Reporter SS
ایمزٹی وی (اسلام آباد)وزیراعظم کے معاون خصوصی برائے امور خارجہ سید طارق فاطمی نے کہا ہے کہ بھارت پاکستان میں دہشت گردی و افراتفری سمیت تخریبی کارروائیوں میں ملوث رہا ہے جبکہ دہشت گردوں کے ساتھ بھی بھارتی روابط تھے جس کے ہمارے پاس واضح ثبوت بھی موجود ہیں، بھارت کے حاضر سروس نیوی آفیسر کلبھوشن کی گرفتاری اوراعتراف جرم ہندوستانی مکروہ چہرے کو بے نقاب کرنے کے لئے کافی ہے ۔
میڈیا سے گفتگو کرتے ہوئے طارق فاطمی کا کہنا تھا کہ بھارت سے کشمیر سمیت تمام معاملات کے حل کے لیے بامقصد اور غیر مشروط مذاکرات چاہتے ہیں، پاکستان دوسرے ممالک کے معاملات میں عدم مداخلت کی پالیسی عمل پیرا ہے،چین سرمایہ کاری سمیت متعدد شعبوں میں پاکستان کی رہنمائی بھی کر رہا ہے جس سے آنے والے چند برسوں میں یہاں واضح تبدیلی نظر آئے گی اور ملک مزید ترقی کرے گا۔انہوں نے کہا کہ بھارت پاکستان کو عدم استحکام کا شکار رکھنا چاہتا تھا کہ یہاں ترقی و خوشحالی نہ ہو لیکن جن اداروں اور جن لوگوں نے انتھک محنت اور کامیاب کارروائیوں سے کلبھوشن یادیو کو گرفتار کیاہے اور بھارتی مکروہ چہرے کو دنیا کے سامنے بے نقاب کر دیا ہے وہ حقیقت میں داد کے مستحق ہیں اور ان کی کوششیں لائق تحسین ہیں۔
انہوں نے کہا کہ بھارت پاکستان کو سفارتی لحاظ سے عالمی سطح پر تنہا کرنا چاہتا تھا جس میں وہ بری طرح ناکام ہو گیا ہے،ہمسائیوں کے ساتھ پرامن پالیسی پر یقین رکھتے ہیں اور یہی وجہ ہے کہ پاکستان کئی ممالک سے بہتر تعلقات کے ساتھ آگے بھی بڑھ رہا ہے۔طارق فاطمی کا کہنا تھا کہ دہشت گردی ایک عالمی مسئلہ ہے اور یہ تمام ممالک کے لیے ایک چیلنج بھی ہے، پاکستان انسداد دہشت گردی کے لیے وسیع تجربہ رکھتا ہے اور ملک سے دہشت گردی کے جڑ سے خاتمے کے لیے مثبت اقدامات بھی کر رہا ہے،پاکستان نہ صرف دہشت گرد تنظیموں بلکہ انفرادی طور پر بھی دہشت گردوں کے خلاف کامیاب کارروائیاں بھی کر رہا ہے جس سے ملکی امن و امان کی صورت حال میں بھی نمایاں بہتری آئی ہے اور بیرونی سرمایہ کاروں کے اعتماد میں بھی اضافہ ہوا ہے۔طارق فاطمی نے کہا کہ ایران ہمارا ہمسایہ دوست ملک ہے، جس کے ساتھ ہمارے دیرینہ اور تاریخی تعلقات ہیں، پاکستان ایران کے ساتھ ان دوستانہ تعلقات کے فروغ کی پالیسی پر عمل پیرا ہے،پاکستان کسی ایسے عمل کا حصہ نہیں بنے گا جس سے ہمارے دوطرفہ تعلقات متاثر ہوں۔
ایمز ٹی وی(صحت) گرمیوں کا آغا زہوتے ہی بازاروں میں مشروبات اور پھلوں کا استعمال بڑھ جاتا ہے ۔طبی ماہرین کے مطابق اگر مشروبات آلودہ اور پھل خراب ہوں تو یہ اکثر اوقات گیسٹرو کا باعث بنتے ہیں۔
