ایمز ٹی وی ( اسلام آباد) ہفتہ وار میڈیا بریفنگ کے دوران ترجمان دفتر خارجہ تسنیم اسلم کا کہنا تھا کہ توہین رسالت اور گستاخانہ خاکوں کے حوالے سے پاکستان کا موقف واضح ہے اور پاکستان نے اقوام متحدہ میں اس حوالے سے قرارداد بھی جمع کروائی تھی۔تاہم فرانس میں میگزین کے دفتر پر حملے کی مذمت کرتے ہیں۔یاد رہے کہ گزشتہ روز فرانس کے دارالحکومت پیرس میں ایک مزاحیہ سیاسی رسالے کے دفتر میں فائرنگ کے نتیجے میں 12 افراد ہلاک اور دس زخمی ہو گئے تھے۔چارلی ہیبدو نامی رسالے نے 2011 میں پیغمبر اسلام حضرت محمد ﷺ کے توہین آمیز خاکے اپنے سرورق پر شائع کیے تھے جس کے بعد اس کے دفتر پر فائربموں کے ذریعے حملہ بھی کیا گیا تھا جب کہ گذشتہ ہفتے اس میگزین نے داعش کے خلیفہ ابوبکر البغدادی کے حوالے سے ٹوئٹ کی تھی۔دنیا کو اسلامو فوبیا سے نکالنے کی ضرورت پر زور دیتے ہوئے ترجمان کا کہنا تھا کہ پاکستان ہر قسم کی دہشت گردی کے خلاف ہے۔ ہمیں یقین ہے کہ بین الاقوامی برادری دہشت گردی کے خلاف کھڑی رہے گی اور حملوں کے ذمہ داروں کو انصاف کے کٹہرے میں لایا جائے گا۔گزشتہ دنوں ہندوستان کی جانب سے بحیرہ عرب میں پاکستانی ماہی گیروں کی ایک کشتی کے ہندوستانی نیوی کی جانب سے پکڑے جانے کے خطرے کے پیش نظر خود کو دھماکا خیز مواد سے اڑانے کی خبروں کے حوالے سے تسنیم اسلم کا کہنا تھا کہ ہندوستانی الزامات بےبنیاد ہیں جن کا کوئی ثبوت موجود نہیں۔ان کا کہنا تھا کہ پاکستان کی کوئی کشتی لاپتہ نہیں ہے اورٹیرر بوٹ کے افسانے پر ہندوستان نے سفارتی چینلز سے کوئی رابطہ نہیں کیا۔تسنیم اسلم نے کہا کہ پاکستان کو دہشت گردی کے خلاف اپنے عزم پرانڈیا کی جانب سے توثیق کا سرٹیفکیٹ نہیں چاہئیے۔امریکی وزیر خارجہ جان کیری کے دورہ پاکستان کی تصدیق کرتے ہوئے ترجمان دفتر خارجہ نے کہا کہ جان کیری کے دورے کی حتمی تاریخوں کا اعلان نہیں کیا جاسکتا۔تاہم ان کا کہنا تھا کہ دورے کے دوران پاکستان اور امریکہ کے تعلقات، خطے کی مجموعی صورتحال اورعالمی امور پر بات چیت ہوگی۔

ایمز ٹی وی ( اسلام آباد ) دھند اور اوورلوڈ ہونے کے باعث ملک بھر کو بجلی فراہم کرنے والی ٹرانسمیشن لائنیں ٹرپ ہو گئیں جس سے ملک کے اکثر حصوں کو بجلی کی فراہمی متاثر ہوئی ہے۔نیشنل ٹرانسمیشن اینڈ ڈسپیچ سسٹم (این ٹی ڈی سی) کے ترجمان کا کہنا ہے کہ شدید دھند کی وجہ سے صبح 5 بجے گدو، دادو ٹرانسمیشن لائن ٹرپ ہوئی۔ بلوچستان،خیبرپختونخوا اور پنجاب کےاضلاع کو بجلی کی فراہمی متاثرہوئی، ٹرانسمیشن لائن ٹرپ ہونے سے کراچی سمیت سندھ میں بجلی کی فراہمی متاثرہوئی،ترجمان کا دعویٰ تھا کہ کراچی، حیدر آباد، پشاور، اسلام آباد کے لیے بجلی کی فراہمی جلد بحال کر دی گئی تھی۔واضح رہے کہ ملک میں 20 دسمبر کو بھی بجلی کا بڑا بریک ڈاون ہوا تھا

