Reporter SS
ایمزٹی وی(آزاد کشمیر)صدر آزاد کشمیر سردار مسعود خان نے کہا ہے کہ برطانوی ایوان زیریں میں مسئلہ کشمیر پر تین گھنٹے بحث مقبوضہ کشمیر میں انسانی حقوق کی پامالی کی مذمت مسئلہ کشمیر کو اقوام متحدہ کی قراردادوں کے مطابق پر امن اور جمہوری انداز میں حل کرنے کا مطالبہ کشمیری قوم کی بڑی سفارتی کامیابی ہے ۔
بحث سے ثابت ہو گیا ہے کہ کشمیری تنہا نہیں ۔ بھارت کی طرف سے مسئلہ کشمیر پر پاکستان کو تنہا کرنے کے تمام دعوے کھوکھلے ثابت ہوئے ۔
ان خیالات کا اظہار انہوں نے گزشتہ روز یہاں راجہ نجابت حسین کی قیادت میں ملاقات کرنے والے جموں وکشمیر تحریک حق خود ارادیت کے وفد سے گفتگو کرتے ہوئے کیا۔ انہوں نے کہا کہ کشمیری حق خود ارادیت سے کم کسی پیشکش پر راضی نہیں ہونگے ۔
ایمزٹی وی(سکھر)پرویز مشرف نے کہا ہے کہ درگاہوں پر حملہ کرنے والوں کا کوئی مذہب نہیں ہوتا۔
میڈیا ذرائع کے مطابق سابق صدر جنرل(ر)پرویز مشرف نے کہا ہے کہ درگاہوں پر حملہ کرنے والوں کا کوئی مذہب نہیں ہوتا،کوشش ہے اچھے سیاستدانوں کوساتھ ملاکرتیسری قوت کے طورپرکام کیاجائے،کراچی میں ایم کیو ایم کو دو حصوں میں تقسیم کیا گیا۔
آل پاکستان مسلم لیگ کے سربراہ نے ورکرکنونشن میں ٹیلی فونک خطاب کرتے ہوئے کہا ہے کہ دہشتگرد پاکستان کے دشمن ہیں،،لعل شہباز قلندر پر خودکش حملے کی مذمت کرتا ہوں،جلد مستقبل کا فیصلہ کروں گا،پاکستان سے باہر دبئی میں بیٹھنے میں سکون نہیں، کوشش ہے کے اچھے سیاستدانوں کو ساتھ ملاکرتیسری قوت کے طور پر کام کیا جائے۔
ایمزٹی وی(لاہور)جماعت اسلامی کے امیر سراج الحق نے کہاہے کہ سیاسی پنڈت اپنی عیاشاں کرنے میں مگن ہوچکے ہیں جبکہ غریب عوام بنیادی سہولیات سے بھی محروم ہیں۔
تفصیلا ت کے مطابق سراج الحق کامیڈیا سے گفتگو کرتے ہوئے کہنا تھا کہ 70سال میں جمہوریت کے نام پر عوام کا بدترین استحصال کیاگیا،جھوٹ بول کر لوگوں کو اندھیرے میں رکھا گیا جبکہ جماعت اسلامی کی قیادت عام آدمی اور پسے ہوئے طبقات کی آواز ہے۔
انہوں نے کہا کہ میرا عوام کو مشورہ ہے کہ وہ اپناانتخابی رویہ تبدیل کریں اورآزمائے ہوئے لوگوں کوگردنوں پر سوار نہ کریں،استحصالی نظام ختم کیے بغیر دہشتگردی سے نجات نہیں ملے گی۔دولت کی غیر منصفانہ تقسیم نے ہمارے معاشرے کو تبدیلی کر دیا ہے اور اگر ہم اپنے ملک کو خوشحال بناناچاہتے ہیں تو ہمیں معاشی ناہمواریوں کا خاتمہ کرنا ہوگا۔
ایزٹی وی(کراچی)سانحہ لعل شہباز قلندر کے بعد دہشت گردی کے مزید خدشہ کے پیش نظر کراچی میں 15 روز کے لئے دفعہ 144 نافذ کر دی گئی ہے۔
میڈیا ذرائع کے مطابق محکمہ داخلہ سندھ کی جانب سے جاری نوٹی فکیشن کے مطابق کراچی میں 15 روز کے لئے دفعہ 144 نافذ کر دی گئی ہے۔
جس کے تحت ایم اے جناح روڈ، تبت سینٹر، کلفٹن سمیت مخصوص مقامات پر جلسے جلوس اور اجتماعات پر پابندی عائد کر دی گئی ہے۔
محکمہ داخلہ کے مراسلے کے مطابق کراچی میں دفعہ 144 آئی جی سندھ اے ڈی خواجہ کی سفارش پر لگائی گئی ہے جس کا اطلاق آج رات 12 بجے سے ہوگا۔
