Reporter SS
ایمز ٹی وی(اسپورٹس) اسپاٹ فکسنگ کی تحقیقات پر نیا تنازع کھڑا ہوگیا۔ پی سی بی کے چیف آپریٹنگ آفیسرسبحان احمد کہتے ہیں ایف آئی اے کو معطل کرکٹرزکا صرف موبائل ڈیٹا تصدیق کے لیے بھیجا تھا،تفتیش کے لیے کس نے کہا ؟۔
پاکستان سپرلیگ میں اسپاٹ فکسنگ اسکینڈل پروفاقی تحقیقاتی ادارے ( ایف آئی اے) کی تحقیقات سے متعلق پی سی بی کے چیف آپریٹنگ آفیسر سبحان احمد کے بیان سےنیا تنازع کھڑا ہو گیا۔ سبحان احمد کہتے ہیں ایف آئی اے کو فکسنگ کی تحقیقات کا نہیں کہا تھا۔
ایف آئی اے نے کارروائی کر ڈالی تو پاکستان کرکٹ بورڈ پیچھے ہٹ گیا،ایف آئی اے کی تحقیقات کو ازخود نوٹس قرار دے دیا۔ سی او اوسبحان احمد کے مطابق ایف آئی اے کو کھلاڑیوں کے خلاف تحقیقات کا نہیں کہا،پی ایس ایل فکسنگ میں معطل کرکٹرز کا موبائل فون ڈیٹا تصدیق کے لئے بھیجا تھا اس لیے ایف آئی اے کوموبائل فون جمع کرائے ۔
سبحان احمد نے کہا کہ ایف آئی اے کی جانب سے کھلاڑیوں کے نام ایگزٹ کنٹرول لسٹ میں شامل کرنے سے پی سی بی کا کوئی تعلق نہیں۔ فکسنگ کے معاملے کی تحقیقات پی سی بی ٹربیونل کرے گا۔وزارت داخلہ یا حکومت نے رابطہ کیا تو بورڈ فیصلہ کرے گا۔
ایمزٹی وی(اسلام آباد)اسلام آباد ہائیکورٹ سے ضمانت کے باوجود شرجیل میمن خوفزدہ رہے اور اپنے وکلا سے پوچھتے رہے کہ نیب والے اب گرفتار تو نہیں کریں گے۔ شرجیل میمن کے وکلا نے کہا پیپلز پارٹی کے کارکن مقدمات سے بھاگتے نہیں، سامنا کرتے ہیں۔
تفصیلات کےمطابق سابق صدر زرداری کے پیر اعجاز نے اسلام آباد ہائیکورٹ میں شرجیل میمن سے ملاقات کی۔ پیر اعجاز نے میڈیا کو بتایا کہ شرجیل کیلئے دعائیں کرنے آیا تھا انہیں کوئی پریشانی نہیں ہو گی۔
ایمز ٹی وی(اسپورٹس) ششانک منوہر کے مستعفی ہونے سے آئی سی سی اصلاحات کھٹائی میں پڑنے کا خدشہ پیدا ہوگیا، بھارت نے معاملے کوٹالنے کیلیے خط و کتابت کا سلسلہ شروع کردیا۔
ششانک منوہر انٹرنیشنل کرکٹ کونسل کے پہلے خود مختار چیئرمین بنے تھے، انھوں نے بگ تھری کے خاتمے اور زیادہ منصفانہ و شفاف انداز میں معاملات کو چلانے کیلیے جن اصلاحات کا بیڑا اٹھایا تھا وہ اب کھٹائی میں پڑتی ہوئی دکھائی دے رہی ہیں۔
فروری کے اجلاس میں کونسل نے نئی مالی اور آئینی ترامیم کے حوالے سے تجاویز کی منظوری دی تھی جس کے بارے میں حتمی فیصلہ اپریل کی میٹنگ میں ہونا ہے تاہم اس سے قبل ہی اچانک منوہر ’ذاتی وجوہات‘ کی بنا پر عہدے سے مستعفی ہوگئے، اب بھارت نے ایک بار پھر اپنی طاقت کا بھرپور مظاہرہ کرتے ہوئے دھونس اور دھمکیوں کے ساتھ تکنیکی جھول بھی ڈھونڈنا شروع کردیے ہیں۔
بی سی سی آئی معاملات چلانے کیلیے سپریم کورٹ کی نامزد کمیٹی آف ایڈمنسٹریٹرز کے ممبر وکرم لیمے نے ایک روز قبل آئی سی سی چیف ڈیو رچرڈسن کو 11 صفحات پر مشتمل خط لکھا تھا، انھوں نے دھمکی دی تھی کہ ریونیو میں کٹوتی اورآئینی ترامیم پر ان کیخلاف قانونی چارہ جوئی کرسکتے ہیں۔
