Reporter SS
ایمزٹی وی(اسلام آباد)پاناما کیس میں عوامی مسلم لیگ کے سربراہ شیخ رشید کی درخواست پر وزیراعظم نواز شریف کے وکیل نے سپریم کورٹ میں جواب جمع کرا دیا ہے۔
میڈیا ذرائع کے مطابق شیخ رشید کی جانب سے آئین کے آرٹیکل 62 اور 63 کے تحت وزیراعظم نواز شریف کو نا اہل قرار دیئے جانے سے متعلق درخواست پر وزیراعظم کے وکیل نے سپریم کورٹ میں جواب جمع کرا دیا ہے۔
وزیراعظم کے وکیل کی جانب سے جمع کرائے گئے جواب میں کہا گیا ہے کہ شیخ رشید نے آرٹیکل 62 اور 63 کے تحت نااہل ہونے کا کوئی ثبوت نہیں دیا محض الزامات عائد کئے، وزیراعظم عوام کے منتخب نمائندے ہیں اس لئے انہیں محض الزامات کی بنا پر نا اہل قرار نہیں دیا جا سکتا۔
جواب میں مزید کہا گیا ہے کہ مریم نواز وزیراعظم کے زیر کفالت نہیں ہیں اور نا ہی شیخ رشید نے ٹیکس چوری کا کوئی ثبوت فراہم کیا ہے، اس لئے درخواست کو جرمانے کے ساتھ واپس کیا جائے۔
ایمز ٹی وی(انٹرٹینمنٹ) سمندر کی سینتالیس میٹر گہرائی میں خوف کا عالم،دہشت کا راج،زیر سمندرکی سیر گلے پڑ گئی اورشارک پیچھے لگ گئی،دو تیراک بہنوں کی سنسنی خیز فلم’47میٹرز ڈاؤنـ‘ کا ٹریلر جاری ہو گیا۔
جوہانز رابرٹس کی ہدایت کاری میں بننے والی اس فلم کی کہانی دو ایسی بہنوں کے گرد گھوم رہی ہے جو سیر و تفریح کیلئے زیر سمندر موجود پنجرے میں قید ہوکر آبی حیات کا نظارہ کرنے جاتی ہیں لیکن بری طرح پھنس جاتی ہیں۔
فلم کی کاسٹ میں مینڈی موور،کلیئر ہولٹ،میتھیو موڈائن،یانی جیلمین اور کرس جے جانسن سمیت دیگر اداکار شامل ہیں۔
جیمز ہیرس کی پروڈیو زکردہ سنسنی خیزمناظر سے بھرپور یہ فلم رواں سال سینما گھروں کی زینت بنے گی۔
ایمزٹی وی(سندھ) سانحہ درگاہ لعل شہباز قلندر میں جاں بحق افراد کی باقیات کی بے حرمتی کا انکشاف ہومیڈیا ذرائع کے مطابق دو روز قبل سانحہ سہیون میں شہید ہونے والے افراد کی لاشوں کے اعضاء مزار کے قریب موجود نالے اور کچرے کے ڈھیر میں پائے گئے ہیں جنہیں آوارہ کتے اور دیگر جانور کھا رہے ہیں۔
دوسری جانب ڈپٹی کمشنر سہون کا کہنا ہے کہ انہوں نے بھی میڈیا کے ذریعے اور کچھ لوگوں سے اس قسم کی خبریں سنیں ہیں لیکن کوئی یہ نہیں بتا رہا کہ لاشوں کے اعضا کہاں پڑے ہیں۔ انہوں نے کہا کہ لاشوں کے اعضا نالے اور کچرے کے ڈھیر تک پہنچنے کے واقعہ کی تحقیقات کا آغاز کر دیا گیا ہے۔
وزیراعلیٰ سندھ نے سیآہون دھماکے میں جاں بحق ہونے والے افراد کی لاشوں کے اعضا کے ساتھ بے حرمتی کی خبروں کا نوٹس لیتے ہوئے ڈپٹی کمشنر سیہون سے رپورٹ طلب کر لی ہے۔ انہوں نے انسانی اعضا کو اکٹھا کر کے فوری طور پر دفنانے کی ہدایت جاری کرتے ہوئے کہا کہ غفلت میں مرتکب افراد کے خلاف سخت کارروائی کی جائے۔
