ایمز ٹی وی (تعلیم /کراچی ) ریجنل ڈائریکٹر کالجز ضمیر کھوسو نے گورنمنٹ کالج آف کامرس اینڈ اکنامکس ون کا دورہ کیا۔ انہوں نے کالجز میں نصب بائیو میٹرک مشین کا افتتاح کیا۔

دورہ کے موقع پر انہوں نے کالج پرنسپل پروفیسر ڈاکٹر رضیہ کھوکھر اور اساتذہ سے ملاقات کی انہوں نے پرنسپل کے انتظامی امور کی تعریف کی اور کالج کے لئے اٹھائے جانے والے اقدامات پر ان کو سراہا۔ کالج پرنسپل نے کالج کے مسائل سے آگاہ کیا جس پر انہوں نے مسائل کے حل کا وعدہ کیا۔

ایمز ٹی وی (تجارت)کینو برآمد کندگان کو عالمی مارکیٹ ترکی سے سخت مقابلے درپیش ہیں. حکومت پھلوں اور سبزیوں کی برآمدات کو ایکسپورٹ پیکیج میں شامل کرے.

چیئرمین فروٹ اینڈ ویجیٹیل ایسوسی ایشن وحید احمد نے میڈیا سے بات کرتے ہوئے کہا کہ وسط جنوری تک پاکستان نے ایک لاکھ پچیس ہزار ٹن کینو برآمد کیا، جو گذشتہ سال کے اسی عرصے کے مقابلے میں تقریبا پانچ فیصد کم ہے۔ برآمدات میں کمی کی وجہوہات بتاتے ہوئے وحید احمد نے کہا کہ ترکی میں اس سال کینو کی بمپر فصل ہوئی ہے جبکہ ترکش لیرا کی قدر کم ہونے کی وجہ سے ان کی قیمت بھی کم ہے۔

ایمز ٹی وی (تعلیم/ حیدرآباد) چانسلر اسریٰ یونیورسٹی پروفیسر ڈاکٹر اسد اﷲ قاضی نے کہا ہے کہ طلبا و طالبات اپنے تعلیمی دور میں سخت محنت کرتے ہیں اور آج ان کی کامیابیوں کا دن ہے۔

ان خیالات کا اظہار انہوں نے اسریٰ یونیورسٹی میں ہونے والے کانووکیشن سے خطاب کرتے ہوئے کیا۔ انہوں نے طلباء و طالبات پر زور دیتے ہوئے کہا کہ وہ سب سے پہلے اپنے مقصد کا تعین کریں اور اس کے بعد اس کو حاصل کرنے کیلئے سخت محنت کریں۔

اس موقع پر 370 کامیاب طلبا ء و طالبات کو اسناددی گئیں۔

ایمز ٹی وی(اسپورٹس) ایک ایسا سوال جس کا جواب خود پی سی بی کو بھی نہیں پتا ۔ مصباح الحق کے بعد ٹیسٹ ٹیم کا کپتان کون ہوگا؟ لیکن اب سابق فاسٹ بالر شعیب اختر نے ایسے شخص کا نام لے دیا ہے کہ اعلیٰ حکام بھی اس پہلو پر سوچنے پر مجبور ہو جائیں گے۔

سماجی رابطوں کی ویب سائٹ ٹوئٹر پر اپنے ایک پیغام میں شعیب اختر نے کہا کہ یہ آگے بڑھنے کا وقت ہے اس لیے ہمیں مستقبل پر سرمایہ کاری کرتے ہوئے بابر اعظم کو ٹیسٹ ٹیم کا کپتان بنانا چاہیے۔ واضح رہے کہ بابر اعظم جو کہ ابھی صرف 22 سال کے ہیں نے تینوں فارمیٹ کی کرکٹ میں آتے ہی جھنڈے گاڑ دیے ہیں اوربہت تھوڑے میچز کھیل کر ہی آئی سی سی کی ون ڈے رینکنگ میں دسویں نمبر پر آگئے ہیں۔ 

بابر اعظم نے اب تک 23 ون ڈے میچز کھیل کر 4 سنچریاں اور 6 نصف سنچریاں بنائی ہیں جبکہ 6 ٹیسٹ میچز میں انہوں نے 2 نصف سنچریوں کی مدد سے 300 رنز سکور کیے ہیں۔ دورہ آسٹریلیا کے دوران بہترین کارکردگی کا مظاہرہ کرنے پر پی سی بی کی جانب سے بابر اعظم کا بولنگ ایکشن ٹیسٹ بھی کرایا گیا ہے تاکہ انہیں مستقبل میں آل راﺅنڈر کے طور پر استعمال کیا جاسکے