ایمز ٹی وی (پنجاب) اکرام الحق کا مقتول نیئر عباس کے اہخانہ سے صلح نامہ طے پاگیا جس کے بعد سزائے موت پر عملدرآمد ملتوی کیا گیا۔نیئر عباس کے بھائی مختار حسین اور والدہ نے صلح نامہ پر دست خط کردیئے ہیں۔اکرام الحق کے وکیل غلام مصطفیٰ نے میڈیا سے گفتگو میں بتایا کہ صلح نامے کے بعد مجرم کی سزا پر عمل درآمد ملتوی کردیا گیا ہے، صلح نامے پر مقتول کی والدہ، بھائی اور ایف آئی آر درج کرنے والے خاندان کے فرد نے دستخط کیے۔ان کا کہنا تھا کہ سزا پر عملدر آمد کا حکم پھانسی سے 30سیکنڈ قبل ملتوی ہوا۔مقتول کے لواحقین نے مجسٹریٹ کو صلح نامہ جمع کرایا تھا، جس کے بعد مجرم کی پھانسی پر عملدر آمد ملتوی ہوا۔ڈان نیوز کے مطابق مقتول اور قاتل کے اہلخانہ مجسٹریٹ کے سامنے پیش ہوئے اور صلح نامہ پیش کیا گیا۔اکرام الحق نے 2001 میں نیئر عباس کو قتل کیا تھا جبکہ 2004 میں ان کو موت کی سزاء دی گئی تھی، صدر پاکستان نے بھی ان کی رحم کی اپیل مسترد کر دی تھی۔اکرم الحق کو آج کوٹ لکھپت جیل میں 6 بجکر 35 منٹ پر پھانسی دی جانی تھی.اس موقع پر جیل کے اندر اور اطراف سیکورٹی انتظامات مزید سخت کر دیے گئے تھے۔بدھ کو اکرام الحق کے اہل خانہ نے اس سے جیل میں آخری ملاقات بھی کر لی تھی۔

 ایمز ٹی وی (کراچی) پاکستان کرکٹ بورڈ(پی سی بی) نے آئندہ ماہ شروع ہونے والے گیارہویں کرکٹ ورلڈ کپ کے لیے 15 رکنی قومی اسکواڈ کا اعلان کر دیا ہے۔

چیئرمین پی سی بی شہریار خان نے اسکواڈ کی منظوری کے بعد سلیکشن کمیٹی کے سربراہ معین خان نے پریس کانفرنس سے خطاب کرتے ہوئے ورلڈ کپ کے لیے اسکواڈ کا باقاعدہ اعلان کیا۔ذرائع کے مطابق مصباح الحق کو قومی ٹیم کا قائد برقرار رکھا گیا ہے جبکہ تجربہ کار یونس خان اور شاہد آفریدی بھی اسکواڈ میں جگہ پانے میں کامیاب رہے ہیں۔نیوزی لینڈ اور آسٹریلیا کے خلاف اچھی کارکردگی کا مظاہرہ کرنے والے سرفراز احمد، احمد شہزاد اور حارث سہیل اسکواڈ میں جگہ برقرار رکھنے میں کامیاب رہے۔فاسٹ باؤلنگ کے شعبے میں پاکستان کا انحصار طویل القامت محمد عرفان پر ہو گا جبکہ انجری سے صحتیابی کے بعد جنید خان کی بھی اسکواڈ میں واپسی ہوئی ہے۔

عرفان اور جنید کو سہیل خان اور وہاب ریاض کے ساتھ ساتھ احسان عادل کا ساتھ حاصل ہو گا۔سہیل خان کی شمولیت اسکواڈ میں کافی حیران کن ہے جبکہ فواد عالم، انور علی اور بلاول بھٹی کو موقع نہ دیا جانا بھی اچھنبے سے کم نہیں۔شعیب ملک قومی پنٹنگولر ٹورنامنٹ میں شاندار کارکردگی کے باوجود ٹیم میں جگہ بنانے میں کامیاب نہ ہو سکے جبکہ کامران اکمل پر بھی قسمت مہربان نہ ہوسکی۔ایک عرصے سے عالمی کرکٹ میں متاثر کن کارکردگی نہ دکھانے کے باعث اسد شفیق کو ورلڈ کپ اسکواڈ سے ڈراپ کردیا گیا ہے جبکہ ناصر جمشید بھی سلیکٹرز کو متاثر کرنے میں ناکام رہے۔مڈل آرڈر بیٹنگ لائن میں صہیب مقصود کے ساتھ ساتھ عمر اکمل کو ایک اور موقع دیا گیا ہے جبکہ باؤلنگ پر پابندی کا شکار محمد حفیظ بھی سلیکٹرز کا اعتماد حاصل کرنے میں کامیاب رہے۔آسٹریلیا کی کنڈیشنز کو مدنظر رکھتے ہوئے نوجوان یاسر شاہ کو اسکواڈ میں شامل کیا ہے۔عالمی کپ کا آغاز 14 فروری سے آسٹریلیا اور نیوزی لینڈ کی سرزمین پر کھیلا جائے گا جہاں پہلا میچ نیوزی لینڈ اور سری لنکا کے درمیان ہو گا۔ورلڈ کپ میں پاکستان کو گروپ "بی" میں رکھا گیا ہے ۔گروپ "بی " کی دیگر ٹیموں میں ہندوستان ، جنوبی افریقہ ، ویسٹ انڈیز ، زمبابوے ، آئرلینڈ اور متحدہ عرب امارات شامل ہیں۔پاکستان اپنا پہلا میچ روایتی حریف ہندوستان کے خلاف 15 جنوری کو ایڈیلیڈ میں کھیلے گا۔یاد رہے کہ آسٹریلیا اور نیوزی لینڈ کی سرزمین پر 22 سال بعد ورلڈ کپ کا انعقاد ہو رہا ہے جہاں اس سے قبل 1992 میں ہونے والے عالمی کپ میں عمران خان کی زیر قیادت پاکستان نے عالمی چیمپیئن کا تاج سر پر سجایا تھا۔ورلڈ کپ کے لیے پاکستانی اسکواڈ ان کھلاڑیوں پر مشتمل ہے۔

