ایمزٹی وی(آزاد کشمیر)مسلم کانفرنس کے صدر سردار عتیق احمد خان نے کہا ہے کہ ہندوستانی جارحیت جنوبی ایشیاء کو خطرناک جنگ کی طرف دھکیل رہی ہے ۔ مسلم کانفرنس بھارتی فائرنگ کے متاثرین کے لئے اجتماعی عطیات دینے کی پیشکش کرتی ہے ۔ سیز فائر لائنپر ترجیحی بنیادوں پر بنکرز تعمیر کئے جائیں۔ 
ہنگامی صورت حال سے نمٹنے کے لیے مسلم کانفرنس افواج پاکستان کے لیے افرادی قوت فراہم کرنے کو بھی تیار ہے ۔ سیز فائر لائن کراسنگ پروگرام کو ہرمکتبہ فکر سے پذیرائی مل رہی ہے ۔ جنرل راحیل شریف کا بیان کہ پاکستانی فوج روا یتی جنگ کے لئے تیار ہے بہت حوصلہ افزاء اور قومی جذبات کا حقیقی عکاس ہے

۔ ان خیالات کا اظہار انھوں نے یہاں پلندری میں مسلم کانفرنس کے ورکرز کنونشن سے خطاب کرتے ہوئے کیا۔ کنونشن کی صدارت مسلم کانفرنس ضلع سدہنوتی کے صدر سردار الطاف حسین خان نے کی۔ سردار عتیق نے خطاب کرتے ہوئے کہا کہ سیز فائر لائن کو نہیں مانتے ۔ مقبوضہ کشمیر میں طویل ترین کرفیو زخمیوں کو علاج کی سہولیات نہ دینا ، غذائی قلت دور نہ کرنا، ہندوستان کے سیکولر ازم کے منہ پر طمانچہ ہے، انسانی حقوق کی تنظیموں اور اقوام متحدہ کے کردار پر سوالیہ نشان ہے

ایمزٹی وی(اسلام آباد) وزیراعظم نوازشریف کی زیرصدارت وفاقی کابینہ کا اجلاس ہوا جس میں وفاقی وزرا، ارکان پارلیمنٹ کی تنخواہوں میں اضافے کی منظوری دیدی گئی ہے۔

ذرائع کے مطابق وزیراعظم نوازشریف کی زیرصدارت وفاقی کابینہ کا اجلاس ہوا جس میں کابینہ کے 16 نکاتی ایجنڈے پر غور کیا گیا جب کہ اجلاس میں وفاقی وزرا، ارکان پارلیمنٹ کی تنخواہوں میں اضافے کی منظوری دیدی گئی ہے۔

وفاقی وزراء کی تنخواہ اضافہ کے بعد 2لاکھ ،ارکان اسمبلی وسینٹ کی تنخواہ ایک لاکھ 62ہزار ہوجائے گی جب کہ چیئرمین سینٹ اور اسپیکر کی تنخوا ہ اضافے کے بعد 2لاکھ 5ہزار اور وزیرمملکت ،ڈپٹی اسپیکر قومی اسمبلی اور ڈپٹی چیئرمین سینٹ کی تنخواہ ایک لاکھ 85 ہزار ہوجائے گی۔

اجلاس میں وزیر خزانہ اسحاق ڈار کا کہنا تھا کہ ارکان پارلیمنٹ کی ماہانہ تنخواہ 62 ہزار ہے جب کہ بلوچستان اسمبلی کے ارکان کی تنخواہ اس سے کئی زیادہ ہے۔

اس موقع پر خواجہ آصف نے بھی کہا کہ تنخواہوں میں اضافہ ہوناچاہئے جس پر وزیراعظم نے مسکراتے ہوئے کہا کہ تنخواہوں میں اضافہ ہوگا لیکن اپنی کارکردگی کوبھی بہتربنائیں تاہم بعد میں وزیراعظم نے تنخواہوں میں اضافے کی منظوری دیدی

ایمزٹی وی(اسپورٹس)چیف آف آرمی اسٹاف جنرل راحیل شریف نے قومی کرکٹ ٹیم کے سابق کپتان شاہد آفریدی کو بنگلہ دیش سے واپس پاکستان بلا لیا ہے ۔واضح رہے کہ شاہد آفریدی بنگلہ دیش پریمیئر لیگ کھیلنے کے لیے کئی ہفتوں سے ڈھاکہ میں ہیں ۔

