ایمز ٹی وی(حب) کوسٹ گارڈ نے وندر کے علاقے میں کارروائی کرکے کراچی سے کوئٹہ آنے والی بس سے کروڑوں روپے مالیت کی ہیروئن برآمد کرلی۔ ترجمان کوسٹ گارڈ کے مطابق وندر میں کوئٹہ سے کراچی آنے والی بس کی تلاشی لی گئی تو اس کے خفیہ خانوں سے 12 کلو گرام ہیروئن برآمد ہوئی۔ ترجمان کے مطابق بس کے خفیہ خانوں میں چھپائی گئی ہیروئن کی مالیت کروڑوں روپے بنتی ہے۔ ایک ملزم کو گرفتار کر کے تفتیش کے لئے نامعلوم مقام پر منتقل کردیا گیا ہے

ایمز ٹی وی ( سائنس) وٹس ایپ نے پیغامات کو خفیہ رکھنے والے نظام کو لانچ کرنے کا اعلان کر دیا۔ تفصیلات کے مطابق وٹس ایپ نے کہا ہے کہ وہ اب اپنے صارفین کی بات چیت کو اِنکرپٹ کرنا شروع کر دیں گے۔ اس کا مطلب یہ ہے کہ پیغام بھیجنے والا جو پیغام بھیجے گا وہ گڈمڈ ہو گا۔ موصول کرنے والا اس پیغام کو تبھی پڑھ پائے گا جب وہ اس پیغام کو ڈی کرپٹ کرے گا۔ اس نظام کا سب سے بڑا فائدہ یہ ہے کہ کوئی بھی مجرم یا جاسوس اب کسی کا پیغام نہیں پڑھ پائے گا۔ وٹس ایپ نے فائل ٹرانسفرز اور کالز کو بھی انکرپٹ کرنے کا عندیہ دیدیا ہے۔ واضح رہے کہ وٹس ایپ فیس بک کی زیرملکیت ہے۔ جن صارفین کے پاس وٹس ایپ کا نیا ورژن موجود ہے ان میں یہ سیٹنگ خود بخود ہی انسٹال ہو جاتی ہے

ایمزٹی وی (تعلیم) ہائر ایجوکیشن کمیشن پاکستان کا آن لائن سسٹم فلاپ ہو گیاجس کے نتیجے میں ایم فل و پی ایچ ڈی کے 3500سے زائد طلبا وطالبات اسکالر شپ سے محروم ہوگئے ۔ 
ذرائع کے مطابق ملک بھر سے 3500سے زائد طلبا وطالبات نے آن لائن سسٹم کے تحت ایم فل اور پی ایچ ڈی سکالر شپ کیلئے درخواستیں جمع کرائیں تھیں جن کی ای میل کے ذریعے وصولی کی تصدیق کی گئی، بعد ازاں ان طلبا و طالبات نے شارٹ لسٹ ہونے اورانٹرویوز کے سلسلہ میں متعلقہ افسروں سے رابطہ کیا تو انہیں بتایا گیا کہ آپ کی تو درخواستیں موصول نہیں ہوئیں۔ 
تفصیلات کے مطابق آن لائن سسٹم کی خرابی کی ذمہ داری امیدواروں پر ڈال دی گئی ہے حالانکہ درخواست کی وصولی کی تصدیق کا پیغام موجود ہے ۔جبکہ فی طالبعلم 500 روپے فیس بھی جمع ہے ، صورتحال کا فوری تدارک کیا جائے ورنہ قانونی چارہ جوئی اور دیگر اقدامات اٹھانے پر مجبور ہونگے۔ جبکہ دوسری جانب ایچ ای سی کے ایگزیکٹو ڈائریکٹر ڈاکٹر ارشد سے موقف جاننے کیلئے رابطہ نہ ہوسکا۔