Reporter SS
ایمز ٹی وی ( کراچی )ایکسپو سینٹر میں نویں بین الاقوامی دفاعی نمائش آئیڈیاز 2016 کے چوتھے اورآخری روز عوام کی بڑی تعداد نمائش دیکھنے کے لئے پہنچ گئی۔ کراچی ایکسپوسینٹرمیں جاری نویں بین الاقوامی دفاعی نمائش آئیڈیاز 2016 کا چوتھا اور آخری روز ہے، آج عام عوام کو بھی دفاعی نمائش دیکھنے کی اجازت ہے جس کے باعث پاکستانی اور بین االاقوامی کمپنیوں کا تیارکردہ سامان حرب دیکھنے کے لئے ایکسپوسینٹر کے باہر شوقین افراد کی لمبی قطاریں لگ گئی ہیں۔
ہتھیاربرائے امن کے نام سے جاری نمائش میں پاکستان کے ترکی، فرانس، یوکرائن، چیک ری پبلک، پولینڈ، بیلجیئم اورآذربائیجان سے معاہدے طے پائے ہیں، نمائش میں 3 روز کے دوران مجموعی طور پر 15 معاہدوں اور مفاہمت کی یاد داشتوں پر دستخط کئے گئے۔ دفاعی نمائش میں 90 دفاعی وفود دنیا بھر کے 43 ملکوں کی نمائندگی کررہے ہیں۔ نمائش میں 157 پاکستانی اور 261 غیر ملکی کمپنیوں سمیت مجموعی طور پر 418 کمپنیاں اپنی مصنوعات پیش کررہی ہیں جب کہ پاکستان کا الخالد ٹینک، جے ایف 17 تھنڈر، سپر مشاق، میزائل بوٹس، بکتر بند گاڑیاں اور دیگر ملٹری آلات عوام کی خصوصی توجہ کا مرکز بنے ہوئے ہیں۔ قطاروں میں لگے شہریوں کا کہنا تھا کہ ایسے مواقع بہت کم ملتے ہیں کہ دفاعی سازو سامان کواس اندازمیں دیکھ سکیں اس لیے ہم بہت زیادہ پرجوش ہیں کیونکہ ہم نہ صرف ملکی بلکہ غیرملکی اسٹالز پربھی جا کردفاعی سازو سامان کو دیکھ سکیں گے۔
ایمز ٹی وی ( کراچی )سندھ اسمبلی نے جمعرات کو اقلیتوں کے قانونی حقوق کے تحفظ سے متعلق کرمنل لا پروٹیکشن آف منارٹی بل2015 کی منظوری دے دی، اس بل کے تحت مذہب کی جبری تبدیلی اور شادی پر7سال قید ہوگی۔ یہ بل اقلیتی اراکین نندکمار اور کھٹومل جیون نے پیش کیا تھا جسے اسٹینڈنگ کمیٹی کوبھیجاگیاتھا، جمعرات کواسٹینڈنگ کمیٹی کے چیئرمین کھٹومل نے اسے ایوان نے پیش کیاجسے متفقہ طورپر منظورکرلیاگیا۔ بل کے تحت فوجداری قانون کے تحت زبردستی مذہب تبدیل کراکے شادی کرناجرم تصور کیا جائے گا اور اس میں ملوث شخص کو7 سال قید اورسہولت کار کو3 سے 5 سال سزاہوگی۔
بل کے مطابق18 برس سے کم عمر لڑکے اورلڑکی کے مذہب تبدیل کرنے پرپابندی ہوگی، بالغ شخص کومذہب تبدیل کرنے سے قبل21دن تک سیف ہاؤس میںرکھاجائے گا،21دن کے دوران سیف ہاؤس میں مذاہب سے متعلق موادفراہم کیا جائے گا اس طرح متعلقہ شخص کوچند روزسوچنے کاموقع فراہم کیاجائے گا۔ وزیر پارلیمانی امور نثارکھوڑو نے بل کی منظوری پرتمام ارکان کومبارک بادپیش کرتے ہوئے کہا کہ یہ پیپلز پارٹی کی حکومت کاکارنامہ ہے کہ اس نے اقلیتوں سے متعلق ایک پرائیویٹ بل منظور کرایا ہے تاکہ ان کے حقوق کا تحفظ ممکن ہوسکے۔ ایم کیوایم کے سیدسرداراحمدنے کہاکہ سندھ اسمبلی کی جانب سے منظور کردہ یہ بل ایک خوش آئنداقدام ہے، مہذب معاشروں میں اب منارٹی کا لفظ ہی ختم ہوتا جارہا ہے۔
