کراچی: کوئٹہ گلیڈی ایٹراسکواڈ میں ایک اور فاسٹ بولر شامل ہوگئے

تفصیلات کے مطابق جنوبی افریقہ کے فاسٹ بولر ڈیل اسٹین نے کوئٹہ گلیڈی ایٹرزکو جوائن کرلیا

پی ایس ایل 6 کے لیے وہ سہ روزہ قرنطینہ کے بعد اپنی ٹیم کےلئے دستیاب ہوں گے،فرنچائز کی سیپلیمنٹری پک ڈیل اسٹین خاندانی مصروفیات کی وجہ سے ابتدائی دو میچز کا حصہ نہیں بن پائے۔

کراچی آمد کے بعد جنوبی افریقی فاسٹ بولر کا کوویڈ 19 ٹیسٹ لیا گیا۔

واضح رہے کہ کوئٹہ گلیڈی ایٹرز نے ان کی جگہ نوجوان آل راؤنڈر حسان خان کو ابتدائی میچز کے لیے اسکواڈ میں شامل کیا تھا۔

کراچی: بزنس اسکول جامعہ کراچی کے زیر اہتمام شعبہ ہذا کی سماعت گاہ میں پہلی دوروزہ بین الاقوامی کانفرنس بعنوان: ”کا رپوریٹ کا استحکام“ منعقد کی گئی۔

کانفرنس کے پہلے روزمشیر وزیر اعلیٰ سندھ وترجمان حکومت سندھ بیرسٹر مرتضیٰ وہاب نے خطاب کرتے ہوئے کہا کہ کروناوائر س نے پوری دنیا بھر میں ہر شعبہ ہائے زندگی کو متاثر کیا ہے۔جامعات اور بالخصوص سرکاری جامعات میں کووڈ 19 جیسی صورتحال کے باجود جدید ٹیکنالوجی کو بروئے کار لاتے ہوئے سیمینارز،ویبینارز اور کانفرنسز کے انعقاد سے اساتذہ اور طلبہ کو ایک دوسرے کو سننے،تجربات کے تبادلے اور سیکھنے کے مواقع میسر آئے جو لائق تحسین ہیں۔

بیرسٹر مرتضیٰ وہاب نے مزید کہا کہ میرے والدین جامعہ کراچی کے المنائی ہیں اور میں اپنے والدین کی جانب سے جامعہ کراچی کے دوطلبہ کے لئے اسکالرشپ کا اعلان کرتاہوں جس کے تحت میرے والد کی جانب سے ایک اسکالرشپ ہر سال کراچی یونیورسٹی بزنس اسکول کے طالبعلم جبکہ ایک اسکالرشپ شعبہ ویژول اسٹڈیز جامعہ کراچی کی طالبہ کو دیا جائے گا اور یہ اسکالرشپ میں بذات خود دونگا۔

۔انہوں نے بین الاقوامی کانفرنس کے انعقاد پر کراچی یونیورسٹی بزنس اسکول کو مبارکباد پیش کی اور اس طرح کی کانفرنسز کے انعقاد کو وقت کی اہم ضرورت قراردیا۔

جامعہ کراچی کے وائس چانسلر پروفیسر ڈاکٹر خالد محمود عراقی نے کہا کہ بروقت فیصلے اور بہتر منصوبہ سازی ہی استحکام کے ضامن ہیں،کسی بھی ملک کی معیشت کا زیادہ تر انحصاراس کی برآمدات پر ہوتا ہے اور اس کے لئے صنعتوں کا مستحکم ہونا ناگزیر ہے۔
۔کووڈ 19 کی موجودہ صورتحال کے پیش نظر امسال جامعہ کراچی میں اسٹوڈنٹس ایڈمیشن فنڈ سے 650 طلباوطالبات کو اسکالرشب فراہم کئے گئے۔مذکورہ اسکالر شپ ایسے طلبہ کو دیئے گئے جو محض مالی مشکلات کی وجہ سے داخلہ اور سیمسٹر فیس دینے سے قاصر تھے۔

کانفرنس سے دیگر مقررین جس میں ملائیشیاء سے ڈاکٹر عبدالحلیم عبدالماجد، ڈاکٹر عاطفہ نجوانی،لندن سے رچرڈ گرفتھ،رومانیہ سے بستیانا،فلپائن سے ڈاکٹر پرفیکٹو جی ایکوینو جے آراور نیپال سے ہری سی کمالی شامل ہیں نے بھی خطاب کیا۔

