میلبرن ٹیسٹ سے قبل پاکستان کرکٹ ٹیم کو بڑا دھچکا لگ گیا۔

پاکستان کرکٹ بورڈ (پی سی بی) کی جانب سے جاری کردہ اعلامیے میں کہا گیا ہے کہ پرتھ ٹیسٹ میچ میں آسٹریلیا کے خلاف ڈیبیو کرنے والے خرم شہزاد انجری کا شکار ہوگئے۔

نوجوان فاسٹ بولر کو جسم کے بائیں حصے میں تکلیف ہوئی ہے جس کے بعد انہیں ایم آر آئی اسکین کروایا گیا ہے،میڈیکل پینل کی رپورٹس کا جائزہ لینے کے بعد بورڈ نوجوان فاسٹ بولر سے متعلق مزید تفصیلات جاری کرے گا۔
پرتھ ٹیسٹ میچ میں نوجوان فاسٹ بولر نے اسٹیو اسمتھ، مچل مارش، ڈیوڈ وارنر اور مارنش لبوشین کی وکٹیں حاصل کیں تھی۔

قبل ازیں پرتھ ٹیسٹ میچ سے قبل ابرار احمد پرائم منسٹر الیون کے خلاف چار روزہ میچ میں دائیں گھٹنے میں تکلیف کی شکایت پر اسپنر کو میدان سے باہر جانا پڑا تھا، میڈیکل ٹیم اسپنر کا میڈیکل ٹیم نے معائنہ کیا بعدازاں انکا ایم آر آئی اسکین کرایا تھا اور انہیں آرام کا مشورہ دیا تھا۔

ابرار احمد میڈیکل ٹیم کی نگرانی ری ہبلیٹیشن جاری ہے تاہم توقع کی جارہی ہے کہ وہ میلبرن ٹیسٹ سے قبل مکمل فٹ ہوجائیں گے۔

سرسید یونیورسٹی آف انجینئرنگ اینڈ ٹیکنالوجی کے شعبہ سائیکالوجی کے زیرِ اہتمام ہیلتھ سائیکاٹرک پَرسپیکٹیوسمپلیفائیڈ Mental Health- Psychiatric Perceptive Simplified کے موضوع پر ایک سیمینار کا انعقاد کیا گیا

جس کے شرکاء میں رجسٹرار کموڈور (ر) سید سرفراز علی، ڈین فیکلٹی آف کمپیوٹنگ اینڈ اپلائیڈ سائنسز، پروفیسر ڈاکٹر محمد آصف، ڈین فیکلٹی آف الیکٹریکل اینڈ کمپیوٹر انجینئرنگ، پروفیسر ڈاکٹر محمد عامر، ڈین فیکلٹی آف سول انجینئرنگ اینڈ آرکیٹکچرپروفیسر ڈاکٹر میر شبرعلی،، چیف سائیکاٹرسٹ سندھ، ڈاکٹر اجمل مغل، ٹرانسفارمیشن ویلنس کلینک کے چیف ایگزیکیٹو ڈاکٹر عمران یوسف، جامعہ کراچی کے شعبہ سائیکالوجی کی چیئرپرسن پروفیسر ڈاکٹر قدسیہ طارق، جامعہ کراچی کے شعبہ سائیکالوجی کی چیئرپرسن پروفیسرڈاکٹر فرح اقبال و دیگر شامل تھے۔

سیمینار سے خطاب کرتے ہوئے مہانِ خصوصی سینیٹر ڈاکٹر کریم احمد خواجہ (سندھ میٹل ہیلتھ اتھارٹی کے چیئرمین) کہا کہ نفسیات کے دو اہم حصے ہوتے ہیں۔نیوراسس اور سائیکوسس۔ نیوراسس ایک ہلکا دماغی عارضہ ہے جس میں ذہنی تناؤ،ڈپریشن اور اضطراب ہوسکتا ہے، جبکہ سائیکوسس ایک بڑا نفسیاتی عارضہ ہے جس میں دماغی و جذباتی ہیجان و خلل کے امکانات ہوتے ہیں۔اس بیماری کا مریض کو خود پتہ نہیں چلتا بلکہ اس کے گھروالے اور خاندان کے افراد متاثرہ فرد کو سائیکاٹرسٹ کے پاس لاتے ہیں۔اساتذہ، طلباء اور عملے کے نفسیاتی مسائل کو حل کرنے کے لیے ہر تعلیمی ادارے میں سائیکالوجسٹ اور سائیکاٹرسٹ کا ہونا ضروری ہے۔