ایمز ٹی وی(انٹرٹینمنٹ) فلم ساز راج کمار ہیرانی نے سنجے دت کی زندگی پر فلم بنا کر کئی بھارتی اداکاروں کے دل خوش کردئیے ہیں۔
یہ بات سب جانتے ہیں کہ معروف بھارتی اداکار کی زندگی کسی رولر کوسٹر سے کم نہیں ہے یہی وجہ ہے کہ بھارتی فلم ساز نے سجنے دت کی زندگی پر فلم بنانے کا فیصلہ کیا۔
پہلے بھی راج کمار ہیرانی نے سجنے دت کے ڈوبتے ہوئے کیرئیر کو بہتر بنانے کے لئے ‘منا بھائی ایم بی بی ایس’ فلم بنائی تھی جس سے سنجے دت کو خوب پسند کیا گیا تھا۔
اب کی بار بھی ہیرانی نے ان پر فلم بنانے کا فیصلہ کیا اور اس میں کئی مشہور بھارتی اداکاروں کو کاسٹ کیا ہے۔
اس فلم میں سنجے دت کا کردار مشہور بھارتی اداکار رنبیر کپور نبھا رہے ہیں۔ جس کے لئے انھوں نے کافی وزن بھی بڑھایا ہے۔
سونم کپور بھی اس فلم میں سنجے دت کی محبوبہ کے کردار میں نظر آئیں گی۔ رنبیر اور سونم 10 سال بعد سلور اسکرین پر دوبارہ ایک ساتھ جلوہ گر ہوں گے۔
فلم میں سنجے دت کی والدہ اداکارہ نرگس کا کردار ماضی کی مشہور اداکارہ منیشا کوئرالہ ادا کریں گی، کینسر کے خلاف لڑنے کے بعد مینشا کی یہ پہلی فلم ہے۔ اداکارہ نرگس بھی کینسر کے باعث انتقال کرگئیں تھیں۔
سجنے دت کی اہلیہ کا کردار اداکارہ دیا مرزا ادا کررہی ہیں۔ فلم میں سنجے دت کا اپنے والد کے ساتھ گہرا رشتہ بھی دیکھایا گیا ہے اور ان کے والد کا کردار بھارتی اداکار وینود چوپڑا ادا کریں گے۔
ایمزٹی وی(اسپورٹس)قومی کرکٹر شعیب ملک کی اہلیہ اور ٹینس اسٹار ثانیہ مرزا بھی بھارتی میڈیا کی لگائی بجھائی پر برس پڑیں جن کا کہنا ہے کہ میڈیامیری کامیابی کا ذکر کرنے کی زحمت نہیں کرتا مگر میرے انکم ٹیکس معاملے پرسینکڑوں مضامین لکھ دیتا ہے۔
میڈیا ذرائع کے مطابق اپنے سوشل میڈیا پیغام میں ان کا کہنا تھا کہ میڈیا پر مثبت خبروں کے مقابلے منفی خبریں زیادہ بکتی ہیں اور ایسے میڈیا کو کھڑے ہو کر داد دینی چاہئیے۔
یاد رہے چند روز قبل ثانیہ مرزا کو مبینہ ٹیکس چوری کے معاملے پر محکمہ انکم ٹیکس نے ٹونس جاری کیا تھا۔ان کے چارٹرڈ اکاﺅنٹنٹ نے سروسز ٹیکس حکام کے سامنے حاضر ہوکر تفصیلات پیش کر دی تھیں۔
ایمز ٹی وی(انٹرٹینمنٹ) بارودی سرنگوں سے بھرے ریگستان میں زندگی کی جنگ لڑنے میں مصروف امریکی فوجی،سنسنی سے بھرپور نئی ہالی وڈ تھرلر فلم’ 'مائن‘ 'کا پہلا ٹریلرریلیز کر دیاگیا ہے ۔
