ایمز ٹی وی(انٹر ٹینمنٹ)سماجی رابطوں کی ویب سائٹ ٹوئٹر پر بالی ووڈ کے اداکار ہریتھک روشن کا کہنا تھا کہ استنبول کے اتاترک ائیرپورٹ پر خودکش حملوں اور فائرنگ کے واقعے سے چند گھنٹے قبل وہ بھی اپنے بچوں کے ساتھ وہاں موجود تھے۔ ان سے کنیکٹنگ فلائیٹ چھوٹ گئی تھی جس کے بعد انہیں دوسری فلائٹ کے لئے صبح تک انتظار کرنا تھا لیکن وہ حملے سے صرف چند گھنٹے قبل دوسری پرواز کی اکانومی کلاس کا ٹکٹ لے کر وہاں سے روانہ ہوئےتھے۔

اداکار ہریتھک روشن نے اتاترک ائیرپورٹ اسٹاف کا بھی شکریہ ادا کیا جنہوں نے انہیں اور ان کے بچوں کو اکانومی کلاس کا ٹکٹ جاری کیا جب کہ اداکار نے سانحے پردکھ کا اظہار کرتے ہوئے کہا کہ ہمیں دہشت گردی کے خلاف متحد ہونا چاہیئے۔

واضح رہے کہ گزشتہ روز ترکی کے شہر استنبول میں اتاترک ائیرپورٹ پر خود کش حملے اور فائرنگ کے نتیجے میں 36 افراد ہلاک اور 140 سے زائد زخمی ہوگئے تھے۔

ایمز ٹی وی(لاہور) چیف جسٹس سندھ ہائی کورٹ کے بیٹے اویس شاہ کی بازیابی کے لیے سندھ نے پنجاب پولیس سے مدد مانگ لی ہے

سندھ پولیس نے چیف جسٹس سندھ ہائی کورٹ جسٹس سجاد علی شاہ کے بیٹے بیرسٹر اویس شاہ کی بازیابی کے لیے پنجاب پولیس سے مدد مانگ لی ہے۔

دوسری جانب آئی جی پنجاب مشتاق احمد سکھیرا نے سندھ پولیس کو بھرپور معاونت کی یقین دہانی کراتے ہوئے کہا کہ جن چیزوں پر سندھ پولیس نے ہم سے مدد مانگی ہے اس پر ہم ان کی مدد کررہے ہیں جب کہ ہماری انٹیلی جنس شیئرنگ بھی ہوتی رہتی ہے اور سندھ سے جو ناکے پنجاب سے ملتے ہیں ان ناکوں پر بھی سخت چیکنگ کررہے ہیں۔

واضح رہے کہ چیف جسٹس سندھ ہائی کورٹ کے بیٹے اویس شاہ کو کچھ روز قبل کراچی سے دن دہاڑے اغوا کیا گیا جس پر وزیراعظم سمیت وزیرداخلہ اور سندھ حکومت نے نوٹس لیتے ہوئے ان کی بازیابی کا حکم دیا تاہم اویس شاہ کی تلاش کے لیے قانون نافذ کرنے والے اداروں کی کارراوائیوں میں کوئی خاص پیشرفت نہیں ہوسکی ہے۔

ایمز ٹی وی(انٹر ٹینمنٹ)کرینہ کپورنے کہا کہ لوگ ان سے اکثرسوال کرتے ہیں کہ وہ پریانکا یا دیپکا کی طرح کب ہالی ووڈ کی فلموں میں نظر آئیں گی ان کو پتہ ہونا چاہیے کہ میری اپنی زندگی اور ترجیحات ہیں مجھے ہالی ووڈ جانے کا از خود کوئی شوق نہیں ہے،انھوں نے کہا کہ وہ دنیا کو فتح کرنے کا کوئی ارادہ نہیں رکھتی ہیں، میں شادی شدہ ہوں اور اپنے شوہر کے ساتھ زندگی اور وقت گذارتے ہوئے اپنی فیملی شروع کرنا چاہتی ہوں بلا شبہ پریانکا بہت اچھا کام کر رہی ہے اور وہ ایک بہترین اداکارہ ہیں۔ 35 سالہ اداکارہ نے کہا کہ وہ یہاں سب کچھ چھوڑ چھاڑ کر لاس اینجلس نہیں جا سکتیں، شاید میں زیادہ جدوجہد کرنے کی عادت نہیں رکھتی اور سست الوجود ہوں بس مجھے اپنی چھوٹی سی دنیا درکار ہے جہاں میں سکون سے رہ سکوں۔

ایمز ٹی وی(انٹر ٹینمنٹ)گلیمرس کی دنیانوجوانوں میں خاصی مقبول ہوتی ہے اور ہر نوجوان لڑکے اور لڑکی کی خواہش ہوتی ہے اس دنیا میں قسمت آزمائی کرے لیکن اس چکا چوند میں کئی لوگ اپنا فلمی سفر شروع کرنے سے پہلے ہی ختم کردیتے ہیں اور زندگی مشکلات میں اس قدر گھر جاتی ہے کہ اپنے خونی رشتے بھی آنکھیں پھیر دیتے ہیں یہی کچھ فلم نگری میں قدم رکھنے والی ادکارہ علیشاہ کے ساتھ ہوا۔

بھارتی ماڈل اور اداکارہ علیشاہ خان نے عمران ہاشمی کے ساتھ فلم ’’آئینہ‘‘سے فنی سفر کا آغاز کرنا ہے لیکن ان کا فلمی سفرشروع ہونے سے قبل ہی وہ گھر سے بے دخل ہوگئی ہیں جس کے بعد وہ دہلی کی سڑکوں اور مندروں میں رات گزارنے پر مجبور ہیں۔ بھارتی میڈیا رپورٹس کے مطابق اداکارہ کی غیراخلاقی ویڈیوسوشل میڈیا پر وائرل ہونے پر ان کی والدہ اور بھائی نے ان سے ہمیشہ کے لیے منہ پھیرلیا اور گھر سے نکال دیا ہے جس کے بعد اداکارہ مندروں اور دوستوں کے گھر رہنے پر مجبور ہے ۔

اداکارہ علیشاہ خان کا کہنا تھا کہ دوست نے سوشل میڈیا پرغیراخلاقی ویڈیو شیئر کی جس کی رپورٹ تھانے میں درج کرانے گئی توماں اور بھائی نے گھر سے نکال دیا جس کے بعد میرا کیرئیرداؤ پر لگ گیا ہے۔ انہوں نے کہا کہ گھر سے بے دخل ہونے کے بعد دہلی کی سڑکوں، مندروں اور دوستوں کے گھر زندگی گزار رہی ہوں جس کے باعث جان کوخطرہ لاحق ہوگیا ہے۔

واضح رہے کہ اداکارہ علیشاہ کئی نامور کمپنیوں کے اشتہارت اور بالی ووڈ فلم ’’مائی ہسبینڈ وائف‘‘ میں بھی اہم کردار ادا کرچکی ہیں۔