آسٹن: آٹو موٹیو کمپنی ٹیسلا نےریئرویوکیمراتصاویرمیں مسائل کی وجہ سے 27 ہزار سے زائد سائبر ٹرک واپس منگوالیے۔

غیر ملکی خبر رساں ادارے کے مطابق کمپنی کے مطابق کچھ برقی گاڑیوں میں ریئر ویو کیمرا سے آنے والی تصاویر گاڑی کے ریورس گیئر میں جانے کے دو سیکنڈ کے اندر ظاہر نہیں ہو رہی۔

واپس بلائے گئے سائبر ٹرکس میں وہ ٹرک شامل ہیں جو 13 نومبر 2023 سے 14 ستمبر 2024 کے درمیان بنائے گئے ہیں۔

جمعرات کو واپس بلائی جانے والی گاڑیوں کی یہ کھیپ گزشتہ 12 ماہ میں واپس بلائی جانے والی ٹیسلا ٹرک کی پانچویں کھیپ ہے۔

یو ایس نیشنل ہائی وے ٹریفک سیفٹی ایڈمنسٹریشن میں جمع کائی گئی رپورٹ میں کمپنی نے بتایا کہ گاڑی کو ریورس گیئر میں ڈالنے کے بعد ریئر ویو کیمرا سے آنے والی تصاویر آٹھ سیکنڈکی تاخیر سے ظا ہر ہو رہی ہیں۔

رپورٹ میں ٹیسلا نے بتایا کہ کیمرا ڈسپلے کی دستیابی میں تاخیر ڈرائیور کے ریئر ویو کو متاثر کرتے ہوئے تصادم کے خطرات میں اضافہ کر سکتی ہے۔تاہم، ڈرائیور پیچھے مُڑ کر اور شیشوں کا استعمال کر کے گاڑی ریورس کر سکتے ہیں۔

بالی وڈ کے مشہور گلوکار دلجیت دوسانجھ کی پاکستانی اداکارہ ہانیہ عامر کے ساتھ ویڈیو وائرل ہوگئی۔

گلوکار دلجیت دوسانجھ ان دنوں لندن میں موجود ہیں جہاں وہ مختلف کانسرٹز میں اپنی آواز کا جادو جگاکر لوگوں کی توجہ سمیٹ رہے ہیں۔

لندن میں ہونے والے گلوکار کے کانسرٹ کو سننے معروف اداکارہ ہانیہ عامر بھی پہنچ گئیں جہاں گلوکار نے انہیں پہچان لیا۔

سوشل میڈیا پر دلجیت دوسانجھ کی ایک ویڈیو وائرل ہورہی ہے جس میں گلوکار نے ہانیہ عامر کو پہنچاتے ہوئے انہیں اسٹیج پر آنے کا کہا۔

ویڈیو میں دیکھا جاسکتا ہے ہانیہ عامر اسٹیج پر آئیں اور اس دوران گلوکار نے اپنا گانا جاری رکھا جبکہ گانے کے اختتام پر دلجیت نے ہانیہ کے ہاتھوں میں مائیک تھما دیا جس پر ہانیہ نے کانسرٹ میں آنے والے شرکا اور گلوکار کا شکریہ ادا کیا۔

واضح رہے کہ اس سے قبل ہانیہ عامر کی بھارتی گلوکار بادشاہ کے ساتھ بھی مختلف ویڈیوز سامنے آئی تھیں اور دونوں کی دوستی کے چرچے سرحد پار بھی ہوئے۔

کراچی شہر میں انٹرنیٹ سروس جزوی طور پر متاثر ہونے کی شکایات سامنے آئی ہیں۔

شہر قائد میں رات سے انٹرنیٹ سروس متاثر ہونے کی شکایات سامنے آ رہی ہیں تاہم انٹرنیٹ سروس بند ہونے کی وجوہات سامنے نہیں آ سکی ہیں اور اس حوالے سے پی ٹی اے کا بھی کوئی بیان سامنے نہیں آیا ہے۔

کراچی کے علاوہ جڑواں شہروں راولپنڈی اور اسلام آباد میں بھی موبائل فون اور انٹرنیٹ سروس متاثر ہے جبکہ میٹرو بس سروس بھی بند ہے۔

