ایمز ٹی وی (انٹرٹینمنٹ)مہیش بھٹ بالی ووڈ میں پاکستانی فنکاروں پر پابندی کے مخالف ہیں اور اپنی رائے کا بلاجھجک اظہار کرتے ہیں۔اب انہوں نے اس پابندی کو چیلنج کرنے کے حوالے سے عملی اقدام بھی کیا ہے۔ دونوں ممالک کے درمیان امن کے خیال پر مبنی ایک پلے ملنے دو کے لیے مہیش بھٹ نے پاکستانی فنکاروں علی ظفر اور شفقت امانت علی کو گلوکاری کے لیے مدعو کیا ہے۔ مہیش بھٹ نے علی ظفر کو کال کرکے گانے کی پیشکش کی جس پر پاکستانی گلوکار نے مثبت ردعمل کا اظہار کیا۔اسی طرح شفقت امانت علی بھٹ نے بھی مفت میں گانے کی حامی بھری ہے۔ دہلی سے تعلق رکھنے والے اداکار عمران زاہد جو کہ اس پراجیکٹ پر مہیش بھٹ کے ساتھ کام کررہے ہیں، نے اس خبر کی تصدیق کی ' مہیش صاحب نے جن پاکستانی فنکاروں سے رابطہ کیا.

انہوں نے پرجوش انداز میں ردعمل ظاہر کیا، شفقت امانت علی کے منیجر کا کہنا تھا کہ گلوکار اس گانے کے لیے کوئی معاوضہ نہیں چاہتے، ہم راحت فتح علی خان اور عاطف اسلم کو بھی اس پراجیکٹ کا حصہ بنانا چاہتے ہیں'۔ زاہد عمران کا ماننا ہے کہ یہ پابندی غیر منطقی ہے اور پاکستانی صلاحیت کو استعمال کرنے کے منصوبے پر اس کے کوئی اثرات مرتب نہیں ہوں گے۔ ان کا کہنا تھا ' ہم پاکستانی فنکاروں کی آواز ملنے دو میں استعمال کرنے جارہے ہیں جو کہ آٹھ جون کو دہلی اور 23 جون کو ممبئی میں اسٹیج ہوگا، مزید برآں بھارتی حکومت نے واضح کیا ہے کہ اس نے پاکستانی فنکاروں پر پابندی عائد نہیں کی، جب حکومت نے اس معاملے پر واضح موقف اختیار کیا ہے تو پھر احتجاج کا کیا امکان رہ جاتا ہے؟

انہوں نے مزید بتایا 'بھٹ صاحب کے لیے احتجاجی مظاہرے نئے نہیں، پاکستان کے ساتھ ثقافتی سطح پر دوبارہ بات چیت شروع ہونی چاہئے، دہلی حکومت دارالحکومت میں ہمارے اقدام کی حمایت کررہی ہے جبکہ مغربی بنگال کی ممتا بینرجی نے بھی ہمارے مشن کے لیے تعاون کی پیشکش کی ہے'۔ دوسری جانب بی جے پی کے ترجمان نے اس سے اتفاق نہیں کیا ' پاکستان سے تعلقات اس حد تک خراب ہوچکے ہیں کہ اب پاکستان کو عالمی سطح پر دہشتگرد ریاست قرار دلانے کے لیے تحریک چل رہی ہے، موجودہ بحران کو دیکھتے ہوئے میرا نہیں خیال کہ ہمیں پاکستانی فنکاروں کو یہاں آنے دینا چاہئے'۔

ایمز ٹی وی (بزنس)ملک میں دہشت گردی کے واقعات کی روک تھام کےلیے پاک افغان چمن بارڈر، طورخم بارڈراور کرم ایجنسی میں 4 مقامات پر سرحد10 روز سے بند ہے،چمن باب دوستی پر افغان شہریوں کو ویزا پاسپورٹ پر افغانستان جانے کی اجازت دی جارہی ہے۔دوسری جانب پاک افغان سرحد طورخم کی بندش سے بارڈر کے دونوں جانب خواتین اور بچوں سمیت ہزاروں مسافر پھنس گئے ہیں،جو فٹ پاتھ پر روز و شب گزاررہے ہیں۔