مہمان مقرر ممتاز ماہرِ نفسیات، لاس ویگاس امریکہ کے ویلی آف ہیلتھ سسٹم کے ڈائریکٹر ڈاکٹر مجیب الدین شاد نے کہا کہ میں نفسیاتی عارضے کے علاج میں ایک جامع طریقہ کار پر پختہ یقین رکھتا ہوں۔انسانی نفسیات پانچ اجزاء پر مشتمل ہے۔۔ادویات، سائیکوتھراپی، فزیکل تھراپی، سوشل تھراپی اور روحانی تھراپی۔۔انھوں نے نشاندہی کی کہ دوا ہر مسئلے کا واحد حل نہیں ہے۔یہ انتہائی غلط تاثر ہے کہ دوائی کھاتے ہی آپ ٹھیک ہوجائیں گے۔اگر ڈپریشن ہلکے سے اعتدال پسند ہے تو آپ کو صرف سائیکو تھراپی کی ضرورت ہے۔لیکن اگر ڈپریشن شدت اختیار کرگیا ہے تو پھر اس کے علاج کے لیے آپ کو ادویات کی ضرورت پڑسکتی ہے۔ ہمارے معاشرے میں نفسیاتی بیماری کو ایک کمزوری یا بدنما داغ سمجھا جاتا ہے۔

سرسید یونیورسٹی کے وائس چانسلر پروفیسر ڈاکٹر ولی الدین نے کہا کہ ہمیں متعدد چیلنجوں کا سامنا ہے جن سے نمٹنے کے لیے ہم کو مل کر کام کرنا ہوگا۔نفسیات کا شعبہ تحقیق اور علم میں اضافہ کے علاوہ ترقی کرنے کا نادرموقع فراہم کرتا ہے۔حوصلہ افزائی کے معیار اور طلباء کی فکری و تخلیقی توانائیوں اور صلاحیتوں کو فروغ دینے کے لیے ان کی نفسیاتی مددضروری ہے۔دماغی طور پر صحتمند طلباء کی زندگی کا معیار مثبت ہوتا ہے اور وہ گھر، تعلیمی اداروں اور اپنی برادری میں اچھی طرح سے کام کرسکتے ہیں۔

قبل ازیں، خیرمقدمی کلمات ادا کرتے ہوئے شعبہ نفسیات کی چیئرپرسن ڈاکٹر سُنبل مجیب نے کہا کہ جامعہ کے اندر نفسیاتی نقطہ نظر کے ذریعے ذہنی صحت کے خدشات کو سمجھنے، اور ان کی تعلیم او ر شمولیت میں مدد دینے کے لیے یہ ایونٹ ڈیزائن کیا گیا ہے

کراچی: شعبہ معاشیات جامعہ کراچی میں ایم فل / پی ایچ ڈی کے طلبہ کے لئے قائم ریسرچ کمپیوٹرلیب کی افتتاحی تقریب سے خطاب کرتے ہوئے جامعہ کراچی کے وائس چانسلر پروفیسرڈاکٹر خالد محمودعراقی نے کہا کہ تعلیم پاکستانی حکمرانوں کی ترجیحات میں شامل نہیں اورتواترکے ساتھ تعلیمی بجٹ میں کمی اس کا منہ بولتاثبوت ہے۔

ترقی یافتہ اور ترقی پذیر ممالک کے درمیان فرق دراصل علم کا ہے۔ ترقی یافتہ ممالک کی صف میں شامل ہونے کے لئے تعلیم کے بجٹ میں خاطرخواہ اضافہ کرناہوگا۔جامعات کو ان کی ضروریات کے مطابق فنڈزفراہم کرنے کی صورت میں ہی ان سے اچھی، معیاری اور معاشرتی مسائل کے حل پرمبنی تحقیق سامنے آسکتی ہے۔

اس موقع پرصدرشعبہ معاشیات ورجسٹرارجامعہ کراچی پروفیسرڈاکٹر عبدالوحید رئیس کلیہ فنون وسماجی علوم جامعہ کراچی پروفیسرڈاکٹر شائستہ تبسم،صدرانجمن اساتذہ جامعہ کراچی پروفیسرڈاکٹر شاہ علی القدر،پروفیسرڈاکٹرانیلا امبر ملک،پروفیسرڈاکٹرثمینہ سعید،پروفیسرڈاکٹرتنویر عباس ودیگر بھی موجود تھے۔