ایمزٹی وی(مانٹرنگ ڈیسک)امریکی سائنسدانوں نے پودے کے خلیات (سیلز) سے ایسی دوا تیار کر لی ہے جو ہیموفیلیا کے جینیاتی مرض کے علاج میں کارگر ثابت ہو سکتی ہےمالیکیولر تھراپی جرنل میں شائع رپورٹ کے مطابق امریکی سائنسدانوں کی تیار کردہ دوا جسم میں خون کے لوتھڑے بنانے والے عوامل کو روکنے کی بجائے اسے برداشت کرتی ہے اور اس دوا کو تجرباتی طور پر ہیموفیلیا کے مریض کتوں پر آزمایا گیا جس سے انسانوں کے علاج کی راہ بھی ہموار ہوگی۔
پینسلوانیا یونیورسٹی کے پروفیسر ہنری ڈینیئل کے مطابق اس دوا کے ڈرامائی نتائج نکلے ہیں، ہماری دوا نے خون کے لوتھڑے بننے کے اوقات ٹھیک کر کے کتوں کی بیماری کو دور کرنے میں مدد دی۔ ان کے مطابق اب اس دوا کو انسانوں پر بھی آزمایا جا سکے گا۔
ہیموفیلیا کے مریضوں کو مزید پیچیدگیوں سے بچنے کے لیے ایسی دوا مسلسل کھانا پڑتی ہیں جو خون جمنے میں مدد دے۔ اس کے لئے ڈاکٹر ہنری نے پودے کی مدد سے دوا سازی کا ایک پلیٹ فارم بنایا ہے جس کے لئے پودے میں جینیاتی تبدیلیاں کچھ اس طرح کی گئی ہیں کہ اس کے پتے خاص انسانی پروٹین تیار کرتے ہیں۔ ماہرین چاہتے تھے کہ مریضوں کے جسم میں وہ اینٹی باڈیز بننے سے روکی جائیں جو خون کے لوتھڑے بننے کے عمل کو روکتی ہیں۔
سائنسدانوں کا کہنا ہے کہ کتوں پر تجربات سے پہلے بھی کئی ابتدائی آزمائشوں میں یہ طریقہ بہت مؤثر ثابت ہوا۔ ان کا خیال ہے کہ پودے میں تیار کردہ پروٹین جسم میں خون کے لوتھڑے بننے میں مدد دیتے ہیں اور اس طرح مریض کے کان اور ناک سے خون کا بے دریغ بہاؤ روکا جاسکتا ہے تاہم سائنسدانوں کے مطابق ہیموفیلیا بی کے لیے اگلے مرحلے میں تجربات کئے جائیں گے جو اس مرض کی قدرے مشکل اور پیچیدہ شکل ہے۔
ایمزٹی وی(صحت)سوئی سدرن گیس کمپنی کی جانب سے بلدیہ عظمیٰ کراچی کے سب سے بڑے عباسی شہید اسپتال کی گیس بحال کردی گئی۔
بلدیہ عظمیٰ کراچی کے سینئر ڈائریکٹر ہیلتھ سروسز ڈاکٹر محمد علی عباسی کے مطابق سوئی سدرن گیس کمپنی کو واجبات کی ادائیگی کی یقین دہانی اور مریضوں کو درپیش مسائل کے پیش نظر گیس کی بحالی کردی گئی ہے ۔ پیر سے تما م آپریشنز معمول کے مطابق ہوںگے ۔
ترجمان سوئی سدرن گیس کمپنی کے مطابق عباسی شہید اسپتال دو کرو ڑ روپے سے زائد کا نادہندہ ہے ،عدم ادائیگی پر گیس کنکشن منقطع کیا گیا تھا۔
ایمزٹی وی(اسپورٹس)غیر معمولی صلاحیتوں کے مالک پانچ نوجوانوں پر مبنی ہالی ووڈ کی نئی سائنس فکشن ڈرامہ فلم ’پاور رینجرز‘کا نیا ٹریلر جاری کر دیا ہے۔
ہدایتکارڈین اسرائیلٹ کی اس فلم کی کہانی چھوٹے سے ٹاؤن کے رہائشی ایسے پانچ ایسے طالب علموں کے گِرد گھومتی ہے جنہیں زمین کی حفاظت کیلئے ایسی طاقت مل جاتی ہے جس کی بدولت یہ نوجوان خطرناک دشمنوں سے لڑتے ہوئے انسانوں کی جان بچاتے ہیں اور پھر پاور رینجرزکہلانے لگتے ہیں ۔
ہایم سبان،برائن کیسٹینی اورویک گوڈفری کی مشترکہ پروڈکشن میں بننے والی اس سنسنی خیز ڈرامہ فلم میں اداکار ڈیکری مونٹ گومری ، نومی ا سکاٹ ، آر جے سائیلر، بیکی جے، لوڈی لِن ، برائن کرینسٹن اورالزبیتھ بینکس اہم کرداروں میں جلوہ گر ہو رہے ہیں۔
ایک سو پچاس ملین ڈالرلاگت سے بننے والی اس ایکشن تھرلر فلم کولائنز گیٹ اسٹوڈیوز کے تحت24مارچ کونمائش کیلئے پیش کر دیا جائیگا۔
