اسلام آباد: قراقرم انٹرنیشنل یونیورسٹی شعبہ امتحانات نے خصوصی امتحانات 2020کے نتائج کا اعلان کردیا

ڈائریکٹر پبلک ریلیشنز میرتعظیم اختر کے مطابق قراقرم انٹرنیشنل یونیورسٹی کے تحت انٹرمیڈیٹ پارٹ ٹوریگولروپرائیوٹ کےخصوصی امتحانات کے نتائج کااعلان کردیا ہے۔

۔خصوصی امتحانات میں 364 ریگولر طلبہ نے شرکت کی جن میں سے 100طلبا پاس جبکہ 264طلبا امتحانات پاس کرنے میں ناکام رہے ۔ ریگولرکا مجموعی نتیجہ 27.47فیصد رہا۔

اسی طرح پرائیویٹ و ایکس طلبا کی تعداد1568تھی جن میں سے 394پاس جبکہ 1174طلباامتحان پاس کرنےمیں ناکام رہے۔پرائیویٹ وایکس طلبا کامجموعی نتیجہ 25.13فیصد رہا۔

راولپنڈی : اسکول ایجوکیشن ڈیپارٹمنٹ پنجاب نےصوبےبھرکےاسکول سربراہان کو داخلہ پالیسی جاری کردی۔

داخلہ پالیسی کےتحت راولپنڈی سمیت صوبہ بھر کی ڈسٹرکٹ ایجوکیشن اتھارٹیزاوراسکول سربراہان کو ب-فارم کے بغیر بچوں کو داخل کرنے سے روک دیاگیا ہے بصورت دیگر ان کےخلاف کارروائی کی جائے گی۔

31مارچ تک ب فارم مکمل کرنےکی ہدایات جاری کردی گئیں بصورت دیگر کارروائی کاسامنا کرنا پڑے گا۔

اسکولوں میں داخلوں کی ذمہ داری اسسٹنٹ اسکول ہیڈز،ایجوکیشن آفیسرز اوراسکول کونسلز پرہوگی 

ذرائع نے بتایاکہ ا سکول ایجوکیشن ڈیپارٹمنٹ پنجاب نے ہدایات جاری کی ہیں کہ 2021 کی داخلہ مہم کے دوران کسی بچے کا داخلہ ب فارم کے بغیر نہ کیاجائے۔

اس خبرکوبھی پڑھیئے: ب فارم کےحوالےسےمحکمہ تعلیم پنجاب کابڑافیصلہ

ایسے اسکول جنہوں نےبچوں کے داخلے شروع کیے ہیں وہ ب فارم کی انٹری اسکول انفارمیشن سسٹم میں کریں تاکہ معلوم ہوسکے کس ضلع میں کتنےاسکولوں میں ب فارم کے تحت بچوں کے داخل کیے گئے۔

جو ضلع ب فارم کے تحت سوفیصد بچوں کے داخلے نہیں کرے گا وہاں کے متعلقہ ذمہ داران کو کارروائی کا سامنا کرنا پڑے گا۔

بہاولپور: بورڈ آف انٹرمیڈیٹ اینڈ سیکنڈری ایجوکیشن بہاولپورنےمیٹرک وانٹرمیڈیٹ کےسالانہ امتحانات برائے2021 کےشیڈول کااعلان کردیا ہے۔

بورڈ کی جانب سے جاری کردہ اعلامیہ کے مطابق بورڈآف انٹرمیڈیٹ اینڈسیکنڈری ایجوکیشن بہاولپورکےتحت نویں اور دسویں جماعت کے امتحانات 4 مئی2021 جبکہ گیارہویں وبارہویں جماعت کےامتحانات 12جون 2021 سےشروع ہونگے۔

جاری کردہ اعلامیہ میں یہ بھی کہاگیاہےکہ میٹرک کے نتائج اگست کےآخری ہفتےاور انٹر سال دوئم کے نتائج ستمبرکےآخری ہفتےمیں جاری کئےجائیں گے۔

واضح رہے رواں سال میٹرک وانٹرمیڈیٹ کے امتحانات پنجاب کریکلم ٹیکسٹ بک بورڈ لاہوراورہذاکی ویب سائٹ www.bisebwp.edu.pk  پر موجود ALP سلیبس کے مطابق ہی ہونگے مزید براں کہ رواں سال کووڈ19 پالیسی 2020 کے مطابق پریکٹیکل امتحانات نہیں لئے جائیں گے۔

