Reporter SS
ایمز ٹی وی(تعلیم) پنجاب ٹیچرز یونین کےرہنمائوں نے کہا ہے کہ اساتذہ اپنے مسائل و مطالبات کےلئے ڈٹ جائیں ورنہ آنے والا وقت انتہائی کٹھن ہے۔
اساتذہ رہنمائوں میاں ارشد، چودھری محمد علی ، مرزا طارق، رانا خالد، حاجی یعقوب، امتیاز شاہین، شیخ مقبول ، عبدالجبار، شبیر منڈیال، مفتی ضمیر حسین، عبدالشکور، محمد صفدر ، غلام مصطفی سندھو، نذیر گجر، قاری محمود راشد سمیت دیگر عہدیداران نے کہا کہ خواتین اساتذہ کو گلی محلوں میں سروے کےلئے بھیجنا خواتین اساتذہ کی تذلیل ہے۔
ایک طرف تو حکومت تحفظ حقوق نسواں کا بل پاس کرتی ہے تو دوسری طرف خواتین اساتذہ کو جبری طور پر سروے پر بھیجنا غیر دانشمندانہ اقدام ۔
ان فیصلوں کے خلاف 18اپریل کو دن 12بجے پنجاب اسمبلی کے سامنے فیصل چوک دھرنا دیں گے۔
ایمز ٹی وی(تجارت ) محکمہ ریلوے میں سات سال کے بعد ٹی سی فون کا مواصلاتی نظام پھر سے بحال ہو گیا ہے.
.ٹی سی فون کی بحالی چناب ویسٹ بینک سے محمود کوٹ تک کردی گئی ہے
یہ پاکستان ریلوے میں پہلی اور خوبصورت مثال ہے ، ریلوے ترجمان کے مطابق ریلوے بہتری کی طرف گامزن ہے اور مجوزہ موصلااتی عمل ریلوے کی سطح میں ایک قابل قدر اضافہ ہے۔
ایمز ٹی وی(ملتان)چیئرمین ضلع کونسل ملتان دیوان محمد عباس بخاری نے کہا ہے کہ ضلع کونسل کے آئندہ بجٹ میں تعلیم صحت انفراسٹرکچر اور پینے کے صاف پانی کی فراہمی کے لئے زیادہ سے زیادہ فنڈز مختص کئے جائیں گے.
میڈیا سے گفتگو کرتے ہوئے انہوں نے کہا کہ تحصیل جلال پورپیروالا اور شجاع آباد کے پسماندہ علاقوں کی ترقی کیلئے جاری منصوبوں پر کام تیزی سے جاری ہے.
عوامی مقامات اورزیادہ آمدورفت والی جگہوں پر صاف پانی کی فراہمی کے لئے منصوبے تیار کئے جارہے ہیں.