شدید گرمی اور چلچلاتی دھوپ میں شہری موسم کی حدت سے بچنے کے لئے پھلوں اور بازار میں دستیا ب مشروبات کا سہار ا لیتے ہیں، ان مشروبات پر مکھیاں بیٹھی ہوں یا دھول پڑی ہوتو یہ گیسٹرو کا سبب بن سکتے ہیں ۔
طبی ماہرین کے مطابق گیسٹرو کی زد میں زیادہ تر بچےآتے ہیں ،مریض کی علامات میں معدے اورپیٹ میں درد ، قے آنا اور گلے اور سینے میں جلن وغیر ہ شامل ہے۔
طبی ماہرین کا کہنا ہے کہ گرمیوں میں ہر دسواں فرد گیسٹرو کا شکار ہو سکتا ہے، اس مرض سے بچنے کیلئے ضروری ہے کہ بازار کے کھانوں اور مشروبات سے پرہیزکیا جائے، بیماری بڑھنے لگے تو ڈاکٹر سے رجوع کرنا چاہیے ۔
ڈاکٹرز کا کہنا ہے کہ گیسٹرو کی علامات کے ظاہر ہوتے ہی پانی کا استعمال بڑھا دینا چاہیے تاکہ جسم میں پانی کی کمی نہ ہو اوربیماری بروقت کنٹرول ہوجائے۔
.ایمز ٹی وی (تعلیم /کراچی ) جامعہ کراچی میں مالی بحران کے باعث ریٹائرڈ ہونے والے اساتذہ کی گریجویٹی، کمیوٹیشن اور پنشن اور دیگر الائونسز کی ادائیگی ایک مسئلہ بن گئی ہے
.جبکہ تنخواہ کی عدم ادائیگی کے باعث ایک ملازم چند روز قبل خودکشی بھی کر چکا ہے اس مالی بحران کے باوجود جامعہ کراچی نے ڈیڑھ لاکھ روپے ماہانہ پر 70سالہ ریٹائرڈ ڈائریکٹر فنانس کو بطور ایڈوائزر تعینات کر دیا ہے اور مستقل ڈائریکٹر فنانس طارق کی تنخواہ بند کر دی
فیکلٹی آف سوشل سائنسز کے ایک پروفیسر نےکہا ہے کہ وہ گزشتہ سال ریٹائر ہوئے نہ انہیں واجبات ملے اور نہ ہی لیو انکیشمنٹ کی ادائیگی کی جا سکی ہے گریجویٹی بھی نہیں دی جا رہی۔
.انجمن اساتذہ جامعہ کراچی کے صدر ڈاکٹر شکیل فاروقی نے بتایا کہ بد انتظامی کے باعث جامعہ کے مالی حالات بہت خراب ہو چکے ہیں دو درجن سے زائد ریٹائر ہونے والے اساتذہ کو واجبات کی عدم ادائیگی کا سامنا ہے
قائم مقام ڈائریکٹر فنانس قمر نے بتایا کہ گریجویٹی، کمیوٹیشن اور پنشن کے چند کیسز کاغذات مکمل نہ ہونے کی وجہ سے باقی رہ گئے ہیں باقی رکے ہوئے تمام کیسز نمٹا دیئے گئے ہیں۔
لیو انکیشمنٹ بھی ادا کی جا رہی ہے انہوں نے بتایا کہ ڈائریکٹر فنانس طارق کی رخصت ختم ہونے کی وجہ سے ان کی تنخواہ بند کر دی گئی ہے جبکہ ریٹائر ڈائریکٹر فنانس ایس ایم خالد وائس چانسلر کے مشیر مالیات ہیں۔
ایمز ٹی وی (تعلیم /کراچی ) کے الیکٹرک کی جانب سے ’پلانٹ فار پاکستان‘ پروگرام کے تحت این ای ڈی یونیورسٹی میں شجر کاری مہم کا انعقاد کیا گیا۔
اس تین روزہ مہم کے دوران ہزاروں طلباء و طالبات نے شرکت کی اور ہر طالب علم نے ایک درخت لگانے اور اس کی دیکھ بھال کرنے کا عہد کیا۔
