ایمزٹی وی(اسپورٹس) پاکستان سپر لیگ کا پہلا مرحلہ مکمل ہوگیا جس میں اسلام آباد یونائیٹڈ نے لاہور قلندرز کو شکست دے کر ایونٹ سے باہر کردیا۔ دبئی میں کھیلی جانے والی پہلی پاکستان سپر لیگ کامیابی سے جاری ہے اور اس کا پہلا مرحلہ شائقین کرکٹ کے جوش و جذبے اور سنسنی خیز مقابلوں کے بعد ختم ہوگیا ہے۔ پی ایس ایل کے پہلے مرحلے کے آخری میچ میں اسلام آباد یونائیٹڈ نے لاہور قلندرز کو شکست دے کر ایونٹ سے باہر کردیا۔ پاکستان سپر لیگ کے فائنل فور مرحلے میں اسلام آباد یونائیٹڈ، کوئٹہ گلیڈی ایٹرز، کراچی کنگز اور پشاور زلمی نے جگہ بنائی ہے۔ فائنل فورکا پہلا کوالیفائنگ میچ جمعہ کو کھیلا جائے گا جس میں پشاور زلمی اور کوئٹہ گلیڈی ایٹرز مد مقابل ہوں گے جب کہ ہفتے کو اسلام آباد یونائیٹڈ اور کراچی کنگز کے درمیان جوڑ پڑے گا جس کے بعد پاکستان سپر لیگ کے فائنل راؤنڈ کے لیے دو ٹیمیں سامنے آئیں گی۔

ایمزٹی وی(بزنس) پاکستان اسٹیٹ آئل کا مالی بحران پھر سنگین ہو گیا۔ پاور سیکٹرز کے واجبات 200 ارب روپے ہو گئے۔ ذرائع کا کہنا ہے کہ ہر بار کی طرح پاور سیکٹر نے واجبات کی ادائیگی نہ کرنے کی ٹھانی ہوئی ہے۔ واجبات کی عدم ادائیگی میں واپڈا اور حبکوسب سے آگے ہے اس وقت پاور سیکٹرز کے واجبات 200 ارب روپے تک پہنچ گئے ہیں۔ مالی بحران کی سنگینی کو بھانپتے ہوئے پی ایس او نے وزارت پیٹرولیم اور وزارت پانی وبجلی سے رابطہ کیا جس میں پی ایس او نے فوری طور پر واجبات میں سے 80 ارب روپے مانگ لیے ہیں۔ واضح رہے کہ پی ایس او کو ریفائنریز اور سپلائیرز نے 45 ارب روپے ادا کرنے ہیں۔

ایمزٹی وی(بزنس) کراچی میں تعینات امریکی قونصل جنرل کراچی برائن ہیتھ نے کورنگی ایسوسی ایشن آف ٹریڈ اینڈ انڈسٹری میں تاجروں وصنعت کاروں سے خطاب کرتے ہوئے کہا کہ  امریکا خطے میں پاکستان کو ابھرتی ہوئی معیشت کے ساتھ داخلی طور پربھی مستحکم ملک کی حیثیت سے دیکھنا چاہتا ہے۔ کیری لوگر بل کے حوالے سے ان کا کہنا تھا پاکستان کے استحکام کے لیے ہی کیری لوگر برمن بل کے تحت توانائی، صحت اور تعلیم سمیت مختلف شعبوں میں اربوں ڈالر مالیت کے منصوبے پائپ لائن میں ہیں،کراچی میں امن وامان کی صورتحال میں واضح طور پر مثبت تبدیلیاں آئی ہیں جو خوش آئند ہیں، ملک بھر میں امن واستحکام سے دونوں ممالک کے مابین تجارتی اور کاروباری سرگرمیوں میں بھی اضافہ ہوگا اس موقع پر برائن ہیتھ نے کہاکہ امن و امان کی صورتحال دیک کر ٹریول ایڈوائس نرم کرنے کا فیصلہ کیا جاتا ہے، اس کے لیے ٹائم فریم نہیں دیا جاسکتا تاہم جس طرح حالات میں مثبت تبدیلی آرہی ہے تو اس معاملے میں بھی پیشرفت کا امکان پیدا ہو گا سینیٹر عبد الحسیب خان نے کہاکہ کاروباری روابط بڑھانے کے لیے کاروباری برادری کے سفارتی رابطے مثبت نتائج کا باعث بنیں گے۔ اس موقع پر کاٹی کے سینئر نائب صدر سلیم الزماں، نائب صدر سید واجد حسین،گلزار فیرور، زبیر چھایا، سید فرخ مظہر، راشد احمد صدیقی، اکبر فاروقی و دیگربھی موجود تھے۔

ایمزٹی وی(انٹرنیشنل) سعودی عرب نے امریکی اتحاد میں داعش کے خلاف فضائی حملوں کا آغاز کردیا پینٹاگون کے ترجمان پیٹر کُک نے بتایا کہ سعودی طیاروں نے گزشتہ ہفتے امریکی اتحاد کے تحت داعش کے خلاف فضائی کارروائی میں حصہ لیا تاہم انہوں نے یہ وضاحت نہیں کی کہ سعودی طیاروں نے کیا اور کہاں کارروائی کی؟ ترجمان کہنا تھا کہ سعودی عرب گزشتہ چند دنوں سے داعش کے خلاف کارروائیوں کے لیے پُرعزم نظر آرہا ہے۔