صدرشعبہ معاشیات ڈاکٹر عبدالوحید نے شعبہ معاشیات میں ہونے والی تدریسی وتحقیقی سرگرمیوں، کمپیوٹر لیب کے قیام اور اس کی ضرورت کے حوالے سے شرکاء کو آگاہ کیا۔ڈاکٹر عبدالوحید نے بتایا کہ نامساعد مالی حالات کے باوجود شعبہ ہذا کے سابق طلبہ ودیگر کے تعاون سے شعبہ ہذا میں کمپیوٹرلیب کا قیام اور شعبہ کی تزئین وآرائش کی گئی۔تقریب میں نظامت کے فرائض شعبہ اسسٹنٹ پروفیسرڈاکٹر ذیشان عتیق نے انجام دیئے۔

ممبئی: ورلڈکپ جتوانے والےآسٹریلوی کپتان پیٹ کمنز انڈین پریمئیر لیگ 2024 میں ابتک فروخت ہونے والے دوسرے مہنگے ترین کرکٹر بن گئے۔

میڈیا رپورٹ کے مطابق آئی پی ایل کی معروف فرنچائز سن رائزرز حیدرآباد نے آسٹریلوی فاسٹ بولر پیٹ کمنز کو 20.40 بھارتی کروڑ (یعنی امریکی ڈالر میں 2 لاکھ 45 ہزار امریکی ڈالر) میں خریدا۔

اس سے قبل سال 2023 میں انگلینڈ کے سیم کرن کو پنجاب کنگز نےبھارتی 18.50 کروڑ روپے میں خریدا تھا۔
آسٹریلوی کپتان نے بین الاقوامی کرکٹ میں توجہ مرکوز کرنے کیلئے گزشتہ برس آئی پی ایل کھیلنے سے انکار کردیا تھا جبکہ سال 2020 میں انہیں کولکتہ نائٹ رائیڈرز اپنی ٹیم میں شامل کیا تھا۔

ویسٹ انڈیز کے کپتان روومین پاول کو راجھستان رائلز نے آئی پی ایل ڈرافٹ کے دوران 7.4 کروڑ بھارتی روپے میں خرید کر اپنی ٹیم کا حصہ بنایا جبکہ سن رائزرز حیدر آباد کی ٹیم نے آسٹریلیا کے ہی ٹریوس ہیڈ کو 6.8 کروڑ روپے میں خریدا۔

انگلینڈ کے ہیری بروکس کو ڈہلی کیپیٹلز نے 4 کروڑ میں خریدا گیا، ابتک اسٹیو اسمتھ، ریلی روسو جیسے جارح مزاج بلےبازوں کو خریدنے میں کسی فرنچائز نے کوئی دلچسپی نہیں دیکھائی

اسلام آباد: نگران وفاقی وزیر تعلیم و پیشہ ورانہ تربیت مدد علی سندھی نے گزشتہ روز اسلام آباد ماڈل اسکول ایف سکس تھری کا دورہ کیا اور اسکول میں مہیا کی گئی سہولیات اور تعلیمی معیار کو بڑھانے کیلئے مقامی کمیونٹی کی جانب سے کی جانے والی قابل ذکر کو ششوں کو سراہا۔

اس موقع پرا سپیشل سیکرٹری محی الدین وانی نے انہیں اسکول کے مختلف کلاس رومز، کمپیوٹر لیبز، لیبارٹریز، فرنیچر اور انفراسٹرکچر کے حوالے سے تفصیلی بریفنگ دی۔

اس موقع پر وفاقی وزیر نے کہا کہ اسلام آباد کے 20 سرکاری پرائمری اسکولوں کو فوری طور پر اپ گریڈ کیا جائے گا، ادھر بین الا قوامی اسلامی یونیورسٹی کے زیر اہتمام عربی زبان کے فروغ میں اداروں اور افراد کا کردار کے موضوع پر کانفرنس سے بھی انہوں نے خطاب کیا۔

کانفرنس سے یمن کے سفیر محمد مظہر العشبی ، قائم مقام صدر جامعہ ڈاکٹرعبدالرحمن، کلیہ عربی کے ڈین ڈاکٹر فضل اللہ، ڈاکٹر حبیب الر حمن عاصم اور دیگر نے بھی خطاب کیا۔

خیبر پختونخوا کے اسکولوں میں موسم سرما کی تعطیلات کا اعلان کردیا۔

محکمہ تعلیم خیبرپختونخوا نے چھٹیوں کے حوالے سے نوٹیفکیشن بھی جاری کردیا ۔

میدانی علاقوں میں موسم سرما کی تعطیلات 23 سے 31 دسمبرتک رہے گی 

 جبکہ پہاڑی علاقوں میں 23 دسمبر سے29 فروری 2024ء تک تعطیلات ہوں گی

لاہور: قومی کرکٹ ٹیم کے چیف سلیکٹر وہاب ریاض نے دورہ نیوزی لینڈ کیلئے 17 رکنی اسکواڈ کااعلان کردیا

