ایمز ٹی وی (انٹرنیشنل) بیلجئیم کے دارالحکومت برسلز میں بھارت کے وزیراعظم نریندر مودی کی یورپ آمد پر کشمیر اور پاکستان کی کمیونٹی کے افراد نے زبردست احتجاجی مظاہرہ کیا۔ مظاہرے کی قیادت بیرسٹر سلطان محمود چوہدری نے کی۔ س موقع پرمظاہرین نے پلے کارڈز، بینرز اور پینا فلیکس اٹھا رکھے تھے جن پر ’’مودی واپس جاؤ، ظلم و جبر بند کرو، مودی مسلمانوں کا قاتل،بھارت کشمیرچھوڑ دو، لے کے رہیں گے آزادی ہے حق ہمارا آزادی، کشمیر کشمیریوں کا ہے، گو مودی گو‘‘ جیسے نعرے درج تھے جبکہ پاکستانی کیمونٹی کے سرکردہ رہنما پرویز لوہسر نے لاؤڈ اسپیکر پر نعرے لگوائے اور مظاہرین بھی پرجوش انداز میں اسی طرح کے نعرے لگا رہے تھے۔ اس موقع پر مظاہرین کافی دیر تک یورپی یونین کی عمارت کے سامنے جہاں بھارتی وزیر اعظم مودی ملاقات کے لیے آرہا تھا احتجاج کرتے رہے۔ مظاہرین سے بیرسٹر سلطان محمود چوہدری نے خطاب کرتے ہوئے کہا کہ ہم جہاں برسلز میں حملوں کی مذمت کرتے ہیں وہاں بھارت کی طرف سے مقبوضہ کشمیر میں جاری ریاستی دہشت گردی کی بھی مذمت کرتے ہیں اور وہاں پاکستان میں ’’را ‘‘ کے ایجنٹ کی طرف سے بلوچستان اور کراچی میں دہشت گردی کی بھی مذمت کرتے ہیں۔

ایمز ٹی وی(انٹرنیشنل)نئی دہلی کمزور ٹیکنالوجی اور مسلسل ناکام میزائل تجربات کے باوجود بھارت کا جنگی جنون بڑھ رہا ہے ، بھارتی اخبار نے دعویٰ کیا ہے کہ بھارت کی فوج نے حکومت کی جانب سے ملکی طور پر تیار کیے گئے آکاش میزائلوں کی فراہمی کو رد کر دیا ہے جبکہ فوج اسرائیل سے میزائل خریدنے پر غور کر رہی ہے۔ خطے کی چودھراہٹ کا خواب دیکھنے والا بھارت ہتھیاروں کا ڈھیر جمع کرنے پر تلا ہے۔ ٹائمز آف انڈیا نے انکشاف کیا ہے کہ بھارت اسرائیل سے زمین سے فضا میں مار کرنے والے کوئیک ری ایکشن میزائل خریدے گا جو کہ جنگی طیاروں ہیلی کاپٹرز اور ڈرونز کے خلاف انتہائی اہم ہتھیار تصور کیا جاتا ہے۔ بھارتی اخبار نے دعویٰ کیا ہے کہ بھارتی فوج نے حکومت کو صاف کہہ دیا ہے کہ ملکی طور پر تیار کیے گئے آکاش میزائل کمزور ٹیکنالوجی سے تیار کردہ ، ناپائیدار اورجنگ کے اگلے محاذ پر مطلوبہ صلاحیت کے حامل نہیں جبکہ فوج کے پاس چودہ ہزار کروڑ سے زائد مالیت کے آکاش میزائلوں کا ڈھیر لگ چکا ہے اور ان میزائلوں کے فائر کرنے کا طریقہ کار بھی انتہائی پیچیدہ ہے۔ بھارت گذشتہ دو دہائیوں سے آکاش میزائل سسٹم کے مسلسل تجربات کر رہا ہے اور تیار کیے گئے میزائلوں پر نیوی اوربھارتی فضائیہ نے بھی سوال اٹھائے تھے۔

ایمز ٹی وی (اسپو رٹس ) جنوبی افریقہ کے اسٹار بیٹسمین ابراہم ڈی ویلیئرز جو کہ سوئپ شاٹ کھیلنے میں ماہر ہیں ، انہوں نے پاکستان کے مایہ ناز کرکٹر یونس خان کو سوئپ شاٹ میں اپنا استاد قرار دے دیا ۔ ابراہم ڈی ویلیئرز نے سابق انگلش کپتان اور کرکٹ کمنٹیٹر ناصر حسین کو انٹرویو میں کہنا تھا کہ یونس خان گیند کو سوئپ کرنے کی کوشش میں ٹاپ ایج کے خطرے سے بالکل نہیں گھبراتے اور میں نے ان کو دیکھ کر ہی سوئپ شاٹ کھیلنا سیکھا ۔ ان کا کہنا تھا کہ پاکستانی سٹار بیٹسمین یونس خان کی وجہ سے ہی میرے کھیل میں بہتری آئی ہے ۔ ابراہم ڈی ویلیئرز جو کہ اپنی سوئپ شارٹس کی وجہ سے کافی مقبولیت حاصل کر چکے ہیں ، انہوں نے متعدد بار اپنے کھیل کی وجہ سے جنوبی افریقہ کو کئی اہم مقابلوں میں کامیابی دلائی ہے ۔ یونس خان پاکستان کے عظیم بیٹسمین ہیں اور ان کی انٹرنیشنل کرکٹ میں کارکردگی اور رنز اس بات کا ثبوت ہے ۔ جنونی افریقہ کے سٹار بیٹسمین کی ویڈیو کے بعد اب دنیا انہیں ایک عظیم استاد کے طور بھی جاننے لگی ہے ۔