کراچی : بین الاقوامی مرکز برائے کیمیائی و حیاتیاتی علوم جامعہ کراچی کے تحت ”اطلاقی جینومکس اور جینومکس ایڈیٹنگ برائے تحفظِ غذا“ کے موضوع پر ایک بین الاقوامی پریکٹیکل ٹریننگ کورس اور سمپوزیم جمعرات)28 دسمبر2023ء تا5جنوری2024) سے ایل ای جے نیشنل سائینس انفارمیشن سینٹر جامعہ کراچی میں شروع ہوگا۔

آئی سی سی بی ایس، جامعہ کراچی کے ترجمان کے مطابق تعلیمی و تحقیقی اداروں سے تعلق رکھنے والے تقریباً200سے زیادہ محققین اس پریکٹیکل ٹریننگ کورس میں شرکت کریں گے، شرکت آن لائن اورجسمانی حاضری دونوں صورتوں میں ممکن ہوگی۔

اس قومی ورکشاپ کا انعقادآئی سی سی بی ایس، جامعہ کراچی اور سندھ انوویشن، ریسرچ اینڈ ایجوکیشن نیٹ ورک (سائرن) کے باہمی تعاون سے ہورہاہے۔سابق وفاقی وزیر برائے سائینس اور ٹیکنالوجی اور پروفیسرامریطس ڈاکٹر عطا الرحمن اس بین الاقوامی پریکٹیکل ٹریننگ کورس اور سمپوزیم کا افتتاح کریں گے۔

آئی سی سی بی ایس، جامعہ کراچی کے آئی پی آر کے انچارج ڈاکٹرشاہد منصوراس کورس کے کوارڈینیٹر ہیں جس کے انعقاد کا مقصد متعلقہ موضوع پرنظری اور عملی معلومات سے اساتذہ اور طالبِ علموں کی استعداد بڑھانا ہے۔

کراچی: نگراں وزیراعلیٰ سندھ جسٹس (ر) مقبول باقر نے کل عام تعطیل کی منظوری دیدی۔

تمام سرکاری اور نجی اداے، لوکل کاؤنسلز اور صوبائی حکومت کے انتظامی ضابطی میں ہیں بند رہیں گے۔

یوم شہادت محترمہ بینظیر بھٹو کی مناسبت سے کل صوبے بھر میں عام تعطیل ہوگی۔

کراچی: سندھ ہائیکورٹ نے ایم ڈی کیٹ ٹیسٹ میں بےقاعدگیوں سے متعلق درخواستیں مسترد کردیں۔

چیف جسٹس سندھ ہائیکورٹ جسٹس عقیل احمد عباسی کی سربراہی میں دو رکنی بینچ کے روبرو ایم ڈی کیٹ ٹیسٹ میں بے قاعدگیوں سے متعلق درخواستوں کی سماعت ہوئی۔
درخواستگزاروں کے وکیل نے دلائل دیے کہ بارہ بارہ لاکھ روپے کا پیپر فروخت ہوا ہے۔ بالکل وہی پیپر تھا جو لیک ہوا ہے۔درخواستگزار کے وکیل نے موقف دیا کہ ہم چاہتے ہیں میرٹ پر داخلے ہوں۔

چیف جسٹس نے نے ریمارکس دیئے کہ اکتالیس ہزار لوگوں نے ٹیسٹ دیا تھا، سو لوگوں نے فائدہ اٹھایا ہوگا۔ آپ کیا چاہتے ہیں بچوں کا ایڈمیشن نا ہونا پڑھیں۔چیف جسٹس نے اظہار برہمی کرتے ہوئے ریمارکس میں کہا کہ بچوں کو بے وقوف بنانے کی باتیں نہ کریں۔ لوگوں کا اعتماد خراب ہورہا ہے پہلے بھی پیپر لیک ہوگیا تھا۔

