ایمزٹی وی(کراچی) کراچی کے این اے 258کے ضمنی انتخابات کے غیر سرکاری اور غیر حتمی نتائج آنا شروع ہوگئے ہیں ،پیپلزپارٹی کے امیدوارعبدالحکیم بلوچ آگے ہیں۔

ذرائع کے مطابق کراچی کے مطابق این اے 258کے ضمنی انتخابات کے غیر سرکاری اور غیر حتمی نتائج آنا شروع ہوگئے ہیں،50پولنگ اسٹیشنز کے نتائج کے پیپلزپارٹی کے امیدوارعبدالحکیم بلوچ نے11ہزار ووٹ حاصل کرکے آگے ہیں،تحریک انصاف کے امیدوار محمد حنیف دوسرے نمبر پر ہیں۔

ایمزٹی وی(تعلیم/ کراچی)جامعہ کراچی کے کلیہ سماجی علوم اور ہائرایجوکیشن کمیشن کے زیر اہتمام کلیہ سماجی علوم کی سماعت گاہ میں منعقدہ دوروزہ بین الاقوامی کانفرنس بعنوان ’’سماجی اور انسانی ترقی کو درپیش چیلنجز‘‘ کے دوسرے روز خطاب کرتے ہوئے شیر وزیر اعلیٰ سندھ ڈاکٹر قیصر بنگالی نے کہا کہ پاکستان کی آزادی سے لے کر اب تک معاشرتی ترقی بنیادی ترجیحات میں شامل رہا ہے مگر افسوس ناک امر یہ ہے گذشتہ 70 سالوں سے معاشرتی ترقی کے محض دعوے ہی کئے جاتے ہیں اور کوئی عملی نتیجہ نظر نہیں آتا جس کی ایک بڑی مثال یہ ہے کہ تھر میں ہفتہ وار بنیادوں پر خوراک کی کمی کے باعث بچے مر رہے ہیں جو حکومت کی پالیسیوں کی ناکامی کا منہ بولتا ثبو ت ہے۔کیا ۔

اس موقع پرجامعہ کراچی کے پاکستان اسٹڈی سینٹر کے ڈائریکٹر پروفیسر ڈاکٹر جعفر احمد نے کہا کہ ہمارے سیاسی لیڈرشپ ایک طویل عرصے تک صوبائی خودمختاری کے لئے آوازبلند کرتی رہی اور صوبائی خود مختاری ایک دیرینہ اور مقبول مطالبہ بن کر ابھرامگر اٹھارویں ترمیم کے نتیجے میں ملنی والی صوبائی خودمختاری کے ثمرات مثبت نہیں رہے جس کی ایک بڑی وجہ سیاسی لیڈرشپ کی نااہلی ہے۔اس موقع پر ڈاکٹر نجم عباس، پروفیسر ڈاکٹر نسرین اسلم شاہ، ڈاکٹر اسماء منظور،شگفتہ جہانگیراور رئیسہ جہانگیر نے بھی خطاب کیا۔

ایمزٹی وی(تعلیم/ کراچی)ثانوی تعلیمی بورڈ کراچی کے چیئرمین پروفیسر ڈاکٹر سعید الدین سے صدر ایپکا میٹرک بورڈ عبدالوہاب لاکھو، سنیئر نائب صدر سلمان احمد خان، جونیئر نائب صدر مشرف خان، جنرل سیکریٹری محمد حنیف، ڈپٹی جنرل سیکریٹری شکیل احمد، فنانس سکیریٹری شبیر احمد، پریس سیکریٹری ابرارحسین اور آفس سیکریٹری محمد وکیل نے ملاقات کی۔