لنڈی کوتل بازار کے راہ گزر کو مسکن بنانے والے یہ افغان شہری ہیں جو ایک ہفتہ قبل طورخم بارڈر کی بندش کے باعث افغانستان جاتے ہوئے پھنس کر رہ گئے ہیں،لنڈی کوتل کی سخت سردی میں کھلے آسمان تلے راتیں گزارنے والوں میں بچے اور خواتین بھی شامل ہیں۔ طورخم بارڈرکو پاک افغان کی حالیہ کشیدہ صورتحال کے باعث 17 فروری کو ہرقسم آمدورفت کے لئے بند کردیا گیا تھا، جس سے سرحد کے دونوں جانب ہزاروں مسافر رل گئے ہیں، بیشتر مسافروں کے پاس زاد راہ بھی ختم ہو چکا ہے اور بعض کو ویزے کی میعادختم ہونے کی پریشانی بھی لاحق ہے۔طورخم بارڈر کی بندش سے پھنسے ہوئے افغان شہریوں نے مطالبہ ہے کہ دونوں ممالک کے عوام کی مشکلات کے پیش نظر پاک افغان حکومتیں مل بیٹھ کر حکمت عملی تشکیل دیں۔

ایمز ٹی وی (بزنس)پاکستان کا ہر فرد پیدائشی طور پر 1 لاکھ 15 ہزار روپے تک کا مقروض ہے، ملکی مجموعی قرضوں کا حجم 23ہزار ارب روپے سے تجاوز کر گیا۔رپورٹ کے مطابق پاکستان پر مجموعی قرضے میں 8ہزار ارب روپے کا بیرونی جبکہ 15ہزار ارب روپے کا مقامی قرضہ شامل ہے۔سال 2017ء سے 2020ء کے دوران پاکستانی بانڈز کی مدت معیاد مکمل ہونے پر حکومت 2 ارب 75 کروڑ ڈالر ادا کرنے کی پاپند ہو گی۔

دوسری جانب آئندہ دو سال کے دوران ہی پیرس کلب اور آئی ایم ایف کے قرضوں کی ادائیگیاں بھی شروع ہو جائیں گی۔ واضح رہے کہ پیرس کلب کے 11ارب 70کروڑ ڈالر کے قرضوں کو 2001ء میں ری شیڈول کیا گیا تھا۔

رپورٹ کے مطابق پاکستان کا ہر فرد پیدائشی طور پر 1لاکھ 15ہزار روپے تک کا مقروض ہے۔

ایمز ٹی وی (اسلام آباد)اسلام آباد میں پرانی ٹیکنالوجی کی حامل اسٹریٹ لائٹس کو جدید ٹیکنالوجی سے آراستہ ایل ای ڈی لائٹس پر منتقل کرنے کے منصوبے پر ہنگامی بنیادوں پر کام جاری ہے اور اب تک مختلف بڑی شاہرائوں کی 2100پرانی اسٹریٹ لائیٹس کو جدید ایل ای ڈی لائٹس پر منتقل کر دیا گیا ہے اور تین ماہ کے اندرمرحلہ وار اس منصوبے کو تیزی سے مکمل کر کے اسلام آباد کی تمام چالیس ہزار پرانی لائٹس کو مکمل طور پر تبدیل کر کے اسلام آباد کو روشنیوں کا شہر بنائیں گے۔

ان خیالات کا اظہار اسلام آباد کے میئر و چیئرمین سی ڈی اے شیخ انصر عزیز نے اسلام آباد میں ایل ای ڈی لائٹس کے منصوبے پر جاری کام کے معائنے کے موقع پر کیا۔ 

انہوں نے اسلام آباد میں شاہراہِ دستور، ناظم الدین روڈ، آغا خان روڈ، مرکز ایف6،فیصل ایونیو، کوہسار روڈ اور دیگر شاہرائوں پر ایل ای ڈی لائیٹس لگانے کے کام کا جائزہ لیا۔میئر نے کہا کہ اب تک دو ہزار سے زائد ایل ای ڈی لائٹس سے اوسطاً 10 ملین روپے کی بچت ہوئی ہے جبکہ پورے شہر میں 40 ہزار لائٹوں کی تبدیلی کے بعد کروڑوں روپے کی بچت کے علاوہ توانائی کی مد میں بھی قابلِ زکر بچت ہو گی۔