ایمزٹی وی(انٹرٹینمنٹ)ہالی وڈ کی ایکشن اور ایڈونچر نے بھرپور نئی فینٹسی ہارر فلم’ 'کانگ اسکل آلینڈ‘کے نئے کلپس جاری کر دئیے گئے ہیں۔ جورڈن واگٹ رابرٹ کی ہدایتکاری میں بننے والی اس فلم کی کہانی اس بار بھی ایک ایسے دہشت ناک اور عظیم الجثہ گوریلے پر مبنی ہے، جو گھنے اور پر اسرار جنگلات میں رہتا ہے۔
گوریلے کی تلاش میں شکاریوں کا گروہ اسکل آئی لینڈ نامی ایک ایسے خوفناک جزیرے پر پہنچ جاتا ہے، جہاں کوئی انسان قدم رکھنے کی ہمت نہیں کرتا، قدیم جنگلی قبائل اور دیوہیکل گوریلے کی رہائش گاہ پہنچ کر شکاری خود کس طرح شکار ہوتے ہیں، یہ مناظریقیناً دیکھنے والوں کے دل دہلا دیںگے۔
تھامس ٹُل ، جان جاشنی اور میری پیرنٹ کی مشترکہ پروڈکشن میں بننے والی اس فلم میں ہالی وڈ اداکارٹام ہیڈلسٹن،بری لارنس، سیموئل ایل جیکسن، ٹابی کیبل، کورے ہاکنز، جیسن مشیل ، جان سی ریلے، ٹام وِلکنسن،تھامس مان اور جان گُڈمین اپنی اداکاری کے جوہر دکھارہے ہیں ۔
190ملین ڈالر لاگت سے لیجنڈنری پکچرز کی تیار کردہ ایکشن اور ایڈونچر سے بھرپور اس فینٹیسی مونسٹر فلم کووارنر بروس پکچرز کے تحت 10مارچ کو سنیماگھروں میں نمائش کیلئے پیش کر دیا جائیگا۔
واضح رہے کہ 1933ءسے اب تک عظیم الجثہ گوریلاپر کئی فلمیں بنائی جا چکی ہیں جبکہ اسی سلسلے کی آخری فلم 2005ءمیں پیٹر جیکسن کی ہدایتکاری میں
ایمزٹی وی(میرپور)پاکستان میں حالیہ دہشت گردی کے واقعات پر میرپور میں انتظامیہ ، پولیس اورحساس اداروں کی مشترکہ کاروائی میں درجنوں غیرقانونی رہائش پذیرکو گرفتار کر لیا گیا،گرفتار ہونے والوں میں افغانی ،نارتھ ساوتھ وزیرستان ایجنسی کے غیر قانونی لوگ شامل ہیں ۔
گزشتہ رات سے تھانہ سٹی کی حدود میں پولیس اور احساس اداروں کا سرچ اپریشن جاری ہے جبکہ ضلع بھر میں غیر قانونی رہائش پزیر افراد کے خلاف دائرہ تنگ کیا جا رہاہے ۔ضلعی انتظامیہ،پولیس اور احساس اداروں پر مشتمل ٹیمیں جگہ جگہ چھاپے ماررہی ہیں ۔ضلعی انتظامیہ اور پولیس نے بھی عوام الناس سے کہا ہے کہ وہ کسی بھی جگہ کوئی مشکوک شخص دیکھیں تو اس کے بارے میں فوری اطلاع کریں ۔سماج دشمن عناصر کسی رعایت کے مستحق نہیں ہیں ۔
انہوں نے ضلع بھر میں مالکان جائیداد ،بلڈنگ ،دکانوں اور دیگر کرایہ پر دینے والوں کو بھی سختی سے ہدایت کی کہ وہ کسی بھی غیر قانونی رہائش پزیر افراد کے بارے میں فوری اطلاع دیں بصورت دیگر ان کے خلاف بھی کارروائی ہوگی اور انہیں قید اوربھاری جرمانے کی سزائیں بھی دی جاسکتی ہیں ۔لہذا ضلع بھر میں مالکان اپنی اپنی جائیداوں پر رہنے والے کرایہ داروں کی نسب اطیمان حاصل کر لیں کہ وہ غیر ملکی تو نہیں ہیں ۔مالکان کرایہ داروں کی رجسٹریشن قریبی تھانوں میں کروائیں۔
ایمزٹی وی (اسپورٹس)پاکستان سپر لیگ میں آج پشاور زلمی اور کراچی کنگز کا مقابلہ ہو گا۔ذرائع کے مطابق دبئی میں جاری پاکستان سپر لیگ کے تیرہویں میچ میں آج کراچی کنگز اور پشاور زلمی آپس میں ٹکرائیں گی ۔میچ پاکستانی وقت کے مطابق رات 9بجے شروع ہو گا ۔
پوائنٹس ٹیبل پر کوئٹہ گلیڈی ایٹرز پہلے نمبر پر ہے جس کے بعد اسلام آباد یونائیٹڈاور تیسرے نمبر پر پشاور زلمی ہے ۔ لاہو رقلندرز اور کراچی کنگز چوتھے اور پانچویں نمبر پر ہیں ۔