Reporter SS
ایمز ٹی وی(سوات )جنگلات کی بےدریغ کٹائی جاری ہے، جس سے وادی کا حسن ماند پڑنے لگا ہے، دلکش وادی سوات میں خوبصورتی کے دشمن درخت کاٹ رہے ہیں قدرتی ماحول برباد کررہے ہیں۔ سوات میں تحصیل کبل کے علاقے توتانوبانڈئی میں بیس ہزار ایکڑ پر جنگلات پھیلے تھے مگر اب چھ ہزارایکڑکا صفایاہوچکا ہے یہ خالی خالی پہاڑ صوبائی حکومت کے بلین ٹری دعووں کا پول کھول رہے ہیں ۔
شہریوں کا کہنا ہے کہ وادی سوات کی خوب صورتی تو جنگل سے ہے اگر جنگل نہیں تو کچھ بھی نہیں ہے پھر۔حکومت کی جانب سے بڑے دعوے تو کئے جارہے ہیں لیکن جنگلات کی حفاظت کے لئے کوئی اقدام نہیں کیا جارہا ہے،درختوں کی کٹائی ہورہی ہے اور سمگلنگ کا سلسلہ جاری ہے حکومت نے ابھی تک یہاں پر سونامی بلین ٹری کے تحت یہاں ایک پودا بھی نہیں لگایا ہے ۔
وادی سوات کے حسن کو نظر لگ گئی by aimstv_tv
محکمہ جنگلات کےافسران تسلیم کرتے ہیں کہ درختوں کی کٹائی نہیں روک سکے اہلکاروں کے ملوث ہونے کا انکشاف کیا۔ ماہرین کے مطابق جنگلات کی کٹائی نہ روکی گئی توماحولیاتی آلودگی میں اضافہ ہوگا، سونامی بلین ٹری کے دعوے تو اپنی جگہ لیکن سوات میں صورت حال بالکل برعکس ہے، درختوں کی بے دریغ کٹائی سے جنگلات بتدریج ختم ہورہے ہیں
ایمز ٹی وی (انٹرٹینمنٹ)سنیئر اداکار وہدایتکار جاوید شیخ نے کہا ہے کہ یہ فلمسازی کے لیے بہترین وقت ہے‘ بہت کوششوں کے بعد پاکستان فلم انڈسٹری نے نئے سفر کا آغاز کیا ہے۔
جاوید شیخ کا کہنا ہے کہ اگر ہم ماضی کی غلطیوں کو دہرانے لگے تو کامیابیوں کا یہ سفر رک جائے گا۔
ایک سوال کے جواب میں انھوں نے کہا کہ ٹی وی ڈراموں کی کامیابی کی بڑی وجہ اچھا اسکرپٹ اور عمدہ پروڈکشن ہے، اسی طرح فلم انڈسٹری میں بھی اسی رحجان کو تقویت دینے کی ضرورت ہے۔ انہوں نے بتایا کہ ان دنوں ذاتی پروڈکشن کی فلم کا پیپرورک مکمل کیا جارہا ہے۔
ایمز ٹی وی (انٹرٹینمنٹ)شردھا کپور اوران کے بھائی سدھانت کپور حقیقی بہن بھائی ہوتے ہوئے کسی بھی بھارتی فلم میں ایک ساتھ اسی رشتے کا کردار نبھانے والے پہلے بھارتی اداکار بن گئے۔ بالی ووڈ اداکارہ شردھا کپور انڈر ورلڈ ڈان داؤد ابراہیم کی بہن حسینہ کی زندگی پر بننے والی فلم میں مرکزی کردار ادا کررہی ہیں اور اپنے کردار میں ڈھلنے کے لیے انتھک محنت کررہی ہیں لیکن اب شردھا اور ان کے بھائی نے ایک ساتھ حقیقی رشتے کے کردار میں اپنا نام پہلے بھارتی اداکاروں کی فہرست میں درج کرالیا ہے۔
شردھا کپور فلم ’’حسینہ‘‘ میں حسینہ پارکر اور ان کے بھائی سدھانت کپور داؤد ابراہیم کا کردار نبھا رہے ہیں جب کہ دونوں حقیقی بہن بھائی بھارتی انڈسٹری میں تاریخ رقم کرتے ہوئے فلم میں بھی بہن بھائی کا کردار نبھانے والی پہلی جوڑی بن گئی ہے۔ دوسری جانب اداکارہ شردھا کپور نے سماجی رابطے کی ویب سائٹ ٹوئٹر پر تشہیری پوسٹر جاری کیا ہے جس میں وہ حسینہ پارکر کے بالکل منفرد انداز میں ہیں اور سدھانت کپور کو داؤد ابراہیم کے روپ میں دیکھا جاسکتا ہے جب کہ مداحوں کی جانب سے دونوں بہن بھائیوں کی جھلک کو کافی پسند کیا جارہا ہے۔ واضح رہے کہ ہدایتکار اپوروا لاکھیا کی فلم’’حسینہ‘‘رواں سال 14 جولائی کو نمائش کے لیے پیش کی جائے گی۔
ایمز ٹی وی (انٹرٹینمنٹ)نیو یارک میں ایکشن اور تھرل سے بھرپور ہالی ووڈ سائنس فکشن فلم ’کولوسل‘ کے رنگا رنگ ریڈ کارپٹ پریمیئر کا انعقاد کیا گیا۔ تقریب میں فلم میں مرکزی کردار نبھانے والی اداکارہ اینی ہتھاوے سمیت دیگر ستاروں نے شرکت کرکے چار چاند لگا دیئے۔
ناچو وگالوندو کی ہدایت کاری میں بننے والی اس فلم کی کہانی ایک ایسی لڑکی کے گرد گھوم رہی ہے جو اپنی نوکری چھوٹنے اور دوست سے علیحدگی کے بعد ایک پراسرار مخلوق کی کھوج لگانے کیلئے اپنے آبائی شہر کا رخ کرتی ہے۔ فلم کی کاسٹ میں اینی ہتھاوے، ڈین اسٹیونز، جیسن سوڈیکس، آسٹن اسٹوویل اور ٹم بلیک کے علاوہ دیگر اداکار شامل ہیں۔ نکولس چارٹیئر کی پروڈیوس کردہ یہ سنسنی خیز مناظر سے بھرپور فلم 7اپریل کو سینما گھروں کی زینت بنے گی۔