ٹی 20 قیادت شاہین آفریدی کریں گے
اسکواڈ میں ابرار احمد،عامر جمال، عباس آفریدی،بابر اعظم،فخرزمان اسکواڈکاحصہ ہونگے۔

پانچ ٹی20 میچز کی سیریز کیلئے 3 وکٹ کیپرزجن میں اعظم خان،محمد رضوان،حسیب اللہ کوشامل کیا گیا ہے

جبکہ فاسٹ بالر حارث رئوف، زمان خان،اسامہ میر،سائم ایوب،صاحبزادہ فرحان,محمد نواز،محمد وسیم جونیئر،افتخار احمدٹیم اسکواڈ بھی کاحصہ ہیں

چیف سلیکٹر وہاب ریاض کا کہنا ہے کہ ڈومیسٹک کرکٹ کھیلنے کے دوران انجری کا شکار ہونے والے لیگ اسپنر شاداب خان کو آرام کیلئے مزید 2 ہفتے درکار ہیں، وہ اپنا ری ہیب جاری رکھے ہوئے ہیں جبکہ نوجوان وکٹ کیپر محمد حارث کو بھی دورہ نیوزی لینڈ کے دوران آرام کروایا گیا ہے۔

پاکستان شوبز انڈسٹری کے معروف اداکار محب مرزا نے آئیکون ایوارڈز 2023 میں بہترین اداکاری کا ایوارڈ اپنے نام کر لیا۔

محب مرزا کو معاشرے میں تعلیم کے حصول کے لیے آگاہی پیدا کرنے والی ڈرامہ سیریل رضیہ کے کردار ’سلیم‘کے لیے ڈرامہ آئیکون ایوارڈز 2023 کے پہلے ایڈیشن میں بہترین اداکار کے ایوارڈ سے نوازا گیا۔

اداکار نے سوشل میڈیا پر ایوارڈ کے ہمراہ تصاویر شیئر کرتے ہوئے خوشی کا اظہار کرتے ہوئے بتایا میری ڈرامہ سیریل ’رضیہ‘ کو 8 ایوارڈز سے نوازا گیا، شکر گزار ہوں کہ میرے کام کو سراہا گیا۔

محب مرزا نے ایوارڈ شو کے ججوں کا بھی شکریہ ادا کیا اور ساتھی اداکارہ مومل کے کام کو سراہتے ہوئے لکھا کہ آپ کی پرفارمنس کے بغیر سلیم نامکمل تھا، تقریب میں آپ کی کمی کو بہت محسوس کیا۔

کراچی: بین الاقوامی مرکز برائے کیمیائی و حیاتیاتی علوم جامعہ کراچی کے سینئر پروفیسر ڈاکٹر ایم رضا شاہ ’پاکستان اکیڈمی آف سائینسز‘ سندھ چیپٹر کے سیکریٹری منتخب ہوگئے۔

آئی سی سی بی ایس، جامعہ کراچی کے ترجمان کے مطابق پروفیسررضا شاہ بلا مقابلہ پاکستان اکیڈمی آف سائینسز‘ سندھ چیپٹر کے سیکریٹری منتخب ہوئے ہیں۔ آئی سی سی بی ایس، جامعہ کراچی کے ترجمان کے مطابق پروفیسر رضا شاہ کا تحقیقی میدان نینو میڈیسن اور سپرامالیکولر کیمسٹری ہے، انھوں نے چھ کتابیں تصنیف کی ہیں جبکہ چار کتابوں کی تدوین بھی کی ہے، ان کے حصے میں اس کے ساتھ ساتھ کتب میں12ابواب جبکہ1700امپیکٹ فیکٹر کے ساتھ460ریسرچ آرٹکل بھی شامل ہیں۔ ان کے یو ایس پیٹنٹ کی تعداد3ہے۔ ان کی نگرانی اور نائب نگرانی میں34اسکالرز ے پی ایچ ڈی جبکہ44نے ایم ایس اور ایم فل کیا ہے۔