مانیٹرنگ ڈیسک: مائیکروبلاگنگ سائٹ ٹوئیٹرپرصارفین کے لئےسب سےبڑی تبدیلی کردی گئی ہے۔

 ٹوئٹر ایک ایسا پلیٹ فارم ہے جسے بڑی تعداد بلاخصوص سیاستدان، کاروباری حضرات،فنکار اور دیگر شخصیات استعمال کرتے ہیں۔

لیکن اسکی سب سےبڑی کامی یہ ہےکہ اس پرصارفین کےپاس ایڈیٹ کاکوئی آپشن موجو نہیں ہے۔

صارفین سے اگر ٹوئٹ کرتے ہوئے کوئی غلطی ہو جاتی ہے تو ان کے پاس صرف اس ٹوئٹ کو ڈیلیٹ کرنے کا آپشن ہوتا ہے۔

 صارفین کے پرزور مطالبے پر ٹوئٹرنےٹوئٹ کو اَن ڈو یعنی پوسٹ کرنے کے بعد اسے ایڈٹ کرنے کا فیچر شامل کرنےکااعلان کردیاہے۔

اس فیچر کے تحت صارفین کے پاس ٹوئٹ پوسٹ کرنے کے بعد 5 سیکنڈ کا وقت موجود ہو گا اور اگر وہ ان 5 سیکنڈز میں اپنی ٹوئٹ کو درست کرنا چاہتے ہیں تو وہ اسے ایڈٹ کرسکیں گے۔

تاہم اس فیچر کو دنیا بھرکے صارفین کے لیے پیش کرنے کے حوالے سے کسی تاریخ کا اعلان نہیں کیا گیا ہے۔

کراچی: نویں جماعت کےطالبعلم نےواٹس ایپ طرزکی ایک ایپ تیارکرلی۔

فیڈرل بی ایریا کے رہائشی اور کلاس 9 کے ہونہار طالبعلم سید نبیل حیدر جعفری نے واٹس ایپ کے طرز پر ایپ تیار کیا ہے جس کا نام نام ایف ایف میٹنگ رکھا ہےاوراس میں متعدد آپشن موجود ہیں۔ اس ایپ کو پانچ فروری کو گوگل ایپ پلیٹ فارم پر رکھا ہے جس کے ورژن ون کو ان تک سینکڑوں افراد ڈاؤن لوڈ کرچکے ہیں تاہم نبیل کاکہناہے کہ اس ایپ کوایک لاکھ سے زائد مرتبہ ڈاؤن لوڈکیاجاچکا ہے،

اس حوالے سے نبیل نے دعویٰ کیا ہے کہ ان کی ایپ اینڈ ٹو اینڈ اینکرپٹڈ ہے اور اس ایپ کی سب سے بڑی خوبی یہ ہے کہ اس میں بصارت میں کمزور افراد کے لیے فونٹ اوررنگوں کو بڑھانے کا آپشن بھی موجود ہے۔اسی طرح کلربلائنڈ لوگوں کے لیے بھی رنگوں کا ایسا انتخاب رکھا گیا ہے جو وہ باآسانی دیکھ سکتے ہیں۔

نبیل نے بتایا کہ وہ ان کا گھر شدید مالی مشکلات کے باوجودانہوں نےرقم جمع کرکے دس ہزار روپے میں ایک لیپ ٹاپ خریدا اور اس پر ایف ایف (فرینڈز اینڈ فیملی) میٹنگ ایپ سازی کا آغاز کیا۔ اب تین سال کی محنت کے بعد یہ ایپ تیار ہوچکی ہے۔

انہوں نے مزید بتایا کہ ساتویں جماعت سے اس ایپ پر محنت کررہے ہیں جس میں وائس کالنگ اورویڈیو کالنگ کی سہولت موجود ہے۔ اس ایپ میں بہت سارے چینلز ہیں اور آپ اپنی سہولت کے حساب سے چینل بناسکتےہیں۔ انہوں نے بتایا کہ اس ایپ میں دو لاکھ لوگوں تک کا گروپ بنایا جاسکتا ہے۔ جبکہ ایک پیغام پانچ سے چھ لاکھ لوگوں تک بھی بھیجا جاسکتا ہے۔ اس کے علاوہ سیکرٹ چیٹ کا آپشن بھی موجود ہے جس میں خود کار ڈیلیشن کا آپشن بھی موجود ہے۔