اس موقع پر کے الیکٹرک کی جانب سے یونیورسٹی میں 6000سے زائد پودے تقسیم کیے گئے اور 300سے زائد پودے لگائے گئے۔
گزشتہ برس موسمیاتی تبدیلی کے حوالے سے کے الیکٹرک کی پالیسی کے تحت ’پلانٹ فار پاکستان‘ مہم کے آغازسے اب تک 62,000 درخت لگائے جا چکے ہیں۔
ایمز ٹی وی (تعلیم /کراچی ) سندھ یونیورسٹی جامشورو میں انسٹیٹیوٹ آرٹ اینڈ ڈیزائن میں بغیر اشتہار بغیر امتحان اور انٹرویو کے نا اہل افراد کو مختلف ا سامیوں پرتعینات کردیا گیا ۔
لیٹر نمبر ADMIN/TEACH/883 زیر دستخط رجسٹرار محمد سلیم چانڈیو جاری ہوا جس کے مطابق مختلف پوسٹوں پر ٹیکنیکل اسسٹنٹ ، ریسرچ اسسٹنٹ، ماسٹر کرافٹ مین، وزیٹنگ فیکلٹی اور اسٹوڈیو ٹیکنیشن کی اسامیوں پر میرٹ کے خلاف تقرریاں کی گئی ہیں۔
لیٹر میں یونیورسٹی کے پہلے سمسٹربرائے سال 2017کیلئے عبدالمجید سومرو کو 400روپے فی لیکچر کے حساب سے وزیٹنگ فیکلٹی مقرر کیا گیا ہے جبکہ اُنکے پاس متعلقہ شعبے کی ڈگری ہی نہیں ہے ۔
فتح داؤد پوٹہ نامی شخص کو500 روپے کے حساب سے وزیٹنگ فیکلٹی مقرر کیا گیا ہے جبکہ موصوف کے پاس کوئی کلاس ہی نہیں ہے اور انکی ڈاکٹریٹ کی ڈگری بھی متنازع ہے ۔
مس شیخ ر باب علوی کو بھی بغیر اشتہاربغیر انٹرویو بغیر امتحان کے 400روپے فی لیکچر کے حساب سے وزیٹنگ فیکلٹی مقرر کردیا گیا ہے ۔
ولی الله میرانی کو بھی 400روپے فی لیکچر کے حساب سے وزیٹنگ فیکلٹی مقرر کردیا گیا ہے۔
سعید احمد لاکھو کو 20000ہزار روپے ماہوار پر ٹیچنگ اسسٹنٹ مقرر کیا گیا ہے،امجد علی منگی کو 10000 ہزار روپے ماہوار پر اسٹوڈیو ٹیکنیشن مقرر کیا گیا ہے ۔
انکے علاوہ کئی اسامیوں پر تعینات ہونے والے مختلف اساتذہ اور انتظامی افسران کے رشتے دار بتائے جاتے ہیں ۔
رابطہ کرنے پر شیخ الجامعہ سندھ یونیورسٹی جامشورو پروفیسر ڈاکٹر فتح محمد برفت نے مذکورہ واقعہ پر سخت برہمی کا اظہار کر تے ہوئے تحقیقات کا حکم دے دیا ہے ۔
اس موقع پر ترجمان نادر مغیری نے میڈیا سے بات کرتے ہوئے کہاکہ شیخ الجامعہ پروفیسر ڈاکٹر فتح محمد برفت میرٹ کی خلاف ورزی ہرگز برداشت نہیں کرتے وہ حقدار کو اسکا حق دیتے ہیں انہوں نے واقعہ کا نوٹس لے لیا ہے اور بہت جلد تحقیقات کرکے میرٹ کی خلاف ورزی کرنے والوں کیخلاف سخت کاروائی کرینگے ۔
ایمزٹی وی(سندھ)سندھ میں رینجرز کے خصوصی اختیارات کی مدت ختم ہو گئی،لیکن وزیر اعلیٰ سندھ نے محکمہ داخلہ کی توسیع سے متعلق سمری پر دستخط نہیں کئے جبکہ پیپلز پارٹی رینجرز کے خصوصی اختیارات کو محدود کرنے کیلئے اسمبلی سے قرارداد بھی منظور کرا چکی ہے۔