خیبرپختونخواہ کی حکومت نے انھیں2019سب سے نمایاں سائینسدان قرار دیا تھا، ان کو2015ء میں ’تمغہئ امتیاز‘بھی عطا ہوا ہے۔انھیں مختلف ادوار میں ڈاکٹر عطاالرحمن گولڈ میڈل، ڈاکٹر ریاض الدین گولڈ میڈیل اور ڈاکٹر عبدالسلام ایوارڈ بھی مل چکا ہے،2017ء میں ان کی ایک کتاب کو اعلیٰ تعلیمی کمیشن کی جانب سے بہترین کتاب ہونے کا عزاز بھی حاصل ہوا ہے۔ پروفیسر رضا شاہ ملکی اور غیر ملکی اکیڈمی آف سائینسزاور اداروں ک رکن بھی رہے ہیں، جبکہ پاکستان انٹر نیشنل کیسمٹری اولمپیارڈ ٹیم کے2008ء سے اتالیق ہیں۔

کویڈ کے زمانے میں سینوفارم کمپنی کی ویکسین کے ٹرائل ان ہی کی زیرِ نگرانی ہوئے تھے۔ دوسری جانب شیخ الجامعہ کراچی پروفیسر ڈاکٹر خالد محمود عراقی، سابق وفاقی وزیر برائے سائینس اور ٹیکنالوجی اور پروفیسرامریطس ڈاکٹر عطا الرحمن اور کامسٹیک کے کوارڈینیٹر جنرل اور ادویاتی اور بائیو آرگینک نیچرل پروڈکٹ کیمسٹری پر قائم یونیسکو چیئر کے نگراں (چیئر ہولڈر) پروفیسر ڈاکٹرمحمد اقبال چوہدری نے بھی پروفیسررضا شاہ کو اُن کی کامیابی پر مبارکباد دی ہے۔

کراچی میں جاری 18 ویں عالمی کتب میلہ 2023ء کےتیسرےروز نگراں صوبائی وزیر اطلاعات محمد احمد شاہ نے دورہ کیا۔

اس موقع پرنگراں صوبائی وزیر اطلاعات محمد احمد شاہ کاکہناتھا کہ کتاب ہماری شناخت ہے کتابوں کا کلچر دنیا سے ختم ہو جائے تو دنیا سے تہذیب ختم ہو جائے گی، کاغذ مہنگا ہو نے سے کتابیں مہنگی ہو رہی ہیں گذشتہ2سال میں کاغذ 4گنا مہنگا ہو گیا اس لئے وفاقی حکومت کودرآمدی کاغذ پر سبسڈی دینی چاہیے ۔

۔ نگراں صوبائی وزیر اطلاعات محمد احمد شاہ نے میڈیا سے گفتگو کرتے ہوئے مزید کہا کہ بڑی خوشی کی بات ہے کہ عالمی کتب میلے میں لوگوں کا جمع غفیر موجود ہے اس بات سے اندازہ لگایا جاسکتا ہے کہ موبائل کے دور میں بھی کتب کی اہمیت ختم نہیں ہوئی اور نہ ہوسکتی ہے۔

اس موقع پرپاکستان پبلشرز اور بک سیلرز ایسوسی ایشن کے چیئرمین عزیر خالد اورکنوینر کے۔ آئی۔ بی۔ ایف وقار متین بھی موجود تھے ،نمائش کے تیسرے دن جماعت اسلامی کراچی کے امیر حافظ نعیم الرحمن ،معراج الہدی صدیقی ،ایم کیو ایم کی سینئر رہنما نسرین جلیل اور دیگر اہم سماجی و ادبی شخصیات نے شرکت کی

کراچی انٹرنیشنل کتب میلے کی انتظامیہ اور پاکستان پبلشرز اینڈ بک سیلرز ایسو سی کو مبارک باد پیش کرتا ہوں جنہوں نے کتاب سے محبت کرنے والے اور علم کے پیاسوں کے لیے اتنا اچھا موقع فراہم کیا ہے۔ انہوں نے مزید کہا کہ پورے سال میں صرف پانچ دن ہوتا ہے۔ میری خواہش ہے کہ پورے سال کتب میلہ جاری رہے ۔

وزیر اطلاعات کا کہنا تھا کہ کتب اتنی مہنگی ہوچکی ہیں کہ 90فیصد عام آدمی تک کتب کی رسائی ممکن نہیں رہی ۔ حکو مت کو چاہیے کہ پبلیشرز کو کاغذ پر سبسیڈی دینی چاہیے تاکہ عام آدمی تک کتب پہنچ سکے۔ بعد ازاں احمد شاہ نے کتب میں مختلف اسٹال کا دورہ کیا خصوصی طور پر آنکھوں سے محروم افراد کے لگائے گئے اسٹال پر گئے اور اُن کے مسائل دریافت کئے اور مسائل کو حل کرنے کی یقین دہانی بھی کرائی۔