عدالت نے درخواستگزار کے وکیل سے استفسار کیا کہ پیپر کہاں لیک ہوا ہے وہ بتائیں۔
درخواستگزار کے وکیل نے موقف اپنایا کہ پیپر نہیں ہمارے پاس واٹس ایپ چیٹ ہے جہاں 170 سوالوں کے جواب ہیں۔

پی ایم ڈی سی کے وکیل نے موقف دیا کہ کوئی پیپر لیک نہیں ہوا ہے۔
عدالت نے تمام فریقین کے دلائل سننے کے بعد درخواستیں مسترد کردیں۔

ایڈیشنل ایڈوکیٹ جنرل نے مؤقف دیا اوریجنل پیپر لیک نہیں ہوا ہے۔

کراچی: جامعہ این ای ڈی، انسٹی ٹیوٹ آف انجینئرز پاکستان اور چارٹر انسٹی ٹیوٹ آف آربٹریٹر کے اشتراک سے ایک روزہ عالمی سیمینار کا انعقاد شعبہ سول انجینئرنگ کے اشرف حبیب اللہ اے وی ہال میں کیا گیا۔

شیخ الجامعہ پروفیسر ڈاکٹر سروش حشمت لودھی کا اس موقع پر خطاب کرتے ہوئے کہنا تھا کہ پاکستان میں تعمیراتی قوانین کی تعلیم دی ہی نہیں جاتی تھی۔ این ای ڈی نے کنسٹرکشن لاء کا آغاز کیا اور ڈگری دینی شروع کی۔ نیز یہ کہ انہوں نے این ای ڈی سول انجینئرنگ کے تحت کنسٹرکشن لاء ڈگری کی اہمیت پر زُور دیا اور کہاکہ تعمیراتی تنازعات کے پائیدار قوانین ضروری ہیں۔

سیمینار سے شیخ الجامعہ این ای ڈی پروفیسر ڈاکٹر سروش حشمت لودھی، انسٹی ٹیوٹ آف انجینئرز پاکستان کے چیئرمین انجینئر سہیل بشیر، برانچ چیئر چارٹر انسٹی ٹیوٹ آف آربٹریٹر (سی آئی اے آر بی) میاں شیراز جاوید، ڈین پروفیسر ڈاکٹر اسد الرحمان، مس نوین مرچنٹ سمیت ایسوسی ایٹ پروفیسر سول انجینئرنگ اور فوکل پرسن ڈاکٹر فرخ عارف نے خطاب سمیت پینل ڈسکشن کی۔

برطانیہ سے آئی یو کے کنسٹرکشن انڈسٹری کونسل(سی آئی سی) لائبلیٹی پینل کے چیئرمین انجینئر ناصر خان سمیت ملکی ماہرین نے زُور دیا کہ تعمیراتی قوانین کے اطلاق سے تعمیرات کی کارکردگی کاموازنہ کرنے کے ساتھ ساتھ مجموعی طور پر عمارات کو بہتر بنایا جاسکے گا۔

چیف جسٹس سندھ ہائی کورٹ جسٹس عقیل احمد عباسی، جسٹس ذوالفقار احمد خان اور جسٹس مبین لاکھو نے اختتامی سیشن میں شرکت کی۔
سیمینار میں ٹیکنیکل سیشن ہوئےجس میں بڑی تعداد میں کنسٹرکشن لاء کے طالب علموں نے شرکت کی۔ جب کہ ان قوانین کا اطلاق تعمیراتی صنعت کے لیے بہتری کی ضمانت ہے۔

اس موقعے پر این ای ڈی کے رجسٹرار سید غضنفر حسین نقوی اور چارٹر انسٹی ٹیوٹ آف آربٹریٹر کے میاں شیراز جاوید نے مفاہمتی یاداشت پر دستخط ثبت کیے۔

پشاورـ : نگران وزیر اعلی خیبر پختونخوا جسٹس ریٹائرڈ سید ارشد حسین شاہ کی زیر صدارت سرکاری جامعات کے مسائل و معاملات سے متعلق ایک اہم اجلاس گزشتہ روز وزیراعلیٰ ہاؤس پشاور میں منعقد ہوا۔

