Reporter SS
ایمزٹی وی(اسپورٹس) انگلینڈ نے پاکستان سپر لیگ میں شریک اپنے 4 کرکٹرز کو وطن واپس بلالیا ہے۔
اپنے ملک جانے والے کھلاڑیوں میں لاہور قلندرز کے جیسن روئے، اسلام آباد یونائیٹڈ کے اسٹیون فن، سیم بلنگز اور پشاور زلمی کے ایون مورگن اب ایونٹ کے بقیہ میچز میں اپنی فرنچائزز کو دستیاب نہیں ہوں گے کیونکہ یہ تمام کھلاڑی ویسٹ انڈیز کیخلاف سیریز میں انگلینڈ ٹیم کے اسکواڈ کا حصہ ہیں۔
واضح رہے کہ انگلش ٹیم 25 فروری کو وارم اپ میچ سے کیریبئن ٹور کا آغاز کرے گی۔
.ایمز ٹی وی (تعلیم /ملتان) یونیورسٹی آف ایجوکیشن لاہو ر کے وائس چانسلر روف اعظم نے صحافیوں سے گفتگو کرتے ہوئے کہا ہے کہ جامعہ میں منشیات کو ختم کرنے کیلئے قانون کے مطابق اقدامات کیے جائیں گے،
یونیورسٹی کے کیمپسزکو جدید تقاضوں کے مطابق ڈھالنے کیلئے پراجیکٹ ایچ ای سی کو بھجوادیا گیا ہے ,جس کی منظوری آخری مراحل میں ہے .
ملتان کیمپس میں منفی سرگرمیوں میں ملوث اساتذہ کا تبادلہ کردیا ہے ماضی میں ہونے والا احتجاج طلبا کا نہیں آؤٹ سائیڈر کا تھا ۔
ایمز ٹی وی(تجارت) تاجروں، صنعت کاروں اور مینوفیکچررز نے ترکی اور تھائی لینڈ سمیت دیگر ممالک کے ساتھ نئے آزاد تجارتی معاہدوں پر پابندی، مقامی صنعت کو تحفظ، برآمدات کو فروغ دینے کے لیے افغان ٹرانزٹ ٹریڈ کے غلط استعمال اور ایران سے اشیا کی اسمگلنگ کو روکنے کا مطالبہ کرتے ہوئے تمام متعلقہ وزارتوں کے تعاون سے انٹیگریٹڈ مینوفیکچرنگ اینڈ ٹریڈ اسٹریٹجی متعارف کرانے کی تجویز دی ہے۔
یہ مطالبات پاکستان بزنس کونسل (پی بی سی) کی جانب سے وفاقی حکومت کو بھجوائی جانے والی بجٹ تجاویز میں کیے گئے ہیں۔ دستاویز کے مطابق پاکستان بزنس کونسل نے حکومت سے کہا ہے کہ نہ صرف نئے آزاد تجارتی معاہدوں (ایف ٹی ایز) پر پابندی عائد کی جائے بلکہ ماضی کے ایف ٹی ایز اور ترجیحی تجارت معاہدے (پی ٹی ایز) پر بھی نظرثانی کی جائے اور اس مقصد کے لیے متعلقہ ممالک کے ساتھ دوبارہ مذاکرات کیے جائیں، موجودہ ایف ٹی ایز اور پی ٹی ایز پر نظرثانی کے لیے دوبارہ مذاکرات کے دوران تجارتی بہاؤ کے علاوہ 3 اہم مقاصد کو مدنظر رکھا جائے، اول ان معاہدوں کے نتیجے میں مقامی سطح پر زیاہ سے زیادہ روزگار کے مواقع پیدا ہوں، دوم ٹیکس وصولیوں میں اضافہ ہو اور سوئم نان کموڈیٹی ایکسپورٹ میں اضافہ ہو۔