ذرائع کے مطابق شاہد آفریدی آرمی چیف کی دعوت پر پاکستان آرہے ہیں جہاں وہ کراچی میں شاہد آفریدی کرکٹ گراﺅنڈ کی افتتاحی تقریب میں شریک ہو کرکچھ دنوں بعد واپس ڈھاکہ چلے جائیں گے ۔
یاد رہے شاہد آفریدی کرکٹ گراﺅنڈ کا افتتاح 24نومبر کو ہو گا ۔

مذکورہ کھیل کا میدان شاہد آفریدی کی کرکٹ کے لیے خدمات کے پیش نظر ان کے نام پر بنا یا جا رہا ہے ۔یہ خبر ایسے وقت میں سامنے آئی ہے جب چیف سلیکٹر انضمام الحق دو روز پہلے کہہ چکے ہیں کہ اچھی کارکردگی دکھانے پر شاہد آفریدی کو ٹیم میں شامل کیا جا سکتا ہے ۔

ایمزٹی وی(اسلام آباد)تحریک انصاف کے رہنما جہانگیر ترین کے خلاف درخواست میں سیکیورٹیز اینڈایکس چینج کمیشن آف پاکستان (ایس ای سی پی) نے اپنا جواب سپریم کورٹ میں داخل کرادیا جس میں کہا گیا ہے کہ جہانگیر ترین نے غیر قانونی طور پر حاصل کردہ 7کروڑ سے زائد رقم واپس کی اور جرمانہ بھی ادا کیا ۔

ذرائع کے مطابق جواب میں جہانگیر ترین کو جرم قرار دیتے ہوئے سپریم کور ٹ کو بتایا گیا ہے کہ انہیں ان سائیڈ ٹریڈنگ پر تحقیقات کا سامنا کرنا پڑا جس کے بعد یونائٹڈشوگر ملز کے شیئر کی غیر قانونی فروخت پر جرمانہ کیا گیا جو انہوں نے ادا کر دیا ہے اور غیر قانونی طور پر کمائے گئے 7کروڑ سے زائد بھی واپس کر دیے ہیں ۔

جسٹس میاں ثاقب نثار کی سربراہی میں قائم سپریم کورٹ کا تین رکنی بینچ آج جہانگیر ترین کی نااہلی کے حوالے سے حنیف عباسی کی درخواست پر سماعت کر یگا اور اس موقع پر ایس ای سی پی کا یہ جواب کیس میں انتہائی اہم کردار ادا کر سکتا ہے کیونکہ جہانگیر ترین نے سپریم کورٹ میں دیے گئے جواب میں جہانگیر ترین نے آف شور کمپنیوں سے انکار کیا ہے۔

جواب میں مزید کہا گیا ہے کہ جہانگیر ترین نے یونائٹیڈ شوگر ملز کے حصول کیلئے ان سائیڈر ٹریڈنگ آرڈیننس 1969ءاور کمپنیز آرڈیننس 1984ءکی خلاف ورزی بھی کی اور سات کروڑ کمائے جن میں سے انہوں نے 7کروڑ سے زائد واپس کر دیے ہیں جس میں جرمانے اورمعاملے کی تحقیقات پر ریگولیٹر کے خرچے کی مد میں رقم شامل ہے ۔

ایس ای سی پی نے اپنے جواب میں یہ بھی کہا ہے کہ جہانگیر ترین کو بطور ڈائریکٹر جے ڈی ڈبلیوان کے بورڈ آف ڈائریکٹرز نے یونائٹیڈ شوگر ملز کے حصول کے لئے معاملات طے کر نے کا اختیار بھی دے رکھا تھا جس کے بعد انہوں نے سیکیورٹیز اینڈ ایکس چینج آرڈیننس 1969ءکے سیکشن 15 اے کی خلاف ورزی کرتے ہوئے 7کروڑ سے زائد رقم حاصل کی۔”نومبر 2004ءسے نومبر 2005ءتک شوگر مل کے شیئرز میں تمام تر تجارت اور قیمتوں کا تعین بھی جہانگیر ترین کا اختیار میں تھا اور ایس اسی سی پی ایکٹ 1997ءکے تحت تحقیقات کا حکم 12دسمبر 2006ءکو دیا گیا ۔
جواب میں یہ انکشاف بھی کیا گیا ہے کہ جہانگیر ترین نے حاجی خان اور اللہ یار کے نام پر 3لاکھ 41ہزار 780شیئرز حاصل کیے اور شوگر مل اور سٹاک مارکیٹ میں اپنے شیئر ہولڈرز کو فروخت کر کے سات کروڑ سے زائد رقم کمائی ۔
بعد میں ایس ای سی پی نے 3دسمبر 2007ءکو ایک خط کے ذریعے غیر قانونی رقم کے الزامات پر وضاحت طلب کی جس کے جواب میں جہانگیر ترین نے 8دسمبر کو جواب جمع کرایا اور الزامات تسلیم کرتے ہوئے سات کروڑ سے زائد رقم واپس کر دی ۔