ایپکا کے منتخب نمائندوں نے بورڈ کے تمام اموربہتر طور پر چلانے پر بورڈ انتظامیہ کی تعریف کی اور اس یقین کا اظہار کیا کہ پروفیسر ڈاکٹر سعید الدین کی سربراہی میں سالانہ امتحانات برائے سال ۲۰۱۷ میں بھی امتحانی امور کے تمام مراحل بھی احسن طریقے سے انجام پائیں گے۔ ایپکا کے منتخب نمائندوں نے پروفیسر ڈاکٹر سعید الدین کو انٹربورڈ کمیٹی آف چیئرمین کے سربراہ مقرر ہونے پر مبارکباد پیش کی۔

ایمزٹی وی(نئی دہلی) گزشتہ روز بھارت کے شہر پٹیالہ کی جیل سے فرار ہونے والے خالصتان تحریک کے رہنما ہرمندر سنگھ منٹو کو دوبارہ گرفتار کرلیا گیا۔

بھارتی میڈیا رپورٹس کے مطابق گزشتہ روز بھارتی ریاست پنجاب کے ضلع پٹیالہ میں نبھا جیل پر 10 افراد کے حملے کے بعد 5 ساتھیوں سمیت فرار ہونے والے خالصتان لبریشن فورس کے سربراہ ہرمندر سنگھ منٹو کو نئی دلی اور ہریانہ کی سرحد سے گرفتار کر لیا گیا ہے۔ بھارتی میڈیا کا کہنا ہے کہ ہرمندر سنگھ منٹو کو پنجاب اور دلی کی پولیس نے مشترکہ آپریشن کر کے گرفتار کیا۔

بھارتی حکام نے ہر بار کی طرح اس واقعہ کا الزام بھی پاکستان پر عائد کرتے ہوئے کہا کہ ہرمندر سنگھ منٹو نے 2010 میں یورپ کا دورہ کیا اور جون 2013 میں بھی پاکستان سے یورپ کے 11 ماہ کے طویل دورے کے لئے روانہ ہوئے جہاں سے وہ اٹلی، بیلجیئم، فرانس، جرمنی اور دیگر یورپی ممالک سے ہوتے ہوئے جنوب مشرقی ایشیا پہنچے۔

ایمزتی وی(لاہور)لارڈ نذیر احمد نے کہا ہے کہ وزیراعظم فیصلہ کرنے کی صلاحیت نہیں رکھتے وہ جمعہ کی نماز اتوار کو پڑھتے ہیں۔”کشمیریوں کو مولانا فضل الرحمان سے نجات دلائی جائے “۔

پنجاب یونیورسٹی لاہور میں گفتگو کرتے ہوئے انہوں نے کہا کہ بھارتی صرف خواب میں ہی سرجیکل سٹرائیک کر سکتا ہے تاہم پاکستان کو ہر حال میں خالصتان تحریک کی سپورٹ کرنی چاہئیے کیونکہ خالصتان بن گیا تو کشمیر بھی آزاد ہو جائے گا ۔

لارڈ نذیر احمد کا مزید کہنا تھا کہ پاکستانی سیاستدانوں کے بیانات سن کر مایوسی ہوتی ہے، مولانا فضل الرحمن کو کشمیر کمیٹی کا چیئرمین بنانا غلط فیصلہ ہے۔”پاکستان کو بوڑھے خارجہ مشیروں کی نہیں بلکہ نوجوان مشیر خارجہ کی ضرورت ہے“

ایمزٹی وی(اسپورٹس)قومی ٹیم کے دورہ آسٹریلیا کیلئے ٹیسٹ اسکواڈ کا اعلان کر دیا گیا ہے اور قومی ٹیم میں کوئی تبدیلی نہیں کی گئی ہے۔

میڈیا رپورٹس کے مطابق دورہ آسٹریلیا کیلئے قومی ٹیسٹ اسکواڈ کی قیادت مصباح الحق کریں گے جبکہ دیگر کھلاڑیوں میں شرجیل خان، بابر اعظم، یونس خان، اظہر علی، سمیع اسلم، محمد عامر، یاسر شاہ، عمران خان، وہاب ریاض، سہیل خان، اسد شفیق، محمد نواز، محمد رضوان، راحت علی اور سرفراز احمد شامل ہیں۔ واضح رہے کہ پاکستان کرکٹ ٹیم 15 دسمبر کو برسبین سے اپنے دورے کا آغاز کرے گی۔