دستاویز میں بتایا گیا کہ آزاد تجارتی معاہدوں کے تحت پاکستان کے تجارتی خسارے میں کمی کے لیے کسی قسم کے مثبت اثرات مرتب نہیں ہوئے جبکہ صرف چین کے ساتھ آزاد تجارتی معاہدے کے تحت پاکستان کے تجارتی خسارے میں ساڑھے 6ارب ڈالر سے زائد کا اضافہ ہوا، چین کے ساتھ آزاد تجارتی معاہدے پر سال2006میں دستخط کیے گئے، اس وقت تجارتی خسارہ2.4 ارب ڈالر تھا جو 2015میں بڑھ کر9 ارب ڈالر ہوگیا جبکہ چینی اعدادوشمار کے مطابق 2006 میںتجارتی خسارہ 3.2 ارب ڈالر تھا جو 2015 میں بڑھ کر 14ارب ڈالر ہوگیا۔
دستاویز کے مطابق اعدادوشمار میں پایا جانے والا فرق انڈر انوائسنگ کا منہ بولتا ثبوت ہے کیونکہ انڈر انوائسنگ کی وجہ سے پاکستانی اعدادوشمار کم ہیں جبکہ چین میں جو ویلیو ڈکلیئر ہورہی ہے اس کے مطابق یہ خسارہ زیادہ ہے جس سے یہ ثابت ہورہا ہے کہ چین کے ساتھ تجارت میں 5 ارب ڈالر کے لگ بھگ انڈرانوائسنگ ہورہی ہے۔ دستاویز میں کہا گیا کہ تمام متعلقہ وزارتوں کے تعاون سے انٹیگریٹڈ مینوفیکچرنگ اینڈ ٹریڈ اسٹریٹجی متعارف کرائی جائے، نئے ٹیکس دہندگان سے ٹیکس وصولی کو افسران کی کارکردگی جانچنے کے لیے مقرر کردہ کی پرفارمنس انڈیکیٹرز میں شامل کیا جائے، افغان ٹرانزٹ ٹریڈ کے غلط استعمال اور ایران سے اسمگلنگ کو بھی روکا جائے۔
دستاویز میں کہا گیا کہ افغان ٹرانزٹ ٹریڈ کے غلط استعمال کو روکنے کے لیے درآمدی اشیا پر کسٹمز ڈیوٹی اور ٹیکسز داخلی پوائنٹ پر وصول کیے جائیں، ڈیوٹی و ٹیکسوں کی یہ رقم ٹرانزٹ اشیا کے خارجی پوائنٹ پر ریفنڈ کردی جائیں تاکہ ٹرانزٹ ٹریڈ کے تحت منگوائی جانے والی اشیا کی مقامی مارکیٹ میں فروخت روکی جاسکے۔
ایمزٹی و(خیبر پختون خواہ)خیبر ایجنسی میں دوسرے روز بھی پاک فوج افغان علاقے پر گولہ باری جاری ہے جس کے نتیجے میں دہشت گردوں کے کئی ٹھکانے تباہ ہو گئے اور 6دہشت گرد ہلاک ہو گئے ہیں۔
میڈیا ذرائع کے مطابق خیبر ایجنسی کے علاقے لنڈی کوتل میں پاک فوج کی دوسرے روز بھی دہشت گردوں کے خلاف گولہ باری جاری ہے ۔بتا یا جا رہا ہے کہ آج بھی پاک فوج کی پاک افغان بارڈر پر افغانستان کے علاقے رینا میں دہشت گردوں کے ٹھکانے گولہ باری جاری ہے جس کے نتیجے میں دہشت گردوں کے کئی ٹھکانے تباہ جبکہ 6 دہشت گرد ہلاک ہو گئے ہیں ۔
واضح رہے کہ گزشتہ روز دہشت گرد تنظیم جماعت الاحرار کے دہشت گردوں کے خلاف لنڈی کوتل کے علاقے میں پاک فوج نے کارروائی کی تھی جس کے نتیجے میں 17دہشت گرد ہلاک ہوئے تھے ۔ذرائع کے مطابق پاک فوج نے آپریشن سے پہلے مقامی افراد سے علاقہ خالی کرالیا تھا اور سو کے قریب خاندان علاقے کو خالی کردیا تھا ۔
ایمز ٹی وی(تجارت) سبزیوں اور فیول کے نرخ بڑھنے سے پاکستان میں گزشتہ ہفتے حساس قیمتوں کے اشاریے (ایس پی آئی) کی بنیاد پر افراط زرکی شرح میں ہفتہ وار بنیادوں پر 0.599 فیصد اور سالانہ بنیادوں پر 2.07 فیصد کا اضافہ ریکارڈ کیاگیا۔