متعلقہ صوبائی وزراء اور انتظامی سیکرٹریوں کے علاوہ ہائیر ایجوکیشن کمیشن کے چیئر مین اور دیگر حکام نے اجلاس میں شرکت کی۔

اجلاس میں سرکاری جامعات کے مالی مسائل اور انتظامی معاملات کا تفصیلی جائزہ لیا گیا اور سرکاری جامعات کو مالی بحران سے نکالنے کے لئے مختلف تجاویز پر غور کیا گیا۔ اس موقع پر صوبائی حکومت اور ہائر ایجوکیشن کمیشن نے جامعات کو در پیش مالی اور انتظامی مسائل کو حل کرنے کے لئے مل جل کر کام کرنے کے عزم کا اظہار کیا۔ اجلاس میں حکومت کی طرف سے جامعات کو دی جانے والی گرانٹس کو ان کے بہتر مالی نظم وضبط سے مشروط کرنے پر اتفاق کیا گیا جبکہ سرکاری جامعات میں وائس چانسلرز کی تعیناتی کے لئے عمل کو جلد سے جلد مکمل کرنے کا فیصلہ کیا گیا۔

علاوہ ازیں کم انرولمنٹ والے یو نیورسٹی کیمپسز کو ایک دوسرے کے ساتھ ضم کرنے کی تجویز سے اصولی اتفاق کیا گیا۔ اسی طرح کا لجوں اور جامعات کے روایتی کورسز کی جگہ جدید مارکیٹ کے تقاضوں سے ہم اہنگ کورسز متعارف کرانے اور جامعات میں تعلیمی عمل پر بطور عملدرآمد یقینی بنانے پر بھی اتفاق پایا گیا۔

اservice" "ssential اجلاس کے شرکاء سے گفتگو کرتے ہوئے کہا کہ جامعات کو در پیش مالی بحران ایک سنجیدہ معاملہ ہے اس لئے جامعات کو اس بحران سے نکالنے کے لئے ایک جامع اور کل وقتی حکمت عملی کی ضرورت ہے ، ارشد حسین شاہ کا کہنا تھا کہ صوبائی حکومت اس سلسلے میں تمام اسٹیک ہولڈرز کی مشاورت سے آگے بڑھ رہی ہے۔ نگران وزیر اعلی نے واضح کیا کہ جامعات کو مالی طور پرمستحکم اور خود انحصار بنانے کے لئے قابل عمل فنانشل پلانز تیار کر کے ان پر عملدرآمد کرنا ہوگا تعلیم کا شعبہ نگران صوبائی حکومت کی اولین ترجیحات میں شامل ہے۔ انہوں نے اعلی تعلیم کے شعبے کو جدید عصری تقاضوں سے ہم آہنگ کرنے کی ضرورت پر زور دیتے ہوئے کہا کہ جامعات میں روایتی تعلیم کی بجائے مارکیٹ ہیڈ کورسز پڑھانے کی ضرورت

اسلام آباد: پاک فوج اور فرنٹیئر کور خیبرپختونخوا حکومت کے اشتراک سے صوبے بھر میں علم کی روشنی پھیلانے میں مصروف ہیں۔

خیبرپختونخوا میں پاک فوج کا "علم ٹولو دا پارہ" یعنی (تعلیم سب کےلیے) پروگرام کے تحت 9 پائلٹ پراجیکٹس پر ہنگامی بنیادوں پر کام شروع کر دیا گیا، پروگرام کا مقصد نوجوانوں کو علم کے زیور سے آراستہ کر کے ملکی ترقی و خوشحالی میں حصہ دار بنانا ہے۔