پرائمری اسکولوں میں سولر سسٹم اور بنیادی مراکز صحت میں عدم دستیاب سہولتوں کی فراہمی کے لئے اقدامات کئے جائیں گے۔
انہوں نے کہا کہ ضلع کونسل کی آمدنی بڑھانے کیلئے بھی اقدامات کئے جارہے ہیں۔
ایمز ٹی وی(صحت) سخت گرمی کے موسم میں اگر آپ کہیں باہر سے آئیں تو آپ کو فوری طور پر کسی ٹھنڈے مشروب کی تلاش ہوتی ہے جو پسینے کو ختم اور گرمی کا تاثر زائل کرسکے۔ لیکن ماہرین کا کہنا ہے کہ اس کام کے لیے ٹھنڈے مشروبات سے زیادہ گرم مشروبات بہتر ہیں۔
یہ حیران کن تحقیق حال ہی میں سامنے آئی ہے۔ ماہرین نے اس کی توجیہہ بیان کرتے ہوئے کہا ہے کہ گرمیوں میں پسینہ آنے کا عمل ہمارے جسم کو سرد کرتا ہے۔ ہمارے جسم کے اندر کا اضافی درجہ حرارت پسینے کے ذریعے بخارات کی شکل میں باہر نکل آتا ہے۔
اگر ہم ٹھنڈے مشروبات پئیں گے تو پسینہ آنا فوری طور پر بند ہوجائے گا. یوں جسم کے اندر کی حرارت باہر نہیں نکل پائے گی۔ اس کے برعکس اگر ہم گرم مشروبات پئیں گے تو پسینے کی رفتار میں اضافہ ہوگا اور ہمارے جسم کا درجہ حرارت تیزی سے خارج ہوگا۔
یہ تحقیق انوکھی اور حیرت انگیز تو ضرور ہے، تاہم ماہرین نے واضح کیا ہے کہ یہ ہر وقت اور ہر شخص کے لیے کارآمد ثابت نہیں ہوسکتی۔
ایمز ٹی وی(لاہور)وزیر اعلیٰ پنجاب شہباز شریف نے کہا ہے کہ سی پیک کا ڈنکا پوری دنیا میں بج رہا ہے،ملک میں بے پناہ سرمایہ کاری ہوگی ۔
سی پیک میں دنیا کے دیگر ممالک بھی دلچسپی لے رہے ہیں۔ انہوں نے کہا کہ پنجاب میں تعلیم، صحت، ٹرانسپورٹ اور دیگر شعبوں میں اربوں ڈالر کی سرمایہ کاری کی گئی ہے جبکہ جنوبی پنجاب کے پرائمری اسکولوں میں فوڈ پروگرام شروع کرنے کی منظوری دی گئی ہے ۔
اربوں روپے کی سرمایہ کاری سے ان شعبوں کا مضبوط انفراسٹرکچر بنایاگیا ہے اورمستقبل میں سماجی شعبوں میں سرمایہ کاری میں بے پناہ اضافہ ہوگا۔ شہباز شریف نے ان خیالات کا اظہار گزشتہ روز چین سے تعلق رکھنے والے وفد کی ان سے ملاقات کے موقع پر کیا۔
چینی وفد کی قیادت ڈیگانگ کمپنی کے چیئرمین گوآن جیان زونگ کر رہے تھے۔ چین کے قونصل جنرل لانگ ڈنگ بن، صوبائی وزیر خزانہ ڈاکٹر عائشہ غوث پاشا، چیئرمین منصوبہ بندی و ترقیات، متعلقہ محکموں کے سیکرٹریز اور اعلیٰ حکام بھی اس موقع پر موجود تھے۔
شہباز شریف نے مزید کہا کہ چینی کمپنی کا انفراسٹرکچر فنانسنگ کے حوالے سے تعاون پر آمادگی کا اظہار خوش آئند ہے۔
چینی کمپنی کی مہارت اور تجربے سے استفادہ کریں گے۔
مینجمنٹ کریڈٹ ریٹنگ کے نئے نظام کو وضع کرنے کیلئے تعاون بڑھایا جائے گا۔
