Reporter SS

بریڈ پٹ کے لیے اب بھی انجلینا جولی کے دل میں نرمی

ایمز ٹی وی (انٹرٹینمنٹ)کیا دل پگھل گیا؟ کیا واپسی کا راستہ اب بھی کھلا ہے؟ انجلینا جولی کہتی ہیں کہ وہ ایسا راستہ نکالنے کی کوشش کر رہی ہیں جو ان کے خاندان کو قریب لائے، جولی کا یہ بیان کہیں بریڈ پٹ کے لیے نرمی کا اشارہ تو نہیں؟ ستمبر 2016ءہالی ووڈ کی سب سے ہٹ جوڑی کے لیے ستم گر ثابت ہوا، جب انجلینا جولی اور بریڈ پٹ نے اپنے راستے جدا کرنے کا فیصلہ کیا اور اس دراڑ کے 5مہینے بعد انجلینا جولی نے چپ کا تالا توڑا ۔

ایک انٹرویو میں اعتراف کیا کہ علیحدگی کا فیصلہ آسان نہیں تھا،وہ بہت مشکل وقت تھا اور اب بھی ہمارا خاندان مشکل وقت سے گزر رہا ہے۔

اسی انٹرویو میں انجلینا جولی نے نرمی کا اشارہ بھی دے ڈالا،ان کا کہنا ہے کہ ان کے لیے بچے سب سے اہم ہیں اور وہ ایسا راستہ نکالنے کی کوشش کر رہی ہیں جو ان کی فیملی کو مضبوط بنائے اور ایک دوسرے کے قریب لائے۔ خاندان کو قریب لانے کی کوششیں کہیں یہ اشارہ تو نہیں کہ انجلینا جولی نے بریڈ پٹ کے لیے واپسی کا دروازہ کھلا رکھا ہے۔

بجلی کے بل زیادہ آنے پرصارفین کا شدید احتجاج

ایمز ٹی وی (راولپنڈی) راولپنڈی کے بعض ایریاز میں فروری کے مہینے میں بجلی کے بل بہت زیادہ آنے پرصارفین نے شدید احتجاج کرتے ہوئے وزارت پانی و بجلی سے نوٹس لینے کا مطالبہ کیا ہے۔ صارفین نے بتایا کہ میٹر ریڈنگ معمول کی بجائے تاخیر سے کر کے اُنکے یونٹس زیادہ دکھائے گئے ہیں جس کے نتیجہ میں ان کا بلنگ ریٹ بڑھ گیا‘ جس پر اضافی ٹیکس لگا کر محکمہ نے کروڑوں روپے کا اضافی ریونیو حاصل کر لیا۔

دھمیال سب ڈویژن سمیت شہر کے بعض دیگر ایریاز کے صارفین نے بتایا کہ ماہ فروری میں انکی میٹر ریڈنگ 13فروری کو کی گئی جبکہ 15فروری کو بل ایشو کر دیئے گئے۔

اس طرح ایک مہینے کی بجائے چالیس دن کا بل بھجوا کر صارفین سے اضافی رقم اور ٹیکس وصول کئے گئے۔ چک بیلی خان سب ڈویژن کے بعض موضعات میں بغیر ریڈنگ کے بل بھجوانے کی شکایات میں اضافہ ہو رہا ہے۔ شہریوں کو کئی کئی ماہ تک بلوں کی تصحیح کیلئے چکر لگانے پڑتے ہیں۔ صارفین نے وزارت پانی و بجلی‘ چیئرمین واپڈا‘ چیف ایگزیکٹو آئیسکو سے ماہ فروری کے بھاری بھرکم بلوں کی تحقیقات کرانے اور اضافی رقوم واپس کرنے کی اپیل کی ہے۔

انسداد تمباکو مہم کی خوفناک تصاویرکے مقابلے حسین بچپن کامیاب مہم ثابت

ایمز ٹی وی(صحت) کیا سگریٹ سے جان چھڑانا چاہتے ہیں؟ تو سب سے آسان طریقہ یہ ہے کہ بچن کی یادوں کو اپنے ذہن میں اجاگر کریں جس سے اس لت کو چھوڑنے کی ہمت مل سکے گی۔

یہ دعویٰ امریکا میں ہونے والی ایک طبی تحقیق میں سامنے آیا۔

مشی گن اسٹیٹ یونیورسٹی کی تحقیق کے مطابق تمباکو نوشی کے عادی افراد کے لیے اس سے جان چھڑانے کے لیے بچپن کی یادوں کے بارے میں سوچنا کسی انسداد تمباکو مہم کی خوفناک تصاویر کے مقابلے میں زیادہ موثر ثابت ہوتا ہے۔