لاہور: وزیر تعلیم پنجاب ڈاکٹر مراد راس کی سوشل میڈیا پر تعلیمی اداروں کی بندش کے حوالے سے اہم بیان سامنے آگیا۔

تفصیلات کے مطابق سوشل میڈیا پر گردش ہونے والا نوٹیفکیشن کو جعلی قرار دے دیا ہے۔

صوبے بھر میں تعلیمی سرگرمیاں جاری ہیں تعلیمی اداروں کی بندش کے حوالے سے گردش کرنے والا نوٹس جعلی ہےجس میں کہا گیا ہے کہ صوبے بھر میں کووڈ 19 کے بڑھتے ہوئے کیسز کو دیکھتے ہوئے نجی و سرکاری اسکول ایک ہفتے 6مارچ تا 13 مارچ 2021 تک بند رکھنے کاعلان کیاہے۔

وزیر تعلیم پنجاب کا کہنا ہے مذکورہ نوٹیفکیشن میں کوئی صداقت نہیں لہذا اس پر دھیان نہ دیاجائے۔

اسلام آباد: قراقرم انٹرنیشنل یونیورسٹی نے  سمیسٹر فیس جمع کرانے کی تاریخ میں توسیع کردی۔

قراقرم انٹرنیشنل یونیورسٹی کے وائس چانسلر پروفیسر ڈاکٹر عطااللہ شاہ کے زیرصدارت یونیورسٹی ڈینز،ڈائریکٹرزاور شعبہ جاتی سربراہان کا طلبہ کی فیسوں سے متعلق ہنگامی اجلاس ہوا ۔

اجلاس میں ایم ایس ، بی ایس،ماسٹر،ایم فل اور پی ایچ ڈی کے طلبہ کو اپنی سمسٹر فیسو ں کو 8 مارچ تک جمع کرانے کا وقت دے دیا گیا

اجلاس میں فیصلہ کیاگیاکہ8 تاریخ تک فیس جمع نہ کرانے والے طلبہ کے خلاف کارروائی کرتے ہوئے انہیں یونیورسٹی میں داخل ہونے کی اجازت نہیں دی جائے گی ۔

کراچی: جامعہ کراچی نے شعبہ سماجی بہبود جامعہ کراچی کےڈیجیٹل لائبریری کاافتتاح کردیا۔

اس موقع پر جامعہ کراچی کے وائس چانسلر پروفیسر ڈاکٹر خالد محمود عراقی نے کہا کہ شعبہ سماجی بہبود میں ڈیجیٹل لائبریری کا افتتاح لائق تحسین ہے،مذکورہ لائبریری سے ریسرچر کو تحقیق کے لئے مواد کی دستیابی میں آسانی ہوگی۔ مستند اور قابل اعتماد معلومات تک رسائی معیاری تحقیق کیلئے ناگزیر ہوتی ہے اور اس کے بغیر ایک اچھی تحقیق کا خواب شرمندہ تعبیر نہیں ہوسکتا۔

انہوں نے مزید کہاکہ سماجی علوم میں تحقیق با معنی ہونی چاہئے جو انسانی سماجی مسائل کے حل میں کلیدی کردار ادا کر سکیں،سماجی علوم معاشرے میں مختلف اظہار رائے کو پیش کرنے کا کردار ادا کرتے ہیں جس سے معاشرے کی ترقی ممکن ہوتی ہی جدید ٹیکنالوجی کی موجودگی میں یہ آپ پر منحصر ہے کہ آپ اس سے کتناد ہ استفادہ کرتے ہیں۔

اس موقع پر رئیسہ کلیہ فنون وسماجی علوم جامعہ کراچی پروفیسر ڈاکٹر نسرین اسلم شاہ نے کہا کہ ڈیجیٹل لائبریری کا قیام ناگزیر ہوگیا ہے۔جدید ٹیکنالوجی کے اس دور میں پوری دنیا ڈیجیٹلائزیشن کی جانب گامزن ہے۔ترقی یافتہ اقوام کی صف میں شامل ہونے کے لئے جدید تقاضوں سے ہم آہنگ ہونا ضروری ہے۔انہوں نے شعبہ سماجی بہبود کو ڈیجیٹل لائبریری کے افتتاح پر مبارکباد بھی پیش کی۔

