ایمزٹی وی(کراچی) قومی اسمبلی کی نشست این اے 258 میں ضمنی انتخاب کے لئے پولنگ کا عمل صبح 8 بجے شروع ہوگیا جو شام 5 بجے تک بلا تعطل جاری رہے گا۔ قومی اسمبلی کے اس حلقے میں صوبائی اسمبلی کی 2 نشستیں، 32 یونین کونسلز اور 5 یونین کمیٹیاں شامل ہیں، حلقے میں رجسٹرڈ 4 لاکھ 8 ہزار 613 ووٹرز کے لئے مجموعی طور پر 287 پولنگ اسٹیشنز میں سے کسی بھی پولنگ اسٹیشن کو نارمل قرار نہیں دیا گیا، 214 پولنگ اسٹیشنز حساس اور 73 انتہائی حساس قرار دیے گئے ہیں۔ پولنگ کے دوران سیکیورٹی کے لیے پولیس اور رینجرز کے 2 ہزار 748 اہلکار تعینات کیے گئے ہیں۔

پیپلز پارٹی کے عبدالحکیم بلوچ، جے یو آئی (ف) کے مولانا اکرم شاہ، سنی تحریک کے منور علی گبول اور جے یو آئی (س) کے شاہ ولی اللہ میدان میں ہیں جب کہ 8 امیدوار آزاد حیثیت میں حصہ لے رہے ہیں۔ ایم کیو ایم نے دھاندلی کے خدشات کا اظہار کرتے ہوئے انتخابی عمل کے بائیکاٹ کا اعلان کیا تھا جب کہ تحریک انصاف نے بھی حلقے میں سرکاری وسائل کے بے دریغ استعمال کے باعث انتخاب کے بائیکاٹ کا اعلان کر دیا، مسلم لیگ (ن) اس انتخاب میں حصہ ہی نہیں لے رہی۔

واضح رہے کہ 2013 کے عام انتخابات میں عبدالحکیم بلوچ نے مسلم لیگ (ن) کے ٹکٹ پر این اے 258 کی نشست جیتی تھی جب کہ پیپلز پارٹی دوسرے اور تحریک انصاف تیسرے نمبر پر تھی تاہم اس بار عبدالحکیم بلوچ اور تحریک انصاف کے امیدوار پیپلزپارٹی کی حمایت کر رہے ہیں۔

ایمزٹی وی(آزاد کشمیر) لاہور ہائی کورٹ بار کے اراکین کے اعزاز میں اپنی جانب سے دئیے گئے عشا ئیہ سے خطاب اور وفود سے گفتگو کرتے ہوئے وزیر اعظم آزاد کشمیر راجہ فاروق حیدر خان نے کہا ہے کہ دشمن ہماری سرحدوں کو غیر محفوظ بنا نا چاہتا ہے جبکہ کچھ لوگ پاناما لیکس کو سب سے بڑا مسئلہ قرار دیتے ہیں ۔ میڈیا کو اپنی ترجیحات کا تعین کرنا چا ہئے ۔ملکی سلامتی سے بڑھ کر کوئی چیز نہیں ۔ کشمیری تھکنے والی قوم نہیں ۔ہندوستان مقبوضہ کشمیر کے اندر دہشتگردی کررہا ہے ۔ پاکستان اور کشمیر ایک ہیں کوئی الگ نہیں کر سکتا۔ جنرل راحیل شریف پر سرینگر سے مظفرآباد تک کے کشمیریوں کو فخرہے ۔

جنرل راحیل شریف کا نام تاریخ میں سنہری حروف سے لکھا جائے گا ، آپریشن ضرب عضب کی وجہ سے دہشتگردوں کی کمرٹوٹ گئی ہے ، آرمی چیف بھارت کی آنکھوں میں آنکھیں ڈال کر باتیں کرتے ر ہے اس پر ہمیں فخر ہے ،پاک فوج کشمیر یوں کی جان ومال اور عزت کی محافظ جبکہ ہندوستانی ناپاک افواج ان کی توہین کررہی ہے ۔ بھارت مقبوضہ کشمیر سے رسوا ہوکر نکلے گا پاکستانی وکلاء برادری کی کشمیرکاز کیلئے خدمات لائق تحسین ہیں ۔ پاکستان میں بسنے والے لوگ پیدائشی پاکستانی جبکہ ہم اپنی مرضی اور منشاء کے مطابق پاکستان کا حصہ بننا چاہتے ہیں ۔

