.ایمز ٹی وی (انٹرٹنمنٹ) پاکستانی ڈراموں کے معروف اداکار اظفر رحمان نے شادی کرلی۔ تفصیلات کے مطابق پاکستانی ڈراموں کے معروف اداکار اظفر رحمان نے زندگی کے نئے سفرکا آغاز کردیا.

معروف اداکار اظفر رحمان نے شادی کیلئے نجی تقریب منعقد کی، جس میں صرف قریبی دوست احباب کو ہی مدعو کیا گیا تھا، اظفر کی شادی کی تصاویر سوشل میڈیا پر خاصی وائرل ہو رہی ہیں۔

ایمز ٹی وی (تجارت) امریکی سفارتخانہ کی زیر قیادت پاکستان کا تجارتی وفد پاکستان میں زرعی شعبے کو جدید خطوط پر استوار کرنے کے لئے امریکہ کا دورہ کرے گا۔ تفصیلات کے مطابق امریکی سفارتخانہ کے اقتصادی امور کے قونصلر جوئیل رابرٹ گارویرک کی قیادت میں پاکستان کے اعلیٰ سرکاری حکام، تاجر، کسانوں اور زرعی ماہرین کا وفد28 جنوری سےامریکہ کا دورہ کرے گا، جس کا مقصد امریکہ اورپاکستان کے درمیان دوطرفہ تجارتی تعلقات کو فروغ دینا اور زراعت کے شعبے میں تجارت و سرمایہ کاری کو بڑھانا ہے۔

وفد پولٹری، گوشت اور فیڈ انڈسٹریز کے متعلق امریکہ کی بین الاقوامی تجارتی نمائش انٹرنیشنل پروڈکشن اینڈ پروسیسنگ ایکسپو میں شرکت کرے گا۔ یاد رہے کہ زراعت کا پاکستانی جی ڈی پی میں حصہ 20 فیصد اور روزگار میں حصہ چالیس فیصد ہے۔ گزشتہ سال امریکہ سے پاکستان کو زرعی اشیاء کی برآمدات 44 کروڑ 80 لاکھ ڈالر تھیں۔ پاکستانی وفد کاٹن کمیشن، امریکی محکمہ زراعت اور اس کی ریسرچ سروس کے ساتھ بھی ملاقاتیں کرے گا۔

ایمز ٹی وی (انٹرٹینمنٹ)نئے پاکستانی ڈرامے ’خان‘ نے سوشل میڈیا پر سب کی توجہ اپنی طرف کرالی ہے، جس کا انٹر نیٹ پر پہلا ٹریلر ’ہٹ‘ ہوگیا، ’خان‘ کے ڈائیلاگ نے ایک دلچسپ بحث بھی چھیڑ دی ہے۔

اس ٹریلر کا یہ جملہ کہ ’’شریفوں سے ڈرتا ہوں، بدمعاشوں سے نہیں‘‘،بڑا معنی خیز ہے۔ یہ شریف کون ہیں، خان کون ہے؟ کیا یہ عمران خان ہے؟ یا سلمان خان؟ بڑی تعداد میں لوگ سوشل میڈیا پر یہ سوال اٹھا رہے ہیں کیا ’خان‘ کسی پاکستانی سیاسی کردار پر بنا ڈراما ہے؟ دیکھیں اس گرما گرم خبر کا ’دی اینڈ‘ کیسے ہوتا ہے؟ کب یہ جواب ملتا ہے کہ ’خان‘ کون ہے؟