ذرائع کے مطابق رینجرز کے خصوصی اختیارات کی مدت ختم ہو گئی ہے لیکن رینجرز اختیار کی توسیع کے معاملے پرسندھ حکومت ایک بار پھر شش و پنج کا شکار ہے۔ رینجرز کو چھاپوں اور گرفتاریوں کیلئے خصوصی اختیارات میں توسیع نہ مل سکی۔آصف علی زرداری کے قریبی ساتھیوں کی گمشدگی کے بعد اور اہم افراد کی ممکنہ گرفتاری کے خدشے پر سندھ حکومت رینجرز کو اختیارات دینے میں ہچکچاہٹ کا شکار نظر آتی ہے۔
محکمہ داخلہ سندھ نے پانچ اپریل کو وزیر اعلیٰ سندھ مراد علی شاہ کو رینجرز کے خصوصی اختیارات میں نوے روز کی توسیع کیلئے سمری ارسال کی تھی لیکن نو روز گزرنے کے بعد بھی سمری پر دستخط نہیں ہو سکے۔آخری مرتبہ رینجرز کے خصوصی اختیارات کی مدت میں پندرہ جنوری کو نوے روز کیلئے توسیع کی گئی تھی۔
ایمز ٹی وی (تعلیم /کراچی) اعلیٰ ثانوی تعلیمی بورڈ کے تحت گیارہویں اور بارہویں جماعتوں کے سالانہ امتحانات 2017جو کہ 28اپریل سے شروع ہو رہے ہیں بورڈ کے چیئرمین پروفیسر انعام احمد کے مطابق پہلے مرحلے کے امتحانات دونوں شفٹوں میں لئے جائیں گے۔
سائنس پری انجینئرنگ، پری میڈیکل، جنرل سائنس، میڈیکل ٹیکنالوجی اور ہوم اکنامکس صبح کے اوقات میں لئے جائیں گے
جبکہ دوسری شفٹ میں کامرس ریگولر و پرائیویٹ دوپہر کے اوقات میں لئے جائیں گے، پہلے مرحلے میں صبح کی شفٹ میں 103727جبکہ دوپہر کی شفٹ میں 78305طلباء و طالبات کی شرکت متوقع ہے اس طرح پہلے مرحلے کی مجموعی تعداد 183302ہے صبح کی شفٹ میں طلباء کیلئے 67سینٹرز اور طالبات کیلئے 52سینٹرز بنائے گئے ہیں۔
جن کی مجموعی تعداد 119 ہے اسی طرح دوپہر کی شفٹ میں طلبا کیلئے 60 اور طالبات کیلئے 45سینٹرز مقرر کئے گئے ہیں جن کی مجموعی تعداد 105 ہے۔
کامرس پرائیویٹ، امپروومنٹ آف ڈویژن، ایڈیشنل سبجیکٹ کے امیدواروں کے ایڈمٹ کارڈز ان کے دیئے ہوئے رہائشی پتوں پر روانہ کر دیئے گئے ہیں۔
جبکہ سائنس پری میڈیکل، پری انجینئرنگ، جنرل سائنس، ہوم اکنامکس، میڈیکل ٹیکنالوجی اور کامرس کے ریگولر امیدواروں کےایڈمٹ کارڈ 19اپریل تک ان کے متعلقہ کالجوں میں روانہ کر دیئے جائیں گے۔
ماڈل پیپرز کے حوالے سے ان کاکہنا تھا کہ بورڈ کی طرف سے جاری کردہ ماڈل پیپر میں امتحانی پرچوں کا پیٹرن مکمل تبدیل نہیں کیا گیا ہے بلکہ موجودہ پیٹرن کو اپ ڈیٹ کیا گیا ہے۔
ایمز ٹی وی (تجارت) موسم کی ستم ظریقی کے ساتھ ہی ملک بھر میں غیر اعلانیہ لوڈشیڈنگ میں بھی اضافہ ہوگیا ہے ۔
مسلم لیگ ن کی حکومت کے چار سال مکمل ہونے کو ہیں اور موجودہ موسم گرمااس کے لیے انتہائی اہم ہے ،سوال یہ ہے کہ کیا حکومت لوڈشیڈنگ میں کمی کے وعدے پورے کر پائے گی ؟