پروگرام کے تحت درہ آدم خیل، مہمند، تیراہ، حسن خیل، کرم، جانی خیل، ٹانک، سراروغہ اور انگور اڈہ میں نو پائلٹ پراجیکٹس پر کام شروع کیا گیا، 15 اکتوبر2023 کو شروع ہونے والے پروگرام کے ابتدائی مرحلے میں فروغ تعلیم کیلئے مختلف امور پر کام کیا گیا۔

اعلامیے کے مطابق اب تک 4 ہزار سے زائد بچے اور بچیاں اس پروگرام سے مستفید ہو چکے ہیں، اس کے علاوہ چار مختلف سنٹرز میں 500 سے زائد بچیاں ڈیجیٹل سکلز کے کورسز بھی کر رہی ہیں، اس پروگرام کے تحت 24 غیر فعال سکولوں کو بھی فعال کیا گیا ہے۔

ایڈلٹ لرننگ پروگرام کے تحت 250 ایڈلٹس کو مختلف کورسز میں تربیت دی جا رہی ہے۔

اسی طرح کمپوزٹ یوتھ پروگرام کے تحت نوجوانوں کی تخلیقی صلاحیتوں کو مدنظر رکھتے ہوئے غیر نصابی عمل سے مرحلہ وار تربیت دی جا چکی ہے، علم کے حصول کے اس عمل کو ہر بچے تک پہنچانے کیلئے پاک فوج تمام تر کوششیں بروئے کار لائے گی۔

لاہور: قومی ٹیم کے آل راؤنڈر اور پی ایس ایل کی ٹیم اسلام آباد یونائیٹڈ کے کپتان شاداب خان کا کہنا ہے کہ آسٹریلیا میں قومی ٹیم سیریز جیتنے گئی ہے، ایک میچ ہارنے سےکچھ نہیں ہوتا، ہم بطور قوم بہت جلدی باتیں شروع کر دیتے ہیں۔

شاداب خان نے کہاکہ وہ جنوری کے پہلے ہفتے تک فٹ ہو جائیں گے۔

میڈیا سے گفتگو میں کپتان شاداب خان نے کہا کہ ابرار کافی عرصے سےکرکٹ کھیل رہا ہے،کام کی زیادتی کی وجہ سے ہمارے اسپنر انجری کا شکار ہو رہے ہیں۔

کرکٹر شاداب خان نے یہ بھی کہا کہ شاہین کافی عرصے بعد ٹیسٹ کرکٹ کھیل رہے ہیں اس لیے ردھم میں آنے میں وقت لگتا ہے۔

اسلام آباد یونائیٹڈ کے کپتان نے کہا کہ قومی ٹیم میں سب میرے دوست ہیں، پی ایس ایل میں لاہور قلندرز کو ٹکر دیں گے۔

اسلام آبادـ : محکمہ صحت نے ملک بھر میں گزشتہ ہفتے کے دوران چھ نئے کورونا وائرس کے کیسز رپورٹ ہونے کی تصدیق کردی۔

نیشنل انسٹی ٹیوٹ آف ہیلتھ (NIH) کے اشتراک کردہ اعداد و شمار کے مطابق گزشتہ ہفتےمثبت کیسز کا تناسب 0.16 فیصد رہا

کورونا وائرس سے کسی موت کی اطلاع نہیں ملی جبکہ 3,674 کوویڈ 19 ٹیسٹ کیے گئے

دریں اثنا، وزارت برائے قومی صحت کے عہدیدار نے کہا کہ حکومت نے کوویڈ 19 کے کسی بھی ذیلی قسم سے نمٹنے کے لیے ملک بھرمیں سرحدی اور صحت کی خدمات کے کردار کو مضبوط کیا ہے۔
انہوں نے کہا کہ ہوائی اڈوں سمیت ملک کے تمام داخلی راستوں پر نگرانی کا نظام موجود ہے۔ تمام ہوائی اڈوں پر مسافروں کی تیز رفتار جانچ اور اسکریننگ ہوگی۔

انہوں نے مزید کہا کہ ملک کی 90 فیصد آبادی پہلے ہی کوویڈ 19 کی ویکسین حاصل کر چکی ہے۔

