کراچی: جامعہ کراچی کے تحت 2021 ء کی پہلی شجرکاری مہم کی افتتاحی تقریب02 مارچ کو ہوگی ۔

سینٹر فارپلانٹ کنزرویشن بوٹینک گارڈن جامعہ کراچی کے زیر اہتمام اور دعافاؤنڈیشن کے اشتراک سے 2021 ء کی پہلی شجرکاری مہم بعنوان: ”شجرکاری اور ماحولیاتی تحفظ“ کی افتتاحی تقریب 02 مارچ 2021 ء کو صبح 11:00 بجے بوٹینک گارڈن جامعہ کراچی میں منعقد ہوگی

جسکی صدارت شیخ الجامعہ پروفیسر ڈاکٹر خالد محمود عراقی کریں گے۔

کراچی: ہائیرایجوکیشن کمیشن آف پاکستان نے سندھ مدرستہ الاسلام یونیورسٹی کو انوئرنمینٹل سائنس میں پی ایچ ڈی پروگرام شروع کرنے کی اجازت دیدی ہے۔

اس موقع پر وائس چانسلر پروفیسر ڈاکٹر مجیب الدین صحرائی میمن نے اساتذہ اور اسٹاف اراکین کو مبارکباد دیتے ہوئے کہا کہ ہیک کی جانب سے پی ایچ ڈی پروگرام کی اجازت دینا ایس ایم آئی یو کے معیار تعلیم کے اعلی ہونے کا ثبوت ہے ۔

انہوں نے اس کامیابی پر انوائرمینٹل سائنس کے شعبہ کے فیکلٹی اراکین کو مبارکباد دی اور انکی کاوشوں کی تعریف کی۔ یہ پی ایچ ڈی پروگرام موجودہ سیمسٹر یعنی اسپرنگ سیشن سے شروع ہوگا۔

واضح رہے کہ ایس ایم آئی یو میں اس سے قبل بھی تین پروگرامز میں پی ایچ ڈی کی تعلیم دی جارہی ہے جن میں میڈیا اینڈ کمیونیکیشن اسٹڈیز، کمپیوٹر سائنس اور آرٹیفشل انٹلیجنس اینڈ میتھامیٹکس کے سبجیکٹس شامل ہیں۔

لاہور : وزیر تعلیم پنجاب ڈاکٹرمرادراس نے صوبے بھر کےنجی وسرکاری اسکولوں میں کاتعلیمی سال اگست سےشروع کرنےکااعلان کردیاہے۔

محکمہ تعلیم پنجاب کی جانب سے جاری کردہ نوٹیفکشن کےمطابق صوبائی وزرائےتعلیم کانفرنس میں لیئے گئے فیصلے کے مطابق رواں سال تعلیمی سال کا آغاز یکم اگست 2021 سے ہوگا جو 31 مارچ2022 تک جاری رہےگا۔

مانیٹرنگ ڈیسک: ویڈیو میں غیر ضروری آوازیں ویڈیو کی اہمیت ختم کر دیتی ہیں، اور آپ چاہتے ہیں کہ ایسی آوازیں وڈیو میں شامل نہ ہوں تو اب آپ کو ویڈیو ایڈیٹنگ کے لیے پریشان ہونے کی بلکل ضرورت نہیں ہے۔

سماجی رابطے کی ویب سائٹ ٹوئٹر پر واٹس ایپ کے آفشیل ہینڈل کی جانب سے گزشتہ روز مداحوں کو ویڈیو شیئرنگ کے نئے فیچر سے متعلق آگاہ کیا گیا۔

اب لازمی نہیں کہ آپ کسی ویڈیو کو میوٹ کرنے کے لیے ایک نیا ویڈیو کلپ ریکارڈ کریں بلکہ اب آپ اپنے فون میں پہلے سے موجود ویڈیو کو اسٹیٹس پر اپلوڈ کرنے یا کسی دوست کو بھیجنے سے پہلے بھی میوٹ کر سکتے ہیں۔

ویڈیو میوٹ کرنے کا طریقہ کار

1۔ واٹس ایپ چیٹ اوپن کرکے اپنی فون اسٹوریج میں سے ویڈیو منتخب کریں۔

2۔ ویڈیو منتخب کرنے کے بعد آپ کو ویڈیو کی لمبائی ایڈجسٹ کرنے والے بار کے نیچے ساؤنڈ آئیکون نظر آئے گا۔