فلم ’مائن ‘ کی کہانی ایک ایسے فوجی کے گرد گھومتی ہے جو ریگستان میں بارودی سرنگوں کے جال میں گھرا ہوا ہے ۔ وہ ماہر نشانے باز ہے لیکن اپنے مشن میں ناکام ہو جاتا ہے ۔
بارودی سرنگوں سے بھرے ریگستان میں زندگی اور موت کے درمیان پھنسے اس فوجی کو امداد کے لیے52گھنٹے انتظار کرنا ہوتا ہےمگر پھرایک کے بعد ایک مصیبت اسے گھیر لیتی ہے ۔
فلم 7اپریل کو سنیما گھروں میں نمائش کےلیے پیش کی جائے گی ۔
ایمزٹی وی(اسلام آباد) داعش کی جانب سے سیہون شریف میں سخی لال شہباز قلندر کے مزار پر خودکش حملے کی ذمہ داری قبول کرنے کے بعد وفاقی حکومت نے پہلی مرتبہ اعتراف کیا ہے کہ پاکستان کے مختلف علاقوں میں داعش کے کارندے موجود ہیں ۔ اس موقف کا انکشاف وزیر مملکت بلیغ الرحمان نے سینیٹ کے ان کیمرہ اجلاس میں کیا ۔
ہفتے کے پہلے 2ایام میں پانچ خودکش حملوں کے حوالے سے چیئرمین سینیٹ رضا ربانی کے خصوصی احکامات پر بلائے گئے ان کیمرہ اجلاس میں انکشاف کیا گیا کہ ملک میں دہشتگردی کے حالیہ واقعات میں داعش ملوث ہے ۔
بریفنگ میں موجود چند ارکان نے نام نہ بتانے کی شرط پر بزنس ریکارڈر کو بتایا کہ بلیغ الرحمان نے اپنے بیان میں یہ بھی کہا کہ ”قوم کو داعش کا خاتمہ کرنے کیلئے تیار رہنا چاہئیے“۔ارکان کا کہنا تھا کہ بریفنگ کے دوران وزیر مملکت پہلے تو دہشتگردی کے خلاف سرکاری موقف کو دہراتے رہے مگر پھر انہوں نے ملک میں دہشتگردی کی تازہ لہر کے پیچھے چھپی وجوہات اور حقیقی کرداروں کو بے نقاب کرنا پڑا ۔
بلیغ الرحمان نے سینیٹ کو بریفنگ کے دوران مزیدکہا کہ اس بات سے کوئی انکار نہیں کہ پاکستان میں دہشت گردی کی کارروائیوں کیلئے افغان سرزمین استعمال کی جا رہی ہے جبکہ کچھ مطلوب دہشتگردوں کی حوالگی کیلئے افغان حکام کو ایک لسٹ بھی دی گئی ہے ۔
ارکان نے حکومت سے مطالبہ کیا اگر افغانستان اپنی سرزمین پاکستان کے خلا ف استعمال کرنے کے اقدامات کی روک تھام نہیں کر تی تو افغان مہاجرین کو فوری طور پر وطن واپس بھیجا جائے ۔”ہم گزشتہ تین دہائیوں سے لاکھوں افغانیوں کی مہمان نوازی کر رہے ہیں مگر ادھر سے بدلے میں خودکش حملہ آور بھیجے جا رہے ہیں“۔
ایمزٹی وی(اسلام آباد)پاکستان مسلم لیگ ق کے ضلعی صدر عظمت خان داﺅدزئی ساتھیوں سمیت مسلم لیگ ن میں شامل ہوگئے ہیں۔ تفصیلات کے مطابق عظمت خان نے امیر مقام سے ملاقات کے دوران شمولیت کا اعلان کیا ۔
اس موقع پر انجینئر امیر مقام نے کہاکہ ہر روز بڑی تعداد میں عوام،سیاسی رہنمان لیگ میں شمولیت اختیار کررہے ہیں اور یہ میاں نواز شریف کی کارکردگی کی وجہ سے ہے۔
