ایمزٹی وی(تعلیم)بے نظیر بھٹو شہیدیونیورسٹی لیاری میں جاری ہفتہ طلبا کے موقع پر گیمز کا انعقاد کیا گیا۔ تفصیلات کے مطابق ہفتہ طلبا کے موقع پر مختلف گیمز کا بھی انعقاد کیاگیا۔ گیمز میں ہونے والے کرکٹ میچ میں کامرس ڈیپارٹمنٹ نے بزنس ایڈمنسٹریشن ڈیپارٹمنٹ کو شکست دے دی۔ علاوہ ازیں بیڈ منٹن ، والی بال، ٹیبل ٹینس و دیگر کھیلوں کے مقابلوں کا بھی انعقاد کی گیا جس میں بے نظیر بھٹو شہیدیونیورسٹی لیاری کے مختلف شعبہ جات کے طلبا نے شرکت کی۔

اس موقع پر ایک کرکٹ ٹورنامنٹ کا بھی انعقاد کیا گیا جس میں کمپیوٹر سائنس ، انگریزی ، کامرساور بزنس اینڈ منسٹریشن کے شعبہ جات کی ٹیمیوں نے شرکت کی جبکہ فائنل لیاری یونیورسٹی کے شعبہ کامرس اور سعبہ بزنس ایڈمنسٹریشن کے درمیان اسغر علی شاہ کرکٹ اسٹیدیم میں کھیلا گیا۔ دونوں ٹیموں کی جانب سے شاندار کھیل کا مظاہرہ کیاگیا۔ کامرس ڈیپارٹمنٹ نے 72 رنز کی برتری سے فتح حاصل میلہ لوٹ لیا۔ اس ایونٹ میں وائس چانسلر پروفیسر اختر بلوچ ، قائم مقام رجسٹرار فرید ہ عظیم لودحی ، شعبہ جات کے سربراہان ، اسٹوڈنٹ ویلفئر آفیسر عبدالشکور ، اسپورٹس آفیس ھسن عابد کے عالاوہ طلبا کی بہت بڑی تعداد شریک تھی۔

تقریب سے خطاب کرتے ہوئے وائس چانسلر پروفیسر اختر بلوچ کا کہنا تھا کہ بے نظیر بھٹو شہیدیونیورسٹی لیاری کی جانب سے منائے گئے ہفتہ طلبا میں جس جوش و جذبے سے طلبا نے حصہ لیا وہ قابلِ ستائش ہے۔۔انھوں نے جس طرح سے طلبا نے شاندار کارکردگی کا امظاہرہ کیا مجھے امید ہے کہپ ہپر میدان میں ایسی بے مثال کاکردگی کا مظاہرکر کے بے نظیر بھٹو شہیدیونیورسٹی لیاری کا نا م روشن کریں گے اور ملک کی ترقی میں بھی مثالی کردار ادا کریں گے۔ انھوں نے تمام فاتحین کو مبارکباد دی اور ہفتہ طلبا کے شاندار انعقاد پر میں تمام اساتذہ و دیگر منتظمین کو خراج تحسین پیش کیا اور جیتنے والی ٹیم کو شیلد سےبھی نوازا۔

ایمزٹی وی(پشاور)انسداد دہشت گردی فورس نے کارروائی کر کے ایک سہولت کار کو گرفتار کر لیا جس کے قبضے سے بھاری مقدار میں دھماکہ خیز مواد برآمد ہوا ہے۔

میڈ یا رپورٹس کے مطابق سی ٹی ڈی نے مانسہر ہ میں کارروائی کرکے ملزم نیازمحمد کو گرفتار کر لیا جو کالعد م تنظیم کے دہشت گردوں کو پناہ ور سہولیات فراہم کرتا تھا ۔سی ٹی ڈی حکام کا کہنا ہے کہ ملزم کے قبضے سے 6کلو گرام بارودی مواد اور دستی بم برآمد ہوا ہے ۔

ایمز ٹی وی (تجارت) روسی تجارتی وفد کے سربراہ یورے ایم کوزلو نے کہا ہے کہ پاک روس تعاون میں بتدریج بہتری آرہی ہے لیکن اس ضمن میں مزید کوششوں کی ضرورت ہے تاکہ دونوں ملکوں کے مابین تجارت و سرمایہ کاری کو فروغ دیا جا سکے۔