ایمز ٹی وی (تعلیم /کراچی) پاکستان میں غذائی قلت اور جسمانی مدافعت کی کمی جِلدی امراض کا سبب ہیں، جلدی مرض لشمانیاس ایک سنگین صحت کا مسئلہ ہے۔ سندھ، بلوچستان میں لشمانیاس زیادہ عام ہے، یہ مرض زائرین سعودی عرب اور ایران سے اپنے ساتھ لاتے ہیں، لشمانیاس ایک باریک مادہ ریت مکھی کے کاٹنے سے ہوتا ہے،سندھ کے لاڑکانہ ضلعے میں ا?خری مرتبہ 2001 ئ میں اس مرض کی وبائ پھیلی تھی۔

یہ بات لیپریسی سینٹر لاڑکانہ سندھ کے انچارج اور ڈاکٹر پنجوانی سینٹر برائے مالیکیو لر میڈیسن اور ڈرگ ریسرچ (پی سی ایم ڈی) جامعہ کراچی کے ایڈجنکٹ پروفیسر ڈاکٹر فاروق رحمان سومرو نے ہفتے کو بین الاقوامی مرکز برائے کیمیائی و حیاتیاتی علوم (ا?ئی سی سی بی ایس) جامعہ کراچی میں اپنے لیکچر کے دوران کہی۔

اس موقع پر آئی سی سی بی ایس جامعہ کراچی کے سربراہ پروفیسر ڈاکٹر محمد اقبال چوہدری بھی موجود تھے۔ ڈاکٹر فاروق سومرو نے کہا کہ ایک تحقیق کے مطابق یہ مرض زائرین سعودی عرب اور ایران سے اپنے ساتھ لاتے ہیں، انھوں نے کہا زائرین کی ملک آمد کے راستوں پر انفیکشن اسکریننگ نظام قائم ہونا چاہیے۔ سندھ میں یہ مرض اب وبائی صورت حال سے باہر ہے، اس جلدی مرض کی تین اہم اقسام ہیں جس میں وسسیرل(کالاآزار)، کوٹینیس اور میوک کوٹینیس ہیں، زیادہ ترلشمانیاس کے پیراسائٹس زونوٹک ہوتے ہیں جو جانوروں کو متاثر کرتے ہیں، اس کے جراثیم مرطوب ماحول اور گرم ایّام میں شام سے طلوعِ آفتاب کے دوران زیادہ متحرّک ہوتے ہیں۔

انھوں نے کہا اس مرض کے پھیلاو میں غذائی قلت، نقل مکانی، ناقص ہاوسنگ، کمزور جسمانی مدافعت اورغربت کا اہم کردار ہے، مرض کی علامات میں جلدی سوجن جو متاثر ہونے کے ہفتوں اور مہینوں بعد ظاہر ہوتے ہیں۔ پروفیسر اقبال چوہدری نے کہا کہ دنیابھر میں غذائی قلت جسمانی مدافعت کی کمی کا اہم سبب ہے جبکہ انفیکشن اور غذائی قلت کا گہرا تعلق ہے۔

پاکستان میں غذائی قلت اور جسمانی مدافعت کی کمی لشمانیاس کے پھیلاؤ کا اہم اسباب ہیں، یہ مرض سندھ اور ملک کے دیگر علاقوں میں غریب آبادی کو زیادہ نقصان پہنچاتے ہیں، انھوں نے کہا افسوس ناک امر یہ ہے کہ جنرل پریکٹیشنرز بنیادی تربیت سے محروم ہیں جس کی وجہ سے وہ مرض کی تشخیص کرنے سے بھی قاصر نظر آتے ہیں۔