ایمزٹی وی(کوٹلی) مودی سرکار جنگی جنون میں اس قدراندھی ہوگئی ہے کہ اب اس نے مقامی آبادی کے علاوہ مسافربسوں کو بھی نشانہ بنانا شروع کردیا ہے۔

پاک فوج کے شعبہ تعلقات عامہ (آئی ایس پی آر) کے مطابق وادی نیلم کے علاقے لوات میں بھارتی فورسز کی جانب سے ایک مسافرکوچ پرراکٹ داغا گیا جس کے نتیجے میں 4 افراد شہید جب کہ 7 زخمی ہوگئے ہیں۔ بھارتی فوج کی جانب سے لائن آف کنٹرول کے مختلف سیکٹرزمیں بھی رہائش پزیرشہری آبادی پرمسلسل گولہ باری اورفائرنگ کا سلسلہ جاری ہے، کیرل سیکٹرمیں ایک مکان پرگولہ لگنے سے ایک شخص کے شہید جب کہ پانچ افراد کے زخمی ہونے کی اطلاع موصول ہوئی ہے، اس کے علاوہ بھارتی فوج کی جانب سے داغے گئے 3 مارٹرگولے تحصیل ہیڈ کوارٹراسپتال تتہ پانی کے قریب گرنے سے نازیہ دخترطفیل شاہ زخمی ہوگئیں۔

بھارتی اشتعال انگیزی کے جواب میں پاک فوج بھی دشمن کو منہ توڑجواب دے رہی ہے، دونوں اطراف سے فائرنگ اورگولہ باری کا سلسلہ جاری ہے، جس میں بھارتی فوج کو بھاری جانی نقصان پہنچا ہے۔

پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی جانب سے بٹل، کریلہ، شاہ کوٹ ، باگسر، تتہ پانی سیکٹرز پربلااشتعال فائرنگ کی گئی ہے۔ جس میں بھارتی فوج نے مارٹرگولوں سے مقامی آبادی کو نشانہ بنایا ہے جب کہ پاک فوج بھی دشمن کو منہ توڑجواب دے رہی ہے تاہم پاک فوج نے اب تک کسی بھی شہری کی شہادت کی تصدیق نہیں کی۔

واضح رہے کہ بھارتی فوج کی جانب سے لائن آف کنٹرول پر سیز فائر معاہدے کی مسلسل خلاف ورزی جاری ہے جس کے نتیجے میں اب تک خواتین اور بچوں سمیت درجنوں افراد شہید ہوچکے ہیں۔

ایمزٹی وی(کراچی/تعلیم)اعلیٰ ثانوی تعلیمی بورڈ کراچی کےتحت انٹرمیڈیٹ کے ضمنی امتحانات کا آغاز آج سے ہورہاہے۔
ناظم امتحانات محمد عمران خان چشتی نے کہا کہ اعلیٰ ثانوی تعلیمی بورڈ کے تحت ضمنی امتحانات 23نومبر سے شروع ہو کر 10 دسمبر 2016ء تک جاری رہیں گے جس کے تحت تمام گروپس سائنس پری انجینئرنگ، پری میڈیکل، سائنس جنرل، آرٹس ریگولر، آرٹس پرائیویٹ، کامرس ریگولر، کامرس پرائیویٹ اور ہوم اکنامکس کے پرچے دوپہر دو سے شام پانچ بجے تک لیے جائیں گے ۔ان امتحانات میں تمام گروپس میں 37 ہزار سے زائد امیدوار حصہ لے رہے ہیں

ایمزٹی وی (کراچی)پاکستان اور یوکرین کے درمیان الخالد 1 ٹینک کی اپ گریڈیشن کامعاہدہ طے پا گیا ہےمیڈیا کے مطابق ہیوی انڈسٹری ٹیکسلا کے ذرائع کے حوالے سے بتایا ہے کہ معاہدے کے تحت یوکرین 200 الخالد ٹینکوں کیلئے انجن فراہم کرے گا۔