اب بورڈ کے چیف ایگزیکٹیو راہول جوہری نے آئی سی سی کے چیف آپریٹنگ آفیسر ایان ہائیگنس کو ای میل بھیجی جس میں نئے فنانشل ماڈل کو تکنیکی طور پر غلط قرار دینے کے ساتھ واضح کیا کہ نیا آئین کھیل کی عالمی گورننگ باڈی کو ہی تبدیل کرکے رکھ دے گا، اس سے ممبران کی خودمختاری شدید متاثر ہوگی، نئی ترامیم بھی مبہم اور غیریقینی قسم کی ہیں، ان سے کنفیوژن اور زیادہ بڑھے گی، انھوں نے یہ بھی لکھا کہ اگر 2014 والا مالیاتی تقسیم کا فارمولا غلط تھا تو نئے طریقہ کار کیلئے کیا فارمولا اختیار کیا گیا اور کس حساب سے مختلف بورڈز کے درجے بناکر ان کا الگ الگ ریونیو میں حصہ مقرر کیا گیا؟ یہ وضاحت کرنا ضروری ہے۔
ایمز ٹی وی(اسپورٹس) پی ایس ایل اسپاٹ فکسنگ اسکینڈل نے سلمان بٹ کی راہ میں کانٹے بچھا دیے، محمد عامر کی واپسی کو سخت تنقید کا نشانہ بنائے جانے کے بعد پی سی بی کیلیے سابق کپتان کو منتخب کرنے کا فیصلہ انتہائی مشکل ہوگیا۔
قومی کرکٹ ٹیم کے اوپنرز کی مسلسل ناکامیوں کے بعد سلمان بٹ کی انٹرنیشنل کرکٹ میں واپسی کیلیے راہ ہموار ہوتی نظر آرہی تھی، چیئرمین پی سی بی شہریار خان نے بھی رواں سال کے آغاز میں میڈیا سے گفتگو کرتے ہوئے گرین سگنل دیا۔
دوسری جانب انضمام الحق کی زیرسربراہی کام کرنے والی سلیکشن کمیٹی نے بھی ان کے نام پر غور کیا، البتہ ہیڈ کوچ مکی آرتھر سمیت مینجمنٹ میں شامل کچھ افراد ان کے حوالے سے تذبذب کا شکار تھے۔ ذرائع کے مطابق ایک سلیکٹر نے بھی گزشتہ ماہ سلمان بٹ کو بتایا تھا کہ چند رکاوٹیں دور ہونے کے بعد ان کی انٹرنیشنل کرکٹ میں واپسی ہوسکتی ہے، البتہ اب اوپنر کو آگاہ کیا گیا کہ پی ایس ایل کے دوسرے ایڈیشن میں سامنے آنے والے اسپاٹ فکسنگ اسکینڈل کے بعد اب ان کو منتخب کرنے کا فیصلہ انتہائی مشکل ہوگیا ہے۔
یاد رہے کہ سلمان بٹ نے 5سالہ پابندی کی سزا ختم ہونے اور پی سی بی کے تحت بحالی کا پروگرام مکمل کرنے کے بعد قومی ون ڈے کپ 2015 میں 107.20 کی اوسط سے 536رنز بنائے، بعد ازاں واپڈاکی قیادت کرتے ہوئے اسے گزشتہ سال قائد اعظم ٹرافی کا چیمپئن بنوایا، فائنل میں انھوں نے 2سنچریوں سمیت49.40کی ایوریج سے 749رنز بھی جوڑے، قومی ٹوئنٹی20کپ کے ٹاپ بیٹسمینوں کی فہرست میں سلمان دوسرے نمبر پر تھے لیکن حالیہ پی ایس ایل اسکینڈل سامنے آیا تو سابق کرکٹرز کی اکثریت اور میڈیا نے بار بار حوالہ دیا کہ محمد عامر کو قومی ٹیم میں واپسی کا موقع نہ دیا جاتا توآج نئے واقعات سامنے نہیں آتے تاہم اس صورتحال نے سلمان بٹ کی واپسی کی راہ میں کانٹے بچھا دیے ہیں۔
ایمزٹی وی(اسلام آباد)راولپنڈی ، اسلام آباد اور گردونواح سمیت خیبر پختونخوا کے مختلف علاقوں میں 4.2شدت کے زلزلے کے جھٹکے محسوس کیے گئے ہیں جس سے لوگوں میں شدید خوف و ہراس پھیل گیا۔