پاکستان بیورو شماریات کی جانب سے جاری کردہ اعدادوشمار کے مطابق 16 فروری2017 کو ختم ہونے والے ہفتے کے دوران ملک میں 21 اشیا کی قیمتوں میں ہفتہ وار بنیادوں پر اضافہ ہوا جبکہ 8اشیا کی قیمتیں کم اور 24کی مستحکم رہیں، گزشتہ ہفتے ٹماٹر کی قیمت میں سب سے زیادہ 23.09 فیصد کا اضافہ ہوا جس کے نتیجے میں ٹماٹر کی ملک میں اوسط قیمت 44.73 روپے فی کلوگرام ہوگئی جبکہ زندہ مرغی 10.39 فیصد کے اضافے سے 143.32 روپے فی کلوگرام، آلو4.79 فیصد بڑھ کر24.96 روپے فی کلوگرام، پیاز2.31 فیصد بلند ہو کر 31.04 روپے فی کلو، کیلے 2.09 فیصد کے اضافے سے 74.65 روپے فی درجن، پٹرول کی قیمت1.45 فیصد بڑھ کر 72.13 روپے فی لیٹر اور ہائی اسپیڈ ڈیزل کی قیمت 1.26 فیصد چڑھ کر 81.38 روپے فی لیٹر ہوگئی۔
دوسری جانب نہانے کا صابن0.92 فیصد، چائے کی پتی0.87 فیصد، ہڈی والا گائے کا گوشت0.76 فیصد، جلانے کی لکڑی 0.72 فیصد، دہی 0.70 فیصد، لہسن0.62 فیصد، ویجیٹبل گھی (کھلا/تھیلی) 0.50 فیصد، بکرے کا گوشت0.45 فیصد، باسمتی ٹوٹا چاول 0.38 فیصد، تازہ دودھ0.37 فیصد، گندم0.13 فیصد، ویجیٹیبل گھی (ٹن) 0.10 فیصد، آٹا0.08 فیصد اور گڑ0.07 فیصد مہنگا ہوگیا۔
اعدادوشمار کے مطابق گزشتہ ہفتے سب سے زیادہ کمی انڈے کے نرخ میں 7.01 فیصد ہوئی جس کے نتیجے میں انڈے 108.32 روپے درجن ہوگئے، دال چنا 2.60 فیصد، دال ماش2.30 فیصد، ایل پی جی سلنڈر 2.16 فیصد، چینی1.27 فیصد، سرخ مرچ پسی ہوئی کھلی1.21 فیصد، دال ماش0.51 فیصداور دال مونگ کی قیمت میں 0.35 فیصد کی کمی ہوئی۔
ایمز ٹی وی (تعلیم /ملتان ) ڈی پی آئی ایلیمنٹری پنجاب ریاض احمد گورایہ اور ڈائریکٹر ایڈمن برائے ڈی پی آئی ایلیمنٹری پنجاب فیض اللہ خان ترین ہشتم کے امتحانی مراکز کا معائنہ کرنے ملتان پہنچ گئے ۔
انہوں نے ڈسٹرکٹ کنٹرولر و ڈسٹرکٹ ایجوکیشن آفیسر (سیکنڈری) ریاض خان بلوچ کے ہمراہ گورنمنٹ پائلٹ ہائر سیکنڈری اسکول ‘ مون لائٹ گرلز ہائی اسکول اور دیگراسکولز میں پنجاب ایگزامنیشن کمیشن کے تحت قائم ہشتم کے امتحانی مراکز کا معائنہ کیا۔
دریں اثنا ڈی پی آئی ایلیمنٹری پنجاب ریاض احمد گورایہ نے ڈویژنل ڈائریکٹر ایلیمنٹری اسکولز راؤجاوید رفیق کے آفس میں افسران تعلیم کی میٹنگ کی صدارت کی جس میں انہوں انرولمنٹ کا جائزہ لیا‘انہو ں نے ہدایت کی کہ زیادہ سے زیادہ بچے اسکولوں میں داخل کئے جائیں۔
ایمز ٹی وی(انٹرٹینمنٹ) پاکستانی اداکارہ صبا قمر نے ایک مارننگ شو کے دوران بالی ووڈ اداکاروں پر مزاحیہ طنز کرنے کے ساتھ ساتھ سلمان خان کو چھچھورا کہہ ڈالا۔
