ایمزٹی وی(واشنگٹن)امریکی کانگریس کی رکنیت کے لیے رواں سال ہونیوالے انتخابات میں 2 پاکستانی نژاد امیدوار بھی میدان میں آگئے 44 سالہ ڈین ایچ ملک کا تعلق امریکی حزب اختلاف کی جماعت ریپبلکن پارٹی سے ہے اور وہ ریاست پنسلوانیا کے 8ویں کانگریشنل ڈسٹرکٹ سے امیدوار ہیں۔ وہ امریکی بحریہ کے سابق ملازم اور معروف وکیل ہیں۔ ان کے والد اور والدہ دونوں پروفیسر ہیں جو 40 سال تک امریکہ کی ولانووا یونیورسٹی سے وابستہ رہے ڈین ایچ ملک کے والد1953ء میں پاکستان سے امریکہ منتقل ہوئے تھے۔ کانگریس کی رکنیت کے دوسرے پاکستانی نژاد امیدوار54 سالہ علی مرزا کا تعلق موجودہ حکمران جماعت ڈیموکریٹک پارٹی سے ہے اور وہ نیویارک کے پانچویں کانگریشنل ڈسٹرکٹ سے امیدوار ہیں، وہ ایک پبلک ریلیشنز فرم کے مالک بھی ہیں۔

ایمزٹی وی(تعلیم)پیپلزاسٹوڈنٹس فیڈریشن کراچی یونیورسٹی کے صدر امداد اللہ، سینئر نائب صدر برکت علی، سیکریٹری جنرل محمد رضا، سیکریٹری اطلاعات نثار بگٹی، نائب صدر خرم خان، شہزاد کریم اور ڈپٹی جنرل سیکریٹری رفیق اللہ نے کہا ہے کہ گزشتہ دنوں چیئرمین پی پی پی بلاول بھٹو زرداری نے سندھ اور آزاد کشمیر حکومت کو ہدایت جاری کی جس کے مطابق انہوں نے دونوں حکومتوں کو طلبہ یونین سے پابندی اٹھانے کو کہا۔ ہم پی ایس ایف جامعہ کراچی حکومت سندھ سے اپیل کرتے ہیں کہ چیئرمین پی پی پی بلاول بھٹو زرداری کی ہدایت کی روشنی میں طلبہ یونین کی بحالی کیلئے قانون سازی کی جائے۔اجلاس سے خطاب کرتے ہوئے رہنماوں نے کہا کہ طلبہ یونین کو بحال کیا جائے۔