارٹری سےکرائےگئے جب کہ باضابطہ طورپرٹیسٹ کرانےکے لیے آئی سی سی کوخط لکھاجائےگا۔

واضح رہے کہ محمد حسنین کا بگ بیش لیگ میں بولنگ ایکشن رپورٹ ہوا تھا، فاسٹ بولر کا ٹیسٹ لاہور کی لیب میں کرایا گیا تھا جس کے بعد ان کا بولنگ ایکشن غیر قانونی قرار پایا تھا۔