تحقیق میں بتایا گیا کہ اپنی یادوں میں گم ہونا تمباکو نوش کو مگن رکھتا ہے جو کہ اسے اس لت کی جانب متوجہ نہیں ہونے دیتا۔

اس تحقیق کے دوران 18 سے 39 سال کے سیگریٹ نوشی کے عادی افراد میں کچھ کو انسداد تمباکو نوشی کے پیغامات جبکہ بچپن کی سنہری یادوں کے ذریعے اس لت سے پیچھے چھڑانے کے لیے حوصلہ افزائی کی گئی۔

نتائج سے معلوم ہوا کہ بچپن کی یادوں کے تجربے سے گزرنے والے افراد نے تمباکو نوشی چھوڑنے کے حوالے سے مضبوط اور مثبت ردعمل کا اظہار کیا۔

محققین کا کہنا تھا کہ اکثر تمباکو نوشی کے خلاف چلنے والی مہمات کے پیغامات خوف، شرم دلانے وغیرہ کے گرد گھومتے ہیں جو لوگوں پر اثرانداز نہیں ہوتے بلکہ وہ ایسے پیغامات دینے والوں سے چڑنے لگتے ہیں۔

اس کے مقابلے میں بچپن کی یادوں کو دہرانا اس وقت کے ذائقے اور خوشبوں کی یاد تازہ کردیتے ہیں اور انہیں وہ وقت بھی یاد آتا ہے جب کسی نے انہیں سگریٹ سے متعارف کرایا تھا اور وہ سنجیدگی سے اسے چھوڑنے کے بارے میں سوچنے لگتے ہیں۔

خیال رہے کہ تمباکو نوشی کم از کم گیارہ اقسام کے کینسر، امراض قلب اور دیگر متعدد امراض کا خطرہ بڑھاتی ہے۔

شاہدہ منی کے نئےگیتوں کی تشہیری مہم کا آغاز

ایمز ٹی وی (انٹرٹینمنٹ)گلوکارہ شاہدہ منی نے موسیقی کے پروگراموں میں اپنے نئے دو گیتوں کی تشہیری مہم کا آغاز کر دیا ۔ انہوں نے بتایا کہ میرا غزلوں کا البم بھی ریکارڈ ہو چکا ہے جس کے شاعرمحمود شام ہیں اور تمام غزلوں کی دھنیں میں نے خود تخلیق کی ہیں ۔ میرے گیتوں کا البم بھی مکمل ہے تاہم فی الحال میں دو نغمات کو مختلف ٹی وی پروگراموں میں گا رہی ہوں ۔

ان میں ایک گیت دلبر جاناں اردو اور پشتو زبان میں ریکارڈ کیا گیا ہے اور دوسرا ماہی ماہی رومانوی گیت ہے جنہیں ناظرین کی طرف سے بہت پسند کیا جا رہا ہے ۔

میں بہت جلد ان کے ویڈیوز بھی بنانے کا ارادہ رکھتی ہوں ۔ شدت پسندی کی حالیہ لہر کے حوالے سے شاہدہ منی کا کہنا تھا کہ سانحہ لعل شہباز قلندرؒ پر بہت دکھ ہوا ہے تاہم ہمارے حوصلے پست نہیں ہونگے ، پاک فوج اور حکومت دہشتگردی کے خاتمے کیلئے برسرپیکار ہے امید ہے کہ وہ دہشتگردی کو جڑ سے ختم کر دے گی ۔

عمرکے ساتھ شخصی عادات میں بھی تبدیلیاں

ایمز ٹی وی(صحت) ویسے سننے میں تو کچھ عجیب لگے گا مگر لڑکپن میں آپ کی جو شخصیت ہوتی ہے، عمر بڑھنے پر آپ اس سے بالکل الگ فرد بن جاتے ہیں۔

یہ دعویٰ اسکاٹ لینڈ میں ہونے والی ایک طبی تحقیق میں سامنے آیا۔

ایڈنبرگ یونیورسٹی کی اس تحقیق کا آغاز 1950 میں 14 سال کے ایک ہزار سے زائد نوجوانوں سے کیے گئے سروے سے ہوا۔