اس موقع پر وزیر اعظم نے کہا کہ پاکستان کی ترقی ، خوشحالی اور مسئلہ کشمیر کے حل کیلئے جمہوری طور پر مستحکم پاکستان ناگزیر ہے ۔ملک انارکی کا متحمل نہیں ہو سکتا۔ عوامی رائے کو مقدم اور مقدس سمجھا جانا چا ہئے ۔ قانون سے کوئی بھی شخص بالاتر نہیں ۔ پاکستان اور آزاد کشمیر کے وکلاء کے درمیان رابطے اشد ضروری ہیں ، حکومت آزاد کشمیر اس حوالہ سے تمام سہولیات فراہم کرے گی۔ صدر لاہور ہائی کورٹ بار نے کہا کہ راجہ فاروق حیدر خان ایک کردار کا نام ہے انہوں نے آزاد کشمیر کے عوام کے حقوق کی جنگ لڑی جس کی وجہ سے انہیں آج یہ مقام ملا ہے

ایمزٹی وی(اسلام آباد)چیئرمین جوائنٹ چیفس آف اسٹاف کمیٹی کی کمانڈ تبدیلی کی تقریب جوائنٹ اسٹاف ہیڈکوارٹرز میں پروقار تقریب ہوئی۔ تینوں افواج کے مسلح دستوں نے جنرل زبیر محمود حیات کو سلامی دی۔ دوسری طرف نئے سپہ سالار جنرل قمر جاوید باجوہ کل پاک فوج کی کمان سنبھالیں گے۔

جنرل ہیڈ کوارٹرز راولپنڈی میں فوجی قیادت کی تبدیلی کی تیاریاں جاری ہیں۔ کل ہونے والی تقریب میں نئے آرمی چیف فرمان امروز جاری کریں گے۔ جنرل راحیل شریف روایتی چھڑی بھی ان کے سپرد کریں گے۔

سبکدوش ہونے والے آرمی چیف جنرل راحیل شریف کو گارڈ آف آنر بھی پیش کیا جائے گا۔ وفاقی وزراء اور اہم شخصیات بھی تقریب میں شریک ہونگی۔

ادھر پاک فوج کے شعبہ تعلقات عامہ نے وضاحت کی ہے کہ نئے آرمی چیف جنرل قمر جاوید باجوہ کا سوشل میڈیا پر کوئی بھی اکاؤنٹ نہیں، ان سے منسوب تمام اکاؤنٹ جعلی ہیں۔

عمران خان نے مقبوضہ کشمیر میں انسانی حقوق کے حوالے سے اقوام متحدہ کے مبصرین مقرر کرنے سمیت سلامتی کونسل کے باب ہفتم کے تحت سلامتی کونسل کا فوری اجلاس طلب کرنے کا مطالبہ کیا۔

ایمزٹی وی (کراچی) میئر کراچی وسیم اختر نے کہا ہے کہ میرے بیانات سے ماضی میں جن کی دل آزاری ہوئی ان سے سب سے معذرت چاہتا ہوں۔وزیراعظم اور وزیراعلیٰ کراچی کےلیے خصوصی پیکج کااعلان کریں۔

عدالت پیشی پر میڈیا سے گفتگو میں انہوں نے کہا کہ گزرے وقت کوبھلا کر پاکستان کے لیے کام کرنا ہے ،ہمیں ملک کے لیے سیاست سے بالاتر ہوکر کام کرنا ہوگا ۔

قبل ازیں سانحہ 12مئی 2007ء کے 4جبکہ اشتعال انگیز تقاریر کے 2 مقدمات کی سماعت انسداد دہشتگردی عدالت میں ہوئی۔ کراچی میں انسداد دہشتگردی کی عدالت نے سانحہ 12 مئی اور اشتعال انگیز تقاریر کے مقدمات میں مئیر وسیم اختر کو حاضری سے مستثنیٰ قراردے دیا۔

مئیر کراچی وسیم اختر اور دیگر ملزمان عدالت میں پیش ہوئے،عدالت نے وسیم اختر کو حاضری سے استثنیٰ دیتے ہوئے سانحہ 12مئی کے مقدمات میں 4ملزمان کی درخواست ضمانت پرفیصلہ محفوظ کرلیا

