Reporter SS
ایمز ٹی وی (انٹرٹینمنٹ)کون کہتا ہے کہ اداکار اداکاری کرنے کے علاوہ کوئی اور کام نہیں کرسکتے؟ پاکستانی ماڈل اور اداکار فہد مرزا جو پیشے سے ڈاکٹر بھی ہیں نے ثابت کیا کہ وہ ایک بہترین اداکار ہونے کے ساتھ ساتھ کافی سمجھدار بھی ہیں۔ معروف اداکار فہد مرزا نے فیلوشپ آف دی کالج آف فزیشنز اینڈ سرجنز (ایف سی پی ایس) کے دوسرے حصے کے امتحان کو پاس کر لیا۔
انہوں نے پلاسٹک سرجری میں اپنا امتحان پاس کیا ہے۔فہد مرزا نے سماجی رابطے کی ویب سائٹ فیس بک پر بھی اپنی اس کامیابی کو مداحوں سے شیئر کیا۔
دلچسپ بات یہ ہے کہ فہد مرزا صوبہ سندھ میں ایف سی پی ایس پارٹ 2 کا امتحان پہلی کوشش میں کامیاب کرنے والے پہلے شخص ہیں، اور یہ بات انہوں نے خود اپنی فیس بک پوسٹ میں اپنے مداحوں کو بتائی۔ فہد مرزا کو اس کامیابی پر ڈاکٹر اداکار کے مداحوں نے مبارکبادیں بھی دینا شروع کردی۔خیال رہے کہ فہد مرزا اداکارہ ثروت گیلانی کے شوہر بھی ہیں۔ان دونوں کی شادی 2014 میں ہوئی، ان کا ایک بیٹا بھی ہے۔
ایمز ٹی وی (انٹرٹینمنٹ)پھرتیلا اور ہوشیار، سب کا پسندیدہ سپر ہیرو ایک بار پھر تہلکہ مچانے کو تیار، مارول کامکس کی ایکشن ایڈونچر فلم ’اسپائیڈر مین، ہوم کمنگ‘ کا ٹیزر ٹریلر آ گیا۔ مارول کامکس کی سپر ہیرو ایکشن ایڈونچر فلم ’اسپائیڈر مین، ہوم کمنگ‘ کا ٹیزر ٹریلر جاری کر دیا گیا۔
ہالی ووڈ کا اسپائیڈر مین ایک بار پھر باکس آفس پر تہلکہ مچانے کو تیار ہے اور مارول کامکس کی سپر ہیرو ایکشن ایڈونچر فلم ’اسپائیڈر مین، ہوم کمنگ‘ کا نیا ٹیزر ٹریلر جاری کر دیا گیا ہے۔ جان واٹس کی ہدایتکاری میں بننے والی اس فلم میں اداکار ٹام ہالینڈبحیثیت پیٹر پارکر، اسپائیڈرمین مرکزی کردار میں جلوۂ گر ہوں گے جن کے علاوہ فلم کی دیگر کاسٹ میںآئرن مین کے کردار میں رابرٹ ڈاؤنی جونیئر اپنی اداکاری کے جوہر نبھائیں گے جبکہ مائیکل کیٹن، میریسا ٹومی، ڈونلڈ گروور، مارٹن اسٹار، زینڈایا اور ٹونی ریولوری فلم کی دیگر کاسٹ میں نمایاں ہیں۔
کیون فیج اور ایمی پاسکل کی مشترکہ پروڈیوس کردہ اس فلم کی کہانی پیٹر پارکر نامی ایسے لڑکے گِرد گھوم رہی ہے جو غیر معمولی صلاحیتوں کا مالک ہوتا ہے اور مکڑی کی طرح جال کے ذریعے بلند و بالا عمارتوں پر سیکنڈوں میں چڑھ جاتا ہے۔ کولمبیا پکچرز اور مارول اسٹوڈیوزکی تیار کردہ برائی کے خلاف لڑتے اور انسانیت کی مدد کرتے سپر ہیرو پر مبنی یہ ایکشن ایڈونچر فلم سونی پکچرز کے تحت 7جولائی کو سنیما گھروں میں دھوم مچانے آ رہی ہے۔
ایمز ٹی وی (انٹرٹینمنٹ)ایکشن سے بھرپور فلموں کے دیوانوں کیلئے خوشخبری یہ ہے کہ دوسری جنگ عظیم کے گرد گھومتی تھرل سے بھرپور فلم ڈنکرک کی نئی جھلکیاں جاری کردی گئی ہیں۔
کرسٹوفر نولن کی ہدایتکاری میں بننے والی اس فلم کی کہانی دوسری جنگ عظیم کے گرد گھوم رہی ہے جہاں جرمن فوج بیلجیئم،برطانیہ اور فرانس کے فوجیوں کو گھیر لیتی ہے جس کے بعد انہیں ریسکیو کیا جاتا ہے۔
فلم میں اداکاری کے جوہر دکھانے والوں میں ٹام ہارڈی،ہیمڈریزا ہیمیڈین،کینیتھ براناگھ،مارک ریلانس،جیک لوڈین اور ہیری اسٹائلز سمیت دیگر فنکار شامل ہیں۔ ایما تھامس کی پروڈیوس کردہ یہ فلم وارنر برادرز کے بینر تلے 21جولائی کو سینما گھروں میں نمائش کیلئے پیش کی جائے گی۔
ایمز ٹی وی (انٹرٹینمنٹ)کم عمری میں ہی شہرت کی بلندیوں کو چھونے والے معروف کینیڈین سنگر جسٹن بیبر نے نیوزی لینڈ میں خطرناک اسٹنٹ پرفارم کر کے مداحوں کو حیرا ن کردیاہے۔
نوجوان گلوکار جسٹن بیبر نیوزی لینڈکے قدرتی حسن سے مالا مال علاقے ایروٹاؤن میں ایڈونچر کے شوق کی تکمیل کیلئے پہنچے اور پیروں سے رسی باندھ کر 360فٹ بلند پُل سے بلا خوف و خطر چھلانگ لگا دی۔ اس دوران جسٹن اپنے اسٹنٹ کی ویڈیو بھی ریکارڈ کرتے رہے
جبکہ اس موقع پر سیاحوں اور مقامی افراد کی بڑی تعداد بھی سنگر کی اس خطرناک مہم جوئی کو دیکھنے کیلئے پُل پر موجود تھی۔
ایمز ٹی وی (انٹرٹینمنٹ)موسم کی تبدیلی کے ساتھ ہی دنیا بھر میں فیشن کی رنگینیاں جاری ہیں۔ چائنافیشن ویک اور جنوبی افریقا میں جاری فیشن ویک میں ماڈلز فیشن کے نئے انداز کے ساتھ ریمپ پر جلوہ گر ہیں۔
چین کے دارالحکومت بیجنگ میں فیشن ویک سجاہے۔ریمپ پر ماڈلز نے 2017اور2018 کےموسم خزاں اور موسم سرما کے ملبوسات کی نمائش کی۔25 مارچ سے شروع ہونے والا ’چائنا فیشن ویک‘ 31 مارچ تک جاری رہے گا۔
جنوبی افریقا کے شہر کیپ ٹاؤن میں بھی فیشن کی رنگینیاں جوبن پر ہیں۔3روز جاری رہنے والےرنگا رنگ فیشن ویک میں دنیا بھر سے مشہورومعروف ڈیزائنرز نے شرکت کی۔