اس سروے میں ان نوجوانوں سے 6 سوالات کے ذریعے ان کی چھ شخصی عادات جیسے خود اعتمادی، مزاج کا استحکام، سیکھنے کی لگن اور دیگر کے بارے میں پوچھا گیا۔

چھ دہائیوں بعد یعنی 2013 میں ان نوجوانوں میں سے زندہ بچ جانے والوں سے وہی سوالات دوبارہ پوچھے گئے جو اب 77 سال کے ہوگئے تھے۔

نتائج سے معلوم ہوا کہ ان افراد کے لڑکپن، جوانی اور اب بڑھاپے کی عادات بالکل مختلف تھیں۔

تحقیق کے مطابق لڑکپن میں بیشتر افراد زیادہ باشعور نہیں ہوتے، ان کی طبیعت میں اضطراب ہوتا ہے، مزاج پل پل میں بدلتا ہے اور وہ کچھ اکھڑ مزاج بھی ہوتے ہیں۔

مگر سماجی زندگی کا حصہ بننے کے چند برسوں کے بعد ان عادات میں تبدیلیاں آتی ہیں۔

محققین کا کہنا تھا کہ لڑکپن اور بڑھاپے کے درمیان ایسی کوئی بھی ٹھوس مطابقت نہیں تھی اور اس سے معلوم ہوتا ہے کہ عمر بڑھنے کے ساتھ جسم ہی نہیں بدلتا بلکہ ذہنی طور پر ہماری شخصیت بھی بالکل مختلف ہوجاتی ہے۔

انہوں نے بتایا کہ انسانی شخصیت وقت کے ساتھ ساتھ بتدریج بدلتی جاتی ہے مگر اس دوران اس کا اپنے گزرے وقت سے رشتہ بھی کمزور ہوجاتا ہے۔

ان نتائج نے محققین کو حیران کردیا کیونکہ اس سے پہلے کی رپورٹس میں یہ بتایا گیا تھا کہ انسانی شخصیت میں تسلسل ہمیشہ برقرار رہتا ہے یا یوں کہہ لیں کہ مخصوص عادتیں کبھی نہیں بدلتیں۔

تاہم اب معلوم ہوا ہے کہ ایک مخصوص وقت کے بعد شخصی عادات بدلنے لگتی ہیں اور انسان بالکل مختلف شخصیت کے حامل فرد کی صورت اختیار کرلیتا ہے۔

ایل جی کے نئے فلیگ شپ فون کی انفرادیت کا رازافشاں

ایمز ٹی وی(مانیٹرنگ ڈیسک) ایل جی کا نیا فلیگ شپ فون 26 فروری کو متعارف کرایا جارہا ہے اور اب اس کمپنی نے اس کا ایک اور فیچر پیش کردیا ہے۔

ایل جی کے کورین بلاگ پوسٹ میں بتایا گیا ہے کہ جی سکس میں فرنٹ کے ساتھ ساتھ 13 میگا پکسل کے دو رئیر کیمرے ہوں گے۔

اس کا فرنٹ کیمرہ سو ڈگری ویو کی تصاویر لینے میں مدد دے گا جبکہ بیک کیمرے 125 ڈگری اینگل کے شاٹس لے سکیں گے۔

ان میں سے ایک کیمرہ خاص طور پر وائیڈ ویو کے لیے ہے تاکہ بڑی تصاویر کو 1:1 ریشو کی کرکے انسٹاگرام کے لیے موزوں بناسکے۔

جی سکس ایل جی کا پہلا فون نہیں جس میں دو بیک کیمرے دیئے گئے ہیں، گزشتہ سال وی 20 میں بھی اس کمپنی نے ایک سولہ میگا پکسل اور دوسرا 8 میگا پکسل کیمرہ دیئے تھے۔

تاہم جی سکس کی انفرادیت اس کے وائیڈ اینگل کیمرے ہیں جو کہ 360 ڈگری پینو راما موڈ، کلر سچوریشن کے لیے فوڈ موڈ اور اسکوائر کیمرہ فیچر وغیرہ کے ساتھ ہوں گے۔

اس فون کی اسکرین دو حصوں میں تقسیم ہوجائے گی تاکہ ایک پر آپ کھینچی جانے والی فوٹو کو دیکھ سکیں جبکہ دوسری میں اگلی تصویر کی تیار کرسکیں۔

ایل جی کے یہ ڈوئل کیمرہ سنسر دھندلے پس منظر کو دوبارہ بنانے کی صلاحیت بھی رکھتے ہیں جیسے آئی فون سیون پلس کے پورٹریٹ موڈ میں ہوتا ہے۔

