ایمز ٹی وی (تعلیم /کراچی)ثانوی تعلیمی بورڈ کے تحت امتحانات کے دوسرے روزبدھ 29مارچ کو جنرل گروپ کی نویں کلاس کا جنرل سائنس کا پرچہ ہوا۔ تفصیلات کے مطابق ثانوی تعلیمی بورڈ کے چیئرمین ڈاکٹر سعید الدین نے ضلع سینٹرل کے ڈپٹی کمشنر کیپٹن فرید الدین اور میڈیا ٹیموں کے ساتھ مختلف امتحانی مراکز کا اچانک دور ہ کیا اورساتھ ہی تمام امتحانی مراکز میں معائنہ کرنے والے افسران نے مختلف کمروں میں موجود امیدواروں کی تلاشی بھی لی اور کمرہ امتحان کا مکمل جائزہ بھی لیا لیکن کسی طالبعلم کے پاس سے نقل کا کوئی مواد نہیں مل سکا ۔

اس موقع پر چیئرمین میٹرک بورڈ نےامتحانی مرکز میں پانی کی عدم فراہمی، پنکھوں اور دیگر سہولتوں کے نہ ہونے پر سخت نوٹس لیتے ہوئے فوری طور پر احکامات جاری کرتے ہوئے تمام سینٹر سپرنٹنڈنٹ کو ہدایت جاری کیں کہ وہ تمام امتحانی مراکز پر ممکنہ سہولتوں کی فراہمی کو یقینی بنائیں۔ دریں اثنا جن امتحانی مراکز کا دورہ کیا گیا ان میں ابراہیم علی بھائی گورنمنٹ گرلز سیکنڈری اسکول نارتھ ناظم آباد اور ایس ایم پبلک گورنمنٹ بوائز سیکنڈری اسکول ناظم آباد شامل تھے ۔ چیئرمین کی ویجیلینس ٹیم کے علاوہ سینئر اساتذہ پر مشتمل مختلف نگراں ٹیموں نے بھی دیگر امتحانی مراکز کا دورہ کیا۔

ایمز ٹی وی (صحت)چائے تو متعدد افراد پینے کے شوقین ہوتے ہیں مگر یہ گرم مشروب آپ کو ذیابیطس ٹائپ ٹو جیسے جان لیوا مرض سے بچانے میں مددگار ثابت ہوسکتا ہے۔ یہ بات ایک طبی تحقیق میں سامنے آئی۔ تحقیق میں بتایا کہ دنیا بھر میں کروڑوں افراد کو پسند چائے بلڈ شوگر کی بڑھنے والی سطح کو کم کرتی ہے۔ تحقیق میں مزید بتایا گیا کہ یہ گرم مشروب میٹھی چیزیں کھانے سے خون میں گلوکوز کی بڑھنے والی سطح کو نمایاں حد تک کم کرتی ہے۔

تحقیق کے مطابق چائے میں موجود جز پولی فینول چینی کے جذب ہونے کو بلاک کرتا ہے اور یہ بتانا ضروری نہیں کہ بلڈ شوگر کی سطح کو کنٹرول میں رکھنا ذیابیطس جیسے مرض کے خطرے سے بچنے کے لیے کتنا ضروری ہے۔ اسی طرح تحقیق میں یہ بھی بتایا گیا کہ چائے کا استعمال ذیابیطس کے مریضوں کو اس مرض کی پیچیدگیوں سے بچانے میں بھی مددگار ثابت ہوتی ہے۔ تحقیق کے دوران 24 افراد پر چائے کے اثرات کو دیکھا گیا جن میں سے نصف کا بلڈ شوگر لیول معمول کے مطابق تھا جبکہ دیگر میں ذیابیطس سے قبل کے مرض کی تشخیص ہوچکی تھی۔ اس تجربے سے قبل دونوں گروپس کو ہدایت کی گئی کہ وہ ورزش اور متوازن غذا کا استعمال ترک کردیں اور انہیں شام میں کم چینی والی غذا کا استعمال کرایا گیا۔

