ایمزٹی وی(کوئٹہ) کوئٹہ کے علاقے مشکاف میں ایف سی نے کارروائی کرتے ہوئے کالعدم تنظیم کے تین دہشتگردوں کو ہلاک کر دیا ۔

میڈیا رپورٹس کے مطابق فورسز نے مشکاف کے پہاڑی علاقے میں کارروائی کرتے ہوئے ٹرین حملوں میں ملوث کالعدم تنظیم کے تین دہشتگردوں کو ہلاک کر دیا ۔

ایف سی ذرائع کا کہنا ہے کہ کارروائی کے دوران ملزمان نے فائرنگ کر دی تاہم جوابی فائرنگ کے نتیجے میں 3ملزمان مارے گئے ، ہلاک ملزمان ٹرین حملوں میں ملوث تھے ۔

ایمزٹی وی(اسلام آباد)سپریم کورٹ میں پانامالیکس کیس کی سماعت کے موقع پر عمران خان کوروکنے والا دراصل عدالتی اہلکار نہیں بلکہ پشاور سے آیا ہواسائل نکلاجسے عمران خان نے مسئلہ حل کرنے کی یقین دہانی بھی کرادی۔
ذرائع کے مطابق پی ٹی آئی کے ایک سوشل میڈیا پیج پرجاری کی گئی ویڈیو میں دیکھا جاسکتاہے کہ عمران خان جب سپریم کورٹ میں سماعت کیلئے آئے تو ایک سائل نے اپنا شناختی کارڈ دینے کی کوشش کی جس پر عمران خان نے ہاتھ پکڑ کر بات سنی اور مسئلہ حل کرنے کی یقین دہانی بھی کرادی۔
عمران خان جیسے ہی واک تھرو گیٹ سے نکلے تو پشاور سے آئے ہوئے سائل نے سائیڈ پر لگے سیکیورٹی بیریئرسے ہاتھ بڑھا کا شناختی کارڈ دینے کی کوشش کی تو کپتان نے جارہانہ انداز میں اس کا بازو پکڑلیا اور قریب ہوگئے۔

ابتدائی معلومات لینے کے بعدمسئلہ حل کرنے کی یقین دہانی کراتے ہوئے عمران خان نے شناختی کارڈ ان کے پرنسپل سیکریٹری کو دینے کی ہدایت کردی اور وکٹری کانشان بناتے ہوئے چل دیئے

ایمزٹی وی(اسلام آباد)وزیر اعظم میاں محمدنواز شریف کے امریکا میں موجود اثاثے منجمد کرنے کے لئے پاکستان انسٹیٹیوٹ آف ہیومن رائٹس کی جانب سے امریکی اٹارنی جنرل کو خط لکھ دیا گیا۔

ذرائع کے مطابق پاکستان انسٹیٹیوٹ آف ہیومن رائٹس کے سربراہ بیرسٹر سید محمد جاوید اقبال جعفری نے امریکی اٹارنی جنرل کو خط لکھ دیا ہے۔ خط میں الزام عائد کیاگیا ہے کہ میاں محمد نواز شریف نے غیر قانونی طور پر منی لانڈرنگ کے ذریعے اربوں ڈالر پاکستان سے امریکا منتقل کئے۔

سید محمد جاوید اقبال جعفری کے خط کے متن میں کہا گیا ہے کہ میاں محمد نواز شریف نے منی لانڈرنگ سے منتقل کی جانے والے رقم سے امریکا میں غیر قانونی اثاثے بنائے جبکہ امریکی قوانین کے تحت منی لانڈرنگ کرنے والے کسی بھی شخص کے خلاف امریکی حکومت کاروائی کا اختیار رکھتی ہے اس لئے میاں محمدنواز شریف کے امریکا میں موجود اثاثوں کو فریز کر کے تحقیقات کی جائیں۔

یاد رہے کہ پاکستان میں بھی سپریم کورٹ نے پاناما لیکس میں وزیراعظم کے بچوں کے نام سامنے آنے پر کیس کی تحقیقات کا آغاز کر رکھا ہے۔

ایمزٹی وی(ملتان) بہاﺅ الدین زکریا ملتانی کے 777ویں سالانہ عرس کی تقریبات کا آغاز کل سے ہو رہا ہے ، عرس کے دوران امن و امان کی صورت حال کو کنٹرول کرنے کیلئے سیکیورٹی کے انتظامات مکمل کر لیے گئے ہیں ۔

ذرائع کا کہنا ہے کہ عرس کی تقریبات میں شرکت کیلئے زائرین کی آمدکا سلسلہ جاری ہے ۔ سجادہ نشین شاہ محمود قریشی تقریبات کا آغاز کریں گے اور صوفی بزرگ حضرت بہاﺅالدین زکریا کے مزار کو غسل دیں گے ۔

عرس کے موقع پر زائرین کے داخلے کیلئے تین واک تھرو گیٹ اور 9سی سی ٹی وی کیمرے نصب کیے گئے ہیں جبکہ مزار کے اردگر د پولیس کی بھاری نفری بھی تعینات کی گئی ہے ۔