رئیسہ کلیہ نظمیات وانتظامی علوم جامعہ کراچی پروفیسر ڈاکٹر نسرین اسلم شاہ نے چیئر مین اور فیکلٹی ممبران کراچی یونیورسٹی بزنس
اسکول کو مبارکبادپیش کرتے ہوئے کہا کہ مجھے یقین ہے کہ مذکورہ کانفرنس میں قومی اوربین الاقوامی اسکالرز کے تجربات سے ہمارے اساتذہ اور طلبہ کو بہت کچھ سیکھنے کو ملے گا ۔

اس موقع پر شیخ الجامعہ پروفیسر ڈاکٹر خالد محمود عراقی،ممبر سنڈیکیٹ جامعہ کراچی صاحبزادہ معظم قریشی،رکن صوبائی اسمبلی وممبر سنڈیکیٹ جامعہ کراچی سعدیہ جاوید،رئیسہ کلیہ نظمیات وانتظامی علوم جامعہ کراچی پروفیسر ڈاکٹر نسرین اسلم شاہ اور چیئر مین کراچی یونیورسٹی بزنس اسکول ڈاکٹر محمد عاصم بھی موجودتھے

کراچی: محمد علی جناح یونیورسٹی کراچی ( ماجو ) میں اسپرنگ-21 میں داخلوں کے خواہشمند طلبہ کاداخلہ ٹیسٹ کل صبح دس بجے یونیورسٹی کیمپس پر منعقد ہوگا۔

امتحان میں شرکت کرنے والے تمام طلبہ کو ایڈمٹ کارڈ جاری کردیئے گئے ہیں۔

امیدواروں کو اپنے ہمراہ قومی شناختی کارڈ لگانے کی ہدایت کی گئی ہے۔

یاد رہے ماجو میں یکم مارچ سے نئے سمسٹر کاآغاز ہوجائے گا۔

لاہور: پاکستان سپر لیگ کی ٹیم پشاور زلمی نے چھٹے سیزن کے لیے اپنا ترانہ ریلیز کر دیا ۔

زلمی نے آج اپنے ترانےـ ـ کنگڈم کویوٹیوب اور سوشل میڈیا پر ریلیز کیا جسےکو مداحوں کی جانب سے خوب پسند کیا جارہا ہے

ترانے میں پی ایس ایل فرنچائز کی برانڈ ایمبیسڈرز اسرا بیلگیچ ہانیہ عامر، ماہرہ خان اور علی رحمان بھی نظر آ رہے ہیں۔

پشاور زلمی کے ترانےکو بعض افراد نے خیبرپختونخوا کا میوزک شامل نہ کرنے پر تنقید بھی کی ہے۔

یاد رہے کہ گزشتہ روز ہی زلمی کے مالک جاوید آفریدی نے معروف ترک ڈرامے ارطغرل غازی میں حلیمہ سلطان کا کردار ادا کرنے والی اسرا بیلگیچ کے زلمی کے ساتھ بطور برانڈ ایمبیسڈر وابستہ ہونے کا اعلان کیا تھا۔

لاہور: پنجاب محکمہ اسکول ایجوکیشن نے طلبہ کے ب فارم اپ لوڈ کرنے کی تاریخ میں پھر توسیع کردی

ب-فارم جمع نہ کرانے والے طلبہ کے نام خارج کرنے کا فیصلہ

طلبہ کے ب ۔فارم جمع کرنے کی ایک اور ڈیڈ لائن گزرنے کے باوجود ڈسٹرکٹ ایجوکیشن اتھارٹیز طلبہ کے ب فارم اپ لوڈ کرنے میں ناکام ہوچکےہیں ڈسٹرکٹ ایجوکیشن اتھارٹیز کی سست روی کے باعث10 فیصد فارم بھی اپ لوڈ نہ ہوسکے ۔

ب۔فارم اپلوڈ میں تاخیری کے باعث پنجاب محکمہ اسکول ایجوکیشن مزید مہلت دے دی ہے تاکہ ب فارم 31 مارچ تک اپ لوڈ کئے جاسکیں گے ۔

لاہور : محکمہ اسکول ایجوکیشن پنجاب نےابتدائی کلاس رومزمنصوبےمیں توسیع کافیصلہ کرلیاہے۔

محکمہ اسکول ایجوکیشن پنجاب کاکہنا ہے کہ مزید کلاس رومز کے ساتھ بچوں کی لائبریری میں موجودکتابوں کو ہر سال شائع کیاجائیگا جسے پنجاب ٹیکسٹ بک بورڈ پرنٹ کرائے گا۔

