Reporter SS
ایمز ٹی وی (تجارت)ملک بھر میں یوٹیلیٹی اسٹورز پر دالوں کی قیمتوں میں 3 روپے سے لے کر 42 روپے فی کلو کمی کر دی گئی ،نئی قیمتوں کا اطلاق فوری طور پر نافذالعمل ہوگا۔ یوٹیلیٹی اسٹورز کارپوریشن کی طرف سے دالوں کی قیمتوں میں کمی کا نوٹیفیکشن جاری کر دیا گیا ہے
جس کے مطابق مونگ دھلی ہوئی کی قیمت 108 روپے سے کم کر کے 105 روپے فی کلو، دال مسور 110 روپے فی کلو سے کم کر کے 105 روپے ، دال چنا 120 روپے سے کم ہو کر 110 روپے، کالا چنا 110 روپے سے کم ہو کر سو روپے ، ماش ثابت 180 روپے سے کم ہو کر 150 روپے فی کلو کر دی ہو گئی ہے ۔ مونگ چھلکہ 125 روپے سے کم کرکے 110 روپےفی کلو جبکہ ماش چھلکہ کی قیمت 252 روپے سے 210 روپے فی کلو کمی کر دی گئی ہے ۔
ترجمان یوٹیلیٹی اسٹورز کے مطابق یوٹیلیٹی اسٹورز پر اشیاء کے معیار پر بھی خصوصی توجہ دی جا رہی ہے۔
ایمز ٹی وی(اسپورٹس)چیئرمین پی ایس ایل نجم سیٹھی کہتے ہیں کھلاڑیوں کے اسپاٹ فکسنگ کیس میں ایف آئی اے کو تحقیقات سے منع نہیں کیا ۔ وہ کرنا چاہتے ہیں تو کرلیں مگر ابھی تک کھلاڑیوں کا جرم ثابت نہیں ہوا ۔
ایسی صورت میں فوجداری تحقیقات کیسے ہوں گی؟ ایف آئی اے بکیز کے پیچھے جائے ،انھیں پکڑ کر لائے ۔پی سی بی ایسا نہیں کر سکتا ۔ نجم سیٹھی کا کہناہےکہ پی سی بی کی تحقیقات ،پی سی بی قوانین کی خلاف ورزی سے متعلق ہیں۔اس وقت تک کسی پر جرم ثابت نہیں ہوا ہے۔
ایف آئی پھر بھی چاہتی ہے تو کھلاڑیوں کے خلاف کارروائی کرے۔ چیئرمین پی ایس ایل نجم سیٹھی نےپی سی بی اور ایف آئی اے کے درمیان کسی تناؤ کو رد کردیا۔ان کا کہنا تھا کہ پی سی بی اور ایف آئی اے کے درمیان کوئی تناؤ نہیں ۔ نجم سیٹھی کا کہنا تھا کہ پی سی بی بکیز کے پیچھے نہیں جاسکتا،ایف آئی اے بکیز کے پیچھے جائے اور انہیں پکڑے۔
ایمز ٹی وی (اںٹر ٹینمنیٹ) بھارتی ماڈل اور ٹی وی اینکر خوشبو بھٹ نے خودکشی کرلی۔ احمد آباد میں 27 سالہ ماڈل خوشبو بھٹ نے اپنے گھر میں پنکھے سے لٹک کر زندگی کا خاتمہ کر لیا۔
بھارتی ماڈل جودھپور میں اپنے والد منیش اور دادی کے ساتھ رہائش پذیر تھیں۔ پولیس حکام کا کہنا ہے کہ خوشبو بھٹ نے خودکشی سے قبل کوئی تحریر نہیں چھوڑی تاہم تحقیقات شروع کر دی گئی ہیں۔
ایمز ٹی وی (تجارت) تھر میں کوئلہ نکالنے کے لئے تیزی سے کام ہورہا ہے۔ اب تک 70 میٹر سے زائد کھدائی کی جاچکی ہے۔ عام طور پر کہا جاتا ہےپاکستان کے توانائی بحران کا حل تھر میں دفن ہے، گزشتہ سال اپریل میں تھر کے ایک بلاک سے سالانہ 38 لاکھ ٹن کوئلہ نکالنے کے کام کا آغاز ہوا۔
تھر کی زمین ریتیلی ہے اس لئے یہاں اوپن پٹ میں کام ہوگا جس کے لئے 112 کیوبک میٹر ریت ہٹانے کا کام جاری ہے۔ سندھ اینگرو کول مائننگ کمپنی کے عہدیدار آفتاب نعیم پاشا نے کہا کہ مائننگ کمپنی مستقبل میں کول فیلڈ کو مغرب کی جانب بڑھائے گی جہاں تقریباً دو کلو میٹر پر آبادی ہے، جسے دوسری جگہ منتقل کرنےکے لئے گھر تعمیر کئے جارہے ہیں۔ انہوں نے کہا کہ رہائش کے علاوہ تھر کول منصوبہ لوگوں کو روزگار بھی فراہم کررہا ہے۔
ایک جانب یہ پیش رفت ہے اور دوسری جانب کوئلے سے 330 میگا واٹ بجلی بنانے کے دو پلانٹ پر کام جاری ہے۔ انہوں نے 2019 کی پہلی ششماہی تک تھر سے نکلنے والے کوئلےسے بجلی بننے کا عمل شروع ہونے کی امید ظاہر کی ہے۔