ایمزٹی وی(پنجاب)نئے اسپیکراورڈپٹی اسپیکرکے لیے پنجاب اسمبلی کا اجلاس آج ہورہا ہے۔
پنجاب اسمبلی کا اجلاس رانا محمد اقبال کی سربراہی میں جاری ہے۔ اجلاس میں پہلے اسپیکر اور پھر ڈپٹی اسپیکر کا انتخاب ہوگا۔
اسپیکر پنجاب اسمبلی کےعہدے کے لیے پاکستان تحریک انصاف اوران کے اتحادیوں کی جانب سے چوہدری پرویز الٰہی اور مسلم لیگ (ن) کی جانب سے چوہدری محمد اقبال امیدوارہیں جبکہ ڈپٹی اسپیکرکے لیے تحریک انصاف کے سردار دوست محمد مزاری اور (ن) لیگ کے محمد وارث شاد کے درمیان مقابلہ ہوگا۔ اسپیکر اور ڈپٹی اسپیکر کا چناؤ خفیہ رائے شماری کے ذریعے ہوگا۔
دوسری جانب پیپلزپارٹی نے پنجاب میں اسپیکروڈپٹی اسپیکر کے انتخابی عمل سے دوررہنے کا فیصلہ کیا ہے، پیپلز پارٹی کے ارکان پی ٹی آئی اور ن لیگ کے کسی امیدوار کو ووٹ نہیں دیں گے۔
واضح رہے کہ 371 ارکان پر مشتمل پنجاب اسمبلی میں 360 ارکان منتخب ہو کر ایوان میں پہنچے ہیں جبکہ 11 نشستیں تاحال خالی ہیں۔ 177 کا تعلق پاکستان تحریک انصاف اور 162کا مسلم لیگ (ن)، 10 کا تعلق مسلم لیگ (ق)، 7 کا پیپلز پارٹی اور ایک رکن کا تعلق راہِ حق پارٹی سے ہے جب کہ 3 آزاد رکن ہیں۔
ایمزٹی وی(ملتان)تحریک انصاف کے نومنتخب رکن پنجاب اسمبلی سردار طارق خان دریشک انتقال کرگئے۔
میڈیا ذرائع کے مطابق تحریک انصاف کے نومنتخب ایم پی اے سردار طارق خان دریشک انتقال کرگئے ہیں۔ طارق خان دریشک راجن پور کے حلقہ پی پی 296 سے 42 ہزار 119 ووٹ لے کر رکن صوبائی اسمبلی منتخب ہوئے تھے۔
طارق خان کو 4 روز قبل برین ہیمرج ہوا جس کے باعث وہ ملتان کے نجی اسپتال میں زیرِ علاج تھے تاہم ڈاکٹروں کی تمام تر کوششوں کے باوجود وہ جانبر نہ ہوسکے اور خالقِ حقیقی سے جاملے۔ مرحوم طارق خان دریشک کو ایمبولینس کے ذریعے راجن پور منتقل کردیا گیا ہے۔ ان کی نماز جنازہ آج رات 8 بجے ان کے آبائی گاؤں آسنی میں ادا کی جائے گی۔
ایمزٹی وی(اسلام آباد)تحریک انصاف کی پارلیمانی پارٹی کل عمران خان کو وزارتِ عظمیٰ کا امیدوار نامزد کرے گی۔
میڈیا ذرائع کے مطابق تحریک انصاف نے کل پارلیمانی طاقت کے مظاہرے کا فیصلہ کرلیا ہے ۔ اسی سلسلے میں اسلام آباد کے مقامی ہوٹل میں کل پارلیمانی پارٹی کا اجلاس بھی طلب کرلیا گیا ہے جس میں چیئرمین پی ٹی آئی عمران خان کو وزیراعظم کا امیدوار نامزد کیا جائے گا۔
ترجمان پی ٹی آئی فواد چوہدری کا کہنا ہے کہ تحریک انصاف کو وزارت عظمیٰ کے لیے اتحادیوں، خواتین اور اقلیتوں کے ساتھ 174 ارکان کی حمایت حاصل ہوچکی ہے، جب کہ مزید ارکان کی شمولیت کا سلسلہ بھی جاری ہے، بلوچستان نیشنل پارٹی (بی این پی) کی حمایت کے بعد نمبرگیم 177 پر پہنچ جائے گا، کل دوپہر پارٹی کے اجلاس میں عمران خان کو وزیراعظم کا باضابطہ امیدوار نامزد کیا جائے گا۔
ایمزٹی وی(اسپورٹس)کرکٹ کیلیے صحافت چھوڑنے والے نجم سیٹھی نے دوبارہ ٹی وی پر آنے کا عندیہ دے دیا۔
عام انتخابات میں پی ٹی آئی کی کامیابی کے بعد پی سی بی میں بھی تبدیلی کی لہر چلنے کا امکان روشن ہے،اس صورتحال میں ہر کرکٹ شائق چیئرمین نجم سیٹھی کے مستقبل کے بارے میں سوچ رہا ہے،سماجی رابطوں کی ویب سائیٹ پر ایک صارف نے ان سے کہا کہ ’’ہم چاہتے ہیں کہ آپ اور آپ کی چڑیا ٹی وی پر آئیں اور اہم انکشافات کریں،آپ نے چیئرمین پی سی بی کے طور پر بہت اچھا کام کیا ہے‘‘۔ جواب میں نجم سیٹھی نے کہا کہ انشاء اللہ میں اور میری چڑیا بہت جلد ٹی وی پر نظر آئیں گے۔