3۔ ساؤنڈ آئیکون پر ٹیپ کریں جس کے بعد آپ جس دوست کو ویڈیو بھیجیں گے یا اسٹیٹس پر اپ لو ڈ کریں گے وہ میوٹ ہو جائے گی۔

خیال رہے کہ گزشتہ برس نومبر میں یہ فیچر پہلی بار بیٹا ورژن میں استعمال کیا گیا تھا تاہم اب واٹس ایپ انتظامیہ نے اس فیچر کو اینڈرائیڈ فونز کے لیے بھی متعارف کروا دیا ہے۔

گلگت بلتستان: قراقرم انٹرنیشنل یونیورسٹی میں زیر تعمیر نیو اکیڈمک بلاک ٹو کو قومی ہیرو علی سدپارہ کے نام سے منسوب کردیاگیا۔

اس حوالے سےعلی سدپارہ اور ان کے ساتھیوں کے نام شمع روشن کرنے کے حوالے سے یونیورسٹی میں ایک تقریب منعقد کی گئی۔

تفصیلات کے مطابق قراقرم انٹرنیشنل یونیورسٹی کے وائس چانسلر پروفیسر ڈاکٹر عطاء اللہ شاہ نے نیواکیڈمک بلاک ٹو کو قومی ہیرو کے نام کرنے کے حوالے سے بتاتے ہوئے کہاکہ ملک عزیز کے نام کوروشن کرنے کے لیے مرحوم علی سدپارہ نے اپنی جان کا نذرانہ پیش کیا۔وائس چانسلر نے کہاکہ قومی ہیرو نے ملک عزیز کے سبز ہلالی پرچم کو لہرانے کے لیے اپنی جان قربان کی ہے۔ان کانام تاقیامت زندہ رہے گا۔

انہوںنے مزیدکہاکہ بلڈنگ کو ان کے نام کرنے کی ایک وجہ یہ بھی ہے طلبہ وطالبات کو اس قومی ہیرو کے حوالے سے پتہ چلے او ر ان کی زندگی سے پیغام لیتے ہوئے طلبا علم وتحقیق کے میدان میں ان کی طرح نمایاں کارنامے سرانجام دیے سکیں۔

ان خیالات کا اظہارسےانہوں نے کہاکہ علی سدپارہ کی زندگی سے ہمیں یہ پیغام ملتاہے کہ اپنے خواب اور منزل کے حصول کے لیے اگر موت کو بھی گلے لگاناپڑے پیچھے نہیں ہٹنا چاہیے۔لہذا نوجوان بلخصوص طلبہ وطالبات علمی میدان میں نمایاں کارنامہ انجام دینے کو اپنا ہدف بنائیں اوراس ہدف کے حصول کے لیے بھرپور محنت کریں۔

وائس چانسلر نے کہاکہ نیواکیڈمک بلاک ٹو کے تعمیراتی کام مکمل ہونے پر بلڈنگ میں علی سدپارہ کاتصویر اور نام کی تختی بھی نسب کیاجائے گا۔تاکہ یونیورسٹی کے طلبا کے لیے قومی ہیرو کا نام حوصلہ اور عزم وہدف کے حصول سے متعلق ہمت فراہم کرتا رہے۔

کراچی: جامعہ این ای ڈی کے شعبہ کیمسٹری کے تحت پہلی تین روزہ بین ااقوامی کانفرنس کا انعقاد کیا گیا۔

کانفرنس کی تھیم ” Industrial chemistry towards sustainable Future: Growing Togather(IICC 2021)“ تھی۔

کانفرنس کے مہمان ِ خصوصی وائس پریذینٹ فیڈریشن آف پاکستان چیمبر آف کامرس اینڈ انڈسٹری حنیف لاکھانی تھے۔

کانفرنس میں مہمان خصوصی وائس پریذینٹ فیڈریشن آف پاکستان چیمبر آف کامرس اینڈ انڈسٹری حنیف لاکھانی کاکہنا تھاکہ بین الاقوامی سطح پر ایسی کانفرنس کا انعقاد قابل تحسین ہے،جس سے کیمسٹری اورکیمیکل کی فیلڈ میں مدد ملے گی۔ مزید کہا کہ تعلیمی اداروں متعلقہ صنعت کی تعلیم سے کارگر افرادو اذہان میسر ہوں گے۔