روس کی 150کے قریب کمپنیاں پاکستان میں براہ راست سرمایہ کاری کی خواہش مند ہیں جو پاکستانی معیشت کے مختلف شعبوں میں سرمایہ لگانا چاہتی ہیں جن میں بائیو انجینئرنگ، زراعت اور توانائی کے شعبے قابل ذکر ہیں نیز روسی کمپنیاں پاکستان کے ساتھ تعاون بڑھانے میں بھی گہری دلچسپی رکھتی ہیں۔

یہ بات انہوں نے کراچی چیمبر آف کامرس کے دورے کے موقع کہی، کراچی میں روس کے ٹریٖڈ کمیشن کے کنسلٹنٹس الیگزی کدریاؤسیو اورولادیمرٹیٹرن بھی ساتھ تھے۔ یورے ایم کوزلو نے دونوں ممالک کے درمیان بینکنگ چینلز کے ذریعے براہ راست تجارت میں حائل رکاوٹوں کے حوالے سے کراچی چیمبر کی تشویش سے اتفاق کرتے ہوئے کہاکہ براہ راست بینکنگ چینلز کا نہ ہونا واقعی اہم مسئلہ ہے جس پر دونوں جانب سے توجہ دینے کی ضرورت ہے۔

یورے ایم کوزلو نے روس کی جانب سے کراچی تا لاہور 2ارب ڈالر مالیت کے گیس پائپ لائن منصوبے کی تعمیر کا ذکر کرتے ہوئے کہاکہ یہ منصوبہ یقینی طور پر روسی کمپنیوں کو دیگر منصوبوں میں سرمایہ کاری کی جانب راغب کرنے میں کردار ادا کریگا۔ انہوں نے پاکستان اور روس کی تاجربرادری کو ایک دوسرے کے مزید قریب لانے کیلیے کراچی چیمبر سے تجاویز طلب کرتے ہوئے کہا کہ کے سی سی آئی کی تجاویز پر ضرور غور کیاجائے گا۔

کراچی چیمبرکے صدر شمیم احمد فرپو نے کہاکہ چیمبر تجارت کی نئی راہیں تلاش کرنے اور پاک روس تجارتی تعلقات کو مزید مستحکم بنانے کا خواہش مند ہے، باہمی تجارت میںاضافہ سست روی کا شکار ہے اور موجودہ تجارتی حجم دستیاب گنجائش کے مطابق نہیں۔ انہوں نے روسی کمپنیوں کوکراچی چیمبر کے تحت اپریل میں ہونے والی ’’مائی کراچی‘‘ نمائش میں شرکت کی دعوت بھی دی۔ چیمبر کے سینئر نائب صدر آصف نثار نے روسی سفارتخانے کی جانب سے ویزے جاری کرنے کیلیے درکار اضافی وقت پر تشویش کا اظہار کیا۔

ایمزٹی وی(اسلام آباد) وزیرا عظم کے داماد کیپٹن صفدرنے اہلیہ مریم نواز کی آف شور کمپنیوں سے انکار کر دیا ۔
میڈیا رپورٹس کے مطابق وزیرا عظم کی صاحبزادی مریم نواز کے خاوند کیپٹن صفدر نے آف شور کمپنیوں کے حوالے سے لگائے گئے عمران خان کے الزامات پر سپریم کورٹ میں جواب جمع کرادیا ہے جس میں کہا گیا ہے کہ عمران خان کے الزامات سراسر غلط اور بے بنیاد ہیں لہذٰا انکی درخواستوں کو خارج کیا جائے ۔

ذرائع کا کہنا ہے کہ کیپٹن صفدر نے سپریم کورٹ میں جمع کرائے گئے جواب میں موقف اختیار کیا ہے کہ انکی اہلیہ مریم نواز باقاعدگی سے ٹیکس اداکرتی ہیں اور انہوں نے اپنے ٹیکس ریٹرنز میں اپنے تمام اثاثے ظاہر کیے ہیں تاہم مریم نواز عمران خان کی طرف سے بتائے گئے اثاثوں کی کبھی مالک نہیں تھیں ۔

کیپٹن صفدر نے اپنے جواب میں مزید کہا ہے کہ عمران خان نے میری نااہلی کیلئے اسپیکر کو کوئی ریفرنس نہیں بھیجا جبکہ دفعہ 62اور 63کے تحت نااہلی کا دائرہ کار بہت محدود ہے ۔”سپریم کورٹ میں نااہلی کیلئے براہ راست درخواست آرٹیکل 225کے خلاف ہے جسے خارج کیا جائے ۔الیکشن سے پہلے آرٹیکل 62کے تحت نااہلی کا سوال نہیں اٹھایا گیا ، میرے خلاف عمران خان نے جھوٹا مقدمہ بنایا جسے خارج کیا جائے ۔