ملاقات میں پنجاب حکومت اور چینی کمپنی کا مشترکہ ورکنگ گروپ تشکیل دینے کا فیصلہ کیا گیا۔
ورکنگ گروپ تعاون کو فروغ دینے کے حوالے سے حتمی سفارشات تیار کرے گا۔
چین کے قونصل جنرل لانگ ڈنگ بن نے کہا کہ وزیراعلیٰ شہبازشریف نے پنجاب میں سی پیک کے منصوبوں کو انتہائی تیزی سے آگے بڑھایا ہے۔
انہو ں نے کہا کہ شہبازشریف انتہائی تیزی سے کام کرکے نتائج حاصل کرتے ہیں اور ان کے کام کرنے کی رفتار انتہائی تیز ہے۔
شہبازشریف سے گزشتہ روزچین کے معروف صنعتی شہر تیان جن سے تعلق رکھنے والے اعلیٰ سطح کے وفدنے ملاقات کی۔
ملاقات کے دوران پنجاب حکومت اور معروف چینی صنعتی شہر تیان جن کے مابین ٹیکسٹائل، گارمنٹس ، اسکل ڈویلپمنٹ اور دیگر صنعتی سیکٹرز میں تعاون بڑھانے پر تبادلہ خیال کیا گیا۔
شہباز شریف نے وفد سے گفتگو کرتے ہوئے کہا کہ سی پیک کے بعد پاک چین تعلقات نئی بلندیوں کو چھو رہے ہیں۔
چین دنیا کی دوسری معاشی طاقت بن چکا ہے ۔ چین نے اپنی عظیم قیادت میں ترقی کا سفر تیزی سے طے کیا ہے اور چین کی تیز رفتار ترقی اقوام عالم کیلئے رول ماڈل ہے۔
تیان جن پیپلز ایسوسی ایشن فار فرینڈشپ ود فارن کنٹریز کے نائب صدر چن ویمنگ نے کہا کہ پنجاب حکومت کے ساتھ ٹیکسٹائل، گارمنٹس اور سکل ڈویلپمنٹ کے شعبوں میں ہرممکن معاونت کریں گے۔
شہباز شریف کی زیر صدار ت گزشتہ روزاجلاس منعقد ہوا ،جس میں علامہ اقبال انٹرنیشنل ائیرپورٹ کے توسیعی منصوبے کے حوالے سے مختلف تجاویز اور امور کا جائزہ لیاگیا۔
اجلاس میں ائیرپورٹ کے توسیعی منصوبے کیلئے پی ایچ اے کی اراضی پر گاڑیوں کی پارکنگ کے ڈیزائن پر اتفاق کیا اورتوسیعی منصوبے پر کام کے آغاز کی اصولی منظوری دے دی گئی ۔شہبازشریف نے اجلاس سے خطاب کرتے ہوئے کہا کہ روڈ انفراسٹرکچر ،گرین بیلٹ کی بحالی ، ہارٹیکلچر اوردیگر امور کے حوالے سے سول ایوی ایشن کیساتھ باقاعدہ معاہدہ کیا جائیگا۔
انہوں نے کہاکہ پنجاب حکومت نے دور دراز کے اسکولوں میں بچوں کو فری ٹرانسپورٹ کی فراہمی کا بھی پروگرام بنایاہے-
انہوں نے کہاکہ پنجاب حکومت کے فروغ تعلیم کے لئے اقدامات بارآور ثابت ہوئے ہیں اورتعلیمی اداروں میں اساتذہ اور طلبا ء کی حاضری میں نمایاں بہتری آئی ہے جبکہ حکومتی اقدامات کے باعث لاکھوں نئے بچے سکولوںمیں آئے ہیں-انہوں نے کہاکہ پنجاب ایجوکیشن فائونڈیشن کے نیو سکول پروگرام کے تحت2018ء تک 2700مزید اسکول شامل کئے جائیں گے اورووچر اسکیم کے تحت2018ء تک اڑھائی لاکھ مزید بچے مستفید ہوں گے-
