ایمزٹی وی (سائنس)گزشتہ کچھ عرصے میں بڑے بلیک ہولز کی دریافت نے سائنس دانوں کو حیران کردیا تھا لیکن اب ان کے لے ایک پریشان کن تحقیق سامنے آگئی ہے جس میں کہا گیا ہے کہ آسمان پر چمکنے اور جگمگانے والے ستارے بلیک ہولز کے اندر جا کر غائب ہورہے ہیں۔

ناسا کی انتہائی طاقتور سیٹلائٹ نے گزشتہ دنوں ستاروں کے جھرمٹ سگنس سے تابکاری شعاعوں سے نکلنے والی طاقتورترین توانائی کا مشاہدہ کیا جوکہ زمین سے 8 ہزار نوری سال کے فاصلے پر موجود ہے۔ سائنس دانوں کا کہنا ہے کہ ان کی طاقتور ٹیلی اسکوپ پر لگے جدید ترین کیمرے سے روشنی کے ان فلیشز کو ریکارڈ کیا جب کہ یہ فلیشز ہزاروں سورج سے نکلے رہے تھے جب کہ انتہائی کم عرصے تک نظر آئے  اور  ہماری آنکھ جھپکنے سے بھی 10 گنا زیادرہ رفتار سے غائب ہوگئے۔

یورپ، عرب امارات، بھارت اور امریکا کے سائنس دانوں پر مشتمل ایک ٹیم کا کہنا ہے کہ بلیک ہول سے نکلنے والی طاقتور شعاعیں ان ستاروں کی ہیں جنہیں اس نے ابھی تک اپنی غذا کا حصہ نہ بنایا ہو کیوںکہ بلیک ہول کی سطح اتنی گہری ہے کہ روشنی بھی اس کی کشش ثقل سے نہیں نکل سکتی۔

ایمز ٹی وی (تجا رت )فی تولہ سونے کی مقامی قیمتوں میں ساڑھے آٹھ سو روپے اضافہ ہوگیاہے۔ 

سندھ صرافہ ایسوسی ایشن کے مطابق 10 گرام سونے کی مقامی قیمت 729 روپے اضافے کے بعد 42 ہزار 857 روپے ہوگئی ہے۔ عالمی منڈی میں نرخ بڑھنے کے باعث جنوری 2014 کے بعد پہلی بار سونے کے مقامی نرخ اس سطح پر دیکھے گئے ہیں۔

ایمز ٹی وی (اسپورٹس)پاکستان کرکٹ ٹیم  کے سابق کپتان انضمام الحق نے کہا ہے کہ اس بار گرین شرٹس ورلڈ کپ میں بھارت کوہرا دے گی ۔

میڈیا سے گفتگو کرتے ہوئے سابق کپتان نے کہا کہ کھلاڑیوں کی باڈی لینگویج دیکھ کر امید ہے کہ پاکستان بھارتی ٹیم  کوٹی 20ورلڈ کپ کے میچ میں شکست دیدے گا۔

انضمام الحق کا مزید کہناتھا کہ بنگلا دیش کیخلاف ہونے والے میچ میں کھلاڑی کی کارکردگی اچھی تھی ،تاہم بھارت کے خلاف جیت کیلئے سینئر کھلاڑیوں کو اپنا بھرپور کردار ادا کرنا ہوگا۔

ایمزٹی وی (انٹرنیشنل) بھارت میں ہر آنے والے دن کے ساتھ مذہبی انتہا پسندی زور پکڑتی جا رہی ہے اور ہندو انتہا پسند اس تعصب میں اتنا آگے آ چکے ہیں کہ انھوں نے ’بھارت ماتا کی جے‘ نہ کہنے پر لوک سبھا کے مسلمان رکن اسدالدین اویسی کی زبان کاٹنے والے کے لئے ایک کروڑ روپے کا اعلان کیا ہے۔ ذرائع کے مطابق آل انڈیا مجلس اتحاد المسلمین کے سربراہ اسد الدین اویسی کی جانب سے ’بھارت ماتا کی جے‘ نہ کہنے پر بی جے پی اتر پردیش کے رہنما شائن پرکاش دیودی نے اسد الدین اویسی کو غدار قرار دیتے ہوئے کہا کہ بھارت ماتا کی جے کہنے سے آپ کو تکلیف ہے تو پھر بھارت میں رہنے کا بھی آپ کو کوئی حق حاصل نہیں ہے۔ ان کا کہنا تھا کہ جو بھی اسد الدین اویسی کی زبان کاٹ کر لائے گا اسے ایک کروڑ روپے انعام دیا جائے گا۔ اس کے علاوہ شیو سینا نے بھی اسد الدین اویسی کی شہریت منسوخ کرنے کا مطالبہ کیا ہے۔ دوسری جانب مہاراشٹرا اسمبلی نے بھی بھارت ماتا کی جے نہ کہنے پر مجلس اتحاد المسلمین کے رکن وارث پٹھان کی رکنیت معطل کردی جس کے خلاف لوگ احتجاجاً سڑکوں پرنکل آئےاور وارث پٹھان کی رکنیت بحال کرنے کا مطالبہ کیا تاہم پولیس نے مظاہرین پرلاٹھی چارج کیا۔ واضح رہے کہ اسد الدین اویسی نے اپنے ایک بیان میں کہا تھا کہ ان کی گردن پر چھری بھی رکھ دی جائے تو تب بھی وہ بھارت ماتا کی جے نہیں کہیں گے کیونکہ بھارت کے آئین میں کہیں بھی نہیں لکھا کہ ’بھارت ماتا کی جے‘ کہا جائے