ایمزٹی وی (ایجوکیشن) کراچی میں میٹرک کے امتحان میں سیکیورٹی کےلیے چیئرمین میٹرک بورڈ نے محکمہ داخلہ،رینجرز اور پولیس کوخط لکھ دیا۔ چیئرمین میٹرک بورڈ پروفیسر انوار احمد زئی نے کہا ہے کہ وہ امتحانی مراکز اور لاکھوں طلبہ کی سیکیورٹی کے حوالے سے اعلیٰ حکام سے میٹنگ بھی کرینگے،ثانوی تعلیمی بورڈ کے تحت28مارچ سے شروع ہونے والے میٹرک کے امتحانات میں ساڑھے 3لاکھ طلبا شریک ہونگے۔ ان کا مزید کہناتھاکہ امتحانات کی سیکیورٹی کے پیش نظر مراکز کی تعداد میں 12فیصد تک کمی کردی ہے،جس کے ایگزامیشن سینٹرز کی تعداد 438سے کم کرکے 378ہوچکی ہے۔

ایمزٹی وی (ایجوکیشن) خیبرپختونخوا میں ہونے والے امتحانات میں ایک ضعیف شخص نے اپنی ہمت اور عزم سے بہت سارے جوانوں کو بھی مات کردیا۔ 53 سال کے محمد شفیق نے ثابت کردیا ہے کہ علم کیلئے کوئی عمر نہیں اور تعلیم حاصل کرنے میں کوئی شرم نہیں کر نی چاہیے۔ اس حوالے سے محمد شفیق کا کہنا ہے کہ اپنی بیٹیوں کے اصرار پر ہی وہ امتحان دینے کے لیے آیا ہے، اس کی2 بیٹیاں ماسٹرز کرچکی ہیں، ایک گریجویٹ ہے، ایک اسی کے ساتھ میٹرک کا امتحان بھی دے رہی ہے اور چھوٹی بیٹی آٹھویں میں ہے۔ خود زیادہ تعلیم حاصل نہ کرسکنے والے نائب قاصد محمد شفیق نے اپنی اولاد کو اعلی تعلیم دلوائی اور اب 33 سال بعد میٹرک کا امتحان دیتے ہوئے اس کا عزم ہے کہ وہ اپنا تعلیمی سلسلہ جاری رکھے گا۔

ایمزٹی وی (انٹرٹینمنٹ): بالی ووڈ اداکارہ کنگنا رناوٹ کا کہنا ہے کہ سیف بہترین اداکار ہیں جب کہ کرینہ کپور خان کی پر سکون زندگی کے پیچھے بھی ان ہی کا ہاتھ ہے۔ اپنے ایک انٹرویو میں کنگنا رناوت کا کہنا تھا کہ سیف علی خان کوئی عام فنکار نہیں بلکہ وہ ایک شاندار اور انتہائی باہمت اداکار ہیں، وہ اپنی نئی فلم ”رنگون “ میں سیف علی خان کے مد مقابل کام کررہی ہے اور ان کے ساتھ کام کرکے وہ بہت لطف اندوز ہورہی ہیں۔ انہوں نے کہا کہ سیف علی خان ہی ہیں جس کی وجہ سے کرینہ کپور کے چہرے میں ہر وقت اطمینان نظر آتا ہے۔ واضح رہے کہ اداکارہ کی فلم رنگون میں اداکار سیف علی خان کے ساتھ اداکار شاہد کپور بھی مرکزی کردار میں نظر ا?ئیں گے۔