نجی چینل کے مارننگ شو میں صبا قمر سے میزبان نے بالی ووڈ اداکار ہریتھک روشن، سلمان خان، رنبیر کپور، عمران ہاشمی وغیرہ کے حوالے سے کئی سوالات کیے، جس کی ایک ویڈیو سوشل میڈیا پر وائرل ہے۔ میزبان نور نے صبا قمر کو ایک کھیل کھیلنے کو کہا جہاں انہیں بالی ووڈ اداکاروں کی تصاویر دکھائی گئی، اور ان سے سوالات کے جوابات مانگے۔
اس دوران جب صبا قمر سے سوال کیا گیا کہ اگر ہریتھک روشن انہیں شادی کی پیشکش کریں تو وہ کیا کہیں گی، جس پر اداکارہ کا کہنا تھا کہ 'میں دو بچوں کے باپ سے شادی نہیں کرنا چاہتی'، تاہم بعدازاں انہوں نے کہا کہ وہ ان کی پسند نہیں ہیں۔
صبا قمر سے جب رنبیر کپور اور عمران ہاشمی کے حوالے سے سوال کیا گیا تو تب بھی اداکارہ نے مزاحیہ طنز کرتے ہوئے ان سوالات کے جواب دیئے، ان سے جب عمران ہاشمی کے ساتھ ایک فلم کا کہا تو انہوں نے جواب دیا 'مجھے منہ کا کینسر نہیں کروانا'، جبکہ رنبیر کپور کے لیے اداکارہ نے کہا کہ 'ان کا دپیکا پڈوکون کے ساتھ افیئر تھا اس لیے میں ان کے ساتھ بھی کام سے انکار کرتی ہوں'۔
صبا قمر سے ریتیش دیشمکھ کے ساتھ مزاحیہ فلم میں کام کا کہا تو انہوں نے کہا کہ وہ پاکستان کی کامیاب اداکارہ ہیں اور بالی ووڈ میں بھی کسی کامیاب اداکار کے ساتھ کام کرنا چاہیں گی۔ تاہم ایک موقع پر جب صبا قمر سے سوال کیا گیا کہ سلمان خان نے انہیں اپنی فلم 'دبنگ 3' میں آنے کی آفر دی ہے اور آپ کو انہیں انکار کرنا ہے، تو صبا نے کہا کہ سلمان خان بہت چھچھورے ہیں۔
رپورٹ کے مطابق جب صبا قمر سے اس حوالے سے فون پر رابطہ کیا گیا تو انہوں نے کہا کہ 'یہ ایک مزاحیہ شو تھا، اس میں ایسا کچھ نہیں تھا، کافی ود کرن میں کیا کچھ نہیں ہوتا؟ میں سب کو پسند کرتی ہوں، سلمان خان بہت بڑے سپر اسٹار ہیں، میں ان کے بارے میں کچھ بھی بُرا کیوں کہوں گی'۔
خیال رہے کہ صبا قمر بالی ووڈ معروف اداکار عرفان خان کے ساتھ فلم 'ہندی میڈیم' میں کام کرتی نظر آئیں گی، جو ان کی پہلی بولی وڈ فلم ہے۔ فلم 'ہندی میڈیم' 31 مارچ کو سینما گھروں میں نمائش کے لیے پیش کی جائے گی۔
ایمز ٹی وی (صحت /ملتان) پنجاب فو ڈاتھا رٹی ملتان کی ٹیم نے کارروائی کرتے ہوئےجامعہ زکریا میں واقع شاہد کینٹین کو 12000روپے،جعفر کینٹین کو7500روپے، بسم اللہ کینٹین کو 3000روپے،شاہد چشتی فریش فوڈ پوائنٹ کو 7500روپے،ابدالی روڈ پر واقع میڈی کیئرہسپتال کیینٹین کو 2000روپے اور نشتر کی مین کینٹین کو 3000روپے جرمانہ کیا ۔
