ایمز ٹی وی (کھیل) وقار یونس نے بورڈ کیخلاف اعلان جنگ وقتی اشتعال کے تحت نہیں کیا بلکہ یہ ایک سوچے سمجھے منصوبے کا حصہ تھا اور اس کا اسکرپٹ بورڈکے ایک ناراض آفیشل نے تیارکیا ہے۔ تفصیلات کے مطابق ملاقات کے لیے نہ بلانے پر وقار یونس نے اظہار ناراضی کرتے ہوئے چیئرمین پی سی بی شہریارخان اورایگزیکٹیوکمیٹی کے سربراہ نجم سیٹھی کو سخت تنقید کا نشانہ بنایا تھا، اس وقت یہ تاثر سامنے آیا کہ شاید وہ غصے میں ایسی باتیں کر گئے مگر ذرائع کا کہنا ہے کہ ایسا سوچے سمجھے منصوبے کے تحت ہوا۔ بورڈ وقار یونس کو فارغ کرنے کا فیصلہ کرچکا مگر وہ آسانی سے یہ پوسٹ چھوڑنے کو تیار نہیں ہیں، تنازع والے دن ان کے قریبی شخص نے ایک اعلیٰ پی سی بی آفیشل سے ملاقات کر کے کہا کہ ’’ وقار یونس کا کنٹریکٹ ختم ہونے والا ہے، اگر اس سے پہلے عہدے سے ہٹایا تو ان کی بے عزتی ہوگی، کہیں اور کوچنگ اسائمنٹ ملنے میں بھی مشکلات کا سامنا کرنا پڑ سکتا ہے، انھیں اگست تک فرائض انجام دینے دیں، تب تک انگلینڈ سے ٹیسٹ سیریز مکمل ہو جائے گی‘‘ مذکورہ آفیشل نے انھیں جواب دیا کہ ’’تحقیقاتی کمیٹی نے اگر کوچ کو برطرف کرنے کی سفارش کر دی تو اس پر عمل کرنا ہی پڑے گا‘‘ اس کے کچھ دیر بعد ہی وقار یونس نے پریس کانفرنس کر دی اور اگلے روز وزیر کھیل ریاض حسین پیرزادہ سے ملاقات کیلیے اسلام آباد بھی پہنچ گئے۔ یاد رہے کہ کوچ نے اپنی رپورٹ میں سب پر الزامات لگائے مگر اپنی کسی غلطی کو تسلیم نہ کیا، یہ کسی کو ہضم نہیں ہو رہا، دلچسپ بات یہ ہے کہ کپتان شاہد آفریدی کو سب تنقید کا نشانہ بنا رہے ہیں مگر انھوں نے بڑے پن کا مظاہرہ کرتے ہوئے شکست کی ذمہ داری نہ صرف قبول کی بلکہ کسی اور کیخلاف ایک لفظ بھی نہیں کہا۔
ایمز ٹی وی ( انٹرٹینمنٹ): سرکاری ٹی وی کی نیوزاینکر کیساتھ خفیہ شادی کرنیوالے وفاقی وزیرکانام سامنے آگیاہے اور مقامی اخبار نے دعویٰ کیاہے کہ وہ نام مسلم لیگ ن کے رہنما اور وزیر ریلوے خواجہ سعد رفیق ہے جنہوں نے اینکرڈاکٹرشفق حرا کو دلہنیا بنا لیا ہے۔ اخبار نے اپنے ذرائع کے حوالے سے لکھاکہ لیگی حلقوں میں خواجہ سعد رفیق کی دوسری شادی کی خبریں گردش کررہی تھیں جن کا علم ہونے پر ان کی پہلی اہلیہ غزالہ سعد رفیق کیساتھ اختلافات پیداہوگئے ہیں اورخاتون خانہ نے گھر چھوڑنے کی دھمکی دیدی تاہم یہ معلوم نہیں ہوسکا کہ پہلی اہلیہ تک یہ خبر کیسے پہنچی۔اخبار کے رابطہ کرنے پر خواجہ سعد رفیق کے پرسنل سیکریٹری وقاص نے اس ضمن میں لاعلمی کا اظہار کردیااور وفاقی وزیر سے رابطے کا مشورہ دیا۔اس کے بعد خواجہ سعد رفیق کے پرائیویٹ سیکریٹری صہیب نے بتایاکہ وفاقی وزیرمیٹنگ میں مصروف ہیں تاہم ان کی خفیہ شادی کی خبروں میں کوئی صداقت نہیں ، یہ محض افواہ ہے :۔
ایمز ٹی وی (کھیل) کولکتہ کے گنجان علاقے بڑا بازار میں پل گرنے کے افسوسناک واقعے کی وجہ سے اتوار کو ایڈن گارڈنز میں شیڈول ویمنز اور مینز ورلڈ ٹی 20 فائنلز میں شریک چاروں ٹیمیں بازؤوں پر سیاہ پٹیاں باندھ کر حصہ لیں گی۔ بنگال کرکٹ ایسوسی ایشن کے صدر اور سابق بھارتی کپتان سارو گنگولی نے مہمان ٹیموں سے یہ درخواست کی تھی، فائنل کے موقع پر بنگال کرکٹ کے آنجہانی سربراہ جگموہن ڈالمیا کی یاد میں پانچ منٹ کی دستاویزی فلم بھی اسٹیڈیم پر نصب اسکرین پر دکھائی جائے گی، ایونٹ کی میزبانی ان کے دور میں بنگال کو ملی تھی، ثقافتی پروگرام میں بکھرم گھوش کی طبلہ پرفارمنس بھی شامل ہوگی، ڈانسر تنوشری شنکر کے ساتھ حاضرین و ناظرین امان علی خان و ایان علی خان کی ستارنوازی سے بھی محظوظ ہوسکیں گے۔
