Reporter SS
ایمز ٹی وی (تعلیم / راولپنڈی )گورنمنٹ گرلز بلائنڈ اسکول شمس آباد میں مبینہ طو ر پر ایک طالبہ کے ساتھ ٹیچر کےبدتمیزی کرنے پر اس کے تبادلےکی سفارش کردی گئی ہے۔ جبکہ ایجوکیشن اتھارٹی کے چیف ایگزیکٹیو آفیسر نے ڈی او میل الیمنٹری کو معاملے کی تحقیقات کرکے دو دن میں رپورٹ پیش کرنے کا حکم دیدیا ہے۔
ذرائع کے مطابق ایک طالبہ کے ساتھ کمپیوٹر انسٹرکٹرنے بدسلوکی کی جس کی شکایت بچی نے کردی۔ت اہم ابھی تک معاملے کو دبانے کی کوشیش کی جارہی ہیں۔
جس کیلئے بعض بلدیاتی نمائندے بھی میدان میں ہیں۔ اس حوالے سے اسکول ہیڈ وسیم ثناللہ سے رابطہ کیا گیا تو انہوں نے کہا کہ بچی الزام لگاتی ہے۔لیکن ہم نے سائیکالوجسٹ سے بھی رپورٹ لی ہے، انکوائری کے بعد میں نے ڈسٹرکٹ آفیسر اسپیشل ایجوکیشن کو ٹیچر کے تبادلے کی درخواست کی ہے۔ اس حوالے سے ایجوکیشن اتھارٹی کے سی ای او قاضی ظہورالحق سے رابطہ کیا گیا تو پتہ چلا کہ ان کولاعلم رکھا گیا ہے۔
تاہم انہوں نے فوری طور پر حکم دیا کہ جس ٹیچر پرالزام ہے وہ شمس آباد اسکول میں نہیں جائے گا بلکہ منگل سے ان کے آفس میں حاضرہوگا۔ا س حوالے سے بچی کےباپ نے بتایاکہ ان کو روز بلا لیا جاتا ہےتاہم ابھی تک کوئی ایکشن نہیں ہوا ہے۔
ایمز ٹی وی (صحت)ہر ایک کی بالوں کو دھونے کا اپنا طریقہ ہوتا ہے اور ہوسکتا ہے کہ آپ کو کسی مخصوص برانڈ کا شیمپو پسند ہو یا آپ اپنے بال کسی مخصوص انداز سے دھونے کو ترجیح دیتے ہوں۔طریقہ چاہے جو بھی ہو مگر یقیناً آپ یہ ضرور چاہتے ہوں گے کہ نہانے کے بعد جب بال خشک ہوجائیں تو وہ خوبصورت اور چمکدار نظر آئیں۔ مگر کیا آپ کو معلوم ہے کہ کچن میں موجود ایک عام چیز جسے کھانا ہوسکتا ہے آپ کو بہت پسند ہو عام معمول کے مقابلے میں بالوں کو زیادہ چمکدار، لہراتے، بل کھاتے اور صاف کرنے کی صلاحیت رکھتی ہے؟یہ چیز بہت عام اور اسے استعمال کرنے کا طریقہ بہت آسان ہے جس پر یقین کرنا بھی مشکل ہوتا ہے۔ تو آخر یہ ہے کیا؟ یہ ہے چینی۔حیران ہوئے؟ اس کی وجہ بھی واضح ہے کہ آج کل بیشتر تحقیقی رپورٹس میں بتایا جارہا ہے کہ چینی کو زیادہ کھانے کی عادت جسم کے لیے تباہ کن ثابت ہوتی ہے۔مگر جسم پر اس کا استعمال بالکل مختلف اثرات مرتب کرتا ہے۔
ماہر امراض جلد ڈاکٹر فرانسیسا فیوسکو کے مطابق ایک چمچ چینی کو اپنے پسندیدہ شیمپو میں شامل کرکے بالوں کو دھونا انہیں معمول کے مقابلے میں زیادہ صاف اور چمکدار بنا سکتا ہے۔اور کون ہوگا جو صاف اور جگمگاتے بالوں کو پسند نہیں کرے گا؟تو چینی زیادہ کھانا صحت کے تو ضرور مضر ہے مگر بالوں کے لیے بہترین ہے۔
ایمز ٹی وی(اسپورٹس) ورلڈ بلائنڈ ٹی 20 کپ میں پاکستان کرکٹ ٹیم نے انگلینڈ کو جیت کیلئے 297 رنز کا ہدف دیدیا ہے۔