جامعہ این ای ڈی کےتحت36 کلو والٹ سولرپاورپروجیکٹ کاورچوئیل افتتاح

شیخ الجامعہ پروفیسر ڈاکٹر سروش حشمت لودھی کا کہنا تھا کہ ہماری کوشش ہے کہ انجینئرنگ سیکٹر کو جدید دور کے تقاضوں کے مطابق ڈھالا جائے،ملکی اور غیر ملکی ماہرین سمیت کانفرنس آرگنائزرکا شکریہ ادا کرتے ہوئے ان کا کہنا تھاکہ کیمیائی صنعت کی ضرورت سے متعلق تعلیم،اس کی ترقی کی ضامن ہے۔

پرو وائس چانسلرپروفیسر ڈاکٹر محمد طفیل، شعبے کی چیئرپرسن ڈاکٹر نزہت ارشداور کانفرنس کنوینر ڈاکٹر سعیدہ نادر علی اور کو کنوینرڈاکٹر امتہ القیوم کا کہنا تھا کہ موجودہ دور کی اہمیت کو سمجھتے ہوئے اس کانفرس سے انڈسٹری فائدہ اٹھا سکتی ہے۔

جامعہ ترجمان کے مطابق 26تا 28فروری این ای ڈی یو نی ورسٹی کے شعبہ کیمسٹری کے تحت پہلی تین روزہ بین الاقوامی، فزیکل اور آن لائن کانفرنس کا انعقاد کیا گیا، جس میں 14کی نوٹ اسپیکرز، 7قومی اور7بین الاقوامی ماہرین نے پیپرز پڑھے رہے۔ اسپین،آسٹر یلیا، سعودیہ عرب،ترکی،بھارت، ملائشیا سمیت امریکہ کے ماہرین نے اس کانفرنس میں آن لائن شرکت کی۔

کراچی: وزیر تعلیم و محنت سندھ سعید غنی نے 100 فیصد طلبا کوتعلیمی ادارے بلانے کافیصلہ مسترد کردیا۔

اس حوالے سےگزشتہ روز وزیر تعلیم و محنت سندھ سعید غنی نے کہا کہ صوبہ سندھ میں کوووڈ کے خاتمہ تک ایس او پیز کے تحت تعلیمی ادارے 50 فیصد ہی بچوں کو بلانے پر پابند ہوں گے۔ جو حالات اس وقت ہمارے تعلیمی اداروں بالخصوص نجی تعلیمی اداروں میں ہے اس میں یہ کسی صورت ممکن نہیں کہ 100فیصد بچوں کو ایک ساتھ بلایا جاسکے۔

انہوں نے مزید کہا کہ صوبہ سندھ میں محکمہ تعلیم کی اسٹرنگ کمیٹی کے آخری اجلاس میں یہ فیصلہ کیا گیا تھا کہ صوبے بھر میں تعلیمی ادارے مکمل ایس او پیز کے ساتھ کھولیں جائیں گے اور یہاں کے سرکاری اور نجی تعلیمی اداروں کو مد نظر رکھتے ہوئے اس بات کا بھی فیصلہ کیا گیا تھا کہ تعلمی ادارے 50 فیصد بچوں کو بلائیں گے اور جن اسکولوں میں اگر ایکسٹرا کلاس رومز ہیں تو وہ کلاس کو دو حصوں میں تقسیم کریں گے۔

انہوں نے کہا کہ چند روز قبل وفاقی وزیر تعلیم نے اعلان کیا کہ ملک بھر میں تعلیمی ادارے 100 فیصد بچوں کو بلا سکتے ہیں لیکن ساتھ ساتھ یہ بھی کہا کہ جاری کردہ ایس او پیز پر مکمل عمل درآمد بھی کرایا جائے۔ سعید غنی نے کہا کہ ہمیں وفاقی وزیر تعلیم کی یہ بات سمجھ سے بالاتر لگ رہی ہے کہ ایک جانب وہ 100 فیصد بچوں کو بلانے کی بات کررہے ہیں تو دوسری جانب ایس او پیز کی بات بھی کررہے ہیں تو کسی طرح فاصلے کو برقرار رکھا جاسکتا ہے۔