ایمز ٹی وی (ٹیکنالو جی)ایپل کمپنی نے ایک پروگرام کا آغاز کیا ہے جس کے تحت اسی ہفتے ریسائیکیلنگ روبوٹ ایک اہم کردار ادا کرے گا یہ لازمی ریسائیکلینگ پروگرام ہے ایپل آپ کی ڈیوائس کو لے کر اسے پارٹس میں تبدیل کر دے گا یہ ایپل اوربرائٹ سٹار کے درمیان شراکت داری ہے اور اس کا آغاز اسی ہفتے میں کیا جائے گا اور جو فون اچھی حالت میں ہیں ایپل ان کو اپنے صارفین سے لے کران کو کچھ رقم ادا کرے گا آپ کو آگاہ کیا جاتا ہے کہ اگر چہ آپ کا فون یا ٹیبلیٹ یا کمپیوٹر اچھی حالت میں ہے تو آپ اسے کسی جگہ پھینک رہے ہیں جہاں یہ فری میں ریسائیکل ہو جائے تو ٹہریے کیوں کہ ایپل آپ کواس کے پیسے دے گا۔
اس کے لئے ایپل نے ایک سائٹ بنائی ہے جہاں جا کر نہ صرف آپ یہ معلوم کرسکتے ہیں کہ آپ فون کو کس طرح دے سکتے ہیں بلکہ آپ اپنے فون کے بدلے میں ملنے والی رقم کو بھی جان سکتے ہیں، آئی فون فور ایس کے لئے پچاس ڈالر جبکہ آئی فون سکس ایس پلس اگر اچھی حالت میں ہو تو تین سو ڈالر دیئے جائیں گےآپ جہاں کہیں بھی ہو ایپل آپ کے پرانے آئی پیڈز پنیسٹھ سے دوسو پچیس ڈالر عوض آپ سے لے گا۔ ایپل کا کہنا ہے کہ وہ میک بکس اور نئی ویندوز والے کمپیوٹر کو لینے کا بھی آغاز کرے گا اور وہ صارفین جو وینڈوز استعمال کرتے ہیں اور اپنی وینڈوز کو اپ گریڈ کرتے رہتے ہیں ان کو بھی اچھی قیمت میں لیا جائے گا۔
اگر آپ کی ڈیوائس ٹوٹی ہوئی ہےتوبھی آپ کو دلبرداشتہ ہونے کی ضرورت نہیں آپ اسے کوڑےدان میں پھینکنے کے بجائے ایپل کے اسٹور میں جمع کروا دیں اسے بھی ریسائیکل کیا جا ئے گا اور ایپل ہی کی دوسری آن لائن سائٹس موجود ہیں جہاں سے آپ اپنے ٹوٹے ہوئے موبائل کی کچھ قیمت حاصل کرسکتے ہیں اب اس کا انحصار آپ پر ہے کہ آپ اس سے چھٹکارا حاصل کرنے کے لئے اسے ایپل سے ریسائیکل کرواتے ہیں یا آن لائن اسٹور میں جمع کرواتے ہیں لیکن مہربانی کرکے اسے کچرے کے ڈھیر میں ڈالنے سے گریز کریں۔
ایمز ٹی وی (لاہور) کور کمانڈر لاہور لیفٹیننٹ جنرل صادق علی کا کہنا ہے کہ مٹھی بھردہشت گرد جان لیں کہ وہ ہمارے حوصلے کم پست نہیں کرسکتے۔ رینجرز ٹریننگ گیریژن لاہور میں انسداد دہشت گردی کی تربیت مکمل کرنے والے 24 ویں دستے کی پاسنگ آؤٹ پریڈ کی تقریب سے خطاب کرتے ہوئے کور کمانڈر لاہور کا کہنا تھا کہ دہشت گردوں کے خلاف آپریشن ضرب عضب کامیابی سے جاری ہے جو آخری مراحل میں داخل ہو چکا ہے، آپریشن کی کامیابی کا سہرا عوام کے سر بھی جاتا ہے۔ لیفٹیننٹ جنرل صادق علی کا کہنا تھا کہ دہشت گردوں کے پاؤں اکھڑ چکے ہیں اور دہشت گرد بزدالانہ کارروائیاں کر رہے ہیں، دہشت گردوں نے پہلے آرمی پبلک اسکول پشاور میں اور پھر گلشن اقبال پار ک میں ننھے اور معصوم بچوں کو نشانہ بنایا، مٹھی بھردہشت گرد جان لیں کہ وہ ہمارے حوصلے کم پست نہیں کرسکتے۔ ان کا کہنا تھا کہ رینجرز ملکی دفاع میں صف اول کا کردار ادا کر رہی ہے اور ہمارے جوان ملکی دفاع کے لئے کسی بھی قربانی سے دریغ نہیں کریں گے۔
