ایمزٹی وی(خیبرپختونخواہ)چیف آف آرمی اسٹاف جنرل راحیل شریف نے کہا ہے کہ بھارت کو سرجیکل اسٹرائیک کا پتہ ہی نہیں ،اگر ہم نے سرجیکل اسٹرائیک کی تو بھارت اپنے نصاب میں بچوں کو پاک فوج کے قصے پڑھائے گا ۔انہوں نے اعلان کیا کہ ریٹائرمنٹ کے بعد اپنی زندگی شہدا کے لواحقین کے لیے وقف کرتا ہوں ۔

میڈ یا رپورٹس کے مطابق آرمی چیف جنرل راحیل شریف نے خیبر ایجنسی کی تحصیل باڑہ کا الوداعی دورہ کیا جہاں انہوں نے شاہد آفریدی کرکٹ اسٹیڈیم کا افتتاح بھی کیا ۔اس موقع پر قبائلی عمائدین سے خطاب کرتے ہوئے آرمی چیف جنرل راحیل شریف نے کہا کہ دہشت گردی کے خلاف لڑنے والی پاک آرمی دنیا کی مضبوط ترین فوج ہے،پاک فوج نے دہشت گردی کے ناسور کو ختم کردیا ۔

ان کا کہنا تھا کہ بھارت کو سرجیکل اسٹرائیک کا پتہ ہی نہیں ،اگر ہم نے سرجیکل اسٹرائیک کی تو بھارت اپنے نصاب میں پاک فوج کے قصے پڑھائے گا،پاک فوج کے جوان بھارتی فوج کو سبق سکھا سکتے ہیں ۔

انہوں نے کہا کہ میں پاک آرمی کو خدا حافظ کہہ رہا ہوں ،29نومبر کو اختیارات سونپ دوں گا ۔ان کا کہنا تھا کہ ریٹائرمنٹ کے بعد اپنی زندگی شہدا کے لواحقین کے لیے وقف کردوں گا اور شہدا کے لواحقین کے لیے فاﺅنڈیشن بناﺅں گا۔اس موقع پر آرمی چیف جنرل راحیل شریف نے قبائلی عمائدین کا شکریہ ادا کرتے ہوئے کہا کہ پاک فوج اور قبائلی عمائد ین نے مل کر دہشت گردی کو ختم کیا ۔

ایمزٹی وی(اسلام آباد)ترجمان دفتر خارجہ نفیس ذکریا نے کہا ہے کہ مسافر بس اور پھر ایمبو لینس پر بھارتی فوج کے حملے کی مذمت کرتے ہیں ،گزشتہ روز بھارتی فوج نے شہریوں پر فائرنگ کی ۔
دفتر خارجہ میں ہفتہ وارانہ بریفنگ دیتے ہوئے نفیس ذکریا نے کا کہ ایل او سی پر بھارتی فائرنگ سے اب تک 44شہری شہید اور 135زخمی ہوئے ہیں
انہوں نے کہا کہ مقبوضہ کشمیر کی صورتحال چوتھے مہینے میں داخل ہو چکی ہے اور صورتحال دن بدن خراب ہوتی جا رہی ہے ۔

ان کا کہنا تھا کہ مقبوضہ کشمیر میں بھارتی فوج کی پر تشد د کارروائیوں کے نتیجے میں 150سے زائد افراد شہید ،16سو کے قریب زخمی اور تقریباً ایک ہزار افراد بینائی سے محروم ہو گئے ہیں ۔

ترجمان دفتر خارجہ نے کہا کہ اس حوالے سے بین الاقوامی دنیا کو بار بار آگا ہ کیا جا رہاہے ،برطانوی پارلیمنٹ میں بھی مقبوضہ کشمیر کی صورتحال پر آواز اٹھائی ہے ۔

ایمزٹی وی(اسلام آباد)مشترکہ پریس کانفرنس سے خطاب کرتے ہوئے مشیر خارجہ سرتاج عزیز کا کہنا تھا کہ برطانوی وزیر خارجہ سے اقتصادی اور علاقائی امور پر بات چیت ہوئی جس دوران پاکستان اوربرطانیہ نے باہمی روابط تجارتی سطح پربڑھانےکااعادہ کیا ہے،برطانیہ کی جانب سے پاکستان کے ساتھ تعلیم کے شعبے میں مکمل تعاون کی یقین دہانی کروائی گئی ہے۔