ذرائع کے مطابق وفاقی دارالحکومت اسلام آباد، راولپنڈی سمیت خیبر پختونخوا ہ کے علاقے مانسہرہ ، صوابی م، اٹک ، واہ کینٹ ، ایبٹ آباداور ہزارہ ڈویڑن میں زلزلے کے جھٹکے محسوس کیے گئے ہیں تاہم کسی مقام پر بھی جانی یا مالی نقصان کی اطلاع نہیں ملی۔
زلزہ پیما مرکز کا کہنا ہے کہ زلزلے کی شدت 4.2ریکارڈ کی گئی ہے جس کا مرکز اٹک کے علاقے حضرو کے قریب تھا ۔
ایمز ٹی وی (اسپورٹس) جنوبی افریقہ کے معروف کرکٹر جے پی ڈومنی نے بھی انڈین پریمیئر لیگ (آئی پی ایل) میں شرکت سے معذرت کر لی ہے اور اپنی فرنچائز دہلی ڈئیرڈیولز کو اپنے فیصلے سے آگاہ کر دیا ہے۔
32 سالہ آل راﺅنڈر نے کہا کہ وہ ذاتی وجوہات کے باعث اگلے مہینے شروع ہونے والی آئی پی ای ایل میں شریک نہیں ہو سکیں گے جس پر دہلی ڈئیرڈیولز فرنچائز نے مایوسی کا اظہار کیا ہے۔
دہلی ڈئیر ڈیولز فرنچائز نے جے پی ڈومنی کی جانب سے بیان جاری کیا کہ ”یہ فیصلہ کرنا میرے لئے بہت مشکل تھا لیکن یہ خالص ذاتی وجوہات کی بناءپر کیا ہے۔ میں مستقبل قریب میں فرنچائز کی نمائندگی کرنے کیلئے پرامید ہوں۔“
واضح رہے کہ ڈومنی نے آئی پی ایل کے گزشتہ 7 ایڈیشنز میں 38 میچ کھیلے ہیں۔ انہوں نے 2014ءمیں دہلی ڈئیرڈیولز میں شمولیت اختیار کی تھی اور گزشتہ ایڈیشن کے آخری دو میچوں میں ظہیر خان کی جگہ کپتانی بھی کی تھی۔
دہلی ڈئیرڈیولز کے چیف ایگزیکٹو ہیمنت نے جے پی ڈومنی کے بیان پر ردعمل کا اظہار کرتے ہوئے کہا ہے کہ ”ہم کرکٹر کے فیصلے کا احترام کرتے ہیں، ہم فطری طور پر بہت زیادہ مایوس ہیں کہ وہ اس سال ٹیم کی نمائندگی نہیں کریں گے لیکن بطور فرنچائز ہم ان کی پوزیشن کو واضح طور پر سمجھ سکتے ہیں۔“
ایمزٹی وی (اسلام آباد)سوشل میڈیا پر گستاخانہ مواد کیس کی سماعت کرنے والے اسلام آباد ہائیکورٹ کے چیف جسٹس شوکت عزیز صدیقی کے کمرہ عدالت میں وکلاءنے ہنگامہ برپا کردیا اور وکلاءاور پولیس کے درمیان جھگڑا ہوگیا۔
تفصیلات کے مطابق جسٹس شوکت عزیزصدیقی کا کمرہ عدالت اس وقت جھگڑے کا گڑھ بن گیا جب اسلام آباد ہائیکورٹ بار کی ہڑتال کے باعث وکلاءنے سائلین کو عدالت کے دروازے پر روکدیا جبکہ جسٹس شوکت صدیقی نے سماعت جاری رکھی ۔بار کے عہدیداران طیش میں آگئے اور سماعت روکنے کی کوشش کی جس پر وکلاءاور پولیس کے درمیان جھگڑا ہوگیا۔
چیف جسٹس شوکت عزیز صدیقی نے کہا کہ بے مقصد ہڑتال سائلین سے ظلم کے مترادف ہے،عدالتوں کو زبردستی کارروائی سے روکنا غیر قانونی ہے۔انہوں نے کہا کہ وکلاءخود قانون کو ہاتھ میں لیں گے تو انصاف کیسے ہوگا۔جسٹس شوکت نے مدعی کو پیش ہونے کی ہدایت کرتے ہوئے کہا کہ خدا کے واسطے عدالت کو کام کرنے دیں۔
ایمزٹی وی(چارسدہ)تحصیل تنگی کے علاقے ہری چند میں مردم شماری ٹیم پر فائرنگ سے ایک پولیس اہلکار زخمی جبکہ ملزم کو زخمی حالت میں گرفتار کرلیا گیا۔
