K2 - Results from #35070

Warning

JUser: :_load: Unable to load user with ID: 45

مصطفیٰ کمال نے ایک اور پتنگ کاٹنے کی تیاری مکمل کرلی

ایمز ٹی وی (کراچی) ناراض رکن صوبائی اسمبلی پیر کو قافلے میں شمولیت کا اعلان کریں گے ۔ شہری بھی سابق سٹی ناظم کا شکریہ ادا کرنے پہنچ گئے ۔ مصطفیٰ کمال کی اونچی اڑان ، سابق سٹی ناظم نے ایم کیو ایم کی ایک اور پتنگ کاٹنے کی تیاری پکڑ لی ۔ ذرائع کا کہنا ہے کہ ایک اور رکن سندھ اسمبلی نے متحدہ قومی موومنٹ سے ناطہ توڑ کر ڈور مصطفیٰ کمال کے ہاتھ تھما دی ہے ۔ ایم کیو ایم کے ایم پی اے پیر کو پریس کانفرنس میں باضابطہ قافلے میں شمولیت کا اعلان کریں گے لیکن اس وقت تک نام راز میں رہے گا ۔ میڈیا سے گفتگو کرتے ہوئے ڈاکٹر صغیر احمد کا کہنا تھا کہ سیاسی رہنما مسلسل رابطے کر رہے ہیں اور جلد نئے لوگ بھی شامل ہوں گے ۔ نئی پارٹی بنانے پر بڑی تعداد میں شہری پاکستانی جھنڈا لے کرمصطفیٰ کمال کی رہائش گاہ پہنچ گئے ۔ شہریوں نے مصطفیٰ کمال اور ان کی ٹیم کو قوم کی ضرورت قرار دیا ۔ ڈاکٹر صغیر ، وسیم آفتاب ، مصطفیٰ کمال اور افتخار عالم نے کارکنوں کے ہاتھوں میں ہاتھ ڈال کر ان کا شکریہ ادا کیا اور پاکستان زندہ باد کے نعرے لگائے

کوئلے کی 2 کانیں دب گئیں، جاں بحق مزدوروں کی تعداد 6 ہو گئی

ایمز ٹی وی (ہنگو) اورکزئی ایجنسی میں کوئلے کی کان میں ہونے والے حادثے میں جاں بحق مزدوروں کی تعداد 6 ہو گئی ہے جب کہ اب بھی 2 افراد کان تلے دبے ہوئے ہیں جنھیں نکالنے کے لئے امدادی کارروائیاں جاری ہیں۔

اورکزئی ایجنسی کے علاقے ہنگو میں ڈولی کے مقام پر کوئلے کی 2 کانیں دب گئیں جس کے نیتجے میں متعدد مزدور کان تلے دب گئے، حادثے میں جاں بحق ہونے والے افراد کی تعداد 6 ہو چکی ہے جب کہ اب بھی 2 افراد ملبے تلے دبے ہوئے ہیں جنھیں نکالنے کے لئے ریسکیو آپریشن جاری ہے۔ اہلکاروں نے 10 زخمیوں سمیت 26 افراد کو باہر نکالا جب کہ حادثے میں زخمی ہونے والوں کو ڈسٹرکٹ ہیڈ کوارٹر اسپتال کوہاٹ منتقل کیا گیا جہاں انھیں طبی امداد دی جا رہی ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی اور ایف سی کے 100 سے زائد جوان امدادی کارروائیوں میں مصروف ہیں جب کہ ریسکیو آپریشن بھاری مشینری کی مدد سے کیا جارہا ہے، اس کے علاوہ ریسکیو ٹیموں کے پاس ضروری میڈیکل سہولیات بھی موجود ہیں۔

ایک دن میں رینجرز پر دو حملے۔۔۔

ایمز ٹی وی (کراچی) شہر کے مختلف علاقوں میں رینجرز کی چوکیوں پر 2 دستی بم حملے کئے گئے تاہم کسی جانی نقصان کی اطلاع موصول نہیں ہوئی۔

ایکسپریس نیوز کے مطابق رینجرز کی چوکی پر پہلا حملہ گلشن اقبال میں موتی محل کے قریب ہوا جہاں موٹر سائیکل پر سوار حملہ آور دستی بم پھینک کر فرار ہو گئے جس سے رینجرز کی چوکی کو نقصان پہنچا تاہم کوئی جانی نقصان نہیں ہوا۔

رینجرز کی چوکی پر دوسرا حملہ حسن اسکوائر کے قریب عیسی نگری کے علاقے میں ہوا تاہم خوش قسمتی سے اس حملے میں بھی کوئی جانی نقصان نہیں ہوا۔ رینجرز چوکیوں پر دستی بم حملوں کے بعد پولیس اور رینجرز کی بڑی تعداد متاثرہ علاقوں میں پہنچ گئی اور شواہد اکٹھے کرنا شروع کر دیئے۔