ایمز ٹی وی ( فارن ڈیسک ) سائنسدانوں نے اسے ’زمین سے بہت مشابہت رکھنے والا انجان کرہ‘ قرار دیا ہے۔سائنسدانوں کا کہنا ہے کہ نظام شمسی سے بہت زیادہ فاصلے پر انھوں نے جن نئے آٹھ سیاروں کو دیکھا ہے ان میں سے ایک زمین سے بہت زیادہ مشابہت رکھنے والا کرہ ہے۔ن آٹھوں سیاروں کو ناسا کے کیپلر خلائی دوربین سے دیکھا گیا ہے جس کے بعد اس طرح کے ’ایگزوپلینٹس‘ کی تعداد ایک ہزار سے زیادہ ہو گئی ہے۔ائنسدانوں کا کہنا ہے کہ زمین سے بہت مشابہت رکھنے والا سیارہ جسے ’کیپلر 438 بی‘ نام دیا گیا ہے وہ ’کیپلر 186ایف‘ سے بھی زیادہ زمین سے مشابہت رکھتا ہے جسے پہلے زمین سے سب سے زیادہ مشابہت رکھنے والا سیارہ اور زمین کا ’جڑواں سیارہ‘ کہا گیا تھا۔یہ نیا سیارہ زمین سے حجم میں 12 فیصد بڑا اور ’186ایف‘ سے بھی بڑا ہے۔ تاہم درجۂ حرارت کے لحاظ سے یہ زمین سے زیادہ قریب ہے۔ شاید وہ اپنے سورج سے 40 فی صد زیادہ گرمی حاصل کرتا ہے جتنا زمین اپنے سورج سے حاصل کرتی ہے۔

ایمز ٹی وی (اسلام آباد) ہندوستان کی بارڈر سیکورٹی فورس (بی ایس ایف) نے سیالکوٹ میں شکر گڑھ سیکٹر پر بلااشتعال فائرنگ کی۔بی ایس ایف کی فائرنگ پر چناب رینجرز کی جانب سے بھرپور جوابی کارروائی کی گئی۔بھارتی سیکیورٹی فورسز کی جانب سے نارووال اور سیالکوٹ کے شکر گڑھ سمیت دیگر سیکٹرز کے مختلف دیہات پر بلااشتعال فائرنگ اور گولہ باری کا سلسلہ وقفے وقفے سے جاری ہے۔یاد رہے کہ گذشتہ روز فائرنگ اور گولہ باری سے خاتون سمیت 4 شہری ہلاک جبکہ پانچ زخمی ہوئے تھے۔شیلنگ اب تک سیکڑوں مکانوں کی دیواریں اور چھتیں گر چکی ہیں جبکہ دیگر املاک کا بھی نقصان ہوا ہے، اس کے ساتھ ساتھ مویشی بھی مارے گئے ہیں۔دوسری جانب ہندوستان کی فورسز کی فائرنگ اور گولہ باری سے کئی لوگ اپنے گھروں کو چھوڑ کر محفوظ مقامات کی طرف نقل مکانی کر چکے ہیں۔۔ جبکہ دیگر پولیس نے بھی شہریوں کو محفوظ مقامات کی طرف منتقل کرنا شروع کر دیا ہے تبصرے   ای میل   پرنٹ کریںکیا آپ ڈان ڈاٹ کام کے ساتھ معلومات شیئر کرنا چاہتے ہیں؟ آپ اپنی نیوز رپورٹس اور فیڈ بیک ہماری نیوز ڈیسک کو بھیج سکتے ہیں۔ اگر آپ کسی موضوع پر اظہارِ خیال کرنا چاہتے ہیں، تو ہماری بلاگز ڈیسککو ای میل کیجیے۔ اس کے علاوہ آپ ہماری اسپیشل پراجیکٹس ڈیسک کو اپنی تصاویر اور ویڈیوز بھی بھیج سکتے ہیں۔