یاد رہے کہ پاکستان تحریک انصاف نے ڈی چوک اسلام آباد میں احتجاج کی کال دے رکھی ہے جبکہ وفاقی حکومت نے شنگھائی تعاون تنظیم کے اجلاس کے باعث جڑواں شہروں میں دفعہ 144 نافذ کر کے فوج سمیت قانون نافذ کرنے والے دیگر اداروں کو تعینات کر دیا گیا ہے۔

لاہور: بورڈ آف انٹر میڈیٹ اینڈ سکینڈری ایجوکیشن لاہور کے زیر اہتمام دوسرا سالانہ امتحانات کی ڈیٹ شیٹ جاری کردی۔

انٹر میڈیٹ کے سالانہ امتحانات 17اکتوبر سے شروع ہوں گے جو 31اکتوبر تک جاری رہیں گے۔

لاہور تعلیمی بورڈ نے ان امتحانات کی باقاعدہ ڈیٹ شیٹ جاری کر دی ہے ۔

بیروت: اسرائیل نے بیروت حملے میں حزب اللہ کے دوسرے اہم ترین رہنما ہاشم صفی الدین کو شہید کرنے کا دعویٰ کیا ہے۔

عرب میڈیا کے مطابق اسرائیلی فوج کے ترجمان کی جانب سے جاری بیان میں کہا گیا ہے کہ جمعرات کی شام بیروت کے نواحی علاقے الضاحیہ میں اسرائیلی حملوں میں حزب اللہ کی دوسری اہم ترین شخصیت ہاشم صفی الدین اور ان کے ساتھ موجود تمام افراد قتل ہوگئے۔ حملے میں حزب اللہ کے مواصلات کے نظام کے سربراہ محمد رشید سکافی کو بھی نشانہ بنایا گیا۔

اسرائیلی میڈیا کے مطابق یہ حملہ اس حملے سے بھی زیادہ شدید تھا جس میں حزب اللہ کے سربراہ حسن نصر اللہ کو نشانہ بنایا گیا تھا۔ حملے کے نتیجے میں کسی کے بچ جانے کی توقع نہیں تھی چاہے ان کی موت دم گھٹنے والی گیسوں کے اخراج یا خفیہ پناہ گاہ منہدم ہونے سے ہوئی ہو۔ ہاشم صفی الدین حزب اللہ میں صف اول کے رہنما اور تنظیم کی مجلس عاملہ کے موجودہ سربراہ ہیں۔

ویمنز ٹی20 ورلڈکپ میں بھارت اور نیوزی لینڈ کے درمیان میچ میں سنسنی خیز واقع نے ماحول گرما دیا۔

گزشتہ روز دبئی کرکٹ اسٹیڈیم میں کھیلے گئے نیوزی لینڈ نے بھارت کو یکطرفہ مقابلے کے بعد 58 رنز سے شکست دیکر فاتحانہ آغاز کیا تاہم میچ کے دوران کیویز کی بیٹنگ کے وقت ایک واقعہ رونما ہوا جس نے دونوں ٹیموں کے درمیان تنازع کھڑا ہوگیا۔

کیویز کی بیٹنگ کے دوران میچ کے 14ویں اوور میں امیلیا کیر نے آخری گیند پر رن لیا تاہم ہرمن پریت گیند پکڑتے ہوئے گیند تھام لی اور دوڑنے لگیں اس دوران کیوی بیٹرز نے دوسرا رن لینے کی کوشش کی اور رن آؤٹ ہوگئیں تاہم امپائر نے اُسے ڈیڈ بال قرار دیدیا۔

امپائر کے فیصلے پر فیلڈر نے پوچھا کہ رن آؤٹ تھا جس پر امپائرز نے کہا کہ رن لینے کے بعد بالر دیپتی شرما کو کیپ واپس دے دی تھی اور اوور ختم کرنے کا اشارہ کیا تھا اس وجہ سے رن آؤٹ نہیں ہوسکتا۔فیصلے پر بھارتی کرکٹر ہرمن پریت کو غصے میں دیکھا گیا اور امپائرز سے بحث کرتی نظر آئیں۔