اب تک تو مر حلہ وار لوڈ شیڈنگ میں کمی کے وعدے پورے ہوتے دکھائی نہیں دے رہے ،شہروں میں 4اور دیہی علاقوں میں 6 گھنٹے کی اعلانیہ لوڈ شیڈنگ سے بات آگے نکل چکی ہے۔
شہروں میں 8سے 10جبکہ دیہی علاقوں میں 12سے14گھنٹوں تک لوڈشیڈنگ کی اطلاعات ہیں، پارہ چڑھنے کے ساتھ ہی وزارت پانی وبجلی میں قائم وفاقی شکایت سیل میں فون پہ فون آ رہے ہیں۔
انچارج وفاقی شکایت سیلم مشتاق شاہ کے مطابق کچھ دنوں سے لوڈ بڑھ گیا ، غیر اعلانیہ لوڈشیڈنگ ہو رہی ہے۔
وفاقی وزیر پانی و بجلی خواجہ آصف کے مطابق صورتحال پن بجلی کی قلت کے باعث پیدا ہوئی ،مگر انہیں امید بھی ہے کہ اپریل کے آخر یا مئی کے شروع میں پانی اور دیگر ذرائع سے4 سے ساڑھے 4 ہزار میگاواٹ بجلی سسٹم میں آجائے گی اور صورتحال بہتر ہوجائے گی،جس کے بعد لود شیڈنگ شہروں میں3 سے 4 اور دیہی علاقوں میں 5 گھنٹے تک واپس آجائے گی۔
ملک میں ان دنوں بجلی کا شارٹ فال اوسطاً 4 ہزار میگاواٹ سے زیادہ ہے ، بجلی کی پیداوار ساڑھے 12 ہزار میگاواٹ جبکہ طلب ساڑھے 16 ہزار میگاواٹ سے زیادہ ہے۔
پانی سے 2800 سرکاری تھرمل پاور پلانٹس سے 2200 جبکہ نجی بجلی گھروں سے ساڑھے 7 ہزار میگاواٹ سے زیادہ بجلی حاصل کی جارہی ہے۔
ایمز ٹی وی (تجارت) منیجنگ ڈائریکٹر کیرج فیکٹری اسلام آباد محمد یوسف نے کہا ہے کہ کیرج فیکٹری اپنے قیام سے لیکر ابتک 2363 نئی ریل کوچز تیار کرنے سمیت 1020 پرانی ریل کوچز کو از سرے نو مرمت کر چکی ہے۔
جبکہ فیکٹری میں سالانہ 120اور ہر ماہ 10 نئی کوچز کی تیار ی کا عمل جاری ہے اور یہ کوچز پاکستان ریلوے کے سکواڈ کا حصہ بن رہی ہیں ۔
انہوں نے کہاکہ سابقہ ادوارمیں حکومتوں کی عدم دلچسپی کی وجہ سے فیکٹری بحرانی کیفیت سے دوچاررہی2010ءاور 11میں پیداواری صلاحیت ختم ہو کر رہ گئی ۔
مگر اب موجودہ حکومت نے ریلوے کی اہمیت کو مد نظررکھتے ہوئے کیرج فیکٹری کو مکمل طور فعال کر دیا ہے۔
اس وقت فیکٹری میں تمام ملازمین کی تعداد 1735ہے ۔
انہوں نے کہا کہ ایک کوچ کی تیاری پر 1کروڑ10لاکھ اخراجات آتے ہیں اور خرچہ فی کوچ چار ماہ میں پوری کرلیتی ہے
ایمز ٹی وی (تجارت) ایشیاکی مرکزی ٹوکیو اسٹاک مارکیٹ میں حصص کے بھاؤگر گئے۔
ذرائع کے مطابق کاروبار ہفتے کے آخری روز جمعہ کو ٹوکیو اسٹاک کا بنچ مارک نکئی 225 انڈیکس 0.34 فیصد ڈاؤن کے ساتھ 18,345.68 پر اور ٹاپکس انڈیکس 0.51 فیصد کی گراوٹ کے ساتھ 1,460.89 پر بند ہوا۔
ڈالر کی ٹوکیو فوریکس میں شرح تبادلہ 109.14 ین رہی۔ہانگ کانگ،سڈنی،سنگا پور اور ممبئی کی اسٹاکس اور دوسری مالیاتی مارکیٹس عوامی تعطیلات کی وجہ سے جمعہ کو بند رہیں۔