پاکستانی جامعات ! دنیا کی بہترین جامعات میں شامل

ایمزٹی وی (ایجوکیشن) برطانوی کوئیک رینکنگ کواریلی سائمنڈرز (کیو ایس) نے دنیا کی 800بہترین جامعات کی فہرست جاری کردی۔کوئیک رینکنگ کواریلی کی جانب سے جاری کردہ فہرست میں پاکستان کی 6 بہترین جامعات بھی شامل ہیں۔ تفصیلات کے مطابق فہرست میں شامل کی گئیں پاکستان کی جامعات میں نیشنل یونیورسٹی آف سائنس اینڈ ٹیکنالوجی(نسٹ)، قائداعظم یونیورسٹی، لاہور یونیورسٹی آف مینجمنٹ سائنسز(لمز)، یونیورسٹی آف انجینئرنگ اینڈ ٹیکنالوجی(یوای ٹی)لاہور، یونیورسٹی آف کراچی اور یونیورسٹی آف لاہورشامل ہیں۔ کیوایس کی رینکنگ تعلیمی کارکردگی40 فیصد، ملازمین کی کارکردگی10 فیصد، طلبہ وفیکلٹی کی شرح 20 فیصد، انٹرنیشنل فیکلٹی کی شرح 5 فیصداور غیر ملکی طلبہ کی شرح 5 فیصد کو مد نظر رکھ کر ترتیب دی گئی ہے۔اس رینکنگ کا مقصد تحقیق ، تدریس،روزگار اور عالمگیریت کا اندازہ لگانا ہے.

سونے کی قیمت میں پھر اضا فہ

ایمز ٹی وی (تجا رت) عا لمی سطح پر فی اونس سونے کی قیمت 15 ڈالر کے اضافے سے1264 ڈالر کی سطح پر پہنچنے کے باعث مقامی صرافہ مارکیٹوں میں بھی جمعہ کو فی تولہ اور فی دس گرام سونے کی قیمتوں میں بالترتیب 500اور429 روپے کا اضافہ ہوگیا ہے ۔جس کے نتیجے میں کراچی حیدرآباد سکھر ملتان فیصل آباد راولپنڈی پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر49ہزار 550 روپے اور فی دس گرام سونے کی قیمت بڑھ کر42ہزار 471 روپے ہوگئی۔

پا کستان کے وارم اپ میچز منسوخ

ایمز ٹی وی (کھیل) بھارت میں جاری ٹی ٹوئنٹی ورلڈکپ میں پاکستان مینز اور ویمنز ٹیموں کے پہلے وارم اپ میچز منسوخ کردیے گئے ہیں جب کہ قومی ٹیم کے بھارت پہنچنے پر دوبارہ شیڈول ترتیب دیا جائے گا۔ بھارت میں ہونے والے آئی سی سی ٹی ٹوئنٹی ورلڈکپ میں وارم اپ میچز اور کوالیفائنگ راؤنڈ کا سلسلہ جاری ہے جب کہ اس مرحلے میں پاکستان مینز اور ویمنز ٹیموں کے پہلے وارم اپ میچز منسوخ کردیے گئے ہیں۔ قومی مینز ٹیم نے ہفتے کو کولکتہ میں ویسٹ انڈیز سے وارم اپ میچ کھیلنا تھا جب کہ ویمنز ٹیم کا میچ کل چنئی میں نیوزی لینڈ کے خلاف کھیلا جانا تھا۔

04:00pm ہیڈلائنز :12-03-2016

بوم بوم افریدی کو عمران خان کے مشورے

نیب کو کسی کی پگڑیاں اچھالنے کی اجازت نہیں دیں گے، رانا مشہود

ایمز ٹی وی (سرگودھا) وزیر تعلیم پنجاب رانا مشہود کہتے ہیں کہ نیب میں کچھ لوگ سیاست کررہے ہیں لیکن انہیں کسی کی پگڑیاں اچھالنے کی اجازت نہیں دیں گے۔

سرگودھا میں میڈیا سے بات کرتے ہوئے رانا مشہود نے کہا کہ ان پر لگائے جانے والے الزامات کا پتہ انہیں میڈیا کے ذریعے چلتا ہے، کیا نیب والوں میں اتنی ہمت نہیں ہے کہ وہ خود بتائیں، نیب والوں کے پاس 6 ہزارانکوائریاں ہیں، کیا رانا مشہود ان لوگوں کا اس قدر پسندیدہ ہے کہ اس کے خلاف خبریں دیتے رہتے ہیں، نیب کو کسی پر بغیرتحقیق اور ثبوت الزامات لگانے کا حق نہیں ہے۔

صوبائی وزیرتعلیم کا کہنا تھا کہ نیب ایک آئینی ادارہ ہے، اس کا کام پوائنٹ اسکورنگ کرنا نہیں، نیب کو کسی کی پگڑیاں اچھالنے کی اجازت نہیں دیں گے، کچھ لوگ اس ادارے میں بیٹھ کر سیاست کر رہے ہیں، وہ لوگ جو پرویزمشرف کے دورمیں بھرتی ہوئے تھے ان سے ملک اور پنجاب میں ہونے والی ترقی دیکھی نہیں جا رہی ہے ، ایسے لوگوں کا بھی احتساب ہونا چاہیے۔

کرس گیل کا اپنی کتاب میں چوری کا اعتراف

ایمز ٹی وی (کھیل) بھارتی پبلشنگ ادارے کے تحت شائع ہونے والی کتاب میں گیل نے اپنی زندگی کے کئی گوشوں کو نمایاں کیا ہے، اس میں بچپن کے مشکل دنوں کا بھی ذکر ہے، جب انھیں کھانے کیلیے خالی بوتلیں چرانا پڑتی تھیں، پھر وہ دنیا کے سب سے خطرناک بیٹسمین بن گئے، اس کتاب کو بی بی سی کے اسپورٹس رائٹر ٹام فورڈائس نے تحریر کیا ہے۔ویسٹ انڈین اسٹار کرکٹر کرس گیل کی کتاب ’ سکس مشین ‘ رواں برس2جون کو شائع ہوگی