تحقیق نے ثابت کیا چائے ایک صحت بخش مشروب ہے by aimstv_tv

اگلی صبح ان کے خون کے نمونے ناشتے سے پہلے لیے گئے جس کے بعد میٹھے مشروبات کا استعمال کرایا گیا اور اس کے بعد چائے دی گئی۔ چائے پینے کے آدھے گھنٹے سے لے کر دو گھنٹے کے دوران ان کے خون کے نمونے لیے گئے اور یہ تجربہ ایک، ایک ہفتے کے وقفے کے بعد تین بار دہرایا گیا۔ نتائج سے معلوم ہوا کہ میٹھے مشروبات کے بعد بلڈ شوگر کی سطح میں اضافہ ہوا مگر فوری چائے پینے سے حیران کن طور پر بلڈ شوگر کی سطح معمول پر آگئی جبکہ انسولین پر بھی منفی اثرات مرتب نہیں ہوئے۔ اس سے قبل رواں ماہ کے شروع میں ایک تحقیق میں یہ بات سامنے آئی تھی کہ روزانہ چائے پینا درمیانی عمر یا بڑھاپے میں ذہنی تنزلی کا خطرہ 50 فیصد تک کم کردیتا ہے۔ یہ نئی تحقیق طبی جریدے ایشیاءپیسیفک جرنل آف کلینیکل نیوٹریشن میں شائع ہوئی۔

ایمز ٹی وی (انٹرٹینمنٹ)اداکارہ میر انے حکومت سے دو لاکھ روپے ماہانہ امداد اور ایک کروڑ روپے فلم بنانے کیلئے مانگ لئے۔انہوں نے وزیر اعلیٰ پنجاب کے نام لکھی درخواست میں یہ دونوں مطالبات کئے ہیں ۔یہ درخواست انہوں نے پنجاب ا نسٹی ٹیوٹ آف لینگو ئج آف آرٹ اینڈ کلچر میں دو روز قبل جمع کرائی اور انتظامیہ نے فارورڈ کر دی ہے ۔

پلاک کی ڈی جی صغریٰ صدف نے کہا ہے کہ روزانہ متعدد درخواستیں امداد کیلئے وصول ہوتی ہیں جنہیں ہم فارورڈ کر دیتے ہیں ۔

ایمز ٹی وی (انٹرٹینمنٹ)اداکارہ نور بخاری کی خلع کے چرچے آج کل خبروں کی زینت بنے ہوئے ہیں اور نور نے اپنے ٹوئٹر اکاؤنٹ پر ولی حامد سے اپنی چوتھی شادی کے خاتمے کی خبر دی تھی جبکہ ولی حامد بھی میدان میں آگئے ہیں اور خلع کے بارے بیان دیتے ہوئے کہا کہ ”میں اس بات پر یقین رکھتا ہوں کہ اس شادی کو ختم نہیں ہونا چاہیے اور ازدواجی زندگی میں اختلافات کا حل شادی کا خاتمہ نہیں ہوتا،نور بہت اچھی بیوی اور خاتون ہے اور میں کبھی بھی اس کو طلاق نہیں دوں گا۔

ولی حامد نے مزید کہا کہ شادی شدہ زندگی میں اختلافات ہوتے رہتے ہیں لیکن اس کا مطلب ہرگز یہ نہیں ہے کہ شادی کو ختم کردیا جائے اور طلاق یا خلع لے لی جائے،میں پر امید ہوں کے ہماری شادی ٹوٹے گی نہیں“۔گلوکار ولی حامد کا مزید کہنا تھا کہ ”پیر کی رات تک مجھے اس بات کا بالکل بھی پتہ نہیں تھا کہ نور نے خلع لینے کا فیصلہ کیا ہے،انہوں نے کہا کہ اس رات میں اپنے کام میں بہت مصروف تھا اور بعد میں میرے علم میں آیا کہ نور نے خلع کیلئے عدالت سے رجوع کیا ہے،مگر میں نور کے اس فیصلے کو قبول نہیں کروں گا“۔یاد رہے کہ حال ہی میں اداکارہ نور بخاری نے اپنے چوتھے شوہر ولی حامد خان سے خلع لینے کا فیصلہ کیا تھا۔

ایمز ٹی وی (مانیٹرنگ ڈیسک)مصری شوہر نے فیس بک پر اکاؤنٹ بنانے پر بیوی کو بے رحمانہ تشدد کرکے ادھ موا کر دیا۔