بتایا گیا ہے کہ مذکورہ فوڈ پوائنٹس کوغیر معیاری کیچپ کے استعمال،ورکرز کی ذاتی صفائی ناقص ہونے ،خوراک زمین پر رکھنے، کیمیکل ڈرمز کے استعمال ، لیبلنگ کی عدم موجودگی،برتنوں کی صفائی کے لیے ڈیٹرجینٹس کے استعمال اور کھانے کی اشیاء میں مکھیو ں کی موجودگی کی وجہ سے
جرمانے کیے گئے۔
سادات کالونی میں واقع پاکیزہ ہوٹل، منا بھائی ہوٹل،ماشاء اللہ پاکیزہ ملک اینڈ ڈرنک کارنر،عوان سپر سٹور،السادات بیکرز،بسم اللہ ملک پوائنٹ، نیو شاہ شمس کالونی ملتا ن میں واقع احمدسپر اسٹور،تھہم ملک شاپ،القاسم ہاشم پکوان سنٹر،رفیق ہوٹل (رکشہ مارکیٹ)،پرانا شجاع آباد روڈ پر واقع نیو پشاوری
نان اینڈ چپلی کباب،زاہد دہی بھلے،فوڈ پوائنٹ چرغہ بروسٹ،شریف چرغہ بروسٹ،بسم اللہ حسیب المکہ نان شاپ،عظیم ٹک شاپ اورشاہ شمس روڈ باوا سفرابستی میں واقع یا سین بیکرزاینڈ جنرل سٹور،عظیم خان سوئیٹ ،احسن سوئیٹس،مدنی ملک شاپ کوناقص صفائی کے انتظا ما ت، حشرات کی روک تھام کے لئےکے انتظا ما ت، حشرات کی روک تھام کے لئے نا منا سب انتظامات اور ورکرز کی ذا تی صفا ئی بہتر کرنے کے ساتھ ساتھ ان کولائسنس بنوانے کے احکامات بھی جاری کیے گئے۔
ایمز ٹی وی(مانیٹرنگ ڈیسک) ٹیکنالوجی سے وابستہ ماہرین نے ایسی ایل ای ڈی ایجاد کرلی ہے جو سولر سیل کی طرح روشنی کی مدد سےبجلی بھی بناسکتی ہے۔
یونیورسٹی آف الینوئے اربانا شیمپین کے کوریائی نژاد تحقیق کار کی قیادت میں ایجاد کی گئی یہ ایل ای ڈی فی الحال صرف ایک ہی رنگ کی روشنی خارج اور جذب کرسکتی ہے تاہم زیادہ رنگوں کے ساتھ کام کرنے کے قابل بنانے کیلئے ٹیم کی جانب سے کام کیا جا رہا ہےتاکہ یہ مستقبل کی اسمارٹ فون سکرین میں رنگین پکسل کا کام بھی کرسکے۔ اس ایجاد کی تفصیلات ریسرچ جرنل ”سائنس“ کے حالیہ شمارے میں شائع ہوئی ہیں۔
اس نئی ایل ای ڈی میں نینومیٹر جسامت والی خصوصی ساختیں استعمال کی گئی ہیں جنہیں ”کوانٹم نینو راڈز“ کہا جاتا ہے۔ ان ساختوں پر مشتمل مادّہ کوانٹم اثرات سے استفادہ کرتے ہوئے روشنی کو محسوس کرنے کے ساتھ ساتھ اپنے اوپر پڑنے والی روشنی کو بجلی میں تبدیل کرنے کی صلاحیت بھی رکھتا ہے اور جب اس میں سے بجلی گزاری جاتی ہے تو یہ روشنی خارج کرنے لگتا ہے۔
ایمز ٹی وی (صحت /ملتان ) محکمہ صحت نے اسکولوں میں فروخت ہونے والی ایک مخصوص ٹافی کے بارے میں الرٹ جاری کیا ہے
جس میں کہا گیا ہے کہ اسٹرابری ،کولا،چیری،ودیگر ذائقوں میں فروخت ہونے والی یہ ٹافی کھاتے ہی بچےکی حالت خراب ہوجاتی ہے ۔
لہٰذا اسکولوں کی انتظامیہ اس مخصوص ٹافی کو فروخت نہ ہونے دیں اوروالدین بھی بچوں کو یہ ٹافی کھانے سے منع کریں۔