ہرا سکول میں بچوں کی تعداد کے مطابق لائبریری کتب فراہم کی جائیں گی۔محکمہ اسکول ایجوکیشن کا کہنا ہے لائبریری کی کتابیں بچوں کو گھر لے جانے کی اجازت نہیں ہوگی،گھرکیلئے طلبا کو صرف ہوم ورک دیا جائے گا۔

صوبہ بھر میں 11ہزار اور لاہور میں 200 ای سی ای رومز(ارلی کیئراینڈایجوکیشن )ہیں۔آئندہ تعلیمی سال میں ای سی ای رومز کی تعداد میں مزید 5 ہزار اضافے کا فیصلہ کیا گیا۔

کراچی: کراچی پولیس نے آج سے شروع ہونے والےمیچزکے سلسلے میں سیکیورٹی پلان مرتب کرلیا۔

ایڈیشنل آئی جی کراچی غلام نبی میمن کی زیرصدارت اجلاس میں حتمی پلان تشکیل دیاگیا

اجلاس میںکمانڈنٹ ایس ایس یو ڈاکٹر فرخ علی، ڈی آئی جی سیکیورٹی اینڈایمرجنسی سروسز ڈویژن مقصود احمد، فوج، رینجرز اور پولیس سمیت پی سی بی کے سینئر افسران سمیت تمام اسٹیک ہولڈرز نے شرکت کی۔

کر اچی پولیس کےمجموعی طورپر 5000 سے زائد اہلکار سیکیورٹی فرائض سرانجام دیں گے۔ سیکیورٹی ڈویژن کے 2500 اہلکار بشمول 1070 ایس ایس یو کمانڈوز، ٹریفک پولیس، ریپڈ رسپانس فورس، اسپیشل برانچ اور ضلعی پولیس کے اہلکار دیگر قانون نافذ کرنے والے اداروں کے ہمراہ نیشنل اسٹیڈیم، کراچی ائرپورٹ، روٹس، پریکٹس گراؤنڈ، پارکنگز، ہوٹلز اور دیگر مختلف مقامات پر ڈیوٹی سر انجام دے رہے ہیں۔

اس موقع پر ڈی آئی جی سیکیورٹی اینڈ ایمرجنسی سروسز ڈویژن مقصود احمد نے کہا کہ حساس مقامات پرماہر نشانہ باز بھی تعینات کئے جائیں گے اور اسٹیڈیم کے اطراف امن وامان کی صورتحال کی نگرانی کے لئے نیشنل اسٹیڈیم پر ایک خصوصی کمانڈ اینڈ کنٹرول بس بھی تعینات کی جائے گی، فضائی نگرانی بھی کی جائے گی۔

کراچی:پی ایس ایل 6 کےافتتاح آج ہوگا۔

پی ایس ایل کے دیوانوں کا انتظار ختم ، پاکستان سپر لیگ (پی ایس ایل) کے چھٹےایڈیشن کا افتتاح صرف چند ہی گھنٹوں کی دوری پر ہے۔

کرکٹ کے دیوانے آج سے شروع ہونے والے پی ایس ایل 6 کے سنسنی خیز مقابلے دیکھنے کے لیے بے قرار ہیں

پریکٹس میچ میں پشاور زلمی کو شکست

پی ایس ایل 6 کی جگمگاتی ٹرافی کے لیے 6 ٹیمیں ٹکرائیں گی جبکہ میچز کے لیے ٹکٹوں کی آن لائن فروخت کا سلسلہ بھی جاری
ہے۔

کراچی ٹریفک پولیس نے ٹریفک پلان جاری 

پاکستان سپر لیگ کے چھٹے ایڈیشن میں ایونٹ کا پہلا میچ آج کراچی کنگز اور کوئٹہ گلیڈی ایٹرز کے درمیان رات 8 بجے ہو گا۔

کراچی: پی ایس ایل 6 کے افتتاحی میچ میں پشاور زلمی کو کپتان وہاب ریاض کا ساتھ حاصل نہیں ہوگا۔

پشاور زلمی کے کپتان وہاب ریاض نے کوچ ڈیرن سیمی کے ہمراہ بائیوسیکیور زون سے باہر موجود اونر سے ملاقات کر لی تھی۔ یہ واقعہ گذشتہ روز پریکٹس میچ کے دوران پیش آیا جس کے باعث ہفتے کو ٹرافی کے ساتھ ٹیم کا فوٹو شوٹ بھی ملتوی کر دیا گیا ہے۔

