ایمز ٹی وی (ایجوکیشن) جامعہ کراچی کے ناظم امتحانات پروفیسر ڈاکٹر ارشد اعظمی کے اعلامیہ کے مطابق ایم اے سال آخرپرائیویٹ اسلامک ہسٹری، اسلامک اسٹڈیز اور میتھمیٹکس سالانہ امتحانات برائے 2014 ء کے نتائج کے اعلان کردیا ہے۔نتائج کے مطابق امتحانات میں کل 145طلبہ شریک ہوئے ،ایک طالب علم کو فرسٹ ڈویژن جبکہ 49 طلبہ کو سیکنڈ ڈویژن میں کامیاب قراردیا گیا ۔کامیاب طلبہ کا تناسب 34.84فیصد رہا۔

اسلامک اسٹڈیز کے امتحانات کُل 774طلبہ شریک ہوئے،342طلبہ کو فرسٹ ڈویژن جبکہ 106طلبہ کو سیکنڈ ڈویژن میں کامیاب قراردیا گیا ۔کامیاب طلبہ کا تناسب 57.88فیصد رہا۔ 

میتھمیٹکس کے امتحانات میں 21 طلبہ شریک ہوئے،03طلبہ کو فرسٹ ڈویژن جبکہ ایک طالب علم کو سیکنڈ ڈویژن میں کامیاب قراردیا گیا۔کامیاب طلبہ کا تناسب19.05فیصد رہا۔واضح رہے کہ جو طلباوطالبات جاری کردہ نتائج سے مطمئن نہیں ہیں وہ طلبہ اور ایسے طلبہ جو غیر حاضری کی اسکروٹنی کرواناچاہتے ہیں انہیں ہدایت کی جاتی ہے کہ وہ60 یوم کے اندر اسکروٹنی کروالیں بصورت دیگر شعبہ امتحانات ذمہ دار نہیں ہوگا۔

ایمز ٹی وی (ہیلتھ ڈیسک) آئی جی سندھ نے پولیو مہم کیلئے پولیس کو فول پروف سیکیورٹی انتظامات کرنے کی ہدایت کی ہے۔تفصیلات کے مطابق آئی جی سندھ غلام حیدر جمالی نے پانچ روزہ مہم کے دوران پولیو ورکرز ،ڈاکٹروں اور دیگر اسٹاف کو خصوصی سیکیورٹی فراہم کرنے کی ہدایت کی ہے۔

آئی جی سندھ نے تمام زونز کے ڈی آئی جیز کو فول پروف سیکیورٹی بنانے کی ہدایت کرتے ہوئے کہا ہے کہ حساس علاقوں میں پولیس کمانڈوز تعینات کئے جائیں،پولیو مہم کے دوران شہر کے داخلی و خارجی راستوں پر بھی سخت نگرانی کی جائےجبکہ اسنیپ چیکنگ اور گشت کو بڑھایا جائے۔انہوں نے کہا کہ پولیو مہم کیلئے پولیس کا بارہ ہزار سے زائد اہلکار تعینات کرنے کا فیصلہ کیا گیا ہے،سات ہزار پولیس اہلکار کراچی پولیس کی جانب سے تعینات کئے جائیں گے،پانچ ہزار پولیس اہلکار اور کمانڈوز ایس آر پی ، سی ٹی ڈی،کرائم برانچ،اینٹی انکروچمنٹ سیل اور پولیس ٹریننگ اسکول اور کالج سے تعینات کئے جائیں گے۔

پولیو مہم میں چار سو دس موبائلیں،دو سو چالیس موٹر سائیکلیں سیکیورٹی کے فرائض انجام دیں گے۔مہم کے دوران دو سو چالیس پولیس کمانڈوز،ریپڈ رسپانس فورس اور اسپیشل سیکیورٹی یونٹ کے دو سو کمانڈو بھی فرائض انجام دیں گے۔پولیو مہم آج سے شروع ہو رہی ہے -

ایمزٹی وی(اسلام آباد) پارلیمنٹ ہاؤس کو شمسی توانائی پر منتقل کر دیا گیا ہے جب کہ 18 میگا واٹ بجلی نیشنل گرڈ کو بھی فروخت کی گئی۔ چین کے تعاون سے پارلیمنٹ ہاؤس میں لگائے گئے ایک میگاواٹ شمسی توانائی کے نظام نے بجلی کی پیداوار شروع کر دی ہے، پاکستانی پارلیمنٹ کو اس منصوبے کی تکمیل کے بعد دنیا کی پہلی گرین پارلیمنٹ ہونے کا اعزاز حاصل ہو گیا ہے۔ جمعہ کو قومی اسمبلی کا اجلاس شمسی توانائی سے حاصل ہونے والی بجلی کی روشنی میں ہوا۔ قومی اسمبلی سیکریٹریٹ کے مطابق اب تک اس نظام کے تحت 80 میگاواٹ بجلی پیدا کی جا چکی ہے جس میں سے پارلیمنٹ ہاؤس نے اب تک 62 میگاواٹ استعمال کی جب کہ 18 میگاواٹ بجلی نیشنل گرڈ کو فروخت کی گئی۔