ایمزٹی وی(اسلام آباد)سپریم کورٹ میں پیشی کے موقع پر پی ٹی آئی کے رہنما شاہ محمود قریشی نے وفاقی وزراء خواجہ آصف اور خواجہ سعد رفیق کو مشورے دیے جبکہ جواب میں سعد رفیق اور خواجہ آصف نے بھی انہیں مشورہ دیا۔

شاہ محمود قریشی کا کہنا تھا کہ خواجہ آصف اور خواجہ سعد رفیق سپریم کورٹ اور ٹی وی شوز میں ہی نظر آتے ہیں،دونوں وزراء اہم منصب پر ہیں، کراچی میں ریل کا بڑا حادثہ ہوا، خواجہ سعد وہاں جائیں ۔

سعد رفیق نے جواب میں کہا کہ ہمارا مفت مشورہ یہ ہے کہ عمران خان سکون لیں اور لوگوں کو ذمہ داریاں ادا کرنے دیں۔

شاہ محمود نے مزید کہا کہ ایل او سی پر صورتحال کشیدہ ہے ، خواجہ آصف ایک بار بھی نہیں گئے۔

جس پر خواجہ آصف نے جواب دیا کہ میں ذمہ داریاں نبھا رہا ہوں،ہمارے آباؤ اجداد نے انگریزوں کے بوٹ پالش نہیں کیے

ایمزٹی وی(راولپنڈی) آرمی چیف جنرل راحیل شریف نے کیمبرئین پٹرول مشقوں میں گولڈ میڈل حاصل کرنے والے پاکستانی دستے کو مبارک باددے دی اور کارکردگی کو بھی سراہاہے ۔
پاک فو ج کے ادارہ تعلقات عامہ(آئی ایس پی آر )کے مطابق کیمبریئن پٹرول مشقوں میں فوج کی ٹیم نے گولڈمیڈل حاصل کیا، مشقوں میں دنیا بھر سے 122 ٹیموں نے حصہ لیا، کیمبریئن پٹرول سخت ترین فوجی مشقیں تصورہوتی ہیں،جس پر آرمی چیف نے بہترین کارکردگی دکھانے پر ٹیم کو سراہا اور مبارک باد پیش کی ۔

ایمزٹی وی(اسلام آباد) چیئرمین پاکستان تحریک انصاف عمران خان سے پی ٹی آئی بلوچستان نے ملاقات کی جس دوران صوبے کی سیاسی شخصیت نور محمد نے اپنے ساتھیوں سمیت پاکستان تحریک انصاف میں شمولیت اختیار کی ،جس پرعمران خان نے تمام افراد کو مبارک باد دیتے ہوئے پارٹی میں خوش آمدید کہا ۔

اس موقع پر عمران خان کا کہناتھا کہ آپ حق اور سچ کے قافلے میں شامل ہو گئے ہیں ،ملک میں انصاف کا بول بالا ہوگا اور کرپٹ لوگوں جیلوں میں ہوں گے ۔عمران خان سے ملاقات میں پی ٹی آئی بلوچستان کے رہنما سردار محمد رند نے عمران خان کو پارٹی کے کاموں سے آگاہ کرتے ہوئے کہا کہ پی ٹی آئی کا پیغام گھر گھر میں پہنچا رہے ہیں ۔

ایمزٹی وی(پشاور) امیر جماعت اسلامی سراج الحق نے تقریب سے خطاب کرتے ہوئے کہا ہے کہ کرپشن کے خلاف سب سے پہلے جماعت اسلامی سپریم کورٹ گئی،جماعت اسلامی میں کوئی دولت کی بنیاد پر آگے نہیں آتا ہے،ہم چاہتے ہیں نظریہ ضرورت نہیں حق اور باطل کی بنیاد پر فیصلہ ہو۔
انہوں نے کہا ہے کہ ہم چاہتے ہیں کہ نظریہ ضرورت نہیں حق اور باطل کی بنیاد پر فیصلہ ہو،سپریم کورٹ کے کمیشن قائم کرنے کے فیصلے کو سراہتے ہیں ، کرپشن کے خلا ف سب سے پہلے جماعت اسلامی سپریم کورٹ گئی ،میڈیا والے جماعت اسلامی کو اس لیے کوریج نہیں دیتے کہ پروگرامات میں باپردہ عورتیں اور باریش مرد ہوتے ہیں،میڈیا کا ایجنڈا کچھ اور ہے لیکن ہم دنیاوی فوائد کیلئے اللہ کے احکامات اور سنت نبوی سے انکار نہیں کرسکتے ہیں۔