ایمز ٹی وی (انٹرٹینمنٹ)خوف اور تجسس سے بھر پور فلم ’گیٹ آؤٹ‘ آتے ہی چھا گئی۔ 3 ارب 20 کروڑ روپے کما کر ٹاپ پوزیشن حاصل کرلی جس نے آتے ہی 2 ہفتوں سے پہلے نمبر پر براجمان فلم ’لیگو بیٹ مین‘ کو ٹاپ پوزیشن سے آئوٹ کردیا ۔ ’گیٹ آئوٹ‘ کی کہانی ایک ایسے سیاہ فام امریکی نوجوان کے بارے میں ہے جو اپنی گرل فرینڈ کی فیملی سے ملاقات کے لیے اس کے گھر جاتا ہے جہاں اسے معلوم ہوتا ہے کہ اس گھر میں کام کرنے والے بہت سے سیاہ فام ملازمین پراسرار طور پر غائب ہوچکے ہیں ۔

فلم نے صرف تین دنوں میں3 ارب 20 کروڑ روپے کما کر ٹاپ پوزیشن حاصل کرلی اور گزشتہ 3 ہفتوں سے پہلے نمبر پر رہنے والی فلم ’دی لیگو بیٹ مین‘ اس ہفتے دوسرے نمبر پر آگئی ۔ اس ہفتے ’دی لیگوبیٹ مین‘ کی آمدنی2 ارب10 کروڑ روپے رہی ،یہ فلم 2014ء میں ریلیز ہونے والی ’دی لیگو مووی‘کا سیکوئل ہےجس کی کہانی لیگو سے بنے سپر ہیرو بیٹ مین کے گرد گھومتی ہے۔

ہیرو کے سامنے Gotham City کو بچانے کا مشن ہےجہاں جوکرز کے روپ میں دشمن حملہ کردیتے ہیں اور پھر ایکشن سے بھرپور ہنگامہ شروع ہوتا ہے ۔ لرزہ خیز مناظر سے بھرپور نئی مووی ’جان وِک چیپٹر ٹو‘ 95 کروڑ روپے آمدنی کے ساتھ تیسرے نمبر پر رہی۔فلم کی کہانی ایک ایسے شخص کے گرد گھومتی ہے جو جرائم کی دنیا کو خیرباد کہہ چکا تھا مگر حالات ایسے کردئیے جاتے ہیں کہ وہ دوبارہ جرائم کی دنیا کی جانب جانے لگتا ہے ۔

ایمز ٹی وی ( تعلیم /کراچی ) اعلیٰ تعلیمی کمیشن کی کوالٹی ایشورنس ایجنسی نے اپنی حالیہ درجہ بندی میں اقراء یونیورسٹی کے کوالٹی انہانسمنٹ سیل کو سب سے بڑی ’’ڈبلیو‘‘ کیٹیگری دے دی ہے اور ادارے کو 97.5فیصداسکور دیا ہے۔ جامعات کی اپنی جانچ کیلئے قائم اس نظام کے تحت جامعات اپنے اکیڈمک پروگرام کی ترقی اور اس کے معیار کا جائزہ لیتی ہیں جو تمام جامعات میں رائج ہے۔

گزشتہ کئی سالوں سے اقراء یونیورسٹی کے ڈیپارٹمنٹQEC کو W کیٹیگری ہی ایوارڈ کی جارہی ہے جو کہ اقراء یونیورسٹی کی بہترین مینجمنٹ اوراعلٰی تعلیمی معیار کا منہ بولتا ثبوت ہے۔ حال ہی میں مقرر کئے گئے اقراء یونیورسٹی کے وائس چانسلر ڈاکٹر وسیم قاضی نے ڈپارٹمنٹ کے زیر اہتمام ایک سیمنار میں خطاب کرتے ہوئے اقراء یونیو رسٹی کے فیکلٹی ممبرزاور اسٹاف ممبرز کی تعلیمی قابلیت اور یونیور سٹی کے معیار تعلیم کی تعریف کی اور کہا کہ کوالٹی ایشورنس میکینسم کو بین الاقوامی معیار کے مطابق مزید مستحکم اور مظبوط بنا نے پر زور دیا۔