ایمزٹی وی(لاہور) ایٹچسن کالج کے پرنسپل آغاغضنفر کوانکےعہدےسےہٹادیاگیا۔ ذرائع کےمطابق آغاغضنفر کوچند اہم اوربااثر افراد کےبچوں کو کالج میں داخلہ نہ دینے کی وجہ سے عہدےسے ہٹایاگیا۔تفصیلات کےمطابق ایٹچسن کالج ہرسال k2 میں داخلےکےلئے ٹیسٹ کاانعقادکرتا ہے۔رواں سال بھی کالج میں داخلہ ٹیسٹ کا انعقادکیاگیالیکن قابل غور اوردلچسپ بات یہ تھی کہ اس سال داخلہ ٹیسٹ میں ملک کے بااثر خاندان کےبچےشامل تھے جن میں سابق وزیراعظم یوسف رضاگیلانی ،نیشنل اسمبلی کےاسپیکر ایازصادق اور بینکنگ ٹائکون میاں منشاء کےپوتےشامل تھےلیکن ٹیسٹ میں ناکامی کےباعث انہیں کالج میں داخلہ نہیں دیا گیاان بااثرافراد کت دباؤکےباوجود انہیں کالج میں ایڈمیشن نہیں دیاگیابعد ازاں ان بااثر افرادنےاپنے عہدےکااستعمال کرتےہوئے آغآغضنفر کوان کےعہدے سےہٹادیاگیا۔
ایمز ٹی وی (ایجوکیشن) سیالکوٹ کے علاقے ڈسکہ سے تعلق رکھنے والے سولہ سالہ پھل فروش علی حمزہ نے دسویں جماعت کے سالانہ امتحانات میں دوسری پوزیشن لے کر اپنے بیمار والدین کا سر اونچا کر دیا۔ پنجاب کے انٹرمیڈیٹ اور سیکنڈری بورڈز نے گزشتہ ہفتے نتائج کا اعلان کیا تھا۔
تمغہ جیتنے والے علی کے مطابق انہوں نے یہ اعزاز پانے کیلئے رات رات بھر پڑھائی کی۔ علی نے بتایا کہ وہ اپنے اہل خانہ کا سہارا بننے اوراعلی تعلیم حاصل کرنے کیلئے چونگی نمبر آٹھ پر پھلوں کی ریڑھی لگاتے رہیں گے۔
گورنمنٹ ہائی سکول ڈسکہ سے پڑھنے والے علی نے بتایا کہ وہ محنت مزدوری میں فخر محسوس کرتے ہیں۔’ ریڑھی لگانے سےمیرے گھر کی کی کفالت ہوتی ہے اور یہ کام میری تعلیم میں رکاوٹ ہرگز نہیں‘۔ علی کے والدین بیمار ہونے کی وجہ سے کام کاج نہیں کر سکتے۔
علی نے بتایا کہ تمغہ اور انعام جیتنے کے بعد میں سیدھا اپنی ریڑھی پر آیا اور کام کاج شروع کر دیا۔’ میرے والدین کی دعائیں ہمیشہ میرے ساتھ ہیں اور ان کی وجہ سے میں خود کو دنیا کا سب سے امیر ترین سمجھتا ہوں‘۔ علی ’ملک و قوم کی خدمت کرنے ‘کیلئے ایک انجینئر بننا چاہتے ہیں۔
علی کی کامیابی پر ان کے اہل خانہ انتہائی خوش ہیں جبکہ کئی لوگوں نے ان سے ملاقات کرتے ہوئے مٹھائیاں اور تحائف پیش کیے۔ علی کے سکول کے ہیڈ ماسٹر اعجاز احمد نے گرمیوں کی چھٹیاں ختم ہونے پر ان کے اعزاز میں ایک تقریب کا اعلان بھی کر رکھا ہے۔