انہوں نے کہا کہ سی پیک اور پاکستان کی ترقی بھارت سے ہضم نہیں ہورہی ہے ،قیام امن ساری قوم کا مسئلہ ہے۔امیر مقام نے کہا کہ دہشت گردوں کے خلاف آخری دم تک لڑ کر امن قائم کریں گے،پاکستان تیزی سے ترقی کررہا ہے۔
ان کا کہنا تھا کہ دہشتگردوں کی تلاش کیلئے شہری انٹیلی جنس اداروں سے تعاون کریں،ہم نے دکھانا ہے کہ ہم ڈرنے والے نہیں ہیں۔امیر مقام کا مزید کہنا تھا کہ پاکستان کی ترقی دیکھ کر ملک دشمن عناصر سازشوں میں لگے ہیں،دہشت گردی کاناسور ختم کرنے کیلئے قوم اورسیکیورٹی فورسز متحد ہیں۔آخر میں ان کا کہنا تھا کہ قوم دہشت گردی ختم کرنے کے مشن میں نوازشریف کاساتھ دے،دہشتگردوں،سہولت کاروں پرنظررکھناپوری قوم کی ذمے داری ہے۔
ایمز ٹی وی (صحت) صحت سے متعلق تحقیقی کام کرنے والی تنظیموں نے حکومت کو آئندہ مردم شماری کے دوران 5 بڑی بیماریوں سے متعلق ڈیٹا حاصل کرنے کی تجویز دی ہے۔ حکومت کو ذیابیطس، بلڈ پریشر، موٹاپے، ہیپاٹائٹس اور عارضہ قلب سے متعلق بیماریوں کے اعداد وشمار اکٹھے کرنا کا مشورہ دیا گیا ہے۔ تنظیموں کے مطابق ان بیماریوں سے متعلق آئندہ مردم شماری کے دوران ڈیٹا حاصل کرنے سے مستقبل میں ان سے نمٹنے کے لیے لائحہ عمل تیار کرنے میں مدد ملے گی۔
پاکستان ہیلتھ ریسرچ ایڈوائزری بورڈ (پی ایچ آر اے بی) اور پاکستان کارڈیاک سوسائٹی( پی سی ایس) کی جانب سے مقامی ہوٹل میں پریس کانفرنس کے بعد جاری کیے گئے بیان میں کہا گیا کہ آئندہ ماہ منعقد ہونے والی مردم شماری 5 اہم ترین بیماریوں سے متعلق ڈیٹا حاصل کرنے کے لیے ہمارے پالیسی سازوں کے لیے اہم ترین موقع ہے۔
پی ایچ آراے بی کے ڈاکٹر عبدالباسط نے کہا کہ انہوں نے 2 ہفتے قبل وفاقی سیکریٹری برائے صحت سے اسلام آبا د میں ملاقات کے دوران مردم شماری کے دوران 5 اہم بیماریوں سے متعلق ڈیٹا حاصل کرنے کے لیے مشورہ دیا تھا، تاکہ ان بیماریوں کے بوجھ کا اندازہ لگاکر قومی سطح پر مستقبل کے لیے ان سے نمٹنے کے لیے لائحہ عمل تیار کیا جاسکے۔ ان کے مطابق اس وقت ہمارے پاس ذیابیطس، بلڈ پریشر، موٹاپے، ہیپاٹائٹس اور عارضہ قلب سے متعلق بیماریوں سے متعلق کوئی بھی معلومات دستیاب نہیں ہے، اس لیے ہم ان بیماریوں سے بچنے کے لیے کوئی بھی حکمت عملی تیار نہیں کرسکتے۔ انہوں نے مزید بتایا کہ اس وقت حتمی طور پر کوئی بھی یہ نہیں جانتا کہ ان بیماریوں کے کتنے مریض ملک میں موجود ہیں۔ انہوں نے دعویٰ کیا کہ ڈاکٹرز کے مطابق ہسپتال میں آنے والا ہر تیسرا یا چوتھا شخص ذیابیطس کا مریض ہوتاہے.
