ایمز ٹی وی (انٹرٹینمٹ) بھارتی اداکار رضا مراد کہتے ہیں کہ پاکستان میں قیام کے دوران انہوں نے کوشش کی کہ انہیں کسی فلم یا ڈرامہ میں کردار مل جائے لیکن کسی نے رابطہ نہیں کیا واہگہ بارڈرپرمیڈیا سے بات کرتے ہوئے رضا مراد نے کہا کہ ان کی خواہش ہے کہ وہ پاکستانی فلموں اور ڈراموں میں کام کریں، جس کے لیے انہوں نے کراچی اورلاہورمیں کوششیں بھی کیں لیکن ان سے کسی نے رابطہ ہی نہیں کیا پاکستان میں ملنے والی محبت کے بارے میں انہوں نے کہا کہ لاہور اور کراچی میں قیام کے دوران گھر والوں نے اتنی شاپنگ کی کہ جیب ہی خالی ہوگئی، وہ بیگم کو شاپنگ کراتے ہوئے خون کے گھونٹ پیتے رہے لیکن پاکستان میں انہیں سب نے اتنا پیار دیا کہ ان کا دل بھر گیا ہے، وہ اپنے اہل خانہ کے ساتھ آئے تھے اور پاکستان سے جاتے ہوئے بہت محبتیں لے کر جارہے ہیں اس موقع پررضا مراد کی اہلیہ کا کہنا تھا کہ وہ پاکستان سے بہت اچھی یادیں لے کرجارہی ہیں،پاکستان میں اتنا پیار ملاکہ دل رونے کو دل چاہ رہاہے، وہ واپس جارہی ہیں تاکہ دوبارہ پاکستان آسکیں

ایمزٹی وی(اسلام آباد) بجلی کی بچت کے نام پر شروع کیا جانے والا انرجی سیور منصوبہ مکمل ہونے سے پہلے ہی ناکام ہو گیا۔ تفصیلات کے مطابق گزشتہ 8 برسوں میں بجلی کے بحران کے خاتمے کے لیے وزارت پانی وبجلی نے بہت سے دعوے کیے لیکن بحران اپنی پوری شدت سے ابھی بھی موجود ہے۔ وزارت پانی و بجلی نے 2009ءمیں اعلان کیا تھا کہ تین کروڑ انرجی سیورز درآمد کرکے بجلی کے صارفین کو مفت تقسیم کیے جائیں گے جبکہ اس منصوبے سے سالانہ 16ارب روپے کی بجلی بچے گی۔ اس سلسلے میں حکومت نے ایشیائی ترقیاتی بینک سے 4 کروڑ ڈالر کا قرض بھی لیا۔جو انرجی سیور بلب 2010ءمیں تقسیم کیے جانے تھے وہ اب تک نہیں ہو سکے۔ البتہ ان بلبوں کی تشہیر اور تقسیم کے نام پر کروڑوں روپے خرچ کر دیے گئے۔ اب صورتحال یہ ہے کہ آڈیٹر جنرل پاکستان کا کہنا ہے کہ بلبوں کی خریداری تو ایک الگ سکینڈل ہے۔ منصوبے پر عمل درآمد میں اتنی تاخیر کی گئی کہ وارنٹی ختم ہو جانے کی وجہ سے 74 کروڑ روپے کے50 لاکھ انرجی سیور کچرے کا ڈھیر بن گئے۔ 16 ارب روپے کیا بچنے تھے ملکی خزانے کو 33 ارب روپے کا نقصان ہو گیا۔ اب ایشیائی ترقیاتی بینک سے لیا گیا 4 کروڑ ڈالر کا قرض بجلی کے صارفین سے سرچارج کی مد میں وصول کرنے کی تیاریاں ہو رہی ہیں

یوم پاکستان کے موقع پر مسلح افواج کی پریڈکیلیے تیاریاں عروج پرپہنچ گئیں.پریڈ وینیو شکرپڑیاں پر تینوں مسلح افواج سمیت مختلف اداروں نے ریہرسل میں حصہ لیا۔حصہ لینے والوں میں پاکستان آرمی ، نیوی ، پی اے ایف ، فرنٹیئر کور،ناردن لائٹ انفنٹری ، مجاہد فورس، اسلام آباد فورس، تینوں افواج کی لیڈی آفیسرز ، تینوں افواج کی نرسنگ سروس ، گرلز گائیڈ ، بوائز اسکاؤٹس ، تینوں مسلح افواج کے اسپیشل سروس گروپ ، آرمڈ کور، آرٹیلری ، آرمی ایئر ڈیفنس ، سگنلز انجینئرز ، آرمی اسٹریٹجک فورس کمان، کیمل بینڈ اور پریذیڈنٹ باڈی گارڈ نے شرکت کی ۔ آئی ایس پی آر کے مطابق یوم پاکستان (23 مارچ) کی پریڈ کی تیاریاں پاکستان کی تاریخ میں انتہائی اہمیت کی حامل ہیں اس دن کو شایان شان طریقے سے منانے کیلئے مسلح افواج کی یوم پاکستان پریڈاسلام آباد میں منعقد ہو گی۔ سفر کرنیوالوں کی سہولت کیلیے 21 مارچ کو فل ڈریس ریہرسل اور 23 مارچ کو یوم پاکستان کے موقع پر خصوصی ٹریفک انتظامات کیے گئے ہیں ٹریفک پلان کی تشہیرالیکٹرانک اور پرنٹ میڈیا کے ذریعے کی جائے گی۔

ایمزٹی وی (ایجوکیشن)سر سید کالج آف میڈیکل سائنسر نے جلسہ تقسیم برائے اسناد کی تاریخ کا اعلان کردیا۔اعلامیہ کے مطابق جلسہ برائے تقسیم اسناد(کانوکیشن ) 19مارچ ہفتہ کو کالج کے کلفٹن کیمپس میں منعقد ہوگا ۔