ایمز ٹی وی(اسپورٹس)) آسٹریلیا اوپن ٹینس ٹورنامنٹ میں ہونے خواتین کے ڈبلز فائنل میں ثانیہ مرزا اور مارٹینا ہِنگس کی جوڑی نے ایک مرتبہ پھر شاندار پرفارمنس کے تسلسل کو برارقر رکھتے ہوئے میدان مار لیا ۔ سال کے پہلے گرینڈ سلیم یعنی آسٹریلیا اوپن ٹینس ٹورنامنٹ میں کھیلے گئے خواتین کے ڈبلز فائنل میں ثانیہ مرزا اور مارٹینا ہِنگس کی جوڑی کا مقابلہ جمہوریہ چیک کی جوڑی کیساتھ ہوا۔ عالمی نمبر ایک جوڑی نے شاندار پرفارمنس کا مظاہرہ کیا اور حریف کھلاڑیوں کو جم کر کھیلنے کا موقع نہ دیا، انہوں نے میچ میں دلچسپ مقابلے کے بعد سات چھ اور چھ تین سے فتح حاصل کی ۔ اس شاندار کامیابی کے بعد بھارت کی ثانیہ مرزا نے 6 جبکہ سوئٹزر لینڈ کی مارٹینا ہِنگس نے 12 گرینڈ سلیم ٹائٹل جیتنے کا اعزاز حاصل کر لیا ہے ۔ 

ایمزٹی وی (بزنس) عوام کو پڑھنا لکھنا بھی کام نہ آیا ۔ آئی پی آر کے مطابق ملک میں پڑے لکھے بے روزگاروں کی شرح ان پڑھ بے روزگاروں سے دگنی ہوچکی ہے جس میں سے 15 سے 29 سال کے مردوں کی تعداد 10 لاکھ ہے ۔ کم عمری کے باعث یہ افراد جرائم کی طرف با آسانی مائل ہو رہے ہیں جبکہ حکومت کا یوتھ پروگرام مکمل طو پر نا کام ہو چکا ہے ۔ حقائق نامے کے مطابق ملک میں بے روزگاری کی شرح 8 اعشاریہ 5 فیصد تک پہنچ چکی ہے جو گذشتہ 13 سال میں سب سے زیادہ ہے ۔ دوسری جانب ملک میں خواتین کی لیبر فورس میں شرکت زیادہ ہوئی ہے جبکہ مالی سال 2013 سے اب تک چائلڈ لیبر میں 14 فیصد کمی ریکارڈ کی گئی۔ 

ایمز ٹی وی (انٹرٹینمنٹ)بالی وڈا سٹار رنبیر کپور اور اداکارہ کترینہ کیف ایک دوسرے سے الگ ہونے پر شہ سرخیوں کا حصہ بنے ہوئے ہیں۔تاہم تاحال دونوں ستاروں کی جانب سے ایک دوسرے سے علیحدگی کی خبر کی تصدیق نہیں کی گئی لیکن جوڑے کے جدا ہونے پر ذیادہ نقصان اداکار رنبیر کپور کو اٹھانا پڑے گا۔ رپورٹ کے مطابق دونوں ستارے جس اپارٹمنٹ میں ایک ساتھ رہائش پذیر تھے اس کی سیکیورٹی کی مد میں رنبیر کپور 21کروڑ روپے کی خطیر رقم جمع کرا رکھی تھی جو یوں اچانک گھر چھوڑ کر جانے پر ڈوبتی نظر آرہی ہے۔ رنبیر کپور اور اداکارہ کترینہ کیف کے درمیان لڑائی کی مختلف اوقات میں مختلف وجوہات سامنے آتی رہی ہیں۔ واضح رہے رنبیر کپور اداکارہ سے لڑ جھگڑ کر اپنے والدین کے ساتھ ہل روڈ پر واقع ولسن اپارٹمنٹس میں شفٹ ہو چکے ہیں۔ دوسری جانب اداکارہ آجکل اپنی نئی آنے والی فلم ’’فتور ‘‘ کی تشہیر میں مصروف ہیں۔کترینہ کیف کی فلم ’ فتور‘ 12فروری کوسنیما گھروں میں نمائش کیلئے پیش کی جائے گی۔

ایمز ٹی وی(اسپورٹس)قومی ٹیم کے ہیڈ کوچ وقار یونس نے استعفیٰ دینے سے متعلق خبروں کی سختی سے تردید کرتے ہوئے اس قسم کی تمام خبروں کو بے بنیاد قرار دے دیا ہے۔

 وقار یونس کا کہنا تھا کہ میں نے استعفیٰٗ دینے سے متعلق سوچا اور نہ ہی ایسا کوئی بیان دیا لیکن افسوس کی بات ہے کہ میڈیا میں میرے استعفیٰ سے متعلق بے بنیاد خبریں چلا دی گئیں۔ ان کا کہنا تھا کہ یہ بات ٹھیک ہے کہ ہم نیوزی لینڈ میں اس طرح پرفارم نہیں کر سکے جس طرح کرنا چاہیئے تھا لیکن اس وقت قومی ٹیم تبدیلی کے مرحلے سے گزر رہی ہے اور ٹی ٹوئنٹی ورلڈ کپ بھی سر پر ہے اسلئے استعفیٰ دینے سے متعلق سوچ بھی نہیں سکتا۔

واضح رہے کہ میڈیا میں اس قسم کی خبریں زیر گردش ہیں کہ وقار یونس اور معاون اسٹاف میں شامل مشتاق احمد اورگرانٹ فلاوربیٹنگ و بولنگ میں پلان کا میدان میں عمل درآمد نہ کرنے پر کھلاڑیوں سے خوش نہیں ہیں جب کہ ہیڈ کوچ نے ٹیم میٹنگ میں یہاں تک کہہ دیا کہ اگر کھلاڑی موجودہ مینجمنٹ کے ساتھ کام نہیں کرنا چاہتے تو ہم اپنے عہدے چھوڑنے کیلیے تیار ہیں۔