تحریک انصاف کے ثمرعلی خان نے بل کی منظوری پر ایوان کو مبارکباد پیش کی جبکہ نندکمارنے اپنے پرائیویٹ بل کی منظوری کیلیے حمایت پر پیپلز پارٹی اوردیگرپارٹیوں کے ارکان کا شکریہ اداکیا۔ ایوان میں رضاکارانہ سماجی بہبود کے اداروں(رجسٹریشن اینڈ کنٹرول) آرڈی ننس 1961 اور سندھ ورکرز ویلفیئر فنڈ ( ترمیمی ) بل 2016 ، سندھ ایمپلائز سوشل سیکیورٹی (ترمیمی) بل2016بھی متعارف کرائے گئے۔ اسپیکرنے یہ تمام بل مزید غور کے لیے متعلقہ مجالس قائمہ کے حوالے کردیے۔
اجلاس میں سندھ ٹیکنیکل ایجوکیشن اینڈ ٹیکنیکل ٹریننگ اتھارٹی (اسٹیوٹا) میں پیپلزپارٹی کے 2ارکان سندھ اسمبلی فرازڈیرو اورڈاکٹرشرجیلا کوبحیثیت بورڈممبرمنتخب کرلیاگیا۔ جمعرات کو وزیر پارلیمانی امورنے اسٹیوٹا کے بورڈ آف گورنرزکے لیے سندھ اسمبلی کے 2ارکان کے انتخاب کے حوالے سے ایک قرارداد پیش کی تھی۔ پیپلزپارٹی نے ایم کیو ایم کے پارلیمانی رہنماسید سردار احمد کی اس تجویز سے اتفاق نہیں کیا کہ اسٹیوٹا کے 2 اراکین میں ایک حزب اختلاف سے لیا جائے۔
قبل ازیں اسپیکر آغا سراج درانی نے تحریک انصاف کے رکن خرم شیرزمان کی ایک تحریک التوا کوخلاف ضابطہ قرار دے کر مستردکردیا۔ محرک کا کہنا تھا کہ پورے سندھ میں گھوسٹ اسپتالوں، گھوسٹ میڈیکل ایمپلائز کی وجہ سے لوگ طبی سہولتوںسے محروم ہیں۔ نثارکھوڑونے تحریک کی مخالفت کرتے ہوئے اس میں استعمال کیے جانے والے الفاظ پراعتراض کیا۔ سید سردار احمد نے بھی نثار کھوڑو کے موقف کی تائیدکی۔ قبل ازیں ارکان کے مختلف توجہ دلاؤ نوٹس کے جواب میں اظہار خیال کرتے ہوئے نثارکھوڑو نے کہا کہ حکومت سندھ صوبے کے تمام شہری اور دیہی کے علاقوں کے عوام کو درپیش مسائل سے پوری طرح واقف ہے اور وہ انھیں حل کرنے کی سنجیدہ کوششیں کر رہی ہے۔
ایمزٹی وی(اسلام آباد) قومی اسمبلی میں اظہار خیال کرتے ہوئے وزیر دفاع خواجہ آصف نے کہا کہ بھارت پاکستان میں دہشت گردی میں ملوث ہے جس کے ثبوت ہم نے اقوام متحدہ کو بھی دیئے ہیں، پاکستانی سیکورٹی فورسز نے دہشت گردوں کی کمر توڑ دی ہے جب کہ سی پیک منصوبہ پاکستان کے لیے گیم چینجر ثابت ہوگا اور یہ منصوبہ ہر صورت میں مکمل ہوگا لیکن بھارت ایسا نہیں چاہتا ہے، سی پیک تکمیل کے قریب پہنچے گا تو کئی دیگر ممالک بھی اس میں شامل ہوں گے۔
انہوں نے کہا کہ ایل او سی پر پاکستان پہل نہیں کرتا البتہ بھارتی اشتعال انگیزی کا بھرپور جواب دیا جاتا ہے اور ہم پاکستان کی سرحدوں، پانیوں اور فضاؤں کی حفاظت کی مکمل صلاحیت رکھتے ہیں۔
خواجہ آصف کا کہنا تھا کہ برہان وانی کی شہادت کے بعد مقبوضہ کشمیر میں تحریک آزادی کو نئی جہت ملی جب کہ بھارتی فوج نے بربریت کا بازار گرم کرتے ہوئے سیکڑوں نہتے کشمیریوں کو شہید کیا گیا اور پیلٹ گن استعمال کرکے بڑی تعداد میں لوگوں کی بینائیوں سے بھی محروم کردیا۔
ان کا کہنا تھا کہ بھارت میں انتخابات قریب ہیں اس لیے شدت پسندانہ جذبات کو ابھارا جا رہا ہے، نریندر مودی گجرات سے قتل عام کا جو ورثہ لائے اسے مسلط کر رہے ہیں جب کہ بھارت میں ڈی مونٹائزیشن پالیسی ناکام ہو گئی اور مودی نے تو والدہ کو بھی نوٹ تبدیل کروانے کے لیے قطار میں کھڑا کر دیاہے۔
