لاہور: پاکستانی طالبہ زارا نعیم نےعالمی سطح پرگلوبل پروفیشنل اکاؤنٹنسی میں نیاریکارڈ قائم کردیا۔

ایسوسی ایشن آف چارٹرڈ سرٹیفائیڈ اکاؤنٹنٹس (اے سی سی اے) کے گلوبل پروفیشنل اکاؤنٹنسی کے امتحان میں پاکستانی طالبہ زارا نعیم نے میں ٹاپ کرکے ورلڈ ریکارڈ قائم کردیا۔

لاہور سے تعلق رکھنے والی اے سی سی اے کی طالبہ زارا نعیم نے دسمبر 2020 میں منعقد ہونے والے اے سی سی اے کے فنانشل رپورٹنگ کے امتحان میں سب سے زیادہ نمبر حاصل کیے اور عالمی ریکارڈ بنایا۔

مذکورہ امتحان میں تقریباً 179 ممالک کے 5لاکھ 27 ہزار سے زائد طلبہ نے تعلیم حاصل کرنے کے بعد اس امتحان میں حصہ لیا، اکاؤنٹنس کے شعبے میں اے سی سی اے کی کوالیفکیشن کو دنیا کے 179 ممالک میں عالمی معیار تصور کیا جاتا ہے

زارا نے اپنی اِس کامیابی کا سہرا والد کے سر سجایا اور کہا کہ والد نے ہمیشہ حوصلہ افزائی کی، زارا ’اے سی سی اے‘ کی رکن بننے کے بعد خود اپنی کنسلٹنسی فرم قائم کرنے کے لیے پْرعزم ہیں۔

انکامزیدکہنا تھا کہ اِس امتحان کو پاس کرنے کے بعد دنیا بھر میں لوگوں کیلیے انتہائی پر وقار اور تسلی بخش کیرئیر کے مواقعوں کے دروازے کھل جاتے ہیں۔

سماجی رابطے کی ویب سائٹ انسٹاگرام پر انہوں نے انسٹاگرام صارفین کو مبارکباد اور حوصلہ افزائی کرنے پر شکریہ ادا کیا۔

کیلی فورنیا: سماجی رابطے کی سب سے بڑی ویب سائٹ فیس بک آئندہ برس 2022 تک اسمارٹ واچ تیار کرلے گی۔

عالمی خبر رساں ادارے رائٹرز کی خصوصی رپورٹ کے مطابق سماجی رابطے کی ویب سائٹ فیس بک نے اب ہارڈ ویئر کے میدان میں بھی قدم رکھتے ہوئےاسمارٹ واچ لانچ کرنے کا فیصلہ کیا ہے۔

فیس بک کی اسمارٹ واچ کے ذریعے صارفین صحت اور فٹنس کے اداروں سے براہ راست منسلک ہوسکتے ہیںجس کی وجہ سے مارکیٹ میں دستیاب دیگر اسمارٹ واچز کے مقابلے میں اس حوالے سبقت حاصل ہے ۔

فیس بک کی اسمارٹ واچ اپنے حریفوں کو سخت مقابلہ دینے کے لیےاگلےبرس سے مارکیٹ میں دستیاب ہوگی جب کہ یہ موبائل سروس سے بھی منسلک رہے گی۔

اگرچہ اس رپورٹ پر فیس بک کی جانب سے کسی قسم کا تبصرہ سامنے نہیں آیا ہے تاہم مارکیٹ میں پہلے ہی فیس بک اسمارٹ واچ کی دھوم مچ گئی ہے۔

بمبئی: انسٹاگرام نےاپنےلائیواسٹریمنگ کے شوقین صارفین کےلئے بڑی تبدیلی کافیصلہ کیاہے۔

نے اعلان کیا ہے کہ اگلے چند ہفتوں میں وہ ایک سے زائد افراد کی لائیواسٹریمنگ سہولت پیش کررہا ہے۔

انسٹاگرام کے سربراہ ایڈم میسوری کاکہنا ہے کہ ان کا پلیٹ فارم بہت جلدچار افراد (ایک میزبان اور تین مہمان) کے درمیان لائیواسٹریمنگ کی سہولت پیش کرے گا۔ بیان کے مطابق یہ مکمل طورپرلائیو ویڈیو سہولت ہوگی۔ اپنے ایک انٹرویو میں ایڈم نے کہا کہ یہ انسٹاگرام کا ایک نیا پہلو ہے لیکن اتنا نیا بھی نہیں ہے۔

ان کا اشارہ اس ٹیسٹنگ کی طرف ہے جو دسمبر 2020 سے انڈیا میں کی جارہی ہے۔ انسٹاگرام کے مطابق بھارتی مارکیٹ میں ان کے پلیٹ فارم پراس آپشن کا تقاضہ کیا جارہا ہے۔ اس کی وجہ ٹِک ٹاک پر لگائی جانے والی پابندی ہے اور انسٹاگرام بھی اس سے فائدہ اٹھاکر بھارت میں اپنی موجودگی بڑھانا چاہتا ہے۔ لیکن بھارتی لائیواسٹریمنگ میں دلچسپی رکھتے ہیں۔
بعض تجزیہ کاروں کے مطابق 2020 میں صرف بھارت میں انسٹاگرام کے استعمال میں 60 فیصد اضافہ ہوا ہے اور اب ایک وقت میں ایک سے زائد افراد کی لائیو اسٹریمنگ سے یہ دائرہ مزید پھیلے گا۔