پی ایچ آراے بی کے ڈاکٹر عبدالباسط نے کہا کہ انہوں نے 2 ہفتے قبل وفاقی سیکریٹری برائے صحت سے اسلام آبا د میں ملاقات کے دوران مردم شماری کے دوران 5 اہم بیماریوں سے متعلق ڈیٹا حاصل کرنے کے لیے مشورہ دیا تھا، تاکہ ان بیماریوں کے بوجھ کا اندازہ لگاکر قومی سطح پر مستقبل کے لیے ان سے نمٹنے کے لیے لائحہ عمل تیار کیا جاسکے۔ ان کے مطابق اس وقت ہمارے پاس ذیابیطس، بلڈ پریشر، موٹاپے، ہیپاٹائٹس اور عارضہ قلب سے متعلق بیماریوں سے متعلق کوئی بھی معلومات دستیاب نہیں ہے، اس لیے ہم ان بیماریوں سے بچنے کے لیے کوئی بھی حکمت عملی تیار نہیں کرسکتے۔ انہوں نے مزید بتایا کہ اس وقت حتمی طور پر کوئی بھی یہ نہیں جانتا کہ ان بیماریوں کے کتنے مریض ملک میں موجود ہیں۔ انہوں نے دعویٰ کیا کہ ڈاکٹرز کے مطابق ہسپتال میں آنے والا ہر تیسرا یا چوتھا شخص ذیابیطس کا مریض ہوتاہے.
اسی تناسب سے ملک کی 25 سے 33 فیصد آبادی ذیابیطس کے مرض میں مبتلا ہے، جس کا مطلب یہ ہے کہ وہ افراد دل کی بیماریوں سمیت ذیابیطس سے منسلک صحت کے دیگر مسائل میں مبتلا رہے ہیں‘۔ ان کے مطابق ملک میں ایک کروڑ کے لگ بھگ بچے موٹاپے کا شکار ہیں، جن کے آئندہ 10 سال کے دوران ذیابیطس یا دل کی بیماریوں کے مریض ہونے کے خدشات ہیں، یہ ایک خطرناک صورتحال ہے، حکام کو اس طرف توجہ دینی چاہئیے۔ پی سی ایس کے نو منتخب صدر پروفیسر ڈاکٹر نعیم اسلم کا کہنا تھا کہ پاکستان میں ڈاکٹرز مریضوں کا ریکارڈ رکھنے کے عادی نہیں ہیں، اگر ڈاکٹرز بیماریوں، تجویز کردہ علاج اور دوسری معلومات اپنے پاس رکھیں تو یہ ڈیٹا بہت ساری بیماریوں کی روک تھام اور ان کا بوجھ کم کرنے میں مددگار ثابت ہوسکتا ہے۔ پروفیسر افروز میمن کا کہنا تھا کہ عارضہ قلب کی بیماریاں ملک میں ہونے والے اموات کی ایک بڑی وجہ ہیں، مگر حکام کے پاس اس متعلق کوئی ڈیٹا موجود نہیں ہے، جس سے احتیاطی تدابیر مرتب کرنے میں مدد لی جاسکے۔
ایمزٹی وی(اسپورٹس)فیملی فائٹ کے بعد باکسر عامر خان نے رئیل فائٹ کی تیاری شروع کردی۔انہوں نے کہا ہے کہ اب اپنے ہی ویٹ میں عالمی ٹائٹل حاصل کروں گا۔انہوں نے فائٹ کے بعد پاکستان میں فلاحی کا م دوبارہ شروع کرنے کااعلان کر دیا۔
پاکستانی نڑاد برطانوی باکسر عامر خان نے ویلٹر ویٹ میں مقابلے کا اعلان کردیا۔عالمی ٹائٹل کے لیے فائٹ اپریل یا مئی میں ہوگی۔عامر خان کا کہنا ہے کہ یہ فائٹ امریکا یا انگلینڈ میں ہو گی۔ فائٹ کا چیلنج کرنے کیلئے کئی باکسرزکے نام زیر غور ہیں۔ عالمی ٹائٹل کے لیے زیادہ نام منی پکیو کا لیا جا رہا ہے۔