شعبہ سماجی بہبود کے چیئر مین ڈاکٹر شاہد نے ڈیجیٹل لائبریری کے اغراض ومقاصد پر تفصیلی روشنی ڈالتے ہوئے کہا کہ شعبہ ہذا کی پوری کوشش ہے کہ وہ اپنے اساتذہ،ریسرچرز اور طلبہ کو بہتر سے بہتر سہولیات فراہم کریں اور ڈیجیٹل لائبریری اسی سلسلے کی ایک کڑی ہے۔

کراچی: سر سید یونیورسٹی آف انجینئر نگ اینڈ ٹیکنالوجی اور ژونگ کے مابین مفاہمتی یادداشت پر دستخط کئے گئے۔

جس کے تحت سرسیدیونیورسٹی کو رسائی کی سہولت حاصل ہوگی جو اسمارٹ آلات اور سازو سامان سے منسلک ہونے کے لیے استعمال کی جائے گی ۔

اس معاہدے کی رُو سے سرسید یونیورسٹی انٹرنیٹ آف تھنگ IoT اسٹارٹ اَپ کے لیے ژونگ کے صارفین کے مرکزسے منسلک ہونے کی مجاز ہو گی ۔ اس کے علاوہ جامعہ کو انکوبیشن سنیٹر اور IoTٹریننگ کے لیےOne Net IoT پلیٹ فارم کی سہولت بھی حاصل ہوگی ۔

سر سید یونیورسٹی عصر حاضر کے تقاضوں کی بہتری میں ایک اہم کردار ادا کر رہی ہے

ڈیولپرز کمیونٹی کی آسانی کے لیے ژونگ پاکستانی مارکیٹ میں IoT ہارڈوئیر متعارف کرانے کے مرحلے سے گزر رہا ہے ۔ ژونگ کی طرف سے سرسید یونیورسٹی کوپیش کردہ پیکچز میں وَن نیٹ اوپن IoT پلیٹ فارم، IoT ڈیولپمنٹ بورڈز، IoT کمیونیکیشن ماڈیولز، رابطہ اور سپورٹ سروسزکے لیے ای سِمز شامل ہیں ۔

سرسیدیونیورسٹی اورحسواکےاشتراک سےمصنوعی ٹانگ تیار

سرسیدیونیورسٹی کی طرف سے رجسٹرار سیدسرفراز علی اورCMPak ژونگ کی طرف سے چیف فنانشل افسرلی وین یو (Li Wenyu)نے معاہدے پر دستخط کئے ۔

کراچی: جناح سندھ میڈیکل یونیورسٹی میں جے ایس ایم یو ڈائگناسٹک لیب کا افتتاح کردیا گیا۔

جناح سندھ میڈیکل یونیورسٹی کے وائس چانسلر پروفیسر سید محمد طارق رفیع نے جے ایس ایم یو ڈائگناسٹک لیب کی چھٹی شاخ کا افتتاح کیا۔

اس موقع پر انہوں نے بتایا کہ یہ لیبارٹری یونیورسٹی کے منافع کے لیے نہیں بلکہ انسانی خدمت کے لیے کام کرتی ہے اس کا اہم مقصد یہ ہے کہ لوگوں کو آسان اور مناسب قیمت میں اچھی طبی سہولیات میسر ہوں۔

لیب کے سربراہ پروفیسر محمود حسن نےکہا کہ مختلف علاقوں میں رہنے والے لوگ اپنے قریبی کلیکشن پوائنٹ میں اپنے نمونے جمع کروا سکتے ہیں۔

۔اس موقع پر لیبارٹری کے مینیجر حسنین عباس نے اعلان کیا کہ نئی برانچ میں تمام آنے والے افراد کے لیے کسی بھی قسم کے ٹیسٹ پر 30 فیصد ڈسکاؤنٹ دیا جائے گا اور شوگراورکولیسٹرول کا مفت ٹیسٹ کیا جائے گا۔

افتتاحی تقریب میں وائس چانسلر پروفیسر سید محمد طارق رفیع، ڈائیگناسٹک لیب کے سربراہ پروفیسرسید محمود حسن، اپنا انسٹیٹیوٹ کی چیئرپرسن پروفیسر لبنیٰ انصاری بیگ، یونیورسٹی کے رجسٹرار ڈاکٹر اعظم خان، ڈائریکٹر فائنانس عادل رشید ڈائریکٹر ورکس اینڈ سروسز محمد اعظم عقیلی، پروفیسر در محمد، پروفیسر نائلہ طارق اور لیبارٹری کے مینیجر حسنین عباس نے شرکت کی۔

نئی برانچ خیابان جامی پر مسجد باب العلم کے مقابل واقع ہے۔