واضح رہے کہ پاکستان اور آسٹریلیا کے درمیان پہلا ٹیسٹ میچ 15 سے 19 دسمبر تک برسبین میں کھیلا جائے گا جبکہ دوسرا میچ 26 دسمبر سے 30 دسمبر تک میلبورن کرکٹ گراﺅنڈ میں اور تیسرا ٹیسٹ میچ 3 جنوری سے 7 جنوری تک سڈنی کرکٹ گراﺅنڈ میں کھیلا جائے گا۔

ایمزٹی وی(راولپنڈی) آرمی چیف کی زیر صدارت کور کمانڈرز کانفرنس ہوئی جس میں جنرل راحیل شریف کی خدمات پر انہیں زبردست خراج تحسین پیش کیا گیا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف کی زیرصدارت جی ایچ کیو میں الوداعی کورکمانڈرز کانفرنس ہوئی جس میں نئے آرمی چیف جنرل قمر جاوید باجوہ سمیت کور کمانڈرز اور پرنسپل اسٹاف افسروں نے بھی شرکت کی۔
آئی ایس پی آر کے مطابق کانفرنس میں کورکمانڈرز نے جنرل راحیل شریف کی خدمات پر انہیں زبردست خراج تحسین پیش کیا، جنرل راحیل شریف نے جنرل قمر جاوید باجوہ کو آرمی چیف بنے پر مبارکباد دی اور بھرپورتعاون پر کور کمانڈرز کو سراہتے ہوئے کہا کہ کورکمانڈرز کے تعاون کے بغیر کامیابیوں کا حصول ممکن نہیں تھا جب کہ دنیا کی بہترین فوج کی قیادت پرفخرہے۔

ایمزٹی وی(تعلیم/ کراچی) جامعہ کراچی کے ڈائریکٹر ایڈمیشن پروفیسر ڈاکٹر خالد عراقی کے اعلامیہ کے مطابق بیچلرزاور ماسٹرز (مارننگ پروگرام ) میں اوپن میرٹ کی بنیاد پر داخلے پیر28 نومبرسے شروع ہورہے ہیں۔ بیچلرزپروگرام میں ایکچوریل سائنس اینڈ رسک مینجمنٹ، ایگریکلچر اینڈ ایگری بزنس مینجمنٹ ،اپلائیڈ کیمسٹری اینڈ کیمیکل ٹیکنالوجی، عربی ،بنگالی ،بائیوکیمسٹری، باٹنی،کرمنالوجی ،کیمسٹری ،جنرل ہسٹری ،جغرافیہ،جیولوجی،ہیلتھ فزیکل ایجوکیشن اینڈ اسپورٹس سائنسز، اسلامک ہسٹری ،اسلامک لرننگ،میرین سائنس،پرشین، فلاسفی،فزکس ،فزیولوجی، پولیٹیکل سائنس، سائیکولوجی، اسکول آف لاء(بی اے / ایل ایل بی) ،سندھی، سوشل ورک، سوشیالوجی، اسپیس سائنس اینڈ ٹیکنالوجی، اسٹیٹسٹکس، اُردو، اصول الدین، ویمن اسٹڈیز اور زولوجی میں اوپن میرٹ کی بنیاد پر داخلے دیئے جائینگے،