شہبازشریف نے مزید کہا ہے کہ نوبل انعام یافتہ پاکستانی طالبہ ملالہ یوسف زئی پاکستان کا قابل فخر اثاثہ ہے اور کینیڈا کی پارلیمنٹ سے خطاب اورکینیڈا کی اعزازی شہریت ملنا ملالہ یوسف زئی کیلئے ایک اور اعزاز ہے۔
انہوں نے کہا کہ ہم سب بیساکھی کے تہوار پر سکھ برادری کی خوشیوں میں برابر کے شریک ہیں۔انہوں نے کہا کہ پاکستان ہم سب کا ہے اوراسے ہم نے ملکر مضبوط اور عظیم بنانا ہے ۔
ایمزٹی وی(راولپنڈی)آرمی چیف جنرل قمر جاوید باجوہ سے افغان سفیر عمر ذخیلول نے ملاقات کی ۔
آئی ایس پی آر کے مطابق ملاقات میں سیکیورٹی صورتحال، باہمی دلچسپی کے امور اور سلامتی کی صورتحال پر غور کیا گیا ۔
ملاقات میں باہمی تعلقات بہتر بنانے کے حوالے سے اموربھی زیر غور آئے ۔
آئی ایس پی آر کا کہنا ہے کہ افغان سفیر عمر ذخیلوال نے جی ایچ کیو کا دورہ کیا اور آرمی چیف سے ملاقات کی جس میں پاک افغان تعلقات بہتر بنانے کے حوالے سے اقدامات پر تبادلہ خیال کیا گیا ۔
ایمزٹی وی(اسلام آباد)پاکستان نے بھارت کے ساتھ کلبھوشن یادیو اور کرنل(ر) حبیب ظاہر کا معاملہ اٹھادیا ہے۔
تفصیلات کے مطابق بھارتی ہائی کمشنر گوتم بمبانوالہ کی دفترخارجہ طلبہ اور سیکرٹری خاجہ تہمینہ جنجوعہ کے ساتھ ملاقات کے دوران بھارتی وزراء کے کلبھوشن یادیو کے بارے حالیہ بیانات پر بھارتی ہائی کمشنر سے وضاحت طلب کرلی گئی ہے
جبکہ گوتم بمبانوالہ کا کہنا تھاکہ ہم نے کلبھوشن یادیوتک قونصلررسائی اوراس کے خلاف چارج شیٹ کی کاپی مانگی ہے۔یاد رہے کہ بھارتی ہائی کمشنر کو بھارتی وزراء کے حالیہ بیانات کی وجہ سے دفترخارجہ طلب کیا گیا تھا۔
ایمز ٹی وی(مانیٹرنگ ڈیسک) وائی فائی کا استعمال ہر جگہ عام ہے چاہے گھر ہو لائبریری ہو، ریسٹورنٹ ہو یا کوئی پبلک پلیس ۔ کوئی جگہ ایسی نہی جہاں آپ اس کی شعاعوں سے محفوظ رہ سکیں۔
وائی فائی کی شعاعیں ہمارے لئے کتنی خطرناک ہیں؟
وائی فائی کی شعاعوں کی مقدار کم ہوتی ہے۔ لیکن پھربھی ماہرین انھیں صحت کیلئے خطرناک قرار دیتے ہیں ۔یہ شعاعیں جس طرح دیوار کے پار ہو سکتی ہیں اسی طرح انسانی جسم سے بھی گزر سکتی ہیں۔
وائی فائی ریڈی ایشن سے ہر وقت تھکن اور صحت خراب ہوتی ہوئی محسوس ہوتی ہے ۔یہ نیند میں کمی ،دل کی تیز دھڑکن اور بعض اوقات مائگرین کا بھی باعث بنتی ہیں ۔
تحقیق سے ثابت ہوا ہے کہ لمبے عرصے تک وائی فائی ریڈی ایشن کا سامنا کرنے سے دماغ میں رسولی ، یادداشت کی کمی ، اور دماغ سے متعلق دوسری بیماریاں بھی ہو سکتی ہیں۔
ان نقصانات سے بچنے کیلئے ضروری ہے کہ جب آپ وائی فائی استعمال نہ کریں تو اسے بند کردیں ۔