تفصیلات کے مطابق چارسدہ کی تحصیل تنگی کے علاقے ہری چند میں مردم شماری کرنے والی ٹیم پر فائرنگ کی گئی ہے جس سے ڈیوٹی پر تعینات ایک پولیس ا ہلکار تاج محمد گولی لگنے سے شدید زخمی ہوگیا جسے ہسپتال منتقل کردیا گیا ہے جبکہ پولیس کی جوابی فائرنگ سے ملزم کو زخمی حالت میں گرفتار کرلیا گیا۔
یاد رہے کہ ملک بھر میں خانہ شماری کے بعد مردم شماری کا پہلا مرحلہ جاری ہے۔
ایمز ٹی وی(مانیٹرنگ ڈیسک) پروگرامنگ اور کمپیوٹنگ سیکھنے کے لیے اب تیز نظر کی ضرورت نہیں رہے گی کیونکہ مائیکرو سافٹ کارپوریشن نے نابینا بچوں کو پروگرامنگ سکھانے کے اچھوتے منصوبے کا آغاز کر دیا ہے۔
مائیکروسافٹ کے ریسرچ ڈپارٹمنٹ نے ’پروجیکٹ ٹورینو‘ کا اجرا کیا ہے جس کے تحت بصارت میں خرابی کے شکار بچوں کو کوڈنگ سکھائی جاتی ہے۔ اس کے ذریعے 7 سے 11 سال کے بچے اپنے ہم جماعتوں کے ساتھ کوڈنگ سیکھ سکتے ہیں۔
پروجیکٹ ٹورینو میں سادہ اصولوں کے ذریعے بچوں کو ڈریگ اینڈ ڈراپ کمانڈ کے ذریعے کوڈنگ سکھائی جاتی ہے۔ ان سادہ امور کے ذریعے طالبعلم چھوٹے اور سادہ پروگرام بناسکتے ہیں مثلاً بھول بھلیوں سے گزرنا یا خلا میں آگے بڑھنا وغیرہ۔
ٹورینو کے تحت پلاسٹک کے موتی عین اسی طرح ایک دوسرے جڑتے ہیں جس طرح پروگرامنگ ٹولز میں کمانڈز دی جاتی ہیں۔ تاہم اسے کمپیوٹر کی بجائے فزیکل پروگرامنگ کہا جاسکتا ہے جس میں بچے اشیا کو چھو کر محسوس کرکے ان کو ایک دوسرے سے جوڑتے ہیں۔ مثلاً ایک بار جب اشیا درست جڑجائیں تو وہ موسیقی خارج کرتی ہیں۔ اس کے اگلے یعنی ایڈوانسڈ ورژن میں بچوں کو فزیکل سے ڈجیٹل کوڈنگ تک لے جایا جاتا ہے۔ اس طریقے سے بچے دھیرے دھیرے اصل پروگرامنگ سیکھنے لگ جاتے ہیں اور وہ پروگرامنگ پر مہارت حاصل کرنے لگتے ہیں۔
مائیکروسافٹ کا خیال ہے کہ اس طرح کوڈنگ کے اچھے ماہرین پیدا ہوں گے اور اداروں میں پروگرامنگ اور کوڈنگ کے ماہرین کی بڑھتی ہوئی طلب پوری کرنے میں مدد ملے گی۔ اسی طرح بصارت میں خرابی یا اندھے پن کے شکار افراد کو باعزت روزگار بھی میسر آسکے گا۔
پروجیکٹ ٹورینو کے مطابق دنیا بھر میں 28 کروڑ سے زائد افراد نابینا پن یا بصارت می کمی کے شکار ہیں۔ فی الحال اس پروجیکٹ کے بی ٹا ورژن میں 100 طالبعلم شامل کئے گئے ہیں اور ان کا نصاب بہت خاص انداز میں ترتیب دیا گیا ہے۔
ایمزٹی وی(اسلام آباد)وزیراعظم میا ں نواز شریف نے کہا ہے کہ حکومت موسمیاتی تبدیلی میں درختوں کی اہمیت سے آگاہ ہے، موسمیاتی تبدیلی نہ صرف ہمارے بلکہ آئندہ نسلوں پر بھی اثر انداز ہورہی ہے۔ تفصیلات کے مطابق عالمی یوم جنگلات کے موقع پر وزیراعظم نواز شریف نے پیغام جاری کرتے ہوئے کہا کہ عملی اقدامات نہ کئے تو آئندہ نسلوں کا مستقبل خطرے میں پڑ جائے گا۔
وزیراعظم نے مزید کہا کہ پاکستان کو بہتر ماحولیاتی ذمہ دار ملک کے طور پر دیکھنا چاہتے ہیں،گرین پاکستان فنڈ میں سے 55 کروڑ30 لاکھ روپے کی پہلی قسط جاری کردی گئی ہے۔ نوازشریف کا کہنا تھا کہ جاری کی گئی رقم چاروں صوبو،آزاد جموں کشمیر،گلگت بلتستان اور فاٹا میں خرچ کی جائے گی۔