اس وقت انسٹاگرام پردوافراد ہی لائیو ہوکر گفتگو کرسکتے ہیں اور اگلے چند ہفتوں میں چار افراد حقیقی وقت میں ایک دوسرے سے بات کرسکیں گے۔

کراچی:ثانوی تعلیمی بورڈ کراچی نےطلبہ کی سہولت کومدِنظررکھتےہوئےامتحانی فارم جمع کرانےکی نئی تاریخ کااعلان کردیا۔

ثانوی تعلیمی بورڈ کراچی نےنویں اور دسویں جنرل و سائنس گروپ کے ریگولر و پرائیوٹ کے سالانہ امتحانی فارم برائے 2021جمع کرانے کی تاریخ میں توسیع کردی ہے۔

ثانوی تعلیمی بورڈ کراچی کے جاری کردہ اعلامیہ کے مطابق چیئرمین سید شرف علی شاہ کی خصوصی ہدایت پر ناظم امتحانات عبدالرزاق ڈیپرنےنویں اور دسویں جنرل و سائنس گروپ کے ریگولر و پرائیوٹ کے سالانہ امتحانی فارم برائے 2021 لیٹ فیس کے ساتھ30 اپریل تک توسیع کردی ہے۔

نہم جماعت کے امتحانی فارم کی لیٹ فیس 800 روپے اور دہم جماعت کے امتحانی فارم کی لیٹ فیس 500 روپے مقرر کی ہے۔

لاہور:پنجاب کریکولم اینڈٹیکسٹ بک بورڈنےنصابی کتب کی تیاری کاآغازکردیاہے۔

یکساں قومی نصاب کے مطابق پنجاب کریکولم اینڈ ٹیکسٹ بک بورڈ کے زیر اہتمام نرسری تا پانچویں جماعت تک نصابی کتب کی تیاری کا آغاز کر دیا گیا ہے۔

سنگل نیشنل کوریکولم کے حوالےسےصوبائی اورعلاقائی حکومتوں کومراسلہ جاری

پی سی ٹی بی ترجمان کا کہنا ہے کہ وزیر اعظم کے ایک قوم، ایک نصاب کے ویژن کو وزیر تعلیم کی ہدایات کی روشنی میں عملی شکل دی جا رہی ہے۔

حکومت ِسندھ کی“ایک قوم ایک نصاب” (سنگل نیشنل کریکولم) کی مخالفت

نصابی کتب کی رجسٹریشن کے لئے مقررہ تاریخ 15 فروری 2021ء میں یکم مارچ 2021ء تک توسیع کردی گئی ہے ۔

لاہور:ٹی 20 انٹر نیشنل کرکٹ میں پاکستان نےبڑااعزازاہنےنام کرلیا۔

پاکستان نے جنوبی افریقہ کےخلاف ٹی ٹوئنٹی سیریز میں شاندار کامیابی کے بعدایک نیا اعزاز اپنے نام کرلیا۔

ٹی 20 انٹر نیشنل کرکٹ میں پاکستان کی فتوحات کی سنچری مکمل ہوگئی ہے

جس کے بعد پاکستان ٹی ٹوئنٹی کرکٹ میں فتوحات کی سنچری مکمل کرنے والا پہلاملک بن گیا۔

لاہور:جنوبی افریقہ اورپاکستان کےفیصلہ کن ٹی20میچ میں شاہینوں نےپروٹیزکو4وکٹوں سےشکست دےدی۔

تفصیلات کےمطابق لاہورکے قذافی اسٹیڈیم میںکھیلے گئے تیسرے اور فیصلہ کُن ٹی ٹوئنٹی میچ میں پاکستان نے 165 رنز کا ہدف حاصل کرتے ہوئے جنوبی افریقا کو 4 وکٹوںسےمات دی۔

قومی ٹیم کی جانب سےمحمد رضواناور حیدر علی نے اننگز کا آغاز کیا۔ پاکستان کی پہلی وکٹ 51 رنز پر گری جس میں حیدر علی 15 رنز بناکر آؤٹ ہوگئے۔ دوسری وکٹ 73 رنز پر گری اور محمد رضوان 42 رنز پر شمسی کے ہاتھوں آؤٹ ہوئے، ان کے بعد حسین طلعت آئے اور 5 رنز پر پویلین لوٹ گئے جب کہ کپتان بابر اعظم 44 رنز بنا کر پریٹوریئس کے ہاتھوں آؤٹ ہوئے۔
دیگر کھلاڑیوں میں آصف علی 7 اور فہیم اشرف 10 رنز پر پویلین لوٹ گئے۔