ایل جی جی سکس 5.7 انچ ڈسپلے کے ساتھ ہوگا جو کہ کسی حد تک ایج لیس ہوگا اور فی الحال مارکیٹ میں اس کے مقابلے میں کوئی فون نہیں صرف شیاﺅمی کا می مکس قریب تر کہا جاسکتا ہے۔

می مکس کی طرح جی سکس کا ڈسپلے خم کھائے کونوں کے ساتھ ہوگا۔

جی سکس میں ہیڈ فون جیک بھی ہوگا اور یہ ممکنہ طور پر واٹر پروف ہوگا جبکہ اس کی بیٹری کو بدلا نہیں جاسکے گا۔

گزشتہ برسوں کے دوران ایل جی کے اسمارٹ فونز کی فروخت میں کمی دیکھنے میں آئی ہے مگر جنوبی کورین کمپنی کو توقع ہے کہ اس بار اس کا فلیگ شپ فون کامیابی حاصل کرسکے گا۔

غائب ہوجانے والا واٹس ایپ کا نیااسٹیٹس

ایمز ٹی وی(مانیٹرنگ ڈیسک) واٹس ایپ نے اپنی 8 ویں سالگرہ کے موقع پر صارفین کے لیے خودکار طور پر غائب ہوجانے والے اسٹیٹس کا فیچر متعارف کرادیا ہے جو اس ایپ کی حالیہ عرصے میں سب سے بڑی تبدیلی ہے۔

واٹس ایپ کی جانب سے جاری بیان کے مطابق 8 سال مکمل ہونے پر واٹس ایپ میں اسٹیٹس فیچر کو بالکل نئے انداز سے متعارف کرایا جارہا ہے۔

اس حوالے سے واٹس ایپ کےکیمرے کو حال ہی میں ری ڈیزائن کیا گیا تھا جس کے ذریعے صارفین تصویریں، ویڈیوز اور جی آئی ایف ایموجی، ٹیکسٹ اور ڈراﺅنگ شئیر کر سکیں گے۔

اسٹیٹس فیچر کے ذریعے بھیجے جانے والے پیغامات 24 گھنٹے بعد ختم ہو جائیں گے جبکہ دیگر میسیجز کی طرح کانٹیکٹس کو کسی بھی وقت میوٹ اور ان میوٹ کیا جا سکتا ہے۔ یہ فیچر اینڈرائیڈ، آئی او ایس اور ونڈوز صارفین کے لیے دستیاب ہوگا۔

بیان میں بتایا گیا کہ 8 سال پہلے جب واٹس ایپ کو متعارف کرایا گیا تو یہ اسٹیٹس اپ ڈیٹس شئےر کرنے والی ایپ تھی، جس میں لوگ ایک مختصر سے ٹیکسٹ کے ذریعے اپنے دوستوں کو آگاہ کرتے تھے کہ وہ کیا کر رہے ہیں۔

جب یہ دیکھا گیا کہ لوگ اس فیچر کو پیغامات بھیجنے کے لیے استعمال کر رہے ہےں تو واٹس ایپ کو ری ڈیزائن کیا گیا تھا۔

آج بھی لوگ اسے جاننے والوں کو یہ بتانے کے لیے استعمال کرتے ہیں کہ وہ کیا کر رہے ہیں جبکہ فوٹوز اور ویڈیوز کو بھی شیئر کیا جاتا ہے۔

اس وقت واٹس ایپ میں روزانہ 50 ارب پیغامات بھیجے جاتے ہیں جبکہ فوٹوز بھیجنے کی شرح میں دوگنا اور ویڈیوز ارسال کرنے کی شرح میں تین گنا اضافہ ہوا۔

فیس بک کی سوشل میڈیا حب بننے کی تیاریاں

ایمز ٹی وی(مانیٹرنگ ڈیسک) فیس بک نے اپنی سائٹ کو سوشل میڈیا حب بنانے کی تیاریاں شروع کردی ہیں۔

جی ہاں سماجی رابطے کی ویب سائٹ میں اب تک کی سب سے بڑی تبدیلی ہونے والی ہے اور بہت جلد فیس بک پر صارفین اپنے دیگر سوشل میڈیا اکاﺅنٹس جیسے انسٹاگرام، اسکائپ، ٹوئٹر اور یوٹیوب وغیرہ کو بھی شامل کرسکیں گے۔