انٹر بورڈ کو آرڈی نیشن کمیشن کےتحت پہلی دوروزہ کانفرنس منعقد کی گئی۔

کانفرنس میں چاروں صوبوں کے وزراء تعلیم نے شرکت کی۔۔ صوبائی وزرا نے محمد علی جناح یونیورسٹی میں انٹر بورڈ کو آرڈی نیشن کمیشن کی پہلی دوروزہ کانفرنس کی میزبانی پر صدر ڈاکٹر زبیر شیخ کو خراج تحسین پیش کیا۔

اس موقع پرنگراں وزیر تعلیم سندھ رعنا حسین نے کہا ہے کہ شعبہ تعلیم میں بہت اصلاحات کی ضرورت ہے، بچے کی اسسمنٹ کے لئے مروجہ طریقہ کار میں تبدیلی کی ضرورت ہے،انہوں نے کہاکہ لوگ کہتے ہیں کہ شعبہ تعلیم میں کام نہیں ہوتا ایسا نہیں ہے ،شعبہ تعلیم اکیڈمک کی سطح پر بہت کام ہوا ہے تاہم انتظامی معاملات خراب ہیں رعنا حسین نے مزید کہا کہ اسمنٹ پر کام نہ ہونے میں رکاوٹ ہمارا پرانا تعلیمی نصاب ہے

انٹر بور ڈ کو آرڈیشن کمیشن کی دو روزہ کانفرنس میں چیئر مین خیبر پختو نخوا اور چیئر مین کوئٹہ بورڈز نے وزرا کو دستاویزی تجاویز پیش کیں۔

نگراں وزیر تعلیم بلوچستان ڈاکٹر قادر بخش بلوچ نے کہا کہ پاکستان میں امتحانی بورڈز صرف طلبا کو ترجیح دیتے ہیں، امتحانی نظام کو بہتر نہیں کرتے نہ ہی کسی بھی بورڈ میں اتنی صلاحیت ہے کہ وہ طلبا کی صلاحیت اور انفرادیت کو پہچان سکے۔ پورے نظام تعلیم میں طلبا ہماری پروڈکٹ ہے، ہمارے اسسمنٹ پروڈکٹ میں کہیں نہ کہیں کمی ضرور ہے۔ انہوں نے مزید کہا کہ بچوں کے اسمنٹ سے پہلے ان کی کریکٹر بلڈنگ پر توجہ دی جائے، کریکٹر سرٹیفکیٹ دینے سے پہلے حقیقی معنوں میں کردار کا جائزہ لیا جائے۔

دوروزہ کانفرنس کے آخری روز مختلف سیشن میں نصاب تعلیم میں بہتری کے لئے تجاویز بھی دی گئیں۔ آخر میں ڈاکٹر زپیر شیخ نے مہمانوں میں شیلڈ تقسیم کی۔

کرچی: اقراءیونیورسٹی کے پی ایچ ڈی اسکالرمنہاج اکرام کے تحقیقی مقالے کا دفاع30دسمبر 2023ءکوہوگا۔

کراچی ( )فیکلٹی آف بزنس ایڈمنسٹریشن اقراءیونیورسٹی کے پی ایچ ڈی اسکالر منہاج اکرام کے تحقیقی مقالے کا دفاع بروزہفتہ30دسمبر2023ءسہ پہر3 بجے بمقام ORIC اقراءیونیورسٹی مین کیمپس میں منعقد ہوگا۔

جس میں متعلقہ مضمون کے اساتذہ ، اسکالرز اور طلباءو طالبات شرکت کریں گے۔

منہاج اکرام نے ڈاکٹر منور جاوید کے زیر نگرانی اپنا تحقیقی مقالہ مکمل کیا۔

منہاج اکرام کا مقالہ ایچ ای سی قواعد کے مطابق بین الاقوامی ماہرین سے پہلے ہی منظور ہوچکا ہے۔