 پاکستان نے جنوبی افریقا کو پنڈی ٹیسٹ میں وائٹ واش کردیا

محمد رضوان کو سیریز کے بہترین کھلاڑی کا ایوارڈ دیا گیا، محمد رضوان نے تین میچوں میں 197 رنز بنائے ۔

واضح رہے پاکستان نے ٹاس جیت کر جنوبی افریقا کو بیٹنگ کی دعوت دی، جنہوں نے پاکستان کے خلاف مقررہ 20 اوورز میں 8 وکٹوں کے نقصان پر 164 رنز بنائے۔

جنوبی افریقا کی جانب سے ریزا ہنڈرکس اور جے جے سمٹس نے اننگز کا آغاز کیا تاہم دونوں بیٹسمین زیادہ دیر کریز پر نہ ٹک سکے اور محمد نواز نے دونوں کو پویلین کی راہ دکھائی۔

لاہور: پی ایس ایل کےچھٹے ایڈیشن کےلیےملتان سلطانزنےمحمدرضوان کوکپتان مقررکردیا۔

ملتان سلطانزپاکستان سپر لیگ کے پانچویں ایڈیشن میں پوائنٹس ٹیبل پر سرِ فہرست رہے مگر پلے آف میچز میں بہتر کارکردگی نہ دکھانےپر ایونٹ سےباہر ہوگئے۔

اس وقت دوسری جانب وکٹ کیپر و بیٹسمین محمد رضوان کیریئر کی بہترین فارم میں ہیں، فرنچائز نے ان کی قائدانہ صلاحیتوں سے بھی فائدہ اٹھانے کا فیصلہ کیا

اس خبرکوبھی پڑھیئے : پاکستان سپر لیگ 6 کی تیاریاں عروج پر

ملتان سلطانز کے مالک عالمگیر ترین نےکہاہے کہ محمد رضوان نے ڈومیسٹک کے بعد انٹرنیشنل کرکٹ میں بطور کپتان اپنی صلاحیتیں منوائی ہیں، ٹیم کی بہترین قیادت کرنے والے شان مسعود کا شکریہ ادا کرتے ہیں۔

اس خبرکوبھی پڑھیئے : لاہور کے لبرٹی چوک میں ٹرافی شائقین کی توجہ کا مرکز بن گئی

اس حوالے سے محمد رضوان کا کہنا ہے کہ ایونٹ میں بہترین کارکردگی دکھانے کی کوشش کریں گے۔ ملتان سلطانز کی قیادت کا منتظر ہوں سہیل تنویر، شاہد خان آفریدی اور شان مسعود جیسے سینئر کھلاڑیوں کا ساتھ میسر ہونا خوش آئند ہے ۔

کراچی: جامعہ کراچی نے جعلی مارکس شیٹ جمع کرانےپر داخلے منسوخ کردیئے۔

جامعہ کراچی کی انچارج ڈائریکٹوریٹ آف ایڈمیشنز ڈاکٹر صائمہ اختر کے مطابق04 طلبہ کا داخلہ جعلی مارکس شیٹ جمع کرانے کی بناء پر منسوخ کیا گیاہے۔

انہوں نے بتایاکہ بورڈ آف انٹرمیڈیٹ ایجوکیشن کراچی سے تصدیق کرانے پر داخلے برائے سال2021 ء مارننگ پروگرام کے 04 طلبہ کے داخلے منسوخ کردیئے گئے ہیں۔

تفصیلات کے مطابق شعبہ کیمیاء کے بی ایس سی (آنرز) کے سیف الرحمن ولد قیصر رحمن فارم نمبر362276 اور مزمل واحد ولد عبدالواحد مختارفارم نمبر357149 جبکہ شعبہ انگریزی بی اے(آنرز) کی آمنہ ارشد بنت حکیم سید ارشد حسین فارم نمبر352781 اور شعبہ ٹیچرایجوکیشن بی ایڈ(آنرز) کی عروج افسر بنت محمد افسرخان فارم نمبر349193 کی مارکس شیٹ جعلی ثابت ہوئی جس کی بناء پر ان کے داخلے فوری طورپر منسوخ کردیئے گئے ہیں۔

کراچی:جامعہ کراچی میں تمام ترتعلیمی سرگرمیاں معطل کردی گئی۔

جامعہ کراچی کے اسسٹنٹ پروفیسر پر آئی بی اےکےطلباءوگارڈزکےمبینہ تشددکےمعاملہ پر اساتذہ نے آئی بی اے کے مرکزی دروازے کے سامنے احتجاج کیا۔

احتجاج کرنے والےاساتذہ کا جامعہ کراچی کے استاد پر تشددکرنے والے آئی بی اےکےطلباء کو بے دخل کرنےکامطالبہ کیاہے۔

انہوں نے مزید کہاہے کہ آئی بی اے کی عمارت اوررقبےکو جامعہ کراچی کے حوالے کیا جائے ،جامعہ کراچی میں نجی اداروں کی تجاوزات کا خاتمہ کیا جائے۔

علاوہ ازیں جامعہ کراچی میں آج تدریسی عمل معطل ہونےکےساتھ ساتھ آج ہونےوالاپرچہ بھی منسوخ کردیاگیاہے۔