خواجہ آصف نے کہا کہ وزیر خارجہ کا نہ ہونا میری دانست میں کوئی مسئلہ نہیں، ذوالفقار علی بھٹو نے بھی غیر منتخب شخص کو ذمہ داریاں دے رکھی تھیں۔
ایمزٹی وی(لوئردیر) اے این پے کے مقامی رہنما محمد گل نے چالان کرنے پر ٹریفک اہلکار پر پستول تان لیا ۔
ذرائع کے مطابق تیمر گرو میں اے این پے کامقامی رہنما محمد گل گاڑی کا چالان ہونے پر آگ بگولا ہو گیا اور ٹریفک اہلکار پر پستول تان لیا ، گریبان پکڑا اور ہاتھا پائی بھی کی۔
محمد گل نے ٹریفک اہلکار کو دھمکیاں دیتے ہوئے موقع سے فرار ہونے کی کوشش کی مگر دیگر اہلکاروں نے اسے پکڑ کر پولیس کے حوالے کر دیا جہاں تلاشی کے دوران اس سے پستول برآمد ہونے کے بعد حوالات میں بند کر دیا گیا ہے ۔
ٹریفک اہلکار کا کہنا ہے کہ اس نے ٹریفک قوانین کی خلاف ورزی پر گاڑی کو روکا اور قانون کے مطابق چالان کر دیا مگر اس پر محمد گل نے پستول نکال کر تان لیا اور سنگین نتائج کی دھمکیاں بھی دیں ۔
ایمزٹی وی(اسلام آباد) چیف آف آرمی اسٹاف جنرل راحیل شریف نے کہا ہے کہ میرا ایمان ہے پاکستانی قوم نے دہشت گردی کے خاتمے کا عزم اور ارادہ کر لیا ہے۔ انشاءاللہ پاکستان کے آنے والے دن بہت اچھے ہوں گے۔
میڈیا رپورٹس کے مطابق امریکی سفیر ڈیوڈ ہیل نے آرمی چیف جنرل راحیل شریف سے ملاقات کی جس
دوران انہوں نے دہتش گردی کے خلاف پاک فوج کی کامیابیوں کو سراہا۔ ان کا کہنا تھا کہ جنرل راحیل کی سربراہی میں پاک فوج نے دہشت گردی کے خلاف اہم کامیابیاں حاصل کی ہیں جسے پوری دنیا مانتی ہے۔
دریں اثناءاوکاڑہ روانہ ہونے سے قبل آرمی چیف جنرل راحیل شریف نے صحافیوں سے بات چیت کرتے ہوئے کہا کہ میرا ایمان ہے پاکستانی قوم نے دہشت گردی کے خاتمے کا عزم اور ارادہ کر لیا ہے اور مجھے یقین ہے کہ پاکستان کی سرزمین سے دہشت گردی کاصفایا ہو جائے گا۔
ان کا کہنا تھا کہ میں نے جو فیصلہ کیا ہے وہ قوم اور ملک کے مفاد میں کیاہے اور قوم کی خدمت کیلئے حاضر ہوں، انشاءاللہ پاکستان کے آنے والے دن بہت اچھے ہوں گے۔
ایمزٹی وی(خیبر پختونخواہ)آرمی چیف جنرل راحیل شریف نے شاہد آفریدی کے ہمراہ خیبر ایجنسی کی تحصیل باڑہ میں ’شاہد آفریدی اسپورٹس کمپلیکس' کا فتتاح کیا اور اس موقع پر خوشگوار ماحول میں دونوں کے درمیان گفتگو بھی ہوئی ۔
واضح رہے کہ شاہد آفریدی بنگلہ دیش پریمئر لیگ میں رنگپور رائیڈر ز کی طرف سے کھیل رہے ہیں اور افتتاحی تقریب سے قبل وہ بنگلہ دیش میں ہی موجود تھے
لیکن آرمی چیف کی خصوصی درخواست پر وہ بنگلہ دیش سے پاکستان آئے اور جنرل راحیل شریف کے ساتھ مل کر اسپورٹس سٹیڈیم کا افتتاح کیا ۔
آرمی چیف نے اس موقع پر شاہد آفریدی کو ’گولڈ پسٹل‘ تحفہ بھی دیا جسے کھلاڑی نے انتہائی خوشی کے ساتھ قبول کرتے ہوئے راحیل شریف کا شکریہ ادا کیا ۔
واضح رہے کہ آرمی چیف جنرل راحیل شریف دو روز کے بعد اپنے عہدے سے ریٹائرڈ ہو رہے ہیں اور پاک فوج کے نئے سربراہ کیلئے حکومت نے نام بھی فائنل کر لیاہے تاہم اس کا اعلان کسی بھی وقت کیا جاسکتاہے۔
ایمزٹی وی(آزاد کشمیر) وادی نیلم میں بھارتی فوج کی فائرنگ سے زخمی ایک اور شخص ہسپتال میں دم توڑ گیا جس کے بعد شہادتوں کی تعداد 11ہو گئی ہے ۔