برطانوی وزیر خارجہ کو ملات میں کشمیر کی صورتحال اورایل او سی پربریف کیا اور اپنی تشویش سے آگا ہ کیا ،برطانوی وزیرخارجہ نے ہماری تشویش کوسمجھا ہے۔سرتاج عزیز کاکہنا تھا کہ بورس جانسن نے پاک بھارت مذاکرات کی بحالی کی خواہش ظاہرکی ہے ۔سرتاج عزیز نے کہا کہ وزیراعظم نوازشریف نے برطانوی وزیراعظم کو آئندہ سال دورہ پاکستان کی دعوت دی ہے ۔

اس موقع پر برطانوی وزیر خارجہ نے گفتگو کرتے ہوئے کہا کہ میں پہلی بار پاکستان آیاہوں اور یہاں آکر بہت خوشی ہوئی ہے،سرتاج عزیز سے ملاقات کے دوران سیکیورٹی اور تجارتی سطح پر پاکستان کے ساتھ مل کر کام کریں گے۔

انہوں نے کہا کہ پاکستان کی معیشت تیزی سے ترقی کر رہی ہے جبکہ پاکستان کی دہشتگردی کیخلاف جنگ میں قربانیاں قابل تحسین ہیں ۔انہوں نے کہا کہ خطے میں سیکیورٹی معاملہ بہت اہم ہے جس پر پاکستان کے ساتھ ہیں اور پاکستان خطے کا اہم ملک ہے ۔ان کا کہناتھا کہ تجارتی سطح پر پاکستان میں سرمایہ کاری کی حمایت کرتاہوں اور پاکستان میں سرمایہ کاری کیلئے بہت سے مواقع موجود ہیں ۔

ان کا کہناتھا کہ پاکستان اس خطے کا اہم ملک ہے ،پاکستان کے ساتھ تجارتی روابط کو فروغ دینا چاہتے ہیں ۔انہوں نے کہا کہ کنٹرول لائن کے دونوں اطراف واقعات پر تشویش ہے ،فریقین کو مثبت مذاکرات کرنے چاہیے ،پاکستا ن اور بھارت مسئلہ کشمیر کا مستقل حل تلاش کریں
۔
اس موقع پر مشیر خارجہ سرتاج عزیز کا کہناتھا کہ برطانوی وزیر خارجہ بورس جانسن نے پاک بھارت مذاکرات کی بحالی کی خواہش ظاہرکی ہے ، وزیراعظم نوازشریف نے برطانوی وزیراعظم کو آئندہ سال دورہ پاکستان کی دعوت دی ہے ،اس موقع پر برطانوی وزیر خارجہ بورس جانسن نے کہاہے کہ پاکستا ن اور بھارت مسئلہ کشمیر کا مستقل حل تلاش کریں،فریقین کو مثبت مذاکرات کرنے چاہیے، کنٹرول لائن کے دونوں اطراف واقعات پر تشویش ہے۔

ایمز ٹی وی ( لاہور ) پاکستان پیپلز پارٹی کے چیئرمین بلاول بھٹو زرداری کا کہناہےکہ جیالے اب گھروں میں نہیں بیٹھیں گے بلکہ میدان میں نظر آئیں گے۔

تفصیلات کےمطابق پیپلزپارٹی کے سربراہ بلاول بھٹو زرداری کا کہناہے کہ پارٹی کے نو منتخب عہدیداران نئی ٹیم ہیں۔ان کی حمایت کا مطلب بلاول بھٹو کی حمایت ہوگی۔

پاکستان پیپلز پارٹی کے چئیرمین بلاول بھٹو زرداری نےاعلان کیا کہ پارٹی کارکنان اور عوام کے لیے مزید خوشخبریاں بھی جلد آنے والی ہیں۔

بلاول بھٹو کا کہنا تھا کارکن ثابت کریں گے کہ بھٹو ازم ہی ملک کی تمام سیاسی،معاشرتی اور معاشی بیماریوں کا واحد حل ہے۔ پیپلزپارٹی کے سربراہ نے کہا نئے پارٹی عہدیدارمثبت نتائج، شہید ذوالفقار علی بھٹو اور شہید محترمہ بینظیر بھٹو کے مشن کے حصول کے لیے مل کر کام کریں۔

بلاول بھٹو زرداری نے پیپلز پارٹی کی نئی صوبائی قیادت کو مبارکباد دیتے ہوئےکارکنوں کو نئی قیادت سے تعاون اور جدوجہد تیزکرنے کی ہدایت کی ہے

ایمزٹی وی(تعلیم/کراچی)ینظیر بھٹو شہید یونیورسٹی لیاری کے ناظم امتحانات کے مطابق بینظیر بھٹو شہید یونیورسٹی لیاری کے تحت ہونیوالے بی اے اور بی کام (ریگولر و پرائیویٹ)امتحانات بوجہ ضمنی انتخابات قومی اسمبلی حلقہ 258ملتوی کردیئے گئے ہیں ۔