ایک اور صارف نے کہا کہ ’’اگر نیب نے آپ کو کلیئرنس دیدی تو سب سے پہلے میں حمایت کروں گا کہ آپ چیئرمین پی سی بی کے طور پر خدمات جاری رکھیں‘‘۔ جواب میں نجم سیٹھی نے 11مئی2018کو جاری کیا جانے والا لیٹر پیش کردیا جس میں بتایا گیا ہے کہ 17اپریل کو جاری کیے جانے والے احکامات کے تحت چیئرمین پی سی بی اور پی ایس ایل نجم سیٹھی کیخلاف کیس کی چھان بین کی گئی ہے،اس میں کوئی ایسی چیز نہیں پائی گئی کہ جس پر کارروائی کا آغاز کیا جائے، چیئرمین نیب نے اس میں ناٹ فٹ فار ایکشن کا لفظ استعمال کیا،نجم سیٹھی نے یہی الفاظ اپنے پیغام میں درج کردیے
د:
ایمزٹی وی(کوئٹہ)بلوچستان میں مخلوط حکومت کا فارمولا طے پاگیا ہے۔
بلوچستان کابینہ 15ارکان پرمشتمل ہوگی، کابینہ میں 12 وزیر 3مشیرشامل کیے جائیں گے، بی اے پی کو 5 پی ٹی آئی کو 2 وزارتیں دی جائیں گی جب کہ ذرائع کے مطابق اے این پی ، بی این پی عوامی وار ایچ ڈی پی کو ایک ایک وزارت ملے گی،2 وزارتیں بی اے پی میں شامل آزاد ارکان کو ملیں گی، تین مشیروں کافیصلہ بعد میں کیا جائے گا۔
ذرائع کا کہنا ہے کہ وفاق میں بی اے پی کوایک وزارت ملنے کا امکان ہے، بلوچستان عوامی پارٹی مرکزمیں پی ٹی آئی کی حمایت کرے گی جبکہ پی ٹی آئی بلوچستان میں بی اے پی کی حمایت کرے گی۔
ایمزٹی وی(تجارت)نئی حکومت کو معاشی طور پر سہارا دینے اور پاکستان کے غیر ملکی زرمبادلہ کی موجودہ صورتحال میں بہتر کرنے کیلیے چین پاکستان کو فوری طور پر 2 بلین ڈالر قرض دینے پر آمادہ ہوگیا ہے۔
وزارت خزانہ اور اسٹیٹ بینک کے ذرائع کے مطابق مذکورہ قرض میں سے ایک بلین ڈالر پہلے ہی قومی خزانے میں آچکے ہیں۔
اسٹیٹ بینک ذرائع کے مطابق اس وقت غیر ملکی زرمبادلہ کے ذخائر کا حجم 10بلین ڈالر سے تجاوز کرچکا ہے۔
اسٹیٹ بینک کے مرکزی ترجمان نے اس سوال کا جواب نہیں دیا کہ کیا چین کی جانب سے دیے جانے والے 2بلین ڈالر قرض میں سے ایک بلین ڈالر پاکستان کو مل گئے ہیں۔
ایمزٹی وی(اسلام آباد)وفاق میں حکومت بنانے کیلئے عمران خان کا ساتھیوں کو ٹاسک‘ تحریک انصاف نے رابطے شروع کردیئے ‘پی ٹی آئی کے رہنما جہانگیر ترین نے ایم کیو ایم کے کنوینر خالد مقبول صدیقی کو فون کرکے انہیں حکومت سازی کے لیے ساتھ چلنے کی دعوت دی۔
ذرائع کے مطابق ایم کیوایم اور پی ٹی آئی رہنماؤں کی ملاقات جلد متوقع ہے ‘ ادھر آزاد ارکان نے بھی پی ٹی آئی میں شمولیت شروع کردی ہے ‘علاوہ ازیں سابق وزیر اعلی پرویز خان خٹک نے خیبرپختونخوا کےپانچ آزا د ارکان سے بھی رابطے کرلئے ہیں اور پانچوں آزاد ارکان نے پرویز خان خٹک کی قیادت میں پی ٹی آئی میں شامل ہونے کا فیصلہ کرلیا ہے ۔
پرویز خٹک نے اس بات کی بھی تصدیق کی کہ قومی اسمبلی کے دو اور پنجاب اسمبلی کے دوآ زاد ارکان سے ان کا رابطہ ہوچکا ہے اورچاروں نے تحریک انصاف میں شمولیت کاعندیہ دے دیا ہے۔ چاروں نامزد وزیر اعظم عمران خان کے ساتھ پریس کانفرنس میں شمولیت کااعلان کریںگے۔ تفصیلات کے مطابق وفاق میں حکومت سازی کے لیے جہانگیرترین نے ایم کیو ایم کے خالد مقبول صدیقی سے
ٹیلی فونک رابطہ کیا ہے۔ذرائع کا کہنا ہے کہ دونوں جماعتوں میں ٹیلیفونک رابطے کے بعد ایم کیو ایم اور پی ٹی آئی کے رہنماؤں کی ملاقات جلد متوقع ہے۔