واضح رہے کہ ٹی20 ورلڈکپ مہم کے دوران بھارت کو اپنے افتتاحی میچ میں کیویز کے ہاتھوں ہزیمت کا منہ دیکھنا پڑا ہے۔

انگلش ٹیم کے کپتان بین اسٹوکس کی پہلے میچ میں پاکستان کیخلاف ٹیسٹ سیریز کے آغاز سے قبل شرکت مشکوک ہوگئی۔

بین اسٹوکس کی عدم موجودگی میں انگلش ٹیم کی قیادت اولی پوپ کے سپرد ہوگی۔روایت کے مطابق انگلینڈ ٹیم پلئینگ الیون کا اعلان ٹیسٹ میچ سے دو روز قبل کرتی ہے، انگلینڈ ٹیم کا کو پاکستان کے خلاف پلئینگ الیون کے اعلان کا امکان ہے۔

واضح رہے کہ بین اسٹوکس دی ہنڈرڈ لیگ کے دوران ہیمسٹرنگ انجری کا شکار ہوئے تھےجس کی وجہ سے وہ سری لنکا کےخلاف ٹیسٹ سیریز نہیں کھیل سکے تھے۔

قبل ازیں انگلینڈ کرکٹ بورڈ نے بین اسٹوکس کی پاکستان کے خلاف تین میچز پر مشتمل ٹیسٹ سیریز میں شرکت کی امید ظاہر کی تھی جس کے بعد انہیں اسکواڈ میں شامل بھی کیا گیا۔

راولپنڈی: دارالحکومت کےجڑواں شہر پی ٹی آئی کے ڈی چوک احتجاج کے باعث آج بھی سیل ہے راستوں کی بندش کے باعث محکمہ تعلیم نے سلام ٹیچرز ڈے سے متعلق تمام تقریبات منسوخ کردی ہیں ان پروگرامز میں اساتذہ کو بہترین کارکردگی پر ایوارڈ بھی دیے جانے تھے۔

شہر بھر کے تمام راستے، سڑکیں، چوراہے آج دوسرے دن بھی مکمل سیل ہیں جب کہ انتظامیہ کی جانب سے مری روڈ آنے والے لنک روڈز اور گلیوں کو بھی سیل کیا گیا ہے۔ اسی طرح سرکاری و پرائیویٹ تعلیمی ادارے آج ہفتے کے روز بھی مکمل بند ہیں اور سڑکوں پر ٹریفک معمول سے انتہائی کم ہونے کی وجہ سے سرکاری اداروں میں بھی حاضری کم ہے۔

اڈیالہ جیل سے ملزمان کو آج بھی عدالتوں میں پیش نہیں کیا گیا ، جس کی وجہ سے کچہری کا علاقہ سنسان ہے۔ تمام عدالتوں نے مقدمات کی سماعت بغیر کارروائی کے حاضری لگا کر ملتوی کردی ہے۔

چہر کے چوراہوں سمیت دیگر اہم مقامات پر پولیس کی بھاری نفری تعینات ہے۔پبلک ٹرانسپورٹ کی شدید کمی کی وجہ سے آن لائن رائیڈ سروس فراہم کرنے والے من مانے کرایے وصول کررہے ہیں۔ شہر میں میٹرو سروس بھی آج بند ہے۔

اسلام آباد:عالمی یومِ اساتذہ کی مناسبت سے وزیراعظم شہباز شریف نے کہا ہے کہ یہ اساتذہ کی انتھک محنت ہی ہے جو نوجوان نسل میں ترقی اور خوشحالی کی تحریک اور لگن پیدا کرتی ہے۔

عالمی یومِ اساتذہ کی مناسبت سے اپنے پیغام میں وزیراعظم شہباز شریف نے کہا کہ آج ہم اپنی قوم کے مستقبل کے معمار کے طور پر اساتذہ کے گراں قدر کردار کو تسلیم کرنے کے لیے عالمی یوم اساتذہ منانے میں عالمی برادری کے ساتھ شریک ہیں۔