اب یہ امتحانات 30نومبر سے ووپہر 2تا شام 5بجے بنائے گئے امتحانی مراکز پرہونگے۔ناظم امتحانات نے طلباء کو ہدایت کی کہ وہ اپنے ایڈمٹ کارڈ اورتبدیل شدہ ٹائم ٹیبل اپنے متعلقہ کالج سے حاصل کرلیں

ایمزٹی وی(تعلیم/سندھ) سندھ حکومت نے صوبے بھر کے تعلیمی بو رڈز کا کنٹرول سندھ ہائر ایجوکیشن کمیشن کو دینے کا اصولی فیصلہ کرلیا ہے، انتہائی باخبر ذرائع کے مطابق تعلیمی بورڈز کی کار کردگی کو بہتر بنانے اور کیمبرج کے مساوی کرنے کے لیے تعلیمی بورڈز کا کنٹرول سندھ ہائر ایجوکیشن کمیشن کے حوالے کر دیا جائےگا۔

وزیر اعلی سندھ سید مراد علی شاہ نے بھی اس بات سے اتفاق کرلیا ہے جس کے بعد اس بات کا امکان ہے کہ سندھ ہائر ایجو کیشن کمیشن کے چیئرمین ڈاکٹر عاصم حسین کی ضمانت کے بعد تعلیمی بورڈ کی کنٹرونگ اتھارٹی وزیراعلیٰ سندھ سے چیئر مین سندھ ہائر ایجوکیشن کمیشن کو منتقل ہوجائے۔

یہ بھی یاد رہے کہ سندھ ہائر ایجوکیشن کمیشن کا قیام اور صوبائی سطح پر سندھ آئی بی سی سی کی تشکیل بھی ڈاکٹر عاصم حسین کا ہی بنیادی خیال تھا ان کی گرفتاری کے بعدسندھ ہائر ایجوکیشن کمیشن وہ فعال کردار ادا نہیں کرسکا جس کی صوبہ سندھ کو سخت ضرور ت تھی جبکہ صوبہ پنجاب میں صوبائی ہائر ایجوکیشن کمیشن صوبہ سندھ کے بہت بعد میں قا ئم ہوا مگر ڈاکٹر نظام الدین کی سربراہی میں اس نے پنجاب کے جامعات اور ڈگری کا لجز کی حالات بدل دی جس کے باعث صوبہ پنجاب میں اعلیٰ تعلیم کا میعار بلند ہوا ۔

امکا ن ہے کہ سندھ ہائر ایجوکیشن کمیشن کے پاس تعلیمی بورڈز کا کنٹرول منتقل ہونے کے بعد ان میں امتحانی سطح پر اہم تبدیلیا ں واقع ہوں گی اور سرکاری تعلیمی بورڈز بھی اور اے لیول طرز پر میٹرک اور انٹر کے امتحانات لینے لگیں گے۔

واضح رہے کہ تعلیمی بورڈز کا کنٹرول وزیراعلیٰ سندھ کے پاس ہے تاہم پہلےصوبے کے تعلیمی بورڈز کے چیئر مین کی تقریب کا معاملہ تاخیر شکار ہوا اور بڑے مشکلوں کے بعد چیئر مین بورڈ تعینات ہوئے لیکن تاحال بیشتر تعلیمی بورڈز میں سیکرٹریز اور ناظم امتحانات کی اہم ترین اسامیاں خالی پڑیں ہیں اور قائم مقام سیکرٹری بورڈ نوید شیخ ان اہم تعیناتیوں پر درخواستوں کی وصولی کے باوجود سنجید ہ نظر نہیں آرہے ہیں ۔

ایمزٹی وی(تعلیم/ریاض) سعودی وزارت تعلیم نے مڈل اور ثانوی اسکولوں کی تمام سعودی و غیر ملکی طالبات پر شناختی کارڈ بنواکر گلے میں لٹکانے کی پابندی عائد کردی ہے۔

سعودی طالبات سے کہا گیا ہے کہ وہ اپنے فوٹو، فنگر پرنٹس کے ساتھ محکمہ احوال مدینہ سے رجوع کریں اور شناختی کارڈ جاری کرائیں۔غیر ملکی طالبات کوہدایت دی گئی ہے کہ وہ اپنا شناختی کارڈ لینے کیلئے محکمہ پاسپورٹ سے رجوع کریں۔یہ پابندی ولی عہد نائب وزیر اعظم و وزیر داخلہ شہزادہ محمد بن نائف کی ہدایت کے تناظر میں لگائی گئی ہے۔