واضح رہے کہ یہ معاہدہ دفاعی نمائش آئیڈیاز 2016ءکے دوران طے پایا ہے اور اس نمائش کے دوران مزید معاہدے بھی متوقع ہے۔ یہاں یہ امر بھی قابل ذکر ہے کہ گزشتہ روز ترکی کے ساتھ 52 مشاق طیارے فراہم کرنے کا معاہدہ بھی طے پایا ہے جس سے متعلق گفتگو کرتے ہوئے وفاقی وزیر دفاعی پیداوار رانا تنویر حسین کا کہنا تھا کہ مشاق طیاروں کی فراہمی کا یہ سب سے بڑا معاہدہ ہے۔

ایمزٹی وی(اسلام آباد) نئے آرمی چیف کی تقرری کے لئے وزیر اعظم آج خاص وزرا سے سر جوڑ کر بیٹھیں گے ۔ وفاقی کابینہ کے اہم اجلاس میں ایل او سی پر بھارتی دہشت گردی اور افغان مہاجرین کی واپسی پر بھی غور کیا جائے گا ۔

ذرائع کے مطابق وزیر اعظم نواز شریف خاص وزیروں مشیروں سے نئے آرمی چیف کی تقرری کے معاملے پر مشاورت کریں گے ۔ ملکی سلامتی اور سیاسی صورتحال پر بھی غور کیا جائے گا ۔ کنٹرول لائن ، ورکنگ باؤنڈری پر بھارتی دہشتگردی اور بھارت میں ہارٹ آف ایشیا کانفرنس میں شرکت کےمعاملے پر بھی تبادلہ خیال ہو گا ۔

وفاقی کابینہ افغان مہاجرین کے حوالے سے پالیسی کی منظوری دے گی ، جس میں ان کو تین درجوں میں تقسیم کر کے ویزوں کی ترجیحات طے کی گئی ہیں ۔ پہلی کیٹیگری میں افغان طالب علم ، دوسری میں پاکستانی سے شادی کرنے والے افغان شہری اور تیسرے درجے میں عام مہاجرین ہوں گے ۔

ایمزٹی وی(اسلام آباد)پاکستان تحریک انصاف کے چیئرمین عمران خان اور جہانگیر ترین کی آف شور کمپنیوں کے معاملے پر سیکیورٹی اینڈ ایکسچینج کمیشن آف پاکستان (ایس ای سی پی) نے سپریم کورٹ میں جواب جمع کرا دیا ہے۔
میڈیا رپورٹس کے مطابق ایس ای سی پی نے سپریم کورٹ میں حنیف عباس کے کیس میں یہ جواب جمع کرایا ہے جس میں کہا گیا ہے کہ جہانگیر ترین نے یونائٹیڈ شوگر ملز کے شیئرز غیر قانونی طور پر اور دیگر افراد کے نام پر خریدے اور ان کی خرداری سے 7 کروڑ 30 لاکھ روپے کمائے۔

ایس ای سی پی نے معاملے کی انکوائری کی اور جس دوران جہانگیر ترین نے کمپنی سے قواعد کے خلاف رقم بنانے کا اعلان کیا اور بعد ازاں غیر قانونی رقم واپس بھی کی جبکہ غیر قانونی شیئرز خریدنے پر جہانگیر ترین کو جرمانہ بھی کیا گیا۔ جواب میں مزید کہا گیا ہے کہ اس معاملے پر ایس ای سی پی نے اپنی ذمہ داری پوری کی ہے اور اب عدالت حنیف عباسی کی درخواست پر مناسب فیصلہ کرے۔

ایمزٹی وی(تعلیم/ اسلام آباد)چیئر مین جوائنٹ چیفس آف اسٹاف کمیٹی جنرل راشد محمود نے نیشنل ڈیفنس یونیورسٹی کا الوداعی دورہ کیا جہاں ان کا پر تپاک استقبال کیا گیا ۔
آئی ایس پی آر کی جانب سے جاری بیان میں کہا گیا کہ جنرل راشد محمود الوداعی دورے پر نیشنل ڈیفنس یونیورسٹی پہنچے تو طلبا نے ان کا شاندار استقبال کیا ۔

جنرل راشد محمود نے این ڈی یو کے صدر لیفٹیننٹ جنرل نذیر بٹ سے ملاقات کی جس میں جنرل نذیر بٹ نے جنرل راشد محمود کی خدمات کو سراہا ۔اس موقع پر جنرل راشد محمود نے طلبا اور اساتذہ سے بھی ملاقات کی ۔