جبکہ ماسٹرز پروگرام میں اپلائیڈ کیمسٹری اینڈ کیمیکل ٹیکنالوجی، اپلائیڈ فزکس، عربی ،بنگالی ، بائیو کیمسٹری، بائیوٹیکنالوجی، باٹنی، کیمسٹری، کمپیوٹر سائنس،کرمنالوجی،جنرل ہسٹری، جینیٹکس، جغرافیہ، جیولوجی، ہیلتھ فزیکل ایجوکیشن اینڈ اسپورٹس سائنسز، انڈسٹریل اینڈ بزنس میتھمیٹکس ،انٹرنیشنل ریلیشنز، اسلامک ہسٹری، اسلامک لرننگ، لائبریری اینڈ انفارمیشن سائنس، میرین سائنس، میتھمیٹکس، پاکستان اسٹڈیز، پرشین، پیٹرولیم ٹیکنالوجی، فلاسفی،فزکس، فزیولوجی،پولیٹیکل سائنس،سائیکولوجی،قرآن وسنہ، سندھی، سوشل ورک، سوشیولوجی،اسپیس سائنس اینڈ ٹیکنالوجی، اسپیشل ایجوکیشن، اسٹیٹسٹکس، اُردو، اصول الدین، ویمنزاسٹڈیز اور زولوجی میں اوپن میرٹ کی بنیاد پر داخلے دیئے جائینگے۔

طلبہ کو سہولت فراہم کرنے کے لئے شہر کے13مقامات پر یوبی ایل بینک برانچز سے فارم دستیاب ہوں گے۔ داخلہ فارم بمعہ کتابچہ 1200/= روپے کے عوض12 دسمبر2016 ء تک صبح 9:00 تادوپہر3:00 بجے جبکہ جمعہ کے روز صبح 9:00 تادوپہر 12:30 بجے تک یوبی ایل کی مجوزہ شاخوں بشمول ناظم آباد چورنگی،یونیورسٹی روڈ(بالمقابل بیت المکر م مسجد)،حامد اسکوائر(گلشن اقبال)،شاہ فیصل کالونی (نزد اے ون ہسپتال)، سخی حسن ،لانڈھی انڈسٹریل ایریا،حیدری مارکیٹ ،ملیر ٹائون شپ (ٹنکی) ،محمود آباد ،بہادرآباد ،رحیم آباد،بنوری ٹائون اورراشد منہاس روڈسے حاصل اور جمع کرائے جاسکتے ہیں۔

(گریس یا کنڈونیشن مارکس کے حامل طلبہ کے داخلے زیر غور نہیں لائے جائیں گے) ۔ایسے طلبہ جو پاکستان کے پبلک سیکٹر بورڈ یاجامعات کے مقابلے میں دیئے جانے والے سرٹیفیکٹ / ڈگری کی بنیاد پر داخلے کے خواہشمند ہیں انہیں جامعہ کراچی کی ایکویلینس کمیٹی یا IBCC کی جانب سے جاری کردہ ایکویلینس سرٹیفیکٹ داخلہ فہرست جاری ہونے سے تین دن قبل تک لازمی جمع کرانا ہوگا۔واضح رہے کہ داخلہ فارم جامعہ کراچی کی ویب سائٹ www.uok.edu.pk سے ڈائون لوڈ کرکے یوبی ایل بینک کی مجوزہ شاخوں میں 900/= روپے فیس (کیش ) کے ساتھ جمع کرائے جاسکتے ہیں۔

ایمزٹی وی(کراچی)کراچی کے 736سرکاری سیکنڈری اسکولز اور 5000نجی اسکولوں میں ہیڈ ماسٹرز کی سیٹ کے لیے الگ الگ الیکشن کروائے جائیں کیونکہ اس کی وجہ سے نجی اسکولوں کے ایڈمنسٹریٹرز بھی ان عہدوں پر تعینات کر دیے جاتے ہیں جو معاملات خاطر خواہ طریقے سے حل نہیں کروا سکتے ۔

تعلیم بچائو ایکشن کمیٹی کے صدر عبدالرحمن خان نے میڈیاکو اپنا موقف دیتے ہوئے کہا کہ نجی تعلیمی اداروں میں زیر تعلیم طلبا بورڈ آف سیکنڈری ایجوکیشن سے نہم دہم کے امتحانات دیتے ہیں کیونکہ ان 5000 ہزار نجی تعلیمی اداروں کا الحاق بورڈ آف سیکنڈری ایجوکیشن سے ہے۔