تفصیلات کے مطابق بدھ کے روز وادی نیلم کے علاقے ڈھنڈیال کے قریب بھارتی فوج نے مسافر بس اور ایمبولینس پر فائرنگ کی جس کے نتیجے میں زخمی ہونے والا ایک اور شہری ہسپتال میں زخموں کی تاب نہ لاتے ہوئے شہید ہو گیا ۔
بھارتی فوج کی فائرنگ سے زخمی کئی افراد ابھی بھی ہسپتال میں زندگی اور موت کی جنگ لڑ رہے ہیں
ذرائع کا کہنا ہے کہ شہید ہونے والے شخص کی شناخت محمد شفیع کے نام سے ہوئی ہے جو وادی نیلم کا رہائشی ہے ۔
ایمزٹی وی(کراچی) بینظیر بھٹو یونیورسٹی لیاری نے بی اے اور بی کام کے سالانہ امتحانات2016 کی ڈیٹ شیٹ جاری کردی۔
جاری کردہ ڈیٹ شیٹ کے مطابق بی اے پارٹ ون کے پرائیوٹ و ریگولرامیداروں کے امتحانات 30نومبر 2016 ،
بی اے پارٹ ٹو پرائیوٹ و ریگولر کے امتحانات یکم دسمبر2016
جبکہ بی کا م پارٹ ون ریگولر و پرائیوٹ کے امتحانات5 دسمبر اور
پارٹ ٹو کے امتحانات 6دسمبر 2016 سے شروع ہورہے ہیں جو کہ دسمبر کے آخر تک جاری رہیں گے
ایمزٹی وی(خیبر پختونخواہ) سابق کپتان پاکستان کرکٹ ٹیم شاہد آفریدی نے سماجی رابطے کی سائٹ ٹوئٹر پر کہنا تھا کہ خیبر ایجنسی میں آرمی چیف راحیل شریف کے ساتھ اسٹیڈیم کا افتتاح کرنا میرے لیے باعث فخر ہے
آرمی چیف نہ صرف میرے بلکہ پورے پاکستان کے ہیرو ہیں.
You are a national hero and I wish you the very best in your days ahead. May Allah Bless you more. PakistanZindabad pic.twitter.com/P0sQEHv5BO
— Shahid Afridi (@SAfridiOfficial) November 24, 2016
شاہد آفریدی نے کہا کہ مجھے سپورٹ کرنے پر آرمی چیف کا بے حد مشکور ہوں اور جو کام پاکستان کے لیے جنرل راحیل نے کیے ہیں اس پر تہہ دل سے ان کا شکریہ ادا کرتا ہوں۔
An honour & privilege to inaugurate stadium in Khyber Agency with COAS RaheelSharif. You are Pakistan's hero and my hero too1/2 pic.twitter.com/nek2ADKbHm
— Shahid Afridi (@SAfridiOfficial) November 24, 2016
شاہد آفریدی نے پاکستان زندہ باد کا نعرہ لگاتے ہوئے کہا کہ آرمی چیف قوم کے ہیرو ہیں اور میری طرف سے جنرل راحیل کے لیے نیک تمنائیں ہیں اور دعا گو ہوں کہ اللہ آپ کو خوش رکھے۔
ایمزٹی وی(کراچی) چیف جسٹس سپریم کورٹ انور ظہیر جمالی نے سینٹرل جیل کراچی میں خصوصی عدالت کی عمارت کا افتتاح کر دیا ہے ، اس موقع پر چیف جسٹس سندھ ہائی کورٹ جسٹس سجاد علی شاہ اور دیگر حکومتی اراکین بھی موجود تھے
افتتاح کے بعد تقریب سے خطاب کرتے ہوئے چیف جسٹس انور ظہیر جمالی کا کہنا تھا کہ 20عدالتوں کی اسکیم کا پہلا فیز چھ عدالتوں پر مشتمل ہے اورعدالتوں کے قیام سے زیرالتوامقدمات کوجلدنمٹانے میں مددملے گی۔
”انسداد دہشت گردی کی عدالتیں جیل میں بہتر کام کریں گی “۔انصاف کی جلداورفوری فراہمی اولین فرائض میں شامل ہے۔
ان کا کہناتھا کہ عدلیہ آئین کے تحت تیسرا اہم ستون ہے۔حکومت عدلیہ کے بہترانفرااسٹرکچرکے قیام میں مددکررہی ہے۔حکومت سندھ کا کردار قابل ستائش ہے کیونکہ یہ منصوبہ حکومتی وعدوں کی تکمیل میں اہم قدم ہے۔