ایمزٹی وی (اسلام آباد)2012ءمیں مریم نواز 17 کروڑ 30 لاکھ روپے کی مالک تھیں, اسی سال اپنے والد کی طرف سے 51 کروڑ روپے تحفے میں ملے، 2012ءمیں جمع کرائے گئے ٹیکس ریٹرن میں کسی آف شور کمپنی یا لندن کے فلیٹوں کا ذکر نہیں، حالانکہ پاناما پیپرز میں بتایا گیا تھا کہ یہ اثاثے انہیں اسی سال میں ملے تھے۔
مریم نواز نے 2012ءمیں جمع کرائے گئے اپنے دولت ٹیکس (ویلتھ ٹیکس) میں اپنے اثاثوں کی مالیت 173 ملین (172963168) روپے بتائی تھی۔ ان میں غیر ملکی جائیداد یا آف شور کمپنیاں شامل نہیں تھیں۔ 2011ءکے ٹیکس سال کے برعکس، مریم نواز نے 2012ءمیں اپنی دولت میں 7 کروڑ روپے کا اضافہ درج کرایا۔

ان کے ٹیکس دستاویزات کے مطابق، 2012ءکے دوران انہیں اپنے والد میاں نواز شریف کی طرف سے 51 کروڑ روپے تحفے میں ملے جبکہ ان کے بھائی حسن نواز نے انہیں 29 کروڑ روپے کا قرضہ دیا۔ اسی سال انہوں نے چوہدری شوگر ملز لمیٹڈ میں 5401455 شیئرز کی (9 ملین روپے) سرمایہ کاری کی ؛ رمضان شوگر ملز میں 270000 شیئرز (1.6 ملین روپے) کی سرمایہ کاری کی، محمد بخش ٹیکسٹائل ملز لمیٹڈ میں 482100 شیئرز (4.8 ملین روپے) کی سرمایہ کاری کی، حدیبیہ پیپر ملز لمیٹڈ میں 424200 شیئرز (4.2 ملین روپے) کی سرمایہ کاری کی، حدیبیہ انجینئرنگ کمپنی پرائیوٹ لمیٹڈ میں 12270 شیئرز (1.2 ملین روپے) کی سرمایہ کاری کی جبکہ شمیم شوگر ملز لمیٹڈ میں 700000 شیئرز (70 ملین روپے) کی سرمایہ کاری کی۔ 2012ءمیں مریم نواز نے 43 کنال کی زرعی زمین خریدی، موزا سلطان کی میں 9 مرلہ زمین خریدی، موزا مال میں 67 کنال 5 مرلے زمین 32 ملین روپے میں خریدی اور 140 کنال 3 مرلہ زمین موزا سلطان کی میں 42 ملین روپے کے عوض خریدی۔ ان کے ریٹرن میں غیر زرعی زمین کے متعلق کوئی ذکر شامل نہیں تھا۔ تاہم، انہوں نے 28 ملین روپے مالیت کی بی ایم ڈبلیو کار اور 1.8 ملین روپے کے بینک بیلنس کا ذکر کیا۔
مریم نے 2 لاکھ روپے کے زیورات اور 27 لاکھ روپے نقد کی موجودگی کا بھی ذکر کیا۔ اگرچہ انہوں نے اپنے ٹیکس پیپرز میں اس کا تذکرہ نہیں کیا لیکن بی ایم ڈبلیو کار پر 19 ملین روپے کے فائدے کا بتایا۔ 30 جون 2011ءتک ان کے اثاثوں کی مجموعی مالیت 10 کروڑ 20 لاکھ روپے تھی۔ ایک سال بعد یعنی 30 جون 2012ءکو ان کی دولت میں 17 کروڑ 30 لاکھ روپے کا اضافہ ہوا۔ 2012ءمیں ان کے ذاتی اخراجات 35 لاکھ روپے رہے

ایمز ٹی وی (تعلیم /اسلام آباد) وفاقی دارالحکومت کے ماڈل سیٹ اپ کے کالجز میں تعینات پرنسپل صاحبان ،کالج اکیڈمک اسٹاف ایسوسی ایشن(کاسا) کے سامنے بے بس۔

زبردستی بائیکاٹ کرانے کے خلاف وفاقی نظامت تعلیمات سے مدد مانگ لی، دوسری جانب وزارت کیڈ نے تعلیمی اداروں کو زبردستی بند کرانے والے کاسا ورکرز کی لسٹیں طلب کرتے ہوئے سخت ایکشن کا عندیہ دیے دیا ۔

نام نہاد تنظیم کاسا نے زبردستی کلاسز کا بائیکاٹ کر ایا ۔ذرائع کا کہنا کہ گزشتہ روز سیکرٹری کیڈنرگس گھلو کے حکم پر ڈائریکٹرجنرل وفاقی نظامت تعلیمات نے چند اداروں میں احتجاج کا نوٹس لیتے ہوئے تمام اداروں کے سربراہان کی ہنگامی میٹنگ کی ۔

جس میں احتجاج کرنے والے تمام اساتذہ کی فہرستیں طلب کی گئی ہیں ، ذرا ئع کے مطابق گزشتہ ایک ہفتے سے چار سے پانچ کالجز میں تدریسی سرگرمیاں متاثر ہورہی ہیں۔