ایمز ٹی وی( اسلام آباد) تحریک منہاج القرآن کے زیراہتمام 31 ویں عالمی میلادکانفرنس سے بذریعہ ویڈیو لنک ڈاکٹر طاہر القادری نے خطاب کرتے ہوئے کہا  کہ جہاد اور فساد کے درمیان تمیز کرنے کا وقت آگیا اور یہ بے گناہوں کی جانیں لینے والے جہنم کا ایندھن بنیں گے۔ مدارس، کالجز اور یونیورسٹیوں کا نصاب عصری ضرورت کے مطابق تبدیل کیا جائے کیونکہ اس میں غیر مسلموں کے حقوق، انسانیت سے محبت اور دہشتگردی نے نفرت کا کوئی باب شامل نہیں۔ انہوں نے کہا کہ شہدائے ماڈل ٹاﺅن کے خون پر کوئی سودے بازی نہیں ہوگی۔ اس خون کا حساب لے کر دم لیں گے، صحت یاب ہوکر جلد پاکستان میں اپنے عوام اور کارکنوں کے درمیان ہوں گا اور انقلاب کا سفر دوبارہ شروع کروں گا۔

ایمز ٹی وی ( اسلام آباد )  قومی اسمبلی کا اجلاس اسپیکر ایاز صادق کے زیر صدارت ہوا، اجلاس میں وزیر اعظم نواز شریف بھی موجود تھے۔قومی اسمبلی میں جماعت اسلامی اور جمعیت علمائے اسلام (ف) اور پاکستان تحریک انصاف کے اراکین گیر حاضر رہے آئین میں ترمیم کے لیے 342 رکنی ایوان میں 228 ارکان کی حمایت کی ضرورت تھی جبکہ ایوان میں 247 اراکین موجود تھے۔ایوان میں 190 اراکین کا تعلق حکومتی جماعت مسلم لیگ (ن) سے ہے جبکہ اسکے علاوہ پیپلز پارٹی، ایم کیو ایم اور دیگر جماعتیں شامل ہیں۔قومی اسمبلی میں مجموعی طور پر تین شقوں کی منظوری لی گئی۔جس میں دہشت گردی کی تعریف، فوجی عدالتوں کے قیام اور ان عدالتوں کی مدت کے تعین کی شقیں شامل تھیں۔قومی اسمبلی سے منظوری کے بعد یہ ترمیم سینٹ سے منظور کی جائے گی جس کے بعد اس پر صدر پاکستان دستخط کریں گے اور یہ ترمیم ملک میں لاگو ہو جائی گی۔

ایمز ٹی وی ( بلوچستان ) پاکستان کے صوبہ بلوچستان میں حکام کے مطابق ضلع قلعہ سیف اللہ سے دو مختلف واقعات میں نو افراد کو اغوا کر لیا گیا ہے۔اغوا ہونے والے تمام افراد مسافر تھے اور انھیں اتوار اور پیر کی درمیانی شب کو اغوا کیا گیا۔

 مغویوں میں سے پانچ افراد کوئٹہ سے ایک مسافر بس میں ژوب جا رہے تھے۔ مسافر بس قلعہ سیف اللہ کے علاقے تنگہ میں ایک ہوٹل پر رکی تو نامعلوم مسلح افراد وہاں ایک گاڑی میں آئے۔مسلح افراد مسافروں میں سے پانچ افراد کو یرغمال بنا کر نامعلوم مقام کی جانب لے گئے۔اغوا ہونے والے دیگر چار افراد ایک کار میں سوار تھے جو اسلام آباد سے کوئٹہ آ رہے تھے۔اغوا ہونے والے افراد کا تعلق بلوچستان، خیبر پختونخوا اور پنجاب سے ہے۔ مغویوں میں ایک طالب علم کے علاوہ سرکاری ملازمین بھی شامل ہیں۔

ایمز ٹی وی ( میاں چنوں ) میاں چنوں کے نواحی گاؤں 51/15 ایل میں شادی کی تقریب میں کھانا کھا کر سونے والے 6 افراد پراسرار طور پر صبح مردہ پائے گئے جن میں دولہا بھی شامل ہے جب کہ مرنے والوں میں ایک بچی، 2 خواتین اور 2 مرد بھی شامل ہیں۔ ابتدائی اطلاع کے مطابق ریسکیو ٹیمیں اطلاع ملنے پرشادی کے گھر پر پہنچ گئیں جہاں مرنے والے 6 افراد کے منہ سے جھاگ نکل رہے تھے تاہم دولہا سمیت اس کے 6 قریبی رشتہ داروں کی ہلاکت کی وجہ جاننے کے لئے پولیس کی جانب سے تفتیش شروع کردی گئی ہے۔