پی سی بی کے اعلامیے میں کہا گیا ہے کہ ایک ٹیم کے پلیئر اور آفیشل کو بائیو سیکیور ببل کی خلاف ورزی کرنے پر تین روز کے لیے آئسولیشن میں بھیج دیا گیا ہے۔ دونوں نے بائیو سیکیور ببل سے باہر تیسرے فرد سے ملاقات کی تھی جب کہ اسکواڈ دوبارہ جوائن کرنے سے قبل دونوں کے 2 منفی ٹیسٹ نتائج لازمی ہیں۔

ذرائع کے مطابق وہاب ریاض کی جگہ اتوار کو لاہور قلندرز سے میچ میں پشاور زلمی نئے کپتان کا فیصلہ ہفتے کو ہی کرے گی۔ شعیب ملک ممکنہ امیدوار میں نمایاں ہیں۔

دوسری جانب ایک اور فرنچائز کے پلیئر کا دوسرا ٹیسٹ بھی مثبت آیا ہے البتہ چونکہ وہ پہلے ہی آئسولیشن میں ہے اس لیے ٹیم کو کوئی فرق نہیں پڑے گا۔

کراچی:ضیاالدین یونیورسٹی کے زیراہتمام استقبالیہ تقریب کاانعقادکیاگیا۔

ضیاالدین یونیورسٹی کی جانب سے ایم بی بی ایس کےچھبیسویں بیچ کے نئے آنے والےطلبہ وطالبات کے لیے استقبالیہ تقریب منعقد کی گئی۔

استقبالیہ تقریب سے خطاب کرتے ہوئے ضیاالدین یونیورسٹی کے وائس چانسلر پروفیسر ڈاکٹر پیرزادہ قاسم رضاصدیقی نےہال میں موجود طالب علموں اور ان کے والدین کو مبارکباد پیش کی اور تہہ دل سے ان کے لیے روشن مستقبل اور نیک خواہشات کا اظہار کرتے ہوئے کہا کہ ہم پاکستانی قوم دنیاکی ذہین ترین قوم ہیں اور ہماری خوش قسمتی ہے کہ ہمارے ملک کی کل آبادی کا ایک بہت بڑا حصہ نوجوانوں پر مشتمل ہے۔ ہمارے ملک کا مستقبل نوجوانوں کے ہاتھ میں ہے۔ مجھے امید ہے کہ یہاں سے تعلیم حاصل کرنے کے بعد آپ ملک و قوم کی خدمت میں کوئی کسر نہیں چھوڑیں گے۔

اس موقع پر ضیاءالدین یونیورسٹی فیکلٹی آف ہیلتھ سائنسز کے ڈین ڈاکٹر عباس ظفر نے طلبہ و طلبات کی حوصلہ افزائی کرتے ہوئے کہا کہ کورونا جیسی عالمی وبا کے دور میں جب شعبہ طب ایک انتہائی نازک اور مشکل دور سے گزر رہا ہے ایسے میں اس شعبہ کا انتخاب کر کے آپ نے ثابت کردیا کہ آپ سچے دل سے انسانیت کی خدمت کرنا چاہتے ہیں۔ آپ ہمارے ملک کا قیمتی سرمایہ ہیں اور ہمیں پوری امید ہے کہ آپ تعلیم مکمل کرنے کے بعد اس ملک کی بے لوث خدمت کریں گے ۔

ضیاءالدین میڈیکل کالج کی پرنسپل ڈاکٹر نزہت حسین نے مستقبل کے ڈاکٹرز کا خیر مقدم کرتے ہوئے کہا کہ اس سال ہم ضیاالدین یونیورسٹی کی سلور جوبلی منارہے ہیں اور ہمیں فخر ہے کہ ضیاءالدین یونیورسٹی سے پاس ہوئے ڈاکٹرز پاکستان سمیت دنیا بھر کے مختلف ہسپتالوں میں اپنی خدمات سرانجام دے رہے ہیںانہوں نے مزید کہا کہ د نیا بہت تیزی کے ساتھ ترقی کررہی ہے آپ سب کو دنیا کے ساتھ قدم سے قدم ملا کر چلنا ہو گا کیونکہ سخت محنت ہی آپ کو کامیابی کی جانب لے کر جاسکتی ہے۔ اپنی معلومات کو وسیع کریں اور اپنے وقت کا استعمال بہت دانشمندی سے کریں۔ مجھے پورا ےقین ہے کہ آپ سخت محنت، ہمت اور حوصلے کا استعمال کرتے ہوئے اس ملک کو ترقی سے ہمکنار کریں گ