بڑوں کے ساتھ ساتھ بچے بھی اس سے متاثر ہوتے ہیں اس لئے ضروری ہے کہ وائی فائی کے نقصانات کو سمجھتے ہوئے اس سے ہونے والے صحت کے مسائل سے بچنے کی پوری کوشش کریں۔
ایمز ٹی وی(مانیٹرنگ ڈیسک) سویڈش انجینئروں نے نمک اور پانی سے بجلی بنانے والا دنیا کا سب سے چھوٹا فیول سیل تیار کرلیا ہے جو آپ کے سمارٹ فون کو بند نہیں ہونے دیگا،"جے اے کیو"نامی فیول سیل چارج کرنے کیلئے صرف نمک اور پانی کا استعمال کرتا ہے۔
یہ سیل اتنا چھوٹا ہے کہ آسانی سے جیب میں سما سکتا ہے،فیول سیل دوبارہ استعمال شدہ اجزا سے بنایا گیا ہے اور اتنی بجلی تیار کرتا ہے کہ اس سے سمارٹ فون کو بآسانی چارج کیا جاسکتا ہے۔
اسے چارج کرنے کیلئے نمک اور پانی والے ایک کارڈ کی ضرورت ہوتی ہے،اس کے بعد ایک یوایس بی تار کے ذریعے چارجر کو فون سے جوڑکر اسے بجلی پہنچائی جاسکتی ہے۔
سیل کے اندر نمک اور پانی مل کر ہائیڈروجن بناتے ہیں،ہر کارڈ 1800 ایم اے ایچ بجلی پیدا کرتا ہے اور عین اتنی ہی تیزی سے بیٹری چارج کرتا ہے جیسے بجلی کے چارجر کرتے ہیں۔
کمپنی کے مطابق دنیا بھر میں فون، کیمروں، ٹیبلٹ اور دیگر دستی آلات کی وجہ سے بجلی اور چارجنگ کی ضرورت بڑھتی ہی جا رہی ہے جس کیلئے ہم نے ماحول دوست ایجاد کی ہے،اس طرح ہر وقت چارجر آپ کے ساتھ رہتا ہے۔
کمپنی کا کہنا ہے کہ اسے پوری دنیا میں ساتھ لے کر گھوما جاسکتا ہے اور کسی ایئرلائن کو اس پر اعتراض نہیں ہوگا کیونکہ یہ فیول سیل ان کی ہدایات کے تحت ہی بنایا گیا ہے جو ٹیبلٹ بھی چارج کرسکتا ہے۔
ایمز ٹی وی(صحت) کمشنر کراچی اعجاز احمد خان نےگزشتہ روز جناح اسپتال کراچی کا دورہ کیا اور ہیٹ اسٹروک سے بچاؤ اور فوری طبی امداد کے انتظامات کا جائزہ لیا۔
اسپتال کی ایگزیکٹو ڈائریکٹر ڈاکٹر سیمیں جمالی نے انہیں انتظامات کے بارے میں بریفنگ دی ۔ کمشنر کراچی اعجاز احمد خان نے اس موقع پر کہا کہ جناح اسپتال میں ہیٹ اسٹروک سے متعلق انتظامات تسلی بخش ہیں اسپتال کمشنرکراچی آفس سے رابطے میں ہے اور کسی بھی ہنگامی صورتحال سے نمٹنے کےلئے تیار ہے ۔
انہوں نے کہا کہ ہیٹ اسٹروک سے بچاؤ کیلئے دیگر اسپتال بھی انتظامات کو یقینی بنایا جائے جبکہ ضلعی انتظامیہ کی نگرانی میں پبلک مقامات پر دکانداروں اور ایسوسی ایشنز کے تعاون سے شاپنگ سینٹرز اور بس اسٹاپز پر واٹر کولر رکھوا ئے جائیںڈاکٹر سیمیں جمالی نے کمشنر کراچی کو بریفنگ دیتے ہوئے بتایا کہ اسپتال کے شعبہ حادثات میں 150 مریضوں تک کی گنجائش رکھی گئی ہے ادویات حاصل کر لی گئی ہیں،10ہزار ڈرپس شعبہ حادثات میں موجود ہیں جبکہ شعبہ میں 50بستر الگ مختص کر لئے گئے ہیں