مصر کے صوبے فیوم میں پولیس کو ایک شادی شدہ خاتون اسما ءسمیر کی گمشدگی کی اطلاع ملی جس پر کارروائی کرتے ہوئے اسے اس کے گھر سے انتہائی تشویشناک حالت میں بازیاب کرا لیا گیا۔ خاتون نے پولیس کو بتایا کہ فیس بک پر اکاؤنٹ بنانے پر اس کے شوہر مصطفیٰ رافت نے نہ صرف اسے 3روز تک ہاتھ پاؤں باندھ کر کمرے میں قید کیا، ساتھ ہی اس پر لگاتار بہیمانہ تشدد کیا اور کھانے پینے سے بھی محروم رکھا۔

خاتون کے شوہر نے جرم کا اعتراف کرتے ہوئے الزام عائد کیا ہے کہ منع کرنے کے باوجود اس کی بیوی نے فیس بک پر تین الگ الگ خواتین کے جعلی اکاؤنٹس بنائے تاکہ اس کی جاسوسی کر سکے جس پر اسے سبق دینا لازمی بن گیا تھا۔ حقوق نسواں کی علم بردار تنظیموں نے ظالم شوہر کو عدالت میں پیش کرنے کا مطالبہ کیا جبکہ متعدد وکیلوں نے تشدد کا شکار خاتون کا مقدمہ بلامعاوضہ لڑنے کا اعلان کر دیا۔

ایمز ٹی وی (انٹرٹینمنٹ)بالی ووڈ اداکاررنبیر کپور کو ان کی نئی آنے والی فلم کے ہدایتکار راج کمار ہیرانی نے عوام کے سامنے آنے سے روک دیا ہے۔ بالی ووڈ اداکاررنبیرکپورنئی آنے والی سنجے دت کی زندگی پربننے والی فلم کی شوٹنگ میں مصروف ہیں جب کہ وہ اب تک فلم کے ایک حصے کی شوٹنگ مکمل بھی کرچکے ہیں۔

مداحوں کی جانب سے اداکارکی اس فلم کا شدت سے انتظارہے کیونکہ فلم میں وہ سنجو بابا کی زندگی کے تمام اتارچڑھاؤ دیکھ سکیں گے لیکن اب فلم کے ہدایتکارراج کمار ہیرانی کی جانب سے اداکاررنبیرکوعام عوام کے سامنے نکلنے سے سختی سے منع کردیا گیا ہے۔

ہدایت کارکی جانب سے یہ فیصلہ کچھ عرصے قبل شوٹنگ کے دوران سنجے دت کے روپ میں لیک ہونے والی تصاویروں کے پیش نظر کیا گیا ہے جس میں اداکار بالکل سنجو بابا کی جوانی کی عکاسی کر رہے تھے۔ واضح رہے کہ فلم میں رنبیرکپوراداکارسنجے دت کی زندگی کے 7 پہلؤوں کی عکاسی کریں گے جب کہ فلم میں پاریش راول ان کے والد سنیل دت اور اداکارہ منیشا کوائرالا ان کی والدہ کا کردار ادا کررہی ہیں۔

ایمز ٹی وی (مانیٹرنگ ڈیسک) فلیش فیلکن نامی سپر سانک جیٹ یہ رفتار حاصل کرنے کی صلاحیت رکھتا ہے۔اس طیارے کے سبب کراچی سے لندن کا طویل سفر بھی تین گھنٹوں میں ممکن ہوسکے گا۔ ایسے طیارے کی تیاری پر کام کررہے ہیں۔

آسکر وینیلز نامی ڈیزائنر نے فلیش فیلکن نامی اس طیارے کو ڈیزائن کیا ہے جس کی حد رفتار 2301 میل فی گھنٹہ تک ہوسکتی ہے۔ اس طیارے کے ونگز اور نوز ایرو ڈائنامکس کی جدید طرز کو اپناتے ہوئے بنائے گئے ہیں جو اسے شاک ویوز سے بچاتے ہیں۔

تیز رفتار سپر سانک جیٹ تیار by aimstv_tv

یہ طیارہ 2 ڈیک پر مشتمل ہوگا اور اس میں ایک وقت میں ڈھائی سو مسافر سفر کرسکیں گے۔ یہ جہاز ہیلی کاپٹر کی طرح عمودی انداز سے ٹیک آف کر سکے گااور اتر بھی سکے گا۔ اس طیارے کی تیاری میں فیوژن ری ایکٹر کو استعمال کیا جائے گا تاکہ دوران پرواز ماحول کو نقصان پہنچانے والی گیسیں خارج نہ کرے۔ یعنی یہ ماحول دوست طیارہ ہوگا جو روایتی فضائی سفر کا متبادل ثابت ہوگا