ان کا کہنا تھا کہ جب ممبر آف بورڈ کے الیکشن میں نجی تعلیمی اداروں کی تعداد زیادہ ہونے کی وجہ سے ان کا نمائندہ جیت جاتا ہے اور وہ معاملات کو حل نہیں کر پاتا۔

ایمز ٹی وی (مانیٹرنگ ڈیسک) سائنس دانوں نے اسمارٹ فونز اور لیپ ٹاپ کی چارجنگ کے مسئلے کا حل تلاش کرتے ہوئے ایسی بیٹری تیار کرلی جو سیکنڈوں میں چارج ہوجائے اور ایک ہفتے سے بھی زائد چلے گی، جسے سپر بیٹری یا سپر کیپیسٹر کا نام دیا گیا ہے۔

تفصیلات کے مطابق اسمارٹ فون یا لیپ ٹاپ میں نصب بیٹری کی چارجنگ ختم ہونا اس وقت لوگوں کے نزدیک ایک اہم مسئلہ ہے، جس قدر اسمارٹ فون میں موجود اپیلی کیشن استعمال کی جائیں اتنا ہی جلد فون کی چارجنگ ختم ہوجاتی ہے حتی کے بہت سےلوگ دفاتر جاتے وقت بھی اسمارٹ فون کا چارجر ساتھ لے کر جاتے ہیں یا ایک چارجر دفتر میں اضافی رکھتے ہیں۔

اسی طرح لیپ ٹاپ رکھنے والے ایک بیٹری اضافی اپنے بیگ میں رکھنے پر مجبور ہوجاتے ہیں یا انہیں جہاں کنکشن ملے وہ وہیں لیپ ٹاپ چارجنگ پر لگا کر کام کرنے لگتے ہیں۔

یونیورسٹی آف سینٹرل فلوریڈا کے محققین نے مسلسل تجربات کے بعد ان مسائل کا حل دریافت کرلیا ہے اور ایک ایسی بیٹری ایجاد کی ہے جو چند سیکنڈز میں مکمل چارج ہونے کے بعد ہفتے بھر تک آپ کی ڈیوائس کو توانائی فراہم کرسکتی ہے۔

سائنس دانوں نے اس بیٹری کو سپر کیپیسٹر کا نام دیا ہے، اس کی تیار ی میں گرافین کی طرز پر نینو مٹیریل اور ٹو ڈی مٹیریل کا استعمال کیا گیا ہے جس کے باعث یہ بیٹری انتہائی سرعت کے ساتھ توانائی کو اپنے اندر جذب کرلیتی ہے لیکن اس میں موجود توانائی ختم ہونے میں ہفتوں لگے جاتے ہیں۔

محققین کے مطابق یہ بیٹری انتہائی طویل عمر کی حامل ہے، یہ 30ہزار بار چارج ہونے کے بعد بھی کام کرتی ہے جب کہ دیگر بیٹریاں چند ہزار بار چارج ہونے پر ہی اپنی کارکردگی کم کرنے لگتی ہیں اور ان کی لائف بھی کم ہوتی ہے۔

لیکن یہ بات زیر غور رہے کہ یہ بیٹری ابھی تجرباتی عمل سے گزر رہی ہے اور اسے مارکیٹ میں لانے کے لیے ایک طویل وقت درکار ہوگا کیوں کہ دنیا پر ملٹی نیشنل فرمز کا راج ہے، ممکن ہے ملٹی نیشنل فرمز ایسی بیٹریوں کو صارفین کے لیے بازار میں لانے کی مخالفت کریں کیوں کہ یہ کمپنیاں اپنی پالیسی کے تحت ٹیکنالوجی صارفین کو ایک دم منتقل نہیں کرتیں بلکہ برسوں میں تھوڑی تھوڑی تبدیلی کرکے آلات مارکیٹ میں لاتی ہیں تاہم صارفین سے زیادہ سے زیادہ رقم کمائی جاسکے۔