آج کے دن ہم ان لوگوں کو خراج تحسین پیش کرتے ہیں جنہوں نے پاکستان کے مستقبل کی تشکیل اور علم کو فروغ دینے کے عظیم مشن کو سر انجام دینے کا بیڑہ اٹھایا ہے۔ درحقیقت کسی ملک کی ترقی بنیادی طور پر اس کے افراد کی تعلیم سے جڑی ہوتی ہے اور یہ اساتذہ کی انتھک محنت ہی ہے جو نوجوان نسل میں ترقی اور خوشحالی کی تحریک اور لگن پیدا کرتی ہے۔

میں پاکستان بھر کے تمام اساتذہ کا دل کی گہرائیوں سے شکریہ ادا کرتا ہوں جو اپنے غیر متزلزل عزم کے ساتھ نوجوان ذہنوں کو سنوارتے ہیں ۔ وہ ہمارے مستقبل کے معمار ہیں اور علم پر مبنی معیشت بننے کے ہمارے مقصد کے لیے ان کی لگن ناگزیر ہے۔ ان کی کاوشوں کے بغیر ہم اپنی ان امنگوں کو پورا نہیں کر سکتے جو ہم نے بحیثیت قوم اپنے لیے متعین کر رکھی ہیں۔

حکومت پاکستان اساتذہ کے ساتھ کیے گئے اپنے وعدے کی تکمیل کے لیے پرعزم ہے ۔ ہم ایک حوصلہ افزا اور اچھی معاون تدریسی افرادی قوت کی اہمیت کو تسلیم کرتے ہیں اور جدید انفرا اسٹرکچر اور تعلیمی وسائل میں سرمایہ کاری جاری رکھیں گے۔ ہمارا مقصد ایک اعلیٰ کارکردگی کا حامل تعلیمی نظام وضع کرنا ہے جو ہمارے طلبہ اور اساتذہ دونوں کو تیزی سے بدلتی ہوئی دنیا میں ترقی کی منازل طے کرنے کے قابل بنا سکے۔

آئیے ،ہم آج اور ہر آنے والے دن کو اپنے اساتذہ کے انتہائی اثر انگیز کردار کے طور پر منائیں اور پاکستان کے مستقبل کے رہنماؤں کو تعلیم کے زیور سے آراستہ کرنے اور ان کی حوصلہ افزائی کرنے کے ان کے مشن میں ان کی معاونت کرنے کے اپنے عزم کا اعادہ کریں۔

لبنان کے دارالحکومت میں 27 ستمبر کو حزب اللہ کے سربراہ حسن نصر اللہ اسرائیلی حملے میں شہید ہوگئے تھے۔

چند روز قبل ہی ان کی ایران کے سپریم لیڈر خامنہ ای سے بات چیت ہوئی تھی۔

عالمی خبر رساں ادارے رائٹرز کے مطابق ایک سینیئر ایرانی اہلکار نے نام نہ ظاہر کرنے کی شرط پر بتایا کہ خصوصی ایلچی کے ذریعے خامنہ ای اور حسن نصر اللہ کے درمیان کیا گفتگو ہوئی تھی۔

کم از کم تین مصدقہ ایرانی ذرائع نے رائٹرز سے گفتگو میں تصدیق کی کہ رہبرِ اعلیٰ علی خامنہ ای نے حسن نصر اللہ کو آخری بات چیت میں اسرائیلی قاتلانہ حملے سے خبردار کیا تھا۔

ایران کے سپریم لیڈر علی خامنہ ای نے حسن نصر اللہ کو مشورہ دیا تھا کہ فوری طور پر لبنان کو چھوڑ کر ایران چلے آئیں کیوں کہ لبنان میں اسرائیلی جاسوس گھس چکے ہیں جو ان کے قتل کی منصوبہ بندی کر رہے ہیں۔

رائٹرز کو ایرانی اہلکار نے یہ بھی بتایا کہ علی خامنہ ای کا پیغام لے کر حسن نصر اللہ تک پہنچانے والے ایلچی پاسداران انقلاب کے سینیئر کمانڈر عباس نیلفروشان تھے جو حسن نصر اللہ کے ساتھ ہی شہید ہوگئے تھے۔

یاد رہے کہ نیلفروشان ایران کے سپریم لیڈر علی خامنہ ای کے قابل اعتماد فوجی مشیر تھے۔