تفصیلات کے مطابق بھارت میں کھیلے جارہے ٹی 20 بلائنڈ ورلڈ کپ کے ایک میچ میں پاکستان نے انگلینڈ کیخلاف پہلے کھیلتے ہوئے مقررہ 20 اوورز میں 4 وکٹ کے نقصان پر 296 رنز بنائے اور انگلینڈ کو جیتنے کیلئے 297 رنز کا ہدف دیا ہے۔
قبل ازیں گزشتہ روز پاکستان نے شاندار کھیل کا مظاہر ہ کرتے ہوئے نیوزی لینڈ کی بلائنڈ کرکٹ ٹیم کو 10 وکٹوں سے شکست دی تھی۔پاکستان کے بد ر منیر کو شاندار 92 رنز بنانے پر مین آف دی میچ کا ایوارڈ دیا گیا تھا۔
ایمز ٹی وی (تجارت)اسٹیٹ بینک آف پاکستان کا کہنا ہے کہ6 ماہ میں پاکستان کے بیرونی قرضوں میں ایک ارب 50کروڑ ڈالر کا اضا فہ ہوا ہے۔ اسٹیٹ بینک کے رواں مالی سال کے پہلے چھ ماہ کا ڈیٹا جاری کر دیا گیا۔
اسٹیٹ بینک کا مزید کہنا ہے کہ رواں مالی سال کے پہلے چھ ماہ میں بیرونی قر ضوں کا حجم 73ارب ڈالر سے بڑھ کر 74ارب64کروڑ ڈالر ہو گیا۔ مرکزی بینک کی جانب سے یہ بھی کہا گیا ہے کہ حکومتی قرضہ 61ارب 36کروڑ ڈالر سے بڑھ کر 62ارب 40کروڑ ڈالر ہو گیا ہے۔
ایمز ٹی وی (تجارت)پیٹرولیم مصنوعات مزید مہنگی کرنے کی تیاری کرلی گئی، اوگرا نےیکم فروری سےپٹرولیم مصنوعات کی قیمتوں میں اضافےکی سمری وزارت پٹرولیم کو بھجوادی۔
ذرائع کے مطابق اوگرا کی سمری میں پٹرول کی قیمت میں4روپے16پیسے، ڈیزل کی قیمت میں 4 روپے29 پیسے، مٹی کے تیل کی قیمتوں میں16روپے 71پیسے، لائٹ ڈیزل آئل کی قیمتوں میں12روپے53پیسے جبکہ ایچ او بی سی کی قیمتوں میں 12روپے 47 پیسے اضافے کی تجویز دی گئی ہے۔
ایمز ٹی وی (صحت)پھول گوبھی اگرچہ ہماری روزمرہ غذا میں شامل ہے لیکن ہم میں سے اکثر یہ نہیں جانتے کہ گوبھی کھانا ہماری صحت کے لیے بہت مفید بھی ہے۔ ماہرین کا کہنا ہے کہ گوبھی کے صحت بخش اثرات سے مستفید ہونے کے لیے ہمیں اس کے ڈنٹھل اور پتوں کو بھی نظر انداز نہیں کرنا چاہیے جب کہ تیل اور گھی میں پکانے کے بجائے گوبھی کو کچی حالت میں، بھاپ پر نرم کرکے یا پانی میں ابال کر کھانا چاہیے کیونکہ ان صورتوں میں اس کے مفید قدرتی غذائی اجزاء محفوظ رہتے ہیں۔ علاوہ ازیں اگر آپ گوبھی کو سلاد کے طور پر استعمال کرنا چاہتے ہیں تو اس میں زیتون کے تیل کی معمولی مقدار بھی شامل کی جاسکتی ہے جو اس کی افادیت کو اور بھی بڑھا دے گی۔
تحقیق سے یہ بھی دریافت ہوچکا ہے کہ پھول گوبھی میں کینسر سمیت کئی بیماریوں سے بچانے کی خداداد صلاحیت موجود ہے۔ درمیانی جسامت کی ایک پھول گوبھی میں کینو سے زیادہ وٹامن سی، وافر مقدار میں وٹامن کے (K)، بی ٹا کیروٹین کی شکل میں وٹامن اے، کئی اقسام کے وٹامن بی (بی1، بی2، بی3، بی5، بی 6 اور فولک ایسڈ یعنی وٹامن بی9)، فائبر، فائٹو کیمیکلز اور اہم غذائی معدنیات بھی موجود ہوتے ہیں۔ گوبھی ایک ایسی قدرتی غذا ہے جو پروسٹیٹ، جگر، پھیپھڑوں اور جگر کے سرطان کے علاوہ خواتین کو چھاتی کے سرطان سے بچانے میں بھی خصوصی اہمیت رکھتی ہے۔ گوبھی وزن گھٹانے میں بھی مفید ہے بشرطیکہ آپ روزانہ 100 گرام کے لگ بھگ کچی یا ابلی ہوئی گوبھی کھانے کے ساتھ صرف 5 منٹ کی چہل قدمی یا 2 منٹ تیز دوڑنے کی عادت ڈال لیں۔ البتہ اگر اس میں تازہ اور سبز اجوائن (celery) بھی شامل کرلی جائے تو وزن گھٹانے میں گوبھی کے فوائد کو چار چاند لگ جاتے ہیں۔ گوبھی ہمارے جسم کو بیماریوں کے خلاف بھی مضبوط بناتی ہے، خاص طور پر سردیوں کے موسم میں یا ان دنوں میں جب موسم بدل رہا ہو۔ اس ضمن میں چھوٹی جسامت والی ایک گوبھی (ڈنٹھل اور پتوں سمیت) مفید رہتی ہے جسے ہفتے میں 3 سے 4 مرتبہ کھایا جاسکتا ہے۔
دل کی بیماریوں سے بچاؤ میں بھی گوبھی سے فائدہ ہوتا ہے کیونکہ اس میں ایسے غذائی اجزاء اور معدنیات شامل ہوتے ہیں جو ہمارے خون کی رگوں میں نرمی اور لچک برقرار رکھتے ہیں جب کہ یہ دل کے لیے نقصان دہ کولیسٹرول کی مقدار بھی گھٹاتی ہے۔ ان سب کی وجہ سے جسم میں خون کی گردش معمول پر رہتی ہے اور دل کے مختلف امراض کا خطرہ بھی کم ہوجاتا ہے۔ جلد کی تازگی اور شادابی کے لیے بھی روزانہ گوبھی کھانا زبردست فائدہ مند ہے کیونکہ اس میں وہ سارے اہم وٹامن پائے جاتے ہیں جو ہماری جلد کو نہ صرف کیلوں اور مہاسوں سے بچاتے ہیں بلکہ جلد کے خلیات کو بھی صحت مند رکھنے میں مدد دیتے ہیں۔ شوگر کے مریضوں کو بھی اس عام سبزی سے خاص فائدہ پہنچتا ہے کیونکہ گوبھی میں ایسے قدرتی مادّے پائے جاتے ہیں جو خون میں شوگر کی مقدار کم کرتے ہیں۔ ماہرین کا کہنا ہے کہ ذیابیطس کے مریضوں کو روزانہ کم از کم 100 گرام گوبھی (کچی یا ابلی ہوئی) کھانی چاہیے۔ ایک بار پھر یاد دلادیں کہ گوبھی سے ہماری مراد گوبھی کا پھول، اس کا ڈنٹھل اور پتے ہیں۔
گوبھی میں شامل اجزاء ہماری آنکھوں کو محفوظ بنانے کے علاوہ نظر بہتر بنانے میں بھی معاون ہوتے ہیں جب کہ اس میں شامل وٹامن سی، سلفر اور کچھ امائنو ایسڈز ایسے بھی ہیں جو ہمارے جسم میں بننے والے مختلف زہریلے مادوں کے مضر اثرات زائل کرتے ہیں۔ یہی نہیں بلکہ اگر آپ اعصابی تناؤ یا ذہنی دباؤ کا شکار ہیں تو کچی گوبھی آپ کے لیے بہترین دوا ہے جب کہ یہ ہڈیوں کو مضبوط بنانے اور دماغ کو تقویت پہنچاتی ہے۔ آپ کو صرف اتنا کرنا ہے کہ اوپر دی گئی ہدایات کے مطابق اور اعتدال برقرار رکھتے ہوئے گوبھی کو اپنی روزمرہ غذا کا حصہ بنائیں اور ویسے بھی یہ سردیوں کے موسم میں زیادہ ہوتی ہے اس لیے ہمارا مشورہ تو یہی ہے کہ سردیاں رخصت ہونے سے پہلے پہلے گوبھی سے جتنا فائدہ اٹھاسکتے ہیں، اٹھا لیجیے۔