انہوں نے کہا کہ صوبہ سندھ میں محکمہ تعلیم کے تحت تعلیمی ادارے سابقہ اعلان کے مطابق ہی اپنی تعلیمی سرگرمیاں جاری رکھیں گے اور 50 فیصد بچوں کو ہی بلا سکیں گے۔ انہوں نے کہا کہ الحمد اللہ صوبے میں کرونا کے کیسز میں کمی ضرور آئی ہے لیکن کرونا مکمل طور پر ختم نہیں ہوا ہے اور جب تک یہ مکمل طور پر ختم نہیں ہوتا تعلیمی ادارے جاری ایس او پیز اور 50 فیصد بچوں کو ایک ایک دن کے حساب سے تعلیم دینے کے پابند ہوں گے۔

اس موقع پر سیکرٹری تعلیم سندھ احمد بخش ناریجو بھی ان کے ہمراہ موجود تھے۔

کراچی: جامعہ این ای ڈی کے تحت36 کلو والٹ سولر پاور پروجیکٹ کا ورچوئیل افتتاح کیا گیا۔

ڈین الیکٹریکل اینڈ کمپیوٹر انجینئرنگ پروفیسر ڈاکٹر سعد قاضی کا استقبالیہ سے خطاب کرتے ہوئےکہنا تھا کہ ایسے پروجیکٹس ہمارے طالب علموں کے لیے ”لیونگ لیب“کا تصور پیش کرتے ہیں

یہ سولر پاور پروجیکٹ جامعہ کے ممتاز سابقہ طالب علم اور سی ای او کمپیوٹرز اینڈ اسٹرکچرز ان کاپوریٹڈ (سی ایس آئی)امریکہ انجینئر اشرف حبیب اللہ کی جانب سے تحفتاًدیا گیا ہے

اس موقعے پر شیخ الجامعہ پروفیسر ڈاکٹر سروش حشمت لودھی نے اشرف حبیب اللہ کی اس کاوش کو سراہتے ہوئے کہا کہ یہ سولر پاور پروجیکٹ 2021میں کاربن فُٹ پرنٹ کی تخفیف کے ذریعے،جامعہ کو کاربن نیوٹرل بنانے کی کوششوں میں سے ایک ہے۔انہوں نے مزید کہاکہ جامعات سمیت ہر سطح پر ایسے اقدامات کو معاشرتی بہتری کے لیے اُٹھایا جاسکتا ہے جب کہ یونی ورسٹی کے مکمل3 میگا واٹ پاور لوڈ کو بھی جلد سولر پر لے جانا اصل ہدف ہے۔

انسٹی ٹیوٹ آف انجینئرزپاکستان،کراچی کے چیئرمین سہیل بشیر، پرووائس چانسلر پروفیسر ڈاکٹرمحمد طفیل کا کہناتھا کہ متبادل ذرائع توانائی کی جانب منتقلی ماحول سمیت خود اپنی صحت سے دوستی ہے۔

جامعہ ترجمان کے مطابق این ای ڈی کا یہ سولر پاور پروجیکٹ 42 ٹن کاربن ڈائی آکسائید کے مقابل حفاظت کرے گاجو کہ تیئس سو درختوں کے برابر ہے۔ یہ پروجیکٹ سالانہ بجلی کے52 ہزاریونٹس کی پیداوار دے گا جس سے جامعہ کوسالانہ بنیادوں پر اندازاًایک ملین کی بچت ممکن ہوسکے گی۔

اس موقع پرکمپیوٹرز اینڈ اسٹرکچرز ان کاپوریٹڈ (سی ایس آئی)امریکہ انجینئر اشرف حبیب اللہ ورچوئیل افتتاح کے موقعے پر پاکستان کا قومی ترانہ پڑھ کر وطن عزیز سے محبت کا اظہار کیا۔

کراچی: آواز انسٹیٹیوٹ آف میڈیااینڈمینجمنٹ سائنسز میں اساتذہ کوخراج تحسین پیش کیا. 