ایمزٹی وی(اسلام آباد)مقامی میڈیا کے مطابق پانامالیکس پر سپریم کورٹ نے اپنا تحریری فیصلہ جاری کردیا ہے جس میں عدالت نے لکھاکہ وزیراعظم کے خاندان کو جواب داخل کرانے کے لیے سات دن کی بجائے تین دن کا وقت اس لیے دیا تاکہ چہہ مگوئیوں سے بچاجاسکے۔
اس سے قبل عدالت نے دوران سماعت ریمارکس دیئے تھے کہ میڈیا ذمہ داری کا مظاہرہ کرے ، کیس آتے ہی عدالتوں کو برا بھلا کہا جانے لگا۔
مقامی میڈیا کے مطابق عدالت نے اپنے تحریری فیصلے میں کہاکہ درخواستوںکو سماعت کیلئے مقرر کردیاگیا، جواب گزاروں اور اٹارنی جنرل سے اختیار سماعت کے حوالے سے پوچھا، کسی فریق نے سپریم کورٹ کے اختیارسماعت سے اعتراض نہیں اٹھایااور11مقدمات کا حوالہ دے کر بتایاگیاکہ عدالت کیس سنی سکتی ہے ۔ عدالت نے لکھاکہ حسن،حسین اورمریم نوازکوجواب داخل کرنے کیلئے آخری موقع دے رہے ہیں، جواب داخل کرانے کیلئے التوا کی مزید کوئی درخواست نہیں سنی جائے گی ،اردوزبان میں کیس کی سماعت سے متعلق درخواست نمٹائی جاتی ہے اوروکلاءاور فریقین جس زبان میں چاہیں ، دلائل و جواب دے سکتے ہیں۔
پاکستان تحریک انصاف نے اپنے ٹی اوآر(ٹرمز آف ریفرنسز)سپریم کورٹ میں جمع کرادیے جن میں سوالات اٹھائے گئے کہ
نواز شریف نے 1981، 1982سے 1996تک کتنا ٹیکس دیا؟
فلیٹ نمبر 17اے 23جولائی 1996کو خریدا گیا،فلیٹ 17اے کی خریداری کے لیے رقم پاکستان سے کس طرح بھیجی گئی ؟
فلیٹ نمبر 17یکم 1993کو کس قیمت پر خریدا گیا؟
فلیٹ نمبر 16اور 16اے جولائی 1995 خریدے گئے کیا قیمت تھی؟فلیٹ خریدنے کے لیے پاکستان سے رقم کس طرح بھجوائی گئی؟
پارک لین کے فلیٹ 16، 16اے ،17اور 17اے سے متعلق بتایا جائے۔
نیسکال لمیٹڈ،نیلسن انٹرپرائزاوربرٹش ورجن آئی لینڈ کمپنیاں کب بنائی گئیں؟
مریم نواز مے فیئر فلیٹس کی واحد مالک کیسے بنیں؟
مریم صفدر نیسکال لمیٹڈ اور نیلسن انٹرپرائزکی حقیقی وارث کب بنیں؟ ان کمپنیوں سے فائدہ اٹھانے والا حقیقی وارث کون ہے؟
قانونی ماہرین کاخیال ہے کہ عدالت واضح کرچکی ہے کہ جلد ازجلد مقدمہ نمٹاناچاہتے ہیں اور زیادہ وقت دینے سے فریقین میں بے چینی پھیلے گی اور اس ضمن میں عدالت نے کم وقت دے کر اچھا فیصلہ کیا

ایمزٹی وی(گلگت بلتستان)تحریک انصاف کے رکن قانون سازاسمبلی راجا جہانزیب نے کہا ہے کہ حکمرانوں کو احتساب سے بھاگنے نہیں دیں گے۔
ذرائع کے مطابق ان کا کہنا ہے کہ کرپٹ حکمرانوں کے دن گنے جا چکے ہیں اور گلگت بلتستان کے سینکڑوں لوگوں نے اسلام آباد آکرثابت کردیا ہے کہ وہ کرپٹ حکمرانوں کےخلاف ہے۔

انہوں نے کہا کہ اسلام آبادھرنے کےلئے گلگت بلتستان کے تمام اضلاع سے لوگ آئیں اور میرے حلقے یاسین سے سینکڑوں کارکن اسلام آباد میں موجود ہے جس پر میں ان کا مشکور ہوں انہوں نے کہا کہ گلگت بلتستان میں تحریک انصاف مضبوط ہورہی ہے اور آنے والے دنوں میں مزید لوگ تحریک انصاف کا حصہ بنیں گے۔