یہ سوشل میڈیا اکاﺅنٹس صارف کے اباﺅٹ می (About me) سیکشن میں نظر آئیں گے اور صارفین کو محض ایک کلک پر کسی بھی اکاﺅنٹ پر جانے میں مدد دیں گے۔ فیس بک صارفین اگرچہ پہلے سے اپنے دیگر سوشل میڈیا اکاﺅنٹس کے پروفائل اباﺅٹ می کے سیکشن میں شامل کرسکتے ہیں مگر یہ نئی تبدیلی اس سائٹ کو بالکل بدل کر رکھ دے گی۔

فیس بک کے بانی مارک زکربرگ نے گزشتہ دنوں اپنا منشور شائع کیا تھا، جس میں درج تھا کہ اب لوگوں کے لیے سوشل انفراسٹرکچر بنانے پر توجہ دی جائے گی اور یہ فیچر اس کی عکاسی کرتا ہے۔ فیس بک کی جانب سے اس فیچر کی آزمائش اس وقت اینڈرائیڈ اور آئی او ایس ایپ میں صارفین کی محدود تعداد پر کیا جارہا ہے اور ایسا لگتا ہے کہ یہ ٹول ڈیسک ٹاپ کے لیے بھی دستیاب ہوگا۔

اب یہ کہنا تو مشکل ہے کہ تمام صارفین کے لیے یہ فیچر کب تک دستیاب ہوگا مگر اس پر صارفین کے پرائیویسی تحفظات ایک بار پھر سامنے آئیں گے۔ فیس بک کی جانب سے ڈسکور پیپل نامی فیچر بھی آزمایا جارہا ہے جس کی مدد سے صارفین ایسے لوگوں کو دوست بناسکتے ہیں جنھیں وہ جانتے نہ ہوں۔

معروف کمپنی قدم جمانے میں ناکام

ایمز ٹی وی(تجارت) تائیوان کی معروف کمپنی ایچ ٹی سی کو سال 2016 ءکی آخری سہ ماہی میں خسارے کا سامنا رہا۔ غیر ملکی خبر رساں ایجنسی کے مطابق تائیوان کی الیکٹرانکس کمپنی ایچ ٹی سی کو گزشتہ سال 2016 ءکی آخری سہ ماہی کے دوران مسلسل ساتواں سہ ماہی خسارہ ہوا، جس کی وجہ مصنوعات کی فروخت میں کمی ہے۔

کمپنی کی جانب سے جاری رپورٹ کے مطابق اکتوبر سے دسمبر کے دوران ادارے کی آمدنی 22.2 ارب تائیوانی ڈالر (720 ملین امریکی ڈالر) رہی جو 2015 ءکی آخری سہ ماہی میں ہونے والی آمدنی کی نسبت 13.62 فیصد کم ہے۔

سہ ماہی کے دوران کمپنی کا خالص خسارہ 3.1 ارب تائیوانی ڈالر رہا جبکہ 2015 ءکے اسی عرصے میں 3.4 ارب تائیوانی ڈالر خسارہ ہوا تھا۔ سال 2016 ءکے دوران کمپنی کی کل آمدنی 78.16 ارب تائیوانی ڈالر رہی جوکہ 2015 ءکی مجموعی آمدنی سے 35.77 فیصد کم ہے جبکہ خسارہ گزشتہ سال کی نسبت 32 فیصد کم ہوکر 10.5 ارب تائیوانی ڈالر رہا۔

صفائی کیلئے ڈرون بم نہیں آگ برسائیں گے

ایمز ٹی وی(مانیٹرنگ ڈیسک) جدید دور کی ایک اور جدت، ڈرون اب صرف بم ہی نہیں برسائیں گے بلکہ آگ بھی برسائیں گے لیکن انسانوں پر نہیں، بجلی کے تاروں پر جمی گرد اور پلاسٹک بیگ سے جان چھڑانے کے لئے۔ ڈرون کا ایک اور استعمال چین کی ایک کمپنی ہائی وولٹیج تاروں کو صاف کرنے اور بجلی کی بلا تعطل سپلائی جاری رکھنے کے لئے آگ برسانے والے ڈرونز میدان میں لے آئی۔

چین کے صوبے ہوبئی کے محکمہ بجلی نے پہلی بار آگ برسانے والے ڈرونز کے ذریعے بجلی کے تاروں کی صفائی کی۔ اس طریقے سے بجلی کی سپلائی نہیں بند کرنا پڑتی اور نہ ہی مزدور کی جان خطرے میں ڈالنا پڑتی ہے۔

Page 1907 of 2387