بی کام سال آخرکےطلبا و طالبات نےانسٹیٹیوٹ کے تمام اساتذہ کوخراج عقیدت پیش کرنےکےلئےایک تقریب منعقد کی جس میں اساتذہ کی علمی خدمات کااعتراف کرتےہوئے شکریہ ادا کیا 

اس موقع پرطلبا وطالبات کاکہناتھا کہ ہم مشکور ہیں کہ آپ تمام اساتذہ نہ صرف تعلیم بلکہ زندگی کےمختلف حالات و مشکلات میں ہمارا ساتھ دیا اورہمیں صحیح وغلط کی پہچان کرائی جوہمارے مستقبل میں کارآمد ثابت ہوگی 

آواز انسٹیٹیوٹ کےریکٹرکاطلباکی اس کاوش کوسراہتےہوئے کہنا تھا کہ آپ کی یہ کوشش قابل ستائش ہیں اور ہم سب آپ کےبہترین مستقبل کےلئےدعاگو ہیں. 

آوازانسٹیٹیوٹ کےاکیڈمک مینیجررضا علی سعیدکاطلباوطالبات سےنیک خواہشات کااظہارکرتے ہوئےکہنا تھاکہ زندگی میں ناممکن کچھ بھی نہیں خودپربھربھروسہ رکھیں اورمحنت کریں. 

اس موقع پرطلباوطالبات کی جانب سےاساتذہ کوتحائف دیئےگئے.

کراچی: پاکستان سپر لیگ سیزن 6 کراچی کنگزنےملتان سلطانز کو 7 وکٹ سے شکست دے دی۔

نیشنل اسٹیڈیم کراچی میں کھیلے گئے پاکستان سپر لیگ کے چھٹے ایڈیشن کے نویں میچ میں ملتان سلطانز نے پہلے بیٹنگ کرتے ہوئے مقرررہ 20 اوورز میں 195 رنز بنائے۔ کراچی کنگز نے بابراعظم کی زبردست اننگز کے بدولت مطلوبہ ہدف 19ویں اوور میں حاصل کرلیا۔

شرجیل خان نےکراچی کنگز کی جانب سے ٹیم کو جارحانہ آغاز فراہم کیا لیکن وہ 27 رنز بنانے کے بعد آؤٹ ہوئے جس کے بعد بابراعظم نے جوئے کلارک کے ساتھ ملکر 97 رنز کی شراکت قائم کی۔

اس دوران جوئے کلارک نے پی ایس ایل میں اپنی پہلی نصف سنچری مکمل کی وہ 54 رنز بناکر آؤٹ ہوئے۔

دوسری جانب قومی ٹیم کے کپتان بابراعظم اپنی فارم بحال کرتے ہوئے ایک اور نصف سنچری اسکور کرنے میں کامیاب رہے۔ کولن انگرام 6 رنز بنانے کے بعد آؤٹ ہوئے۔ بابراعظم 90 رنز پر ناٹ آؤٹ رہے۔

ملتان سلطانز کی جانب سے دو وکٹیں شاہنواز دھانی کے حصے میں آئیں اور ایک وکٹ سہیل خان نے حاصل کی۔

جبکہ دوسری جانب ملتان سلطانز کی جانب سے پچھلے تینوں میچوں میں ناکام رہنے والے اوپنر کرس لین کو دوبارہ موقع دیا گیا لیکن اس بار انہوں نے ٹیم کو مایوس نہیں کیا اور 14 گیندوں پر 32 رنز کی جارحانہ اننگز کھیل کر آؤٹ ہوئے اور کپتان محمد رضوان 32 گیندوں پر 43 رنز بناکر آؤٹ ہوئے۔

مڈل آرڈر بلے باز جیمز ونس 29 گیندوں پر 45 رنز کی جارحانہ اننگز کھیل کر ارشد اقبال کا شکار بنے تاہم بعد میں آنے والے بلے بازوں نے سست روی سے بیٹنگ کی جس کے باعث ملتان سلطانز 200 کا ہندسہ عبور کرنے میں ناکام رہے۔

ریلی روسو 7، خوشدل شاہ 6، شاہد آفریدی 3 رنز بناکر آؤٹ ہوئے جب کہ صہیب مقصود 27 گیندوں پر 34 رنز کھیل کر ناٹ آؤٹ رہے۔ کراچی کنگز کی جانب سے ارشد اقبال نے 2، ڈینیل کرسچن، وقاص مقصود، عماد وسیم اور محمد عامر نے ایک ایک وکٹ حاصل کی۔