ایمزٹی وی(تعلیم/ کراچی) جامعہ کراچی کے ناظم امتحانات پروفیسرڈاکٹرارشد اعظمی کے مطابق بی کام سال اول پرائیویٹ ضمنی امتحانات برائے 2015 کی مارکس شیٹ جاری کردی گئی ہیں۔

طلبہ کو ہدایت کی جاتی ہے کہ وہ اپنی مارکس شیٹ جامعہ کراچی کے سلورجوبلی گیٹ پر واقع کاؤنٹرنمبرایک سے حاصل کرلیں۔

مارکس شیٹ کے حصول کے لیے اصل ایڈمٹ کارڈ،رجسٹریشن کارڈ اورقومی شناختی کارڈہمراہ لاناضروری ہے -

ایمزٹی وی(اسلام آباد) نئے آرمی چیف کا تقرر کر دیاگیا اور لیفٹیننٹ جنرل قمر جاوید باجوہ جنرل راحیل شریف کے بعد پاک فوج کے نئے سپہ سالار ہوں گے جبکہ لیفٹیننٹ جنرل زبیر حیات کو جنرل کے عہدے پر ترقی دے کر چیئرمین جوائنٹ چیفس آف اسٹاف کمیٹی مقرر کردیاگیا تاہم باضابطہ نوٹیفکیشن جاری ہونا باقی ہے۔

مقامی میڈیا کے مطابق جنرل قمرجاوید باجوہ کا تعلق انفنٹری (بلوچ رجمنٹ) سےہے، وہ کور کمانڈر راولپنڈی اور آئی جی ٹریننگ اینڈ ڈی ویلیوایشن جی ایچ کیو رہ چکے ہیں۔ جنرل قمرجاوید باجوہ نے بطور بریگیڈ کمانڈر کانگو میں اقوام متحدہ کے امن مشن کی کمان کی۔یاد رہے کہ جنرل یحییٰ خان، جنرل اسلم بیگ اور جنرل اشفاق پرویز کیانی کا تعلق بھی بلوچ رجمنٹ سے تھا۔

دوسری طرف نئے چیئرمین جوائنٹ چیفس آف اسٹاف کمیٹی جنرل زبیر حیات اس سے قبل چیف آف جنرل اسٹاف کے عہدے پرفائز تھے، وہ ڈی جی اسٹریٹجک پلاننگ ڈویژن ،سٹاف ڈیوٹیز ڈائریکٹریٹ کے سربراہ اور جی او سی سیالکوٹ کے عہدے پربھی رہ چکے ہیں۔

ایمزٹی وی(خیبرپختونخواہ) وزیر اعلیٰ خیبرپختونخوا پرویز خٹک کا کہنا ہے کہ وفاق سے فنڈز کی منتقلی سست روی کا شکار ہے،آئینی طور پر حق مانگنا بھی آتا ہے اور لینا بھی جانتے ہیں۔سی پیک پر وزیراعظم جلد سیاسی رہنماؤں کو بلائیں ورنہ ملک کانقصان ہوگا۔

میڈیا سے گفتگو کرتے ہوئے پرویز خٹک نے کہا کہ ہم نہیں ، پاناما لیکس کہتی ہے کہ کرپشن ہوئی ،سی پیک پر وزیراعظم جلد سیاسی رہنماؤں کو بلائیں ورنہ ملک کانقصان ہوگا۔

انہوں نے کہا کہ 6 پہلے تک وزیراعظم کچھ اور کہتے تھے اور اب کچھ اورکہہ رہے ہیں، ہم پاناما کا مسئلہ عدالت میں لے گئے ہیں، اب شہزادے اچانک کہاں سے آگئے۔

ایمزٹی وی(کراچی) کراچی میں ایک تقریب سے خطاب کرتے ہوئے انہوں نے کہا کہ کراچی آپریشن شروع ہونے کے بعد ان تین سالوں میں تبدیلی کے گواہ آپ ہیں ،شہر میں سیکیورٹی کے حالات بہتر ہو چکے ہیں ،ہمارا آپریشن جاری ہے ۔

ان کا کہنا تھا کہ تمام اداروں کو مل کر کراچی آپریشن کو اگلی سطح پر لے کر جانا ہو گا تاکہ شہریوں کو پھر دوبارہ اس قسم کے مسائل کا سامنا نہ کرنا پڑے ۔ڈی جی رینجرز سندھ نے کہا کہ پاکستان رینجرز سندھ صوبائی اور مرکزی حکومت کی مدد سے تین بڑے کام شروع کر رہی ہیں جس میں سب سے پہلے نمبر پر اسکل ڈویلپمنٹ پروگرام ہے ۔

انہوں نے بتایا کہ اس پروگرام کے تحت سندھ رینجرز ایک سنٹر قائم کرے گی جس میں ہزاروں بچے اور بچیوں کے لیے ٹریننگ کا اہتمام کیا جائے گا ۔ان کا کہنا تھا کہ اسکل ڈویلپمنٹ پروگرام کے لیے ایسے بچوں کو ترجیح دی جائے گی جن کا تعلق تشدد زدہ علاقوں یا بد امنی سے متاثرہ خاندانوں سے ہے ۔

میجر جنرل بلال اکبر نے کہا کہ دوسرے نمبر پر وکٹم سپورٹ پروگرام شروع کیا جائے گا جس کے تحت بسوں اور فیکٹریوں میں جلائے جانے والے معصوم لوگوں ،جلسے جلوسوں میں دھماکوں سے شہید ہونے والو ں ،دہشت گردی اور ٹارگٹ کلنگ کا نشانہ بننے والوں اور اغوا برائے تاوان سمیت شہر میں بد امنی کا شکار لوگوں کے ورثا کی بھر پور مدد کی جائے گی ۔

ان کاکہنا تھا کہ اس پروگرام کے تحت متاثرہ خاندانوں کی ہر طرح سے مدد کی جائے گی ۔انہوں نے بتا یا کہ تیسرے نمبر پر سندھ رینجرز اصلاحی مرکز قائم کرے گی جس میں ایسے بچوں کی اصلاح کی جائے گی جو خوف کے ماحول میں مختلف تنظیموں اور گینگز کے ساتھ منسلک رہے ہیں ۔

ان کا کہنا تھا کہ ایسے بچے جنہیں لوگوں نے ڈرا کر اپنے گروہوں میں شامل کیا اور ان سے چھوٹی موٹی وارداتیں کروائیں ،ایسے بچوں کی اصلاح کی جائے گی تاکہ وہ معاشرے کے مفید شہری بن سکیں ۔انہوں نے مزید بتا یا کہ ابھی تک اصلاحی مرکز میں 32نوجوان آچکے ہیں جن کی اصلاح کا سلسلہ جاری ہے ۔

ایمزٹی وی (کراچی) مراد علی شاہ کا لوکل گورنمنٹ سے متعلق وزیراعلیٰ ہائوس میں سیمینار خطاب کرتے ہوئے کہنا تھا کہ آصف زرداری نے اپنے اختیارات سے دستبردار ہوکرصوبوں کوطاقتوربنایا۔ ہم نے 22اگست کی صورتحال کے باوجودبلدیاتی انتخابات کروائے۔

وزیر اعلیٰ نے کہا کہ میرے پاس اختیارات ہیں لیکن ان سے تجاوزنہیں کرسکتا،پیسے جاری کرناپبلک اکائونٹس کمیٹی کاکام ہے،میرانہیں ہے۔ہم نے کو شش کی ہے کہ ہریوسی کوتھوڑے پیسے دےدیں، ہمارے پاس جو وسائل ہیں اس کے مطابق ہی کام کرنا ہوگا۔

ان کا کہنا تھا کہ آپ منتخب نمائندے ہیں آپ کے فیصلے کو ترجیح دی جائیگی ،کراچی کے پانی کا مسئلہ بھی جلد حل کریں گے،شہرکے تمام بڑے مسائل کے حل کیلئے کام کررہے ہیں،میری ساری توجہ ترقیاتی کاموں پرہے۔ ہم صوبے کی خدمت کرنے کے لیے آئے ہیں، حیدر آباد کے حوالے سے ان کا کہنا تھا کہ میں خودحیدرآبادمیں پڑھاہوں،مجھے پوراسندھ عزیزہے۔

وزیر اعلٰی کا مزید کہناتھا کہ اسلام آبادکے کچھ عناصرنہیں چاہتے تھے کہ بلدیاتی انتخابات ہوں۔ہم بلدیاتی نظام کیسے چلاتے جب کہ معاملہ عدالتوں میں تھا ،کہاگیاکہ صوبائی حکومت نہیں چاہتی کی بلدیاتی ادارے بنیں۔