ایمزٹی وی(راولپنڈی) پاک فوج کے شعبہ تعلقات عامہ ’’آئی ایس پی آر‘‘ کی جانب سے جاری کئے گئے بیان کے مطابق شمالی وزیرستان کے علاقے شوال میں بھاگتے ہوئے دہشت گردوں کی تلاش اور ان کے ٹھکانوں کے خاتمے کے لئے آرمی ایوی ایشن اور پاک فضائیہ کا مشترکہ آپریشن جاری ہے جب کہ زمینی دستے بھی دہشت گردوں کے خلاف کارروائی میں حصہ لے رہے ہیں۔ اس مشترکہ کارروائی میں گزشتہ رات سے اب تک 21 دہشت گرد ہلاک کئے جاچکے ہیں واضح رہے کہ دہشت گردوں کے خلاف آپریشن ضرب عضب 2014 میں کراچی ایئرپورٹ پر حملے کے بعد سے جاری ہے تاہم گزشتہ ماہ سے اس آپریشن کا آخری اور فیصلہ کن مرحلہ شروع ہوچکا ہے جس کے تحت شوال سے دہشت گردوں کا صفایا کیا جاچکا ہے۔

ایمز ٹی وی(لاہور) وزیر اعلیٰ پنجاب شہبازشریف نے خصوصی بچوں کے لئے ٹیچر ٹریننگ انسٹی ٹیوٹ کا سنگ بنیاد رکھ دیا ، محمد شہباز شریف کہتے ہیں کہ طلبہ ان شعبوں میں تعلیم کو ترجیح دیں جس سے صنعتیں چلیں ، زراعت اور معیشت کو فروغ ملے ۔ پی اے ایف بیس لاہور میں ٹیچر ٹریننگ انسٹی ٹیوٹ فار سپیشل چلڈرن کے سنگ بنیاد کی تقریب سے خطاب میں وزیر اعلیٰ پنجاب محمد شہباز شریف کا کہنا تھا کہ پنجاب حکومت خصوصی بچوں کی بہبود کے لیے کام کر رہی ہے ، خصوصی بچوں کو معاشرے کا فعال شہری بنانا چاہتے ہیں،خصوصی بچوں کی دیکھ بھال معاشرتی ذمہ داری ہے ، خصوصی بچوں کو اس قابل بنانا ہے کہ وہ کسی پر بوجھ نہ بنیں وزیر اعلیٰ پنجاب محمد شہباز شریف کا کہنا تھا کہ اللہ نے خصوصی بچوں کو انمول صلاحیتوں سے نوازا ہے ۔ انہوں نے عزم کا اظہار کیا کہ ٹیچر ٹریننگ انسٹی ٹیوٹ پاکستان کا اہم ادارہ ہو گا پنجاب حکومت منصوبے کی تکمیل کےلیے بھرپور تعاون فراہم کر رہی ہے خصوصی بچوں کی دیکھ بھال فرض اور قرض ہے ، اس فرض کو شفافیت اور ذمہ داری سے ادا کیا جائے گا ۔ وزیر اعلیٰ کا کہنا تھا کہ ٹیچرز ٹریننگ انسٹی ٹیوٹ میں 500 اساتذہ کو تربیت فراہم کی جائے گی ، محمد شہباز شریف نے زور دیا کہ نوجوانوں کو وقت کے تقاضوں کے مطابق تعلیم حاصل کرنی چاہئیے ۔ تقریب میں پاک فضائیہ کے سربراہ ایئر چیف مارشل سہیل امان نے بھی شرکت کی جبکہ تقریب سے پہلے وزیر اعلیٰ پنجاب محمد شہباز شریف اور پاک فضائیہ کے سربراہ سہیل امان کے درمیان ملاقات بھی ہوئی جس میں ٹیچر ٹریننگ انسٹی ٹیوٹ کے معاملات پر تبادلہ خیال ہوا

 ایمزٹی وی(اسپورٹس)آئی سی سی کے چیف ایگزیکٹیو ڈیو رچرڈسن نے واضح کیاکہ پاکستان کے بھارت سے ورلڈ ٹوئنٹی 20  میچ کا وینیو تبدیل نہیں ہوگا، یہ ایک برس قبل طے پانے والے اسٹیڈیم دھرم شالا میں ہی کھیلا جائے گا انھوں نے کہا کہ مجھے یقین ہے کہ پاکستان ٹورنامنٹ کا بائیکاٹ نہیں کرے گا، اس حوالے سے بی سی سی آئی اور پی سی بی کے معاملات طے ہوجائیں گے دوسری جانب بھارتی بورڈ کے سیکریٹری انوراگ ٹھاکرنے کہاکہ پہلے بھارت کے دورے پر آئی پاکستانی سیکیورٹی ٹیم کو رپورٹ دینے دیں، اس کے بعد ہی ہم اس پر کوئی تبصرہ کریں گے، مجھے پوری امید ہے کہ یہ میچ دھرم شالا میں ہی کھیلا جائے گا۔

ایمزٹی وی(اسپورٹس) ٹوئنٹی ورلڈ کپ کی دفاعی چیمپئن سری لنکا کو ایونٹ سے قبل ہی بھڑا جھٹکا مل گیا اور کپتان لیستھ ملنگا کی انجری کے باعث باہر ہونے کے بعد سلیکشن کمیٹی بھی تحلیل کردی گئی بھارت سے دوطرفہ سیریز اور ایشیا کپ میں مسلسل ناقص پرفارمنس کے باعث سری لنکن کرکٹ بورڈ نے سلیکشن کمیٹی کو تحلیل کردیا جب کہ ورلڈکپ کے لئے نئی 5 رکنی سلیکشن کمیٹی اروندا ڈسلوا کی قیادت میں بنادی گئی، کمیٹی میں سری لنکن سابق کپتان اور مایہ ناز بلے باز کمارسنگاکارا،رومیش کالووترانا، لالیتھ کالو پیروما اور رنجیت مادوراسنگھی شامل ہیں۔ نئی سلیکشن کمیٹی نے اپنا کام شروع کردیا جب کہ آج پریس کانفرنس کے دوران کمیٹی